| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੨. ਦੁਤਿਯਪਾਰਾਜਿਕਂ
2. Dutiyapārājikaṃ
੮੪. ਤੇਨ ਸਮਯੇਨ ਬੁਦ੍ਧੋ ਭਗવਾ ਰਾਜਗਹੇ વਿਹਰਤਿ ਗਿਜ੍ਝਕੂਟੇ ਪਬ੍ਬਤੇ। ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਸਨ੍ਦਿਟ੍ਠਾ ਸਮ੍ਭਤ੍ਤਾ ਭਿਕ੍ਖੂ ਇਸਿਗਿਲਿਪਸ੍ਸੇ ਤਿਣਕੁਟਿਯੋ ਕਰਿਤ੍વਾ વਸ੍ਸਂ ਉਪਗਚ੍ਛਿਂਸੁ। ਆਯਸ੍ਮਾਪਿ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤਿਣਕੁਟਿਕਂ ਕਰਿਤ੍વਾ વਸ੍ਸਂ ਉਪਗਚ੍ਛਿ। ਅਥ ਖੋ ਤੇ ਭਿਕ੍ਖੂ વਸ੍ਸਂવੁਟ੍ਠਾ ਤੇਮਾਸਚ੍ਚਯੇਨ ਤਿਣਕੁਟਿਯੋ ਭਿਨ੍ਦਿਤ੍વਾ ਤਿਣਞ੍ਚ ਕਟ੍ਠਞ੍ਚ ਪਟਿਸਾਮੇਤ੍વਾ ਜਨਪਦਚਾਰਿਕਂ ਪਕ੍ਕਮਿਂਸੁ। ਆਯਸ੍ਮਾ ਪਨ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤਤ੍ਥੇવ વਸ੍ਸਂ વਸਿ, ਤਤ੍ਥ ਹੇਮਨ੍ਤਂ, ਤਤ੍ਥ ਗਿਮ੍ਹਂ। ਅਥ ਖੋ ਆਯਸ੍ਮਤੋ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਗਾਮਂ ਪਿਣ੍ਡਾਯ ਪવਿਟ੍ਠਸ੍ਸ ਤਿਣਹਾਰਿਯੋ ਕਟ੍ਠਹਾਰਿਯੋ ਤਿਣਕੁਟਿਕਂ ਭਿਨ੍ਦਿਤ੍વਾ ਤਿਣਞ੍ਚ ਕਟ੍ਠਞ੍ਚ ਆਦਾਯ ਅਗਮਂਸੁ। ਦੁਤਿਯਮ੍ਪਿ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤਿਣਞ੍ਚ ਕਟ੍ਠਞ੍ਚ ਸਂਕਡ੍ਢਿਤ੍વਾ ਤਿਣਕੁਟਿਕਂ ਅਕਾਸਿ। ਦੁਤਿਯਮ੍ਪਿ ਖੋ ਆਯਸ੍ਮਤੋ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਗਾਮਂ ਪਿਣ੍ਡਾਯ ਪવਿਟ੍ਠਸ੍ਸ ਤਿਣਹਾਰਿਯੋ ਕਟ੍ਠਹਾਰਿਯੋ ਤਿਣਕੁਟਿਕਂ ਭਿਨ੍ਦਿਤ੍વਾ ਤਿਣਞ੍ਚ ਕਟ੍ਠਞ੍ਚ ਆਦਾਯ ਅਗਮਂਸੁ। ਤਤਿਯਮ੍ਪਿ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤਿਣਞ੍ਚ ਕਟ੍ਠਞ੍ਚ ਸਂਕਡ੍ਢਿਤ੍વਾ ਤਿਣਕੁਟਿਕਂ ਅਕਾਸਿ। ਤਤਿਯਮ੍ਪਿ ਖੋ ਆਯਸ੍ਮਤੋ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਗਾਮਂ ਪਿਣ੍ਡਾਯ ਪવਿਟ੍ਠਸ੍ਸ ਤਿਣਹਾਰਿਯੋ ਕਟ੍ਠਹਾਰਿਯੋ ਤਿਣਕੁਟਿਕਂ ਭਿਨ੍ਦਿਤ੍વਾ ਤਿਣਞ੍ਚ ਕਟ੍ਠਞ੍ਚ ਆਦਾਯ ਅਗਮਂਸੁ।
84. Tena samayena buddho bhagavā rājagahe viharati gijjhakūṭe pabbate. Tena kho pana samayena sambahulā sandiṭṭhā sambhattā bhikkhū isigilipasse tiṇakuṭiyo karitvā vassaṃ upagacchiṃsu. Āyasmāpi dhaniyo kumbhakāraputto tiṇakuṭikaṃ karitvā vassaṃ upagacchi. Atha kho te bhikkhū vassaṃvuṭṭhā temāsaccayena tiṇakuṭiyo bhinditvā tiṇañca kaṭṭhañca paṭisāmetvā janapadacārikaṃ pakkamiṃsu. Āyasmā pana dhaniyo kumbhakāraputto tattheva vassaṃ vasi, tattha hemantaṃ, tattha gimhaṃ. Atha kho āyasmato dhaniyassa kumbhakāraputtassa gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Dutiyampi kho āyasmā dhaniyo kumbhakāraputto tiṇañca kaṭṭhañca saṃkaḍḍhitvā tiṇakuṭikaṃ akāsi. Dutiyampi kho āyasmato dhaniyassa kumbhakāraputtassa gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Tatiyampi kho āyasmā dhaniyo kumbhakāraputto tiṇañca kaṭṭhañca saṃkaḍḍhitvā tiṇakuṭikaṃ akāsi. Tatiyampi kho āyasmato dhaniyassa kumbhakāraputtassa gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu.
ਅਥ ਖੋ ਆਯਸ੍ਮਤੋ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਏਤਦਹੋਸਿ – ‘‘ਯਾવਤਤਿਯਕਂ ਖੋ ਮੇ ਗਾਮਂ ਪਿਣ੍ਡਾਯ ਪવਿਟ੍ਠਸ੍ਸ ਤਿਣਹਾਰਿਯੋ ਕਟ੍ਠਹਾਰਿਯੋ ਤਿਣਕੁਟਿਕਂ ਭਿਨ੍ਦਿਤ੍વਾ ਤਿਣਞ੍ਚ ਕਟ੍ਠਞ੍ਚ ਆਦਾਯ ਅਗਮਂਸੁ। ਅਹਂ ਖੋ ਪਨ ਸੁਸਿਕ੍ਖਿਤੋ ਅਨવਯੋ ਸਕੇ ਆਚਰਿਯਕੇ ਕੁਮ੍ਭਕਾਰਕਮ੍ਮੇ ਪਰਿਯੋਦਾਤਸਿਪ੍ਪੋ । ਯਂਨੂਨਾਹਂ ਸਾਮਂ ਚਿਕ੍ਖਲ੍ਲਂ ਮਦ੍ਦਿਤ੍વਾ ਸਬ੍ਬਮਤ੍ਤਿਕਾਮਯਂ ਕੁਟਿਕਂ ਕਰੇਯ੍ਯ’’ਨ੍ਤਿ! ਅਥ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਸਾਮਂ ਚਿਕ੍ਖਲ੍ਲਂ ਮਦ੍ਦਿਤ੍વਾ ਸਬ੍ਬਮਤ੍ਤਿਕਾਮਯਂ ਕੁਟਿਕਂ ਕਰਿਤ੍વਾ ਤਿਣਞ੍ਚ ਕਟ੍ਠਞ੍ਚ ਗੋਮਯਞ੍ਚ ਸਂਕਡ੍ਢਿਤ੍વਾ ਤਂ ਕੁਟਿਕਂ ਪਚਿ। ਸਾ ਅਹੋਸਿ ਕੁਟਿਕਾ ਅਭਿਰੂਪਾ ਦਸ੍ਸਨੀਯਾ ਪਾਸਾਦਿਕਾ ਲੋਹਿਤਿਕਾ 1, ਸੇਯ੍ਯਥਾਪਿ ਇਨ੍ਦਗੋਪਕੋ। ਸੇਯ੍ਯਥਾਪਿ ਨਾਮ ਕਿਙ੍ਕਣਿਕਸਦ੍ਦੋ 2 ਏવਮੇવਂ ਤਸ੍ਸਾ ਕੁਟਿਕਾਯ ਸਦ੍ਦੋ ਅਹੋਸਿ।
Atha kho āyasmato dhaniyassa kumbhakāraputtassa etadahosi – ‘‘yāvatatiyakaṃ kho me gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Ahaṃ kho pana susikkhito anavayo sake ācariyake kumbhakārakamme pariyodātasippo . Yaṃnūnāhaṃ sāmaṃ cikkhallaṃ madditvā sabbamattikāmayaṃ kuṭikaṃ kareyya’’nti! Atha kho āyasmā dhaniyo kumbhakāraputto sāmaṃ cikkhallaṃ madditvā sabbamattikāmayaṃ kuṭikaṃ karitvā tiṇañca kaṭṭhañca gomayañca saṃkaḍḍhitvā taṃ kuṭikaṃ paci. Sā ahosi kuṭikā abhirūpā dassanīyā pāsādikā lohitikā 3, seyyathāpi indagopako. Seyyathāpi nāma kiṅkaṇikasaddo 4 evamevaṃ tassā kuṭikāya saddo ahosi.
੮੫. ਅਥ ਖੋ ਭਗવਾ ਸਮ੍ਬਹੁਲੇਹਿ ਭਿਕ੍ਖੂਹਿ ਸਦ੍ਧਿਂ ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸ ਤਂ ਕੁਟਿਕਂ ਅਭਿਰੂਪਂ ਦਸ੍ਸਨੀਯਂ ਪਾਸਾਦਿਕਂ ਲੋਹਿਤਿਕਂ। ਦਿਸ੍વਾਨ ਭਿਕ੍ਖੂ ਆਮਨ੍ਤੇਸਿ – ‘‘ਕਿਂ ਏਤਂ, ਭਿਕ੍ਖવੇ, ਅਭਿਰੂਪਂ ਦਸ੍ਸਨੀਯਂ ਪਾਸਾਦਿਕਂ ਲੋਹਿਤਿਕਂ, ਸੇਯ੍ਯਥਾਪਿ ਇਨ੍ਦਗੋਪਕੋ’’ਤਿ? ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। વਿਗਰਹਿ ਬੁਦ੍ਧੋ ਭਗવਾ – ‘‘ਅਨਨੁਚ੍ਛવਿਕਂ, ਭਿਕ੍ਖવੇ, ਤਸ੍ਸ ਮੋਘਪੁਰਿਸਸ੍ਸ ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ ਸੋ, ਭਿਕ੍ਖવੇ, ਮੋਘਪੁਰਿਸੋ ਸਬ੍ਬਮਤ੍ਤਿਕਾਮਯਂ ਕੁਟਿਕਂ ਕਰਿਸ੍ਸਤਿ! ਨ ਹਿ ਨਾਮ, ਭਿਕ੍ਖવੇ, ਤਸ੍ਸ ਮੋਘਪੁਰਿਸਸ੍ਸ ਪਾਣੇਸੁ ਅਨੁਦ੍ਦਯਾ ਅਨੁਕਮ੍ਪਾ ਅવਿਹੇਸਾ ਭવਿਸ੍ਸਤਿ! ਗਚ੍ਛਥੇਤਂ, ਭਿਕ੍ਖવੇ, ਕੁਟਿਕਂ ਭਿਨ੍ਦਥ। ਮਾ ਪਚ੍ਛਿਮਾ ਜਨਤਾ ਪਾਣੇਸੁ ਪਾਤਬ੍ਯਤਂ ਆਪਜ੍ਜਿ। ਨ ਚ, ਭਿਕ੍ਖવੇ, ਸਬ੍ਬਮਤ੍ਤਿਕਾਮਯਾ ਕੁਟਿਕਾ ਕਾਤਬ੍ਬਾ। ਯੋ ਕਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ। ‘‘ਏવਂ, ਭਨ੍ਤੇ’’ਤਿ, ਖੋ ਤੇ ਭਿਕ੍ਖੂ ਭਗવਤੋ ਪਟਿਸ੍ਸੁਣਿਤ੍વਾ ਯੇਨ ਸਾ ਕੁਟਿਕਾ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਤਂ ਕੁਟਿਕਂ ਭਿਨ੍ਦਿਂਸੁ। ਅਥ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤੇ ਭਿਕ੍ਖੂ ਏਤਦવੋਚ – ‘‘ਕਿਸ੍ਸ ਮੇ ਤੁਮ੍ਹੇ, ਆવੁਸੋ, ਕੁਟਿਕਂ ਭਿਨ੍ਦਥਾ’’ਤਿ? ‘‘ਭਗવਾ, ਆવੁਸੋ, ਭੇਦਾਪੇਤੀ’’ਤਿ। ‘‘ਭਿਨ੍ਦਥਾવੁਸੋ, ਸਚੇ ਧਮ੍ਮਸ੍ਸਾਮੀ ਭੇਦਾਪੇਤੀ’’ਤਿ।
85. Atha kho bhagavā sambahulehi bhikkhūhi saddhiṃ gijjhakūṭā pabbatā orohanto addasa taṃ kuṭikaṃ abhirūpaṃ dassanīyaṃ pāsādikaṃ lohitikaṃ. Disvāna bhikkhū āmantesi – ‘‘kiṃ etaṃ, bhikkhave, abhirūpaṃ dassanīyaṃ pāsādikaṃ lohitikaṃ, seyyathāpi indagopako’’ti? Atha kho te bhikkhū bhagavato etamatthaṃ ārocesuṃ. Vigarahi buddho bhagavā – ‘‘ananucchavikaṃ, bhikkhave, tassa moghapurisassa ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma so, bhikkhave, moghapuriso sabbamattikāmayaṃ kuṭikaṃ karissati! Na hi nāma, bhikkhave, tassa moghapurisassa pāṇesu anuddayā anukampā avihesā bhavissati! Gacchathetaṃ, bhikkhave, kuṭikaṃ bhindatha. Mā pacchimā janatā pāṇesu pātabyataṃ āpajji. Na ca, bhikkhave, sabbamattikāmayā kuṭikā kātabbā. Yo kareyya, āpatti dukkaṭassā’’ti. ‘‘Evaṃ, bhante’’ti, kho te bhikkhū bhagavato paṭissuṇitvā yena sā kuṭikā tenupasaṅkamiṃsu; upasaṅkamitvā taṃ kuṭikaṃ bhindiṃsu. Atha kho āyasmā dhaniyo kumbhakāraputto te bhikkhū etadavoca – ‘‘kissa me tumhe, āvuso, kuṭikaṃ bhindathā’’ti? ‘‘Bhagavā, āvuso, bhedāpetī’’ti. ‘‘Bhindathāvuso, sace dhammassāmī bhedāpetī’’ti.
੮੬. ਅਥ ਖੋ ਆਯਸ੍ਮਤੋ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਏਤਦਹੋਸਿ – ‘‘ਯਾવਤਤਿਯਕਂ ਖੋ ਮੇ ਗਾਮਂ ਪਿਣ੍ਡਾਯ ਪવਿਟ੍ਠਸ੍ਸ ਤਿਣਹਾਰਿਯੋ ਕਟ੍ਠਹਾਰਿਯੋ ਤਿਣਕੁਟਿਕਂ ਭਿਨ੍ਦਿਤ੍વਾ ਤਿਣਞ੍ਚ ਕਟ੍ਠਞ੍ਚ ਆਦਾਯ ਅਗਮਂਸੁ। ਯਾਪਿ ਮਯਾ ਸਬ੍ਬਮਤ੍ਤਿਕਾਮਯਾ ਕੁਟਿਕਾ ਕਤਾ ਸਾਪਿ ਭਗવਤਾ ਭੇਦਾਪਿਤਾ। ਅਤ੍ਥਿ ਚ ਮੇ ਦਾਰੁਗਹੇ ਗਣਕੋ ਸਨ੍ਦਿਟ੍ਠੋ। ਯਂਨੂਨਾਹਂ ਦਾਰੁਗਹੇ ਗਣਕਂ ਦਾਰੂਨਿ ਯਾਚਿਤ੍વਾ ਦਾਰੁਕੁਟਿਕਂ ਕਰੇਯ੍ਯ’’ਨ੍ਤਿ। ਅਥ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਯੇਨ ਦਾਰੁਗਹੇ ਗਣਕੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਦਾਰੁਗਹੇ ਗਣਕਂ ਏਤਦવੋਚ – ‘‘ਯਾવਤਤਿਯਕਂ ਖੋ ਮੇ, ਆવੁਸੋ, ਗਾਮਂ ਪਿਣ੍ਡਾਯ ਪવਿਟ੍ਠਸ੍ਸ ਤਿਣਹਾਰਿਯੋ ਕਟ੍ਠਹਾਰਿਯੋ ਤਿਣਕੁਟਿਕਂ ਭਿਨ੍ਦਿਤ੍વਾ ਤਿਣਞ੍ਚ ਕਟ੍ਠਞ੍ਚ ਆਦਾਯ ਅਗਮਂਸੁ। ਯਾਪਿ ਮਯਾ ਸਬ੍ਬਮਤ੍ਤਿਕਾਮਯਾ ਕੁਟਿਕਾ ਕਤਾ ਸਾਪਿ ਭਗવਤਾ ਭੇਦਾਪਿਤਾ । ਦੇਹਿ ਮੇ, ਆવੁਸੋ, ਦਾਰੂਨਿ। ਇਚ੍ਛਾਮਿ ਦਾਰੁਕੁਟਿਕਂ 5 ਕਾਤੁ’’ਨ੍ਤਿ। ‘‘ਨਤ੍ਥਿ, ਭਨ੍ਤੇ, ਤਾਦਿਸਾਨਿ ਦਾਰੂਨਿ ਯਾਨਾਹਂ ਅਯ੍ਯਸ੍ਸ ਦਦੇਯ੍ਯਂ। ਅਤ੍ਥਿ , ਭਨ੍ਤੇ, ਦੇવਗਹਦਾਰੂਨਿ ਨਗਰਪਟਿਸਙ੍ਖਾਰਿਕਾਨਿ ਆਪਦਤ੍ਥਾਯ ਨਿਕ੍ਖਿਤ੍ਤਾਨਿ। ਸਚੇ ਤਾਨਿ ਦਾਰੂਨਿ ਰਾਜਾ ਦਾਪੇਤਿ ਹਰਾਪੇਥ, ਭਨ੍ਤੇ’’ਤਿ। ‘‘ਦਿਨ੍ਨਾਨਿ, ਆવੁਸੋ, ਰਞ੍ਞਾ’’ਤਿ। ਅਥ ਖੋ ਦਾਰੁਗਹੇ ਗਣਕਸ੍ਸ ਏਤਦਹੋਸਿ – ‘‘ਇਮੇ ਖੋ ਸਮਣਾ ਸਕ੍ਯਪੁਤ੍ਤਿਯਾ ਧਮ੍ਮਚਾਰਿਨੋ ਸਮਚਾਰਿਨੋ 6 ਬ੍ਰਹ੍ਮਚਾਰਿਨੋ ਸਚ੍ਚવਾਦਿਨੋ ਸੀਲવਨ੍ਤੋ ਕਲ੍ਯਾਣਧਮ੍ਮਾ। ਰਾਜਾਪਿਮੇਸਂ ਅਭਿਪ੍ਪਸਨ੍ਨੋ। ਨਾਰਹਤਿ ਅਦਿਨ੍ਨਂ ਦਿਨ੍ਨਨ੍ਤਿ વਤ੍ਤੁ’’ਨ੍ਤਿ। ਅਥ ਖੋ ਦਾਰੁਗਹੇ ਗਣਕੋ ਆਯਸ੍ਮਨ੍ਤਂ ਧਨਿਯਂ ਕੁਮ੍ਭਕਾਰਪੁਤ੍ਤਂ ਏਤਦવੋਚ – ‘‘ਹਰਾਪੇਥ, ਭਨ੍ਤੇ’’ਤਿ। ਅਥ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤਾਨਿ ਦਾਰੂਨਿ ਖਣ੍ਡਾਖਣ੍ਡਿਕਂ ਛੇਦਾਪੇਤ੍વਾ ਸਕਟੇਹਿ ਨਿਬ੍ਬਾਹਾਪੇਤ੍વਾ ਦਾਰੁਕੁਟਿਕਂ ਅਕਾਸਿ।
86. Atha kho āyasmato dhaniyassa kumbhakāraputtassa etadahosi – ‘‘yāvatatiyakaṃ kho me gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Yāpi mayā sabbamattikāmayā kuṭikā katā sāpi bhagavatā bhedāpitā. Atthi ca me dārugahe gaṇako sandiṭṭho. Yaṃnūnāhaṃ dārugahe gaṇakaṃ dārūni yācitvā dārukuṭikaṃ kareyya’’nti. Atha kho āyasmā dhaniyo kumbhakāraputto yena dārugahe gaṇako tenupasaṅkami; upasaṅkamitvā dārugahe gaṇakaṃ etadavoca – ‘‘yāvatatiyakaṃ kho me, āvuso, gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Yāpi mayā sabbamattikāmayā kuṭikā katā sāpi bhagavatā bhedāpitā . Dehi me, āvuso, dārūni. Icchāmi dārukuṭikaṃ 7 kātu’’nti. ‘‘Natthi, bhante, tādisāni dārūni yānāhaṃ ayyassa dadeyyaṃ. Atthi , bhante, devagahadārūni nagarapaṭisaṅkhārikāni āpadatthāya nikkhittāni. Sace tāni dārūni rājā dāpeti harāpetha, bhante’’ti. ‘‘Dinnāni, āvuso, raññā’’ti. Atha kho dārugahe gaṇakassa etadahosi – ‘‘ime kho samaṇā sakyaputtiyā dhammacārino samacārino 8 brahmacārino saccavādino sīlavanto kalyāṇadhammā. Rājāpimesaṃ abhippasanno. Nārahati adinnaṃ dinnanti vattu’’nti. Atha kho dārugahe gaṇako āyasmantaṃ dhaniyaṃ kumbhakāraputtaṃ etadavoca – ‘‘harāpetha, bhante’’ti. Atha kho āyasmā dhaniyo kumbhakāraputto tāni dārūni khaṇḍākhaṇḍikaṃ chedāpetvā sakaṭehi nibbāhāpetvā dārukuṭikaṃ akāsi.
੮੭. ਅਥ ਖੋ વਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਰਾਜਗਹੇ ਕਮ੍ਮਨ੍ਤੇ ਅਨੁਸਞ੍ਞਾਯਮਾਨੋ ਯੇਨ ਦਾਰੁਗਹੇ ਗਣਕੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਦਾਰੁਗਹੇ ਗਣਕਂ ਏਤਦવੋਚ – ‘‘ਯਾਨਿ ਤਾਨਿ, ਭਣੇ, ਦੇવਗਹਦਾਰੂਨਿ ਨਗਰਪਟਿਸਙ੍ਖਾਰਿਕਾਨਿ ਆਪਦਤ੍ਥਾਯ ਨਿਕ੍ਖਿਤ੍ਤਾਨਿ ਕਹਂ ਤਾਨਿ ਦਾਰੂਨੀ’’ਤਿ? ‘‘ਤਾਨਿ, ਸਾਮਿ, ਦਾਰੂਨਿ ਦੇવੇਨ ਅਯ੍ਯਸ੍ਸ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਦਿਨ੍ਨਾਨੀ’’ਤਿ। ਅਥ ਖੋ વਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਅਨਤ੍ਤਮਨੋ ਅਹੋਸਿ – ‘‘ਕਥਞ੍ਹਿ ਨਾਮ ਦੇવੋ ਦੇવਗਹਦਾਰੂਨਿ ਨਗਰਪਟਿਸਙ੍ਖਾਰਿਕਾਨਿ ਆਪਦਤ੍ਥਾਯ ਨਿਕ੍ਖਿਤ੍ਤਾਨਿ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਦਸ੍ਸਤੀ’’ਤਿ! ਅਥ ਖੋ વਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਯੇਨ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਰਾਜਾਨਂ ਮਾਗਧਂ ਸੇਨਿਯਂ ਬਿਮ੍ਬਿਸਾਰਂ ਏਤਦવੋਚ – ‘‘ਸਚ੍ਚਂ ਕਿਰ, ਦੇવੇਨ 9 ਦੇવਗਹਦਾਰੂਨਿ ਨਗਰਪਟਿਸਙ੍ਖਾਰਿਕਾਨਿ ਆਪਦਤ੍ਥਾਯ ਨਿਕ੍ਖਿਤ੍ਤਾਨਿ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਦਿਨ੍ਨਾਨੀ’’ਤਿ? ‘‘ਕੋ ਏવਮਾਹਾ’’ਤਿ? ‘‘ਦਾਰੁਗਹੇ ਗਣਕੋ, ਦੇવਾ’’ਤਿ। ‘‘ਤੇਨ ਹਿ, ਬ੍ਰਾਹ੍ਮਣ, ਦਾਰੁਗਹੇ ਗਣਕਂ ਆਣਾਪੇਹੀ’’ਤਿ। ਅਥ ਖੋ વਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਦਾਰੁਗਹੇ ਗਣਕਂ ਬਨ੍ਧਂ 10 ਆਣਾਪੇਸਿ। ਅਦ੍ਦਸ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਦਾਰੁਗਹੇ ਗਣਕਂ ਬਨ੍ਧਂ ਨਿਯ੍ਯਮਾਨਂ। ਦਿਸ੍વਾਨ ਦਾਰੁਗਹੇ ਗਣਕਂ ਏਤਦવੋਚ – ‘‘ਕਿਸ੍ਸ ਤ੍વਂ, ਆવੁਸੋ, ਬਨ੍ਧੋ ਨਿਯ੍ਯਾਸੀ’’ਤਿ? ‘‘ਤੇਸਂ, ਭਨ੍ਤੇ, ਦਾਰੂਨਂ ਕਿਚ੍ਚਾ’’ਤਿ। ‘‘ਗਚ੍ਛਾવੁਸੋ, ਅਹਮ੍ਪਿ ਆਗਚ੍ਛਾਮੀ’’ਤਿ। ‘‘ਏਯ੍ਯਾਸਿ, ਭਨ੍ਤੇ, ਪੁਰਾਹਂ ਹਞ੍ਞਾਮੀ’’ਤਿ।
87. Atha kho vassakāro brāhmaṇo magadhamahāmatto rājagahe kammante anusaññāyamāno yena dārugahe gaṇako tenupasaṅkami; upasaṅkamitvā dārugahe gaṇakaṃ etadavoca – ‘‘yāni tāni, bhaṇe, devagahadārūni nagarapaṭisaṅkhārikāni āpadatthāya nikkhittāni kahaṃ tāni dārūnī’’ti? ‘‘Tāni, sāmi, dārūni devena ayyassa dhaniyassa kumbhakāraputtassa dinnānī’’ti. Atha kho vassakāro brāhmaṇo magadhamahāmatto anattamano ahosi – ‘‘kathañhi nāma devo devagahadārūni nagarapaṭisaṅkhārikāni āpadatthāya nikkhittāni dhaniyassa kumbhakāraputtassa dassatī’’ti! Atha kho vassakāro brāhmaṇo magadhamahāmatto yena rājā māgadho seniyo bimbisāro tenupasaṅkami; upasaṅkamitvā rājānaṃ māgadhaṃ seniyaṃ bimbisāraṃ etadavoca – ‘‘saccaṃ kira, devena 11 devagahadārūni nagarapaṭisaṅkhārikāni āpadatthāya nikkhittāni dhaniyassa kumbhakāraputtassa dinnānī’’ti? ‘‘Ko evamāhā’’ti? ‘‘Dārugahe gaṇako, devā’’ti. ‘‘Tena hi, brāhmaṇa, dārugahe gaṇakaṃ āṇāpehī’’ti. Atha kho vassakāro brāhmaṇo magadhamahāmatto dārugahe gaṇakaṃ bandhaṃ 12 āṇāpesi. Addasa kho āyasmā dhaniyo kumbhakāraputto dārugahe gaṇakaṃ bandhaṃ niyyamānaṃ. Disvāna dārugahe gaṇakaṃ etadavoca – ‘‘kissa tvaṃ, āvuso, bandho niyyāsī’’ti? ‘‘Tesaṃ, bhante, dārūnaṃ kiccā’’ti. ‘‘Gacchāvuso, ahampi āgacchāmī’’ti. ‘‘Eyyāsi, bhante, purāhaṃ haññāmī’’ti.
੮੮. ਅਥ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਯੇਨ ਰਞ੍ਞੋ ਮਾਗਧਸ੍ਸ ਸੇਨਿਯਸ੍ਸ ਬਿਮ੍ਬਿਸਾਰਸ੍ਸ ਨਿવੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਪਞ੍ਞਤ੍ਤੇ ਆਸਨੇ ਨਿਸੀਦਿ। ਅਥ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਯੇਨਾਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਧਨਿਯਂ ਕੁਮ੍ਭਕਾਰਪੁਤ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਆਯਸ੍ਮਨ੍ਤਂ ਧਨਿਯਂ ਕੁਮ੍ਭਕਾਰਪੁਤ੍ਤਂ ਏਤਦવੋਚ – ‘‘ਸਚ੍ਚਂ ਕਿਰ ਮਯਾ, ਭਨ੍ਤੇ, ਦੇવਗਹਦਾਰੂਨਿ ਨਗਰਪਟਿਸਙ੍ਖਾਰਿਕਾਨਿ ਆਪਦਤ੍ਥਾਯ ਨਿਕ੍ਖਿਤ੍ਤਾਨਿ ਅਯ੍ਯਸ੍ਸ ਦਿਨ੍ਨਾਨੀ’’ਤਿ? ‘‘ਏવਂ, ਮਹਾਰਾਜਾ’’ਤਿ। ‘‘ਮਯਂ ਖੋ, ਭਨ੍ਤੇ, ਰਾਜਾਨੋ ਨਾਮ ਬਹੁਕਿਚ੍ਚਾ ਬਹੁਕਰਣੀਯਾ, ਦਤ੍વਾਪਿ ਨ ਸਰੇਯ੍ਯਾਮ; ਇਙ੍ਘ, ਭਨ੍ਤੇ, ਸਰਾਪੇਹੀ’’ਤਿ। ‘‘ਸਰਸਿ ਤ੍વਂ, ਮਹਾਰਾਜ, ਪਠਮਾਭਿਸਿਤ੍ਤੋ ਏવਰੂਪਿਂ વਾਚਂ ਭਾਸਿਤਾ – ‘‘ਦਿਨ੍ਨਞ੍ਞੇવ ਸਮਣਬ੍ਰਾਹ੍ਮਣਾਨਂ ਤਿਣਕਟ੍ਠੋਦਕਂ ਪਰਿਭੁਞ੍ਜਨ੍ਤੂ’’ਤਿ। ‘‘ਸਰਾਮਹਂ, ਭਨ੍ਤੇ। ਸਨ੍ਤਿ, ਭਨ੍ਤੇ, ਸਮਣਬ੍ਰਾਹ੍ਮਣਾ ਲਜ੍ਜਿਨੋ ਕੁਕ੍ਕੁਚ੍ਚਕਾ ਸਿਕ੍ਖਾਕਾਮਾ। ਤੇਸਂ ਅਪ੍ਪਮਤ੍ਤਕੇਪਿ ਕੁਕ੍ਕੁਚ੍ਚਂ ਉਪ੍ਪਜ੍ਜਤਿ। ਤੇਸਂ ਮਯਾ ਸਨ੍ਧਾਯ ਭਾਸਿਤਂ, ਤਞ੍ਚ ਖੋ ਅਰਞ੍ਞੇ ਅਪਰਿਗ੍ਗਹਿਤਂ। ਸੋ ਤ੍વਂ, ਭਨ੍ਤੇ, ਤੇਨ ਲੇਸੇਨ ਦਾਰੂਨਿ ਅਦਿਨ੍ਨਂ ਹਰਿਤੁਂ ਮਞ੍ਞਸਿ! ਕਥਞ੍ਹਿ ਨਾਮ ਮਾਦਿਸੋ ਸਮਣਂ વਾ ਬ੍ਰਾਹ੍ਮਣਂ વਾ વਿਜਿਤੇ વਸਨ੍ਤਂ ਹਨੇਯ੍ਯ વਾ ਬਨ੍ਧੇਯ੍ਯ વਾ ਪਬ੍ਬਾਜੇਯ੍ਯ વਾ! ਗਚ੍ਛ, ਭਨ੍ਤੇ, ਲੋਮੇਨ ਤ੍વਂ ਮੁਤ੍ਤੋਸਿ। ਮਾਸ੍ਸੁ ਪੁਨਪਿ ਏવਰੂਪਂ ਅਕਾਸੀ’’ਤਿ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਅਲਜ੍ਜਿਨੋ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਦੁਸ੍ਸੀਲਾ ਮੁਸਾવਾਦਿਨੋ। ਇਮੇ ਹਿ ਨਾਮ ਧਮ੍ਮਚਾਰਿਨੋ ਸਮਚਾਰਿਨੋ ਬ੍ਰਾਹ੍ਮਚਾਰਿਨੋ ਸਚ੍ਚવਾਦਿਨੋ ਸੀਲવਨ੍ਤੋ ਕਲ੍ਯਾਣਧਮ੍ਮਾ ਪਟਿਜਾਨਿਸ੍ਸਨ੍ਤਿ! ਨਤ੍ਥਿ ਇਮੇਸਂ ਸਾਮਞ੍ਞਂ, ਨਤ੍ਥਿ ਇਮੇਸਂ ਬ੍ਰਹ੍ਮਞ੍ਞਂ। ਨਟ੍ਠਂ ਇਮੇਸਂ ਸਾਮਞ੍ਞਂ, ਨਟ੍ਠਂ ਇਮੇਸਂ ਬ੍ਰਹ੍ਮਞ੍ਞਂ। ਕੁਤੋ ਇਮੇਸਂ ਸਾਮਞ੍ਞਂ, ਕੁਤੋ ਇਮੇਸਂ ਬ੍ਰਹ੍ਮਞ੍ਞਂ! ਅਪਗਤਾ ਇਮੇ ਸਾਮਞ੍ਞਾ, ਅਪਗਤਾ ਇਮੇ ਬ੍ਰਹ੍ਮਞ੍ਞਾ। ਰਾਜਾਨਮ੍ਪਿ ਇਮੇ વਞ੍ਚੇਨ੍ਤਿ, ਕਿਂ ਪਨਞ੍ਞੇ ਮਨੁਸ੍ਸੇ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ વਿਪਾਚੇਨ੍ਤਾਨਂ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ ਸਨ੍ਤੁਟ੍ਠਾ ਲਜ੍ਜਿਨੋ ਕੁਕ੍ਕੁਚ੍ਚਕਾ ਸਿਕ੍ਖਾਕਾਮਾ ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਰਞ੍ਞੋ ਦਾਰੂਨਿ ਅਦਿਨ੍ਨਂ ਆਦਿਯਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਧਨਿਯਂ ਕੁਮ੍ਭਕਾਰਪੁਤ੍ਤਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍વਾ ਆਯਸ੍ਮਨ੍ਤਂ ਧਨਿਯਂ ਕੁਮ੍ਭਕਾਰਪੁਤ੍ਤਂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤ੍વਂ, ਧਨਿਯ, ਰਞ੍ਞੋ ਦਾਰੂਨਿ ਅਦਿਨ੍ਨਂ ਆਦਿਯੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ – ‘‘ਅਨਨੁਚ੍ਛવਿਕਂ, ਮੋਘਪੁਰਿਸ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ , ਰਞ੍ਞੋ ਦਾਰੂਨਿ ਅਦਿਨ੍ਨਂ ਆਦਿਯਿਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ ਪਸਨ੍ਨਾਨਂ વਾ ਭਿਯ੍ਯੋਭਾવਾਯ; ਅਥਖ੍વੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਞ੍ਚੇવ ਅਪ੍ਪਸਾਦਾਯ ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਾਯਾ’’ਤਿ।
88. Atha kho āyasmā dhaniyo kumbhakāraputto yena rañño māgadhassa seniyassa bimbisārassa nivesanaṃ tenupasaṅkami; upasaṅkamitvā paññatte āsane nisīdi. Atha kho rājā māgadho seniyo bimbisāro yenāyasmā dhaniyo kumbhakāraputto tenupasaṅkami; upasaṅkamitvā āyasmantaṃ dhaniyaṃ kumbhakāraputtaṃ abhivādetvā ekamantaṃ nisīdi. Ekamantaṃ nisinno kho rājā māgadho seniyo bimbisāro āyasmantaṃ dhaniyaṃ kumbhakāraputtaṃ etadavoca – ‘‘saccaṃ kira mayā, bhante, devagahadārūni nagarapaṭisaṅkhārikāni āpadatthāya nikkhittāni ayyassa dinnānī’’ti? ‘‘Evaṃ, mahārājā’’ti. ‘‘Mayaṃ kho, bhante, rājāno nāma bahukiccā bahukaraṇīyā, datvāpi na sareyyāma; iṅgha, bhante, sarāpehī’’ti. ‘‘Sarasi tvaṃ, mahārāja, paṭhamābhisitto evarūpiṃ vācaṃ bhāsitā – ‘‘dinnaññeva samaṇabrāhmaṇānaṃ tiṇakaṭṭhodakaṃ paribhuñjantū’’ti. ‘‘Sarāmahaṃ, bhante. Santi, bhante, samaṇabrāhmaṇā lajjino kukkuccakā sikkhākāmā. Tesaṃ appamattakepi kukkuccaṃ uppajjati. Tesaṃ mayā sandhāya bhāsitaṃ, tañca kho araññe apariggahitaṃ. So tvaṃ, bhante, tena lesena dārūni adinnaṃ harituṃ maññasi! Kathañhi nāma mādiso samaṇaṃ vā brāhmaṇaṃ vā vijite vasantaṃ haneyya vā bandheyya vā pabbājeyya vā! Gaccha, bhante, lomena tvaṃ muttosi. Māssu punapi evarūpaṃ akāsī’’ti. Manussā ujjhāyanti khiyyanti vipācenti – ‘‘alajjino ime samaṇā sakyaputtiyā dussīlā musāvādino. Ime hi nāma dhammacārino samacārino brāhmacārino saccavādino sīlavanto kalyāṇadhammā paṭijānissanti! Natthi imesaṃ sāmaññaṃ, natthi imesaṃ brahmaññaṃ. Naṭṭhaṃ imesaṃ sāmaññaṃ, naṭṭhaṃ imesaṃ brahmaññaṃ. Kuto imesaṃ sāmaññaṃ, kuto imesaṃ brahmaññaṃ! Apagatā ime sāmaññā, apagatā ime brahmaññā. Rājānampi ime vañcenti, kiṃ panaññe manusse’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā santuṭṭhā lajjino kukkuccakā sikkhākāmā te ujjhāyanti khiyyanti vipācenti – ‘‘kathañhi nāma āyasmā dhaniyo kumbhakāraputto rañño dārūni adinnaṃ ādiyissatī’’ti! Atha kho te bhikkhū āyasmantaṃ dhaniyaṃ kumbhakāraputtaṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ dhaniyaṃ kumbhakāraputtaṃ paṭipucchi – ‘‘saccaṃ kira tvaṃ, dhaniya, rañño dārūni adinnaṃ ādiyī’’ti? ‘‘Saccaṃ, bhagavā’’ti. Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa , rañño dārūni adinnaṃ ādiyissasi! Netaṃ, moghapurisa, appasannānaṃ vā pasādāya pasannānaṃ vā bhiyyobhāvāya; athakhvetaṃ, moghapurisa, appasannānañceva appasādāya pasannānañca ekaccānaṃ aññathattāyā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਾਣવੋਹਾਰਿਕੋ ਮਹਾਮਤ੍ਤੋ ਭਿਕ੍ਖੂਸੁ ਪਬ੍ਬਜਿਤੋ ਭਗવਤੋ ਅવਿਦੂਰੇ ਨਿਸਿਨ੍ਨੋ ਹੋਤਿ। ਅਥ ਖੋ ਭਗવਾ ਤਂ ਭਿਕ੍ਖੁਂ ਏਤਦવੋਚ – ‘‘ਕਿਤ੍ਤਕੇਨ ਖੋ ਭਿਕ੍ਖੁ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਚੋਰਂ ਗਹੇਤ੍વਾ ਹਨਤਿ વਾ ਬਨ੍ਧਤਿ વਾ ਪਬ੍ਬਾਜੇਤਿ વਾ’’ਤਿ? ‘‘ਪਾਦੇਨ વਾ, ਭਗવਾ, ਪਾਦਾਰਹੇਨ વਾ’’ਤਿ 13। ਤੇਨ ਖੋ ਪਨ ਸਮਯੇਨ ਰਾਜਗਹੇ ਪਞ੍ਚਮਾਸਕੋ ਪਾਦੋ ਹੋਤਿ। ਅਥ ਖੋ ਭਗવਾ ਆਯਸ੍ਮਨ੍ਤਂ ਧਨਿਯਂ ਕੁਮ੍ਭਕਾਰਪੁਤ੍ਤਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਦੁਬ੍ਭਰਤਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Tena kho pana samayena aññataro purāṇavohāriko mahāmatto bhikkhūsu pabbajito bhagavato avidūre nisinno hoti. Atha kho bhagavā taṃ bhikkhuṃ etadavoca – ‘‘kittakena kho bhikkhu rājā māgadho seniyo bimbisāro coraṃ gahetvā hanati vā bandhati vā pabbājeti vā’’ti? ‘‘Pādena vā, bhagavā, pādārahena vā’’ti 14. Tena kho pana samayena rājagahe pañcamāsako pādo hoti. Atha kho bhagavā āyasmantaṃ dhaniyaṃ kumbhakāraputtaṃ anekapariyāyena vigarahitvā dubbharatāya…pe… evañca pana, bhikkhave, imaṃ sikkhāpadaṃ uddiseyyātha –
੮੯. ‘‘ਯੋ ਪਨ ਭਿਕ੍ਖੁ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯੇਯ੍ਯ, ਯਥਾਰੂਪੇ ਅਦਿਨ੍ਨਾਦਾਨੇ ਰਾਜਾਨੋ ਚੋਰਂ ਗਹੇਤ੍વਾ ਹਨੇਯ੍ਯੁਂ વਾ ਬਨ੍ਧੇਯ੍ਯੁਂ વਾ ਪਬ੍ਬਾਜੇਯ੍ਯੁਂ વਾ – ‘ਚੋਰੋਸਿ ਬਾਲੋਸਿ ਮੂਲ਼੍ਹੋਸਿ ਥੇਨੋਸੀ’ਤਿ, ਤਥਾਰੂਪਂ ਭਿਕ੍ਖੁ ਅਦਿਨ੍ਨਂ ਆਦਿਯਮਾਨੋ ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂવਾਸੋ’’ਤਿ।
89.‘‘Yo pana bhikkhu adinnaṃ theyyasaṅkhātaṃ ādiyeyya, yathārūpe adinnādāne rājāno coraṃ gahetvā haneyyuṃ vā bandheyyuṃ vā pabbājeyyuṃ vā – ‘corosi bālosi mūḷhosi thenosī’ti, tathārūpaṃ bhikkhu adinnaṃ ādiyamāno ayampi pārājiko hoti asaṃvāso’’ti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੯੦. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਰਜਕਤ੍ਥਰਣਂ ਗਨ੍ਤ੍વਾ ਰਜਕਭਣ੍ਡਿਕਂ ਅવਹਰਿਤ੍વਾ ਆਰਾਮਂ ਹਰਿਤ੍વਾ ਭਾਜੇਸੁਂ। ਭਿਕ੍ਖੂ ਏવਮਾਹਂਸੁ – ‘‘ਮਹਾਪੁਞ੍ਞਤ੍ਥ ਤੁਮ੍ਹੇ, ਆવੁਸੋ। ਬਹੁਂ ਤੁਮ੍ਹਾਕਂ ਚੀવਰਂ ਉਪ੍ਪਨ੍ਨ’’ਨ੍ਤਿ। ‘‘ਕੁਤੋ ਆવੁਸੋ, ਅਮ੍ਹਾਕਂ ਪੁਞ੍ਞਂ, ਇਦਾਨਿ ਮਯਂ ਰਜਕਤ੍ਥਰਣਂ ਗਨ੍ਤ੍વਾ ਰਜਕਭਣ੍ਡਿਕਂ ਅવਹਰਿਮ੍ਹਾ’’ਤਿ। ‘‘ਨਨੁ, ਆવੁਸੋ, ਭਗવਤਾ ਸਿਕ੍ਖਾਪਦਂ ਪਞ੍ਞਤ੍ਤਂ। ਕਿਸ੍ਸ ਤੁਮ੍ਹੇ, ਆવੁਸੋ, ਰਜਕਭਣ੍ਡਿਕਂ ਅવਹਰਿਤ੍ਥਾ’’ਤਿ ? ‘‘ਸਚ੍ਚਂ, ਆવੁਸੋ, ਭਗવਤਾ ਸਿਕ੍ਖਾਪਦਂ ਪਞ੍ਞਤ੍ਤਂ। ਤਞ੍ਚ ਖੋ ਗਾਮੇ, ਨੋ ਅਰਞ੍ਞੇ’’ਤਿ। ‘‘ਨਨੁ, ਆવੁਸੋ, ਤਥੇવੇਤਂ ਹੋਤਿ। ਅਨਨੁਚ੍ਛવਿਕਂ, ਆવੁਸੋ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ ਤੁਮ੍ਹੇ, ਆવੁਸੋ, ਰਜਕਭਣ੍ਡਿਕਂ ਅવਹਰਿਸ੍ਸਥ! ਨੇਤਂ, ਆવੁਸੋ, ਅਪ੍ਪਸਨ੍ਨਾਨਂ વਾ ਪਸਾਦਾਯ ਪਸਨ੍ਨਾਨਂ વਾ ਭਿਯ੍ਯੋਭਾવਾਯ; ਅਥਖ੍વੇਤਂ, ਆવੁਸੋ, ਅਪ੍ਪਸਨ੍ਨਾਨਞ੍ਚੇવ ਅਪ੍ਪਸਾਦਾਯ ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਾਯਾ’’ਤਿ। ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍વਾ ਛਬ੍ਬਗ੍ਗਿਯੇ ਭਿਕ੍ਖੂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖવੇ, ਰਜਕਤ੍ਥਰਣਂ ਗਨ੍ਤ੍વਾ ਰਜਕਭਣ੍ਡਿਕਂ ਅવਹਰਿਤ੍ਥਾ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ – ‘‘ਅਨਨੁਚ੍ਛવਿਕਂ, ਮੋਘਪੁਰਿਸਾ, ਅਨਨੁਲੋਮਿਕਂ ਅਪ੍ਪਟਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਰਜਕਭਣ੍ਡਿਕਂ ਅવਹਰਿਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ ਪਸਨ੍ਨਾਨਂ વਾ ਭਿਯ੍ਯੋਭਾવਾਯ; ਅਥ ਖ੍વੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਞ੍ਚੇવ ਅਪ੍ਪਸਾਦਾਯ ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਾਯਾ’’ਤਿ। ਅਥ ਖੋ ਭਗવਾ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਦੁਬ੍ਭਰਤਾਯ…ਪੇ॰… વੀਰਿਯਾਰਮ੍ਭਸ੍ਸ વਣ੍ਣਂ ਭਾਸਿਤ੍વਾ ਭਿਕ੍ਖੂਨਂ ਤਦਨੁਚ੍ਛવਿਕਂ ਤਦਨੁਲੋਮਿਕਂ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ…ਪੇ॰… ‘‘ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
90. Tena kho pana samayena chabbaggiyā bhikkhū rajakattharaṇaṃ gantvā rajakabhaṇḍikaṃ avaharitvā ārāmaṃ haritvā bhājesuṃ. Bhikkhū evamāhaṃsu – ‘‘mahāpuññattha tumhe, āvuso. Bahuṃ tumhākaṃ cīvaraṃ uppanna’’nti. ‘‘Kuto āvuso, amhākaṃ puññaṃ, idāni mayaṃ rajakattharaṇaṃ gantvā rajakabhaṇḍikaṃ avaharimhā’’ti. ‘‘Nanu, āvuso, bhagavatā sikkhāpadaṃ paññattaṃ. Kissa tumhe, āvuso, rajakabhaṇḍikaṃ avaharitthā’’ti ? ‘‘Saccaṃ, āvuso, bhagavatā sikkhāpadaṃ paññattaṃ. Tañca kho gāme, no araññe’’ti. ‘‘Nanu, āvuso, tathevetaṃ hoti. Ananucchavikaṃ, āvuso, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tumhe, āvuso, rajakabhaṇḍikaṃ avaharissatha! Netaṃ, āvuso, appasannānaṃ vā pasādāya pasannānaṃ vā bhiyyobhāvāya; athakhvetaṃ, āvuso, appasannānañceva appasādāya pasannānañca ekaccānaṃ aññathattāyā’’ti. Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā chabbaggiye bhikkhū paṭipucchi – ‘‘saccaṃ kira tumhe, bhikkhave, rajakattharaṇaṃ gantvā rajakabhaṇḍikaṃ avaharitthā’’ti? ‘‘Saccaṃ, bhagavā’’ti. Vigarahi buddho bhagavā – ‘‘ananucchavikaṃ, moghapurisā, ananulomikaṃ appaṭirūpaṃ assāmaṇakaṃ akappiyaṃ akaraṇīyaṃ. Kathañhi nāma tumhe, moghapurisā, rajakabhaṇḍikaṃ avaharissatha! Netaṃ, moghapurisā, appasannānaṃ vā pasādāya pasannānaṃ vā bhiyyobhāvāya; atha khvetaṃ, moghapurisā, appasannānañceva appasādāya pasannānañca ekaccānaṃ aññathattāyā’’ti. Atha kho bhagavā chabbaggiye bhikkhū anekapariyāyena vigarahitvā dubbharatāya…pe… vīriyārambhassa vaṇṇaṃ bhāsitvā bhikkhūnaṃ tadanucchavikaṃ tadanulomikaṃ dhammiṃ kathaṃ katvā bhikkhū āmantesi…pe… ‘‘evañca pana, bhikkhave, imaṃ sikkhāpadaṃ uddiseyyātha –
੯੧. ‘‘ਯੋ ਪਨ ਭਿਕ੍ਖੁ ਗਾਮਾ વਾ ਅਰਞ੍ਞਾ વਾ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯੇਯ੍ਯ, ਯਥਾਰੂਪੇ ਅਦਿਨ੍ਨਾਦਾਨੇ ਰਾਜਾਨੋ ਚੋਰਂ ਗਹੇਤ੍વਾ ਹਨੇਯ੍ਯੁਂ વਾ ਬਨ੍ਧੇਯ੍ਯੁਂ વਾ ਪਬ੍ਬਾਜੇਯ੍ਯੁਂ વਾ – ‘ਚੋਰੋਸਿ ਬਾਲੋਸਿ ਮੂਲ਼੍ਹੋਸਿ ਥੇਨੋਸੀ’ਤਿ, ਤਥਾਰੂਪਂ ਭਿਕ੍ਖੁ ਅਦਿਨ੍ਨਂ ਆਦਿਯਮਾਨੋ ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂવਾਸੋ’’ਤਿ।
91.‘‘Yo pana bhikkhu gāmā vā araññā vā adinnaṃ theyyasaṅkhātaṃ ādiyeyya, yathārūpe adinnādāne rājāno coraṃ gahetvā haneyyuṃ vā bandheyyuṃ vā pabbājeyyuṃ vā – ‘corosi bālosi mūḷhosi thenosī’ti, tathārūpaṃ bhikkhu adinnaṃ ādiyamāno ayampi pārājiko hoti asaṃvāso’’ti.
੯੨. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
92.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਗਾਮੋ ਨਾਮ ਏਕਕੁਟਿਕੋਪਿ ਗਾਮੋ, ਦ੍વਿਕੁਟਿਕੋਪਿ ਗਾਮੋ, ਤਿਕੁਟਿਕੋਪਿ ਗਾਮੋ, ਚਤੁਕੁਟਿਕੋਪਿ ਗਾਮੋ, ਸਮਨੁਸ੍ਸੋਪਿ ਗਾਮੋ, ਅਮਨੁਸ੍ਸੋਪਿ ਗਾਮੋ, ਪਰਿਕ੍ਖਿਤ੍ਤੋਪਿ ਗਾਮੋ, ਅਪਰਿਕ੍ਖਿਤ੍ਤੋਪਿ ਗਾਮੋ, ਗੋਨਿਸਾਦਿਨਿવਿਟ੍ਠੋਪਿ ਗਾਮੋ, ਯੋਪਿ ਸਤ੍ਥੋ ਅਤਿਰੇਕਚਤੁਮਾਸਨਿવਿਟ੍ਠੋ ਸੋਪਿ વੁਚ੍ਚਤਿ ਗਾਮੋ।
Gāmo nāma ekakuṭikopi gāmo, dvikuṭikopi gāmo, tikuṭikopi gāmo, catukuṭikopi gāmo, samanussopi gāmo, amanussopi gāmo, parikkhittopi gāmo, aparikkhittopi gāmo, gonisādiniviṭṭhopi gāmo, yopi sattho atirekacatumāsaniviṭṭho sopi vuccati gāmo.
ਗਾਮੂਪਚਾਰੋ ਨਾਮ ਪਰਿਕ੍ਖਿਤ੍ਤਸ੍ਸ ਗਾਮਸ੍ਸ ਇਨ੍ਦਖੀਲੇ 15 ਠਿਤਸ੍ਸ ਮਜ੍ਝਿਮਸ੍ਸ ਪੁਰਿਸਸ੍ਸ ਲੇਡ੍ਡੁਪਾਤੋ, ਅਪਰਿਕ੍ਖਿਤ੍ਤਸ੍ਸ ਗਾਮਸ੍ਸ ਘਰੂਪਚਾਰੇ ਠਿਤਸ੍ਸ ਮਜ੍ਝਿਮਸ੍ਸ ਪੁਰਿਸਸ੍ਸ ਲੇਡ੍ਡੁਪਾਤੋ।
Gāmūpacāro nāma parikkhittassa gāmassa indakhīle 16 ṭhitassa majjhimassa purisassa leḍḍupāto, aparikkhittassa gāmassa gharūpacāre ṭhitassa majjhimassa purisassa leḍḍupāto.
ਅਰਞ੍ਞਂ ਨਾਮ ਠਪੇਤ੍વਾ ਗਾਮਞ੍ਚ ਗਾਮੂਪਚਾਰਞ੍ਚ ਅવਸੇਸਂ ਅਰਞ੍ਞਂ ਨਾਮ।
Araññaṃ nāma ṭhapetvā gāmañca gāmūpacārañca avasesaṃ araññaṃ nāma.
ਅਦਿਨ੍ਨਂ ਨਾਮਂ ਯਂ ਅਦਿਨ੍ਨਂ ਅਨਿਸ੍ਸਟ੍ਠਂ ਅਪਰਿਚ੍ਚਤ੍ਤਂ ਰਕ੍ਖਿਤਂ ਗੋਪਿਤਂ ਮਮਾਯਿਤਂ ਪਰਪਰਿਗ੍ਗਹਿਤਂ। ਏਤਂ ਅਦਿਨ੍ਨਂ ਨਾਮ।
Adinnaṃ nāmaṃ yaṃ adinnaṃ anissaṭṭhaṃ apariccattaṃ rakkhitaṃ gopitaṃ mamāyitaṃ parapariggahitaṃ. Etaṃ adinnaṃ nāma.
ਥੇਯ੍ਯਸਙ੍ਖਾਤਨ੍ਤਿ ਥੇਯ੍ਯਚਿਤ੍ਤੋ ਅવਹਰਣਚਿਤ੍ਤੋ।
Theyyasaṅkhātanti theyyacitto avaharaṇacitto.
ਆਦਿਯੇਯ੍ਯਾਤਿ ਆਦਿਯੇਯ੍ਯ ਹਰੇਯ੍ਯ ਅવਹਰੇਯ੍ਯ ਇਰਿਯਾਪਥਂ વਿਕੋਪੇਯ੍ਯ ਠਾਨਾ ਚਾવੇਯ੍ਯ ਸਙ੍ਕੇਤਂ વੀਤਿਨਾਮੇਯ੍ਯ।
Ādiyeyyāti ādiyeyya hareyya avahareyya iriyāpathaṃ vikopeyya ṭhānā cāveyya saṅketaṃ vītināmeyya.
ਯਥਾਰੂਪਂ ਨਾਮ ਪਾਦਂ વਾ ਪਾਦਾਰਹਂ વਾ ਅਤਿਰੇਕਪਾਦਂ વਾ।
Yathārūpaṃ nāma pādaṃ vā pādārahaṃ vā atirekapādaṃ vā.
ਰਾਜਾਨੋ ਨਾਮ ਪਥਬ੍ਯਾਰਾਜਾ ਪਦੇਸਰਾਜਾ ਮਣ੍ਡਲਿਕਾ ਅਨ੍ਤਰਭੋਗਿਕਾ ਅਕ੍ਖਦਸ੍ਸਾ ਮਹਾਮਤ੍ਤਾ, ਯੇ વਾ ਪਨ ਛੇਜ੍ਜਭੇਜ੍ਜਂ ਕਰੋਨ੍ਤਾ ਅਨੁਸਾਸਨ੍ਤਿ। ਏਤੇ ਰਾਜਾਨੋ ਨਾਮ।
Rājāno nāma pathabyārājā padesarājā maṇḍalikā antarabhogikā akkhadassā mahāmattā, ye vā pana chejjabhejjaṃ karontā anusāsanti. Ete rājāno nāma.
ਚੋਰੋ ਨਾਮ ਯੋ ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯਤਿ। ਏਸੋ ਚੋਰੋ ਨਾਮ।
Coro nāma yo pañcamāsakaṃ vā atirekapañcamāsakaṃ vā agghanakaṃ adinnaṃ theyyasaṅkhātaṃ ādiyati. Eso coro nāma.
ਹਨੇਯ੍ਯੁਂ વਾਤਿ ਹਤ੍ਥੇਨ વਾ ਪਾਦੇਨ વਾ ਕਸਾਯ વਾ વੇਤ੍ਤੇਨ વਾ ਅਡ੍ਢਦਣ੍ਡਕੇਨ વਾ ਛੇਜ੍ਜਾਯ વਾ ਹਨੇਯ੍ਯੁਂ।
Haneyyuṃ vāti hatthena vā pādena vā kasāya vā vettena vā aḍḍhadaṇḍakena vā chejjāya vā haneyyuṃ.
ਬਨ੍ਧੇਯ੍ਯੁਂ વਾਤਿ ਰਜ੍ਜੁਬਨ੍ਧਨੇਨ વਾ ਅਨ੍ਦੁਬਨ੍ਧਨੇਨ વਾ ਸਙ੍ਖਲਿਕਬਨ੍ਧਨੇਨ વਾ ਘਰਬਨ੍ਧਨੇਨ વਾ ਨਗਰਬਨ੍ਧਨੇਨ વਾ ਗਾਮਬਨ੍ਧਨੇਨ વਾ ਨਿਗਮਬਨ੍ਧਨੇਨ વਾ ਬਨ੍ਧੇਯ੍ਯੁਂ, ਪੁਰਿਸਗੁਤ੍ਤਿਂ વਾ ਕਰੇਯ੍ਯੁਂ।
Bandheyyuṃ vāti rajjubandhanena vā andubandhanena vā saṅkhalikabandhanena vā gharabandhanena vā nagarabandhanena vā gāmabandhanena vā nigamabandhanena vā bandheyyuṃ, purisaguttiṃ vā kareyyuṃ.
ਪਬ੍ਬਾਜੇਯ੍ਯੁਂ વਾਤਿ ਗਾਮਾ વਾ ਨਿਗਮਾ વਾ ਨਗਰਾ વਾ ਜਨਪਦਾ વਾ ਜਨਪਦਪਦੇਸਾ વਾ ਪਬ੍ਬਾਜੇਯ੍ਯੁਂ।
Pabbājeyyuṃ vāti gāmā vā nigamā vā nagarā vā janapadā vā janapadapadesā vā pabbājeyyuṃ.
ਚੋਰੋਸਿ ਬਾਲੋਸਿ ਮੂਲ਼੍ਹੋਸਿ ਥੇਨੋਸੀਤਿ ਪਰਿਭਾਸੋ ਏਸੋ।
Corosi bālosi mūḷhosi thenosīti paribhāso eso.
ਤਥਾਰੂਪਂ ਨਾਮ ਪਾਦਂ વਾ ਪਾਦਾਰਹਂ વਾ ਅਤਿਰੇਕਪਾਦਂ વਾ।
Tathārūpaṃ nāma pādaṃ vā pādārahaṃ vā atirekapādaṃ vā.
ਆਦਿਯਮਾਨੋਤਿ ਆਦਿਯਮਾਨੋ ਹਰਮਾਨੋ ਅવਹਰਮਾਨੋ ਇਰਿਯਾਪਥਂ વਿਕੋਪਯਮਾਨੋ ਠਾਨਾ ਚਾવਯਮਾਨੋ ਸਙ੍ਕੇਤਂ વੀਤਿਨਾਮਯਮਾਨੋ।
Ādiyamānoti ādiyamāno haramāno avaharamāno iriyāpathaṃ vikopayamāno ṭhānā cāvayamāno saṅketaṃ vītināmayamāno.
ਅਯਮ੍ਪੀਤਿ ਪੁਰਿਮਂ ਉਪਾਦਾਯ વੁਚ੍ਚਤਿ।
Ayampīti purimaṃ upādāya vuccati.
ਅਸਂવਾਸੋਤਿ ਸਂવਾਸੋ ਨਾਮ ਏਕਕਮ੍ਮਂ ਏਕੁਦ੍ਦੇਸੋ ਸਮਸਿਕ੍ਖਤਾ। ਏਸੋ ਸਂવਾਸੋ ਨਾਮ। ਸੋ ਤੇਨ ਸਦ੍ਧਿਂ ਨਤ੍ਥਿ। ਤੇਨ વੁਚ੍ਚਤਿ – ‘ਅਸਂવਾਸੋ’ਤਿ।
Asaṃvāsoti saṃvāso nāma ekakammaṃ ekuddeso samasikkhatā. Eso saṃvāso nāma. So tena saddhiṃ natthi. Tena vuccati – ‘asaṃvāso’ti.
੯੩. ਭੂਮਟ੍ਠਂ ਥਲਟ੍ਠਂ ਆਕਾਸਟ੍ਠਂ વੇਹਾਸਟ੍ਠਂ ਉਦਕਟ੍ਠਂ ਨਾવਟ੍ਠਂ ਯਾਨਟ੍ਠਂ ਭਾਰਟ੍ਠਂ ਆਰਾਮਟ੍ਠਂ વਿਹਾਰਟ੍ਠਂ ਖੇਤ੍ਤਟ੍ਠਂ વਤ੍ਥੁਟ੍ਠਂ ਗਾਮਟ੍ਠਂ ਅਰਞ੍ਞਟ੍ਠਂ ਉਦਕਂ ਦਨ੍ਤਪੋਣਂ 21 વਨਪ੍ਪਤਿ ਹਰਣਕਂ ਉਪਨਿਧਿ ਸੁਙ੍ਕਘਾਤਂ ਪਾਣੋ ਅਪਦਂ ਦ੍વਿਪਦਂ ਚਤੁਪ੍ਪਦਂ ਬਹੁਪ੍ਪਦਂ ਓਚਰਕੋ ਓਣਿਰਕ੍ਖੋ ਸਂવਿਦਾવਹਾਰੋ ਸਙ੍ਕੇਤਕਮ੍ਮਂ ਨਿਮਿਤ੍ਤਕਮ੍ਮਨ੍ਤਿ।
93. Bhūmaṭṭhaṃ thalaṭṭhaṃ ākāsaṭṭhaṃ vehāsaṭṭhaṃ udakaṭṭhaṃ nāvaṭṭhaṃ yānaṭṭhaṃ bhāraṭṭhaṃ ārāmaṭṭhaṃ vihāraṭṭhaṃ khettaṭṭhaṃ vatthuṭṭhaṃ gāmaṭṭhaṃ araññaṭṭhaṃ udakaṃ dantapoṇaṃ 22 vanappati haraṇakaṃ upanidhi suṅkaghātaṃ pāṇo apadaṃ dvipadaṃ catuppadaṃ bahuppadaṃ ocarako oṇirakkho saṃvidāvahāro saṅketakammaṃ nimittakammanti.
੯੪. ਭੂਮਟ੍ਠਂ ਨਾਮ ਭਣ੍ਡਂ ਭੂਮਿਯਂ ਨਿਕ੍ਖਿਤ੍ਤਂ ਹੋਤਿ ਨਿਖਾਤਂ ਪਟਿਚ੍ਛਨ੍ਨਂ। ਭੂਮਟ੍ਠਂ ਭਣ੍ਡਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਕੁਦਾਲਂ વਾ ਪਿਟਕਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਤਤ੍ਥ ਜਾਤਕਂ ਕਟ੍ਠਂ વਾ ਲਤਂ વਾ ਛਿਨ੍ਦਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਤ੍ਥ ਪਂਸੁਂ ਖਣਤਿ વਾ ਬ੍ਯੂਹਤਿ 23 વਾ ਉਦ੍ਧਰਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਕੁਮ੍ਭਿਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਅਤ੍ਤਨੋ ਭਾਜਨਂ ਪવੇਸੇਤ੍વਾ ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਅਤ੍ਤਨੋ ਭਾਜਨਗਤਂ વਾ ਕਰੋਤਿ ਮੁਟ੍ਠਿਂ વਾ ਛਿਨ੍ਦਤਿ, ਆਪਤ੍ਤਿ ਪਾਰਾਜਿਕਸ੍ਸ। ਸੁਤ੍ਤਾਰੁਲ਼੍ਹਂ ਭਣ੍ਡਂ ਪਾਮਙ੍ਗਂ વਾ ਕਣ੍ਠਸੁਤ੍ਤਕਂ વਾ ਕਟਿਸੁਤ੍ਤਕਂ વਾ ਸਾਟਕਂ વਾ વੇਠਨਂ વਾ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਕੋਟਿਯਂ ਗਹੇਤ੍વਾ ਉਚ੍ਚਾਰੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਘਂਸਨ੍ਤੋ ਨੀਹਰਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਅਨ੍ਤਮਸੋ ਕੇਸਗ੍ਗਮਤ੍ਤਮ੍ਪਿ ਕੁਮ੍ਭਿਮੁਖਾ ਮੋਚੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਸਪ੍ਪਿਂ વਾ ਤੇਲਂ વਾ ਮਧੁਂ વਾ ਫਾਣਿਤਂ વਾ ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਏਕੇਨ ਪਯੋਗੇਨ ਪਿવਤਿ, ਆਪਤ੍ਤਿ ਪਾਰਾਜਿਕਸ੍ਸ। ਤਤ੍ਥੇવ ਭਿਨ੍ਦਤਿ વਾ ਛਡ੍ਡੇਤਿ વਾ ਝਾਪੇਤਿ વਾ ਅਪਰਿਭੋਗਂ વਾ ਕਰੋਤਿ, ਆਪਤ੍ਤਿ ਦੁਕ੍ਕਟਸ੍ਸ।
94.Bhūmaṭṭhaṃ nāma bhaṇḍaṃ bhūmiyaṃ nikkhittaṃ hoti nikhātaṃ paṭicchannaṃ. Bhūmaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati kudālaṃ vā piṭakaṃ vā pariyesati gacchati vā, āpatti dukkaṭassa. Tattha jātakaṃ kaṭṭhaṃ vā lataṃ vā chindati, āpatti dukkaṭassa. Tattha paṃsuṃ khaṇati vā byūhati 24 vā uddharati vā, āpatti dukkaṭassa. Kumbhiṃ āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Attano bhājanaṃ pavesetvā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Attano bhājanagataṃ vā karoti muṭṭhiṃ vā chindati, āpatti pārājikassa. Suttāruḷhaṃ bhaṇḍaṃ pāmaṅgaṃ vā kaṇṭhasuttakaṃ vā kaṭisuttakaṃ vā sāṭakaṃ vā veṭhanaṃ vā theyyacitto āmasati, āpatti dukkaṭassa. Phandāpeti, āpatti thullaccayassa. Koṭiyaṃ gahetvā uccāreti, āpatti thullaccayassa. Ghaṃsanto nīharati, āpatti thullaccayassa. Antamaso kesaggamattampi kumbhimukhā moceti, āpatti pārājikassa. Sappiṃ vā telaṃ vā madhuṃ vā phāṇitaṃ vā pañcamāsakaṃ vā atirekapañcamāsakaṃ vā agghanakaṃ theyyacitto ekena payogena pivati, āpatti pārājikassa. Tattheva bhindati vā chaḍḍeti vā jhāpeti vā aparibhogaṃ vā karoti, āpatti dukkaṭassa.
੯੫. ਥਲਟ੍ਠਂ ਨਾਮ ਭਣ੍ਡਂ ਥਲੇ ਨਿਕ੍ਖਿਤ੍ਤਂ ਹੋਤਿ। ਥਲਟ੍ਠਂ ਭਣ੍ਡਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
95.Thalaṭṭhaṃ nāma bhaṇḍaṃ thale nikkhittaṃ hoti. Thalaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
੯੬. ਆਕਾਸਟ੍ਠਂ ਨਾਮ ਭਣ੍ਡਂ ਆਕਾਸਗਤਂ ਹੋਤਿ। ਮੋਰੋ વਾ ਕਪਿਞ੍ਜਰੋ વਾ ਤਿਤ੍ਤਿਰੋ વਾ વਟ੍ਟਕੋ વਾ, ਸਾਟਕਂ વਾ વੇਠਨਂ વਾ ਹਿਰਞ੍ਞਂ વਾ ਸੁવਣ੍ਣਂ વਾ ਛਿਜ੍ਜਮਾਨਂ ਪਤਤਿ। ਆਕਾਸਟ੍ਠਂ ਭਣ੍ਡਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ । ਗਮਨਂ ਉਪਚ੍ਛਿਨ੍ਦਤਿ, ਆਪਤ੍ਤਿ ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
96.Ākāsaṭṭhaṃ nāma bhaṇḍaṃ ākāsagataṃ hoti. Moro vā kapiñjaro vā tittiro vā vaṭṭako vā, sāṭakaṃ vā veṭhanaṃ vā hiraññaṃ vā suvaṇṇaṃ vā chijjamānaṃ patati. Ākāsaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa . Gamanaṃ upacchindati, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
੯੭. વੇਹਾਸਟ੍ਠਂ ਨਾਮ ਭਣ੍ਡਂ વੇਹਾਸਗਤਂ ਹੋਤਿ। ਮਞ੍ਚੇ વਾ ਪੀਠੇ વਾ ਚੀવਰવਂਸੇ વਾ ਚੀવਰਰਜ੍ਜੁਯਾ વਾ ਭਿਤ੍ਤਿਖਿਲੇ વਾ ਨਾਗਦਨ੍ਤੇ વਾ ਰੁਕ੍ਖੇ વਾ ਲਗ੍ਗਿਤਂ ਹੋਤਿ, ਅਨ੍ਤਮਸੋ ਪਤ੍ਤਾਧਾਰਕੇਪਿ। વੇਹਾਸਟ੍ਠਂ ਭਣ੍ਡਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
97.Vehāsaṭṭhaṃ nāma bhaṇḍaṃ vehāsagataṃ hoti. Mañce vā pīṭhe vā cīvaravaṃse vā cīvararajjuyā vā bhittikhile vā nāgadante vā rukkhe vā laggitaṃ hoti, antamaso pattādhārakepi. Vehāsaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
੯੮. ਉਦਕਟ੍ਠਂ ਨਾਮ ਭਣ੍ਡਂ ਉਦਕੇ ਨਿਕ੍ਖਿਤ੍ਤਂ ਹੋਤਿ। ਉਦਕਟ੍ਠਂ ਭਣ੍ਡਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਨਿਮੁਜ੍ਜਤਿ વਾ ਉਮ੍ਮੁਜ੍ਜਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਤਤ੍ਥ ਜਾਤਕਂ ਉਪ੍ਪਲਂ વਾ ਪਦੁਮਂ વਾ ਪੁਣ੍ਡਰੀਕਂ વਾ ਭਿਸਂ વਾ ਮਚ੍ਛਂ વਾ ਕਚ੍ਛਪਂ વਾ ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
98.Udakaṭṭhaṃ nāma bhaṇḍaṃ udake nikkhittaṃ hoti. Udakaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Nimujjati vā ummujjati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṃ uppalaṃ vā padumaṃ vā puṇḍarīkaṃ vā bhisaṃ vā macchaṃ vā kacchapaṃ vā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
੯੯. ਨਾવਾ ਨਾਮ ਯਾਯ ਤਰਤਿ। ਨਾવਟ੍ਠਂ ਨਾਮ ਭਣ੍ਡਂ ਨਾવਾਯ ਨਿਕ੍ਖਿਤ੍ਤਂ ਹੋਤਿ। ‘‘ਨਾવਟ੍ਠਂ ਭਣ੍ਡਂ ਅવਹਰਿਸ੍ਸਾਮੀ’’ਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਨਾવਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਬਨ੍ਧਨਂ ਮੋਚੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਬਨ੍ਧਨਂ ਮੋਚੇਤ੍વਾ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਉਦ੍ਧਂ વਾ ਅਧੋ વਾ ਤਿਰਿਯਂ વਾ ਅਨ੍ਤਮਸੋ ਕੇਸਗ੍ਗਮਤ੍ਤਮ੍ਪਿ ਸਙ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
99.Nāvā nāma yāya tarati. Nāvaṭṭhaṃ nāma bhaṇḍaṃ nāvāya nikkhittaṃ hoti. ‘‘Nāvaṭṭhaṃ bhaṇḍaṃ avaharissāmī’’ti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Nāvaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Bandhanaṃ moceti, āpatti dukkaṭassa. Bandhanaṃ mocetvā āmasati, āpatti dukkaṭassa. Phandāpeti, āpatti thullaccayassa. Uddhaṃ vā adho vā tiriyaṃ vā antamaso kesaggamattampi saṅkāmeti, āpatti pārājikassa.
੧੦੦. ਯਾਨਂ ਨਾਮ વਯ੍ਹਂ ਰਥੋ ਸਕਟਂ ਸਨ੍ਦਮਾਨਿਕਾ। ਯਾਨਟ੍ਠਂ ਨਾਮ ਭਣ੍ਡਂ ਯਾਨੇ ਨਿਕ੍ਖਿਤ੍ਤਂ ਹੋਤਿ। ਯਾਨਟ੍ਠਂ ਭਣ੍ਡਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਯਾਨਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
100.Yānaṃ nāma vayhaṃ ratho sakaṭaṃ sandamānikā. Yānaṭṭhaṃ nāma bhaṇḍaṃ yāne nikkhittaṃ hoti. Yānaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Yānaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
੧੦੧. ਭਾਰੋ ਨਾਮ ਸੀਸਭਾਰੋ ਖਨ੍ਧਭਾਰੋ ਕਟਿਭਾਰੋ ਓਲਮ੍ਬਕੋ। ਸੀਸੇ ਭਾਰਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਖਨ੍ਧਂ ਓਰੋਪੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਖਨ੍ਧੇ ਭਾਰਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਕਟਿਂ ਓਰੋਪੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਕਟਿਯਾ ਭਾਰਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਹਤ੍ਥੇਨ ਗਣ੍ਹਾਤਿ, ਆਪਤ੍ਤਿ ਪਾਰਾਜਿਕਸ੍ਸ। ਹਤ੍ਥੇ ਭਾਰਂ ਥੇਯ੍ਯਚਿਤ੍ਤੋ ਭੂਮਿਯਂ ਨਿਕ੍ਖਿਪਤਿ, ਆਪਤ੍ਤਿ ਪਾਰਾਜਿਕਸ੍ਸ। ਥੇਯ੍ਯਚਿਤ੍ਤੋ ਭੂਮਿਤੋ ਗਣ੍ਹਾਤਿ, ਆਪਤ੍ਤਿ ਪਾਰਾਜਿਕਸ੍ਸ।
101.Bhāro nāma sīsabhāro khandhabhāro kaṭibhāro olambako. Sīse bhāraṃ theyyacitto āmasati, āpatti dukkaṭassa. Phandāpeti, āpatti thullaccayassa. Khandhaṃ oropeti, āpatti pārājikassa. Khandhe bhāraṃ theyyacitto āmasati, āpatti dukkaṭassa. Phandāpeti, āpatti thullaccayassa. Kaṭiṃ oropeti, āpatti pārājikassa. Kaṭiyā bhāraṃ theyyacitto āmasati, āpatti dukkaṭassa. Phandāpeti, āpatti thullaccayassa. Hatthena gaṇhāti, āpatti pārājikassa. Hatthe bhāraṃ theyyacitto bhūmiyaṃ nikkhipati, āpatti pārājikassa. Theyyacitto bhūmito gaṇhāti, āpatti pārājikassa.
੧੦੨. ਆਰਾਮੋ ਨਾਮ ਪੁਪ੍ਫਾਰਾਮੋ ਫਲਾਰਾਮੋ। ਆਰਾਮਟ੍ਠਂ ਨਾਮ ਭਣ੍ਡਂ ਆਰਾਮੇ ਚਤੂਹਿ ਠਾਨੇਹਿ ਨਿਕ੍ਖਿਤ੍ਤਂ ਹੋਤਿ – ਭੂਮਟ੍ਠਂ ਥਲਟ੍ਠਂ, ਆਕਾਸਟ੍ਠਂ, વੇਹਾਸਟ੍ਠਂ। ਆਰਾਮਟ੍ਠਂ ਭਣ੍ਡਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਤਤ੍ਥ ਜਾਤਕਂ ਮੂਲਂ વਾ ਤਚਂ વਾ ਪਤ੍ਤਂ વਾ ਪੁਪ੍ਫਂ વਾ ਫਲਂ વਾ ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਆਰਾਮਂ ਅਭਿਯੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸਾਮਿਕਸ੍ਸ વਿਮਤਿਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਸਾਮਿਕੋ ਨ ਮਯ੍ਹਂ ਭવਿਸ੍ਸਤੀਤਿ ਧੁਰਂ ਨਿਕ੍ਖਿਪਤਿ, ਆਪਤ੍ਤਿ ਪਾਰਾਜਿਕਸ੍ਸ। ਧਮ੍ਮਂ ਚਰਨ੍ਤੋ ਸਾਮਿਕਂ ਪਰਾਜੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਧਮ੍ਮਂ ਚਰਨ੍ਤੋ ਪਰਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
102.Ārāmo nāma pupphārāmo phalārāmo. Ārāmaṭṭhaṃ nāma bhaṇḍaṃ ārāme catūhi ṭhānehi nikkhittaṃ hoti – bhūmaṭṭhaṃ thalaṭṭhaṃ, ākāsaṭṭhaṃ, vehāsaṭṭhaṃ. Ārāmaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṃ mūlaṃ vā tacaṃ vā pattaṃ vā pupphaṃ vā phalaṃ vā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Ārāmaṃ abhiyuñjati, āpatti dukkaṭassa. Sāmikassa vimatiṃ uppādeti, āpatti thullaccayassa. Sāmiko na mayhaṃ bhavissatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa.
੧੦੩. વਿਹਾਰਟ੍ਠਂ ਨਾਮ ਭਣ੍ਡਂ વਿਹਾਰੇ ਚਤੂਹਿ ਠਾਨੇਹਿ ਨਿਕ੍ਖਿਤ੍ਤਂ ਹੋਤਿ – ਭੂਮਟ੍ਠਂ, ਥਲਟ੍ਠਂ, ਆਕਾਸਟ੍ਠਂ, વੇਹਾਸਟ੍ਠਂ। વਿਹਾਰਟ੍ਠਂ ਭਣ੍ਡਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। વਿਹਾਰਂ ਅਭਿਯੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸਾਮਿਕਸ੍ਸ વਿਮਤਿਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਸਾਮਿਕੋ ਨ ਮਯ੍ਹਂ ਭવਿਸ੍ਸਤੀਤਿ ਧੁਰਂ ਨਿਕ੍ਖਿਪਤਿ, ਆਪਤ੍ਤਿ ਪਾਰਾਜਿਕਸ੍ਸ। ਧਮ੍ਮਂ ਚਰਨ੍ਤੋ ਸਾਮਿਕਂ ਪਰਾਜੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਧਮ੍ਮਂ ਚਰਨ੍ਤੋ ਪਰਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
103.Vihāraṭṭhaṃ nāma bhaṇḍaṃ vihāre catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Vihāraṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Vihāraṃ abhiyuñjati, āpatti dukkaṭassa. Sāmikassa vimatiṃ uppādeti, āpatti thullaccayassa. Sāmiko na mayhaṃ bhavissatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa.
੧੦੪. ਖੇਤ੍ਤਂ ਨਾਮ ਯਤ੍ਥ ਪੁਬ੍ਬਣ੍ਣਂ વਾ ਅਪਰਣ੍ਣਂ વਾ ਜਾਯਤਿ। ਖੇਤ੍ਤਟ੍ਠਂ ਨਾਮ ਭਣ੍ਡਂ ਖੇਤ੍ਤੇ ਚਤੂਹਿ ਠਾਨੇਹਿ ਨਿਕ੍ਖਿਤ੍ਤਂ ਹੋਤਿ – ਭੂਮਟ੍ਠਂ, ਥਲਟ੍ਠਂ, ਆਕਾਸਟ੍ਠਂ, વੇਹਾਸਟ੍ਠਂ। ਖੇਤ੍ਤਟ੍ਠਂ ਭਣ੍ਡਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ, ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਤਤ੍ਥ ਜਾਤਕਂ ਪੁਬ੍ਬਣ੍ਣਂ વਾ ਅਪਰਣ੍ਣਂ વਾ ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਖੇਤ੍ਤਂ ਅਭਿਯੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸਾਮਿਕਸ੍ਸ વਿਮਤਿਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਸਾਮਿਕੋ ਨ ਮਯ੍ਹਂ ਭવਿਸ੍ਸਤੀਤਿ ਧੁਰਂ ਨਿਕ੍ਖਿਪਤਿ, ਆਪਤ੍ਤਿ ਪਾਰਾਜਿਕਸ੍ਸ। ਧਮ੍ਮਂ ਚਰਨ੍ਤੋ ਸਾਮਿਕਂ ਪਰਾਜੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਧਮ੍ਮਂ ਚਰਨ੍ਤੋ ਪਰਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਖਿਲਂ વਾ ਰਜ੍ਜੁਂ વਾ વਤਿਂ વਾ ਮਰਿਯਾਦਂ વਾ ਸਙ੍ਕਾਮੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਏਕਂ ਪਯੋਗਂ ਅਨਾਗਤੇ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਤਸ੍ਮਿਂ ਪਯੋਗੇ ਆਗਤੇ, ਆਪਤ੍ਤਿ ਪਾਰਾਜਿਕਸ੍ਸ।
104.Khettaṃ nāma yattha pubbaṇṇaṃ vā aparaṇṇaṃ vā jāyati. Khettaṭṭhaṃ nāma bhaṇḍaṃ khette catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Khettaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti, dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṃ pubbaṇṇaṃ vā aparaṇṇaṃ vā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Khettaṃ abhiyuñjati, āpatti dukkaṭassa. Sāmikassa vimatiṃ uppādeti, āpatti thullaccayassa. Sāmiko na mayhaṃ bhavissatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa. Khilaṃ vā rajjuṃ vā vatiṃ vā mariyādaṃ vā saṅkāmeti, āpatti dukkaṭassa. Ekaṃ payogaṃ anāgate, āpatti thullaccayassa. Tasmiṃ payoge āgate, āpatti pārājikassa.
੧੦੫. વਤ੍ਥੁ ਨਾਮ ਆਰਾਮવਤ੍ਥੁ વਿਹਾਰવਤ੍ਥੁ। વਤ੍ਥੁਟ੍ਠਂ ਨਾਮ ਭਣ੍ਡਂ વਤ੍ਥੁਸ੍ਮਿਂ ਚਤੂਹਿ ਠਾਨੇਹਿ ਨਿਕ੍ਖਿਤ੍ਤਂ ਹੋਤਿ – ਭੂਮਟ੍ਠਂ, ਥਲਟ੍ਠਂ, ਆਕਾਸਟ੍ਠਂ, વੇਹਾਸਟ੍ਠਂ। વਤ੍ਥੁਟ੍ਠਂ ਭਣ੍ਡਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। વਤ੍ਥੁਂ ਅਭਿਯੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸਾਮਿਕਸ੍ਸ વਿਮਤਿਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਸਾਮਿਕੋ ਨ ਮਯ੍ਹਂ ਭવਿਸ੍ਸਤੀਤਿ ਧੁਰਂ ਨਿਕ੍ਖਿਪਤਿ, ਆਪਤ੍ਤਿ ਪਾਰਾਜਿਕਸ੍ਸ। ਧਮ੍ਮਂ ਚਰਨ੍ਤੋ ਸਾਮਿਕਂ ਪਰਾਜੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਧਮ੍ਮਂ ਚਰਨ੍ਤੋ ਪਰਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਖੀਲਂ વਾ ਰਜ੍ਜੁਂ વਾ વਤਿਂ વਾ ਪਾਕਾਰਂ વਾ ਸਙ੍ਕਾਮੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਏਕਂ ਪਯੋਗਂ ਅਨਾਗਤੇ ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਤਸ੍ਮਿਂ ਪਯੋਗੇ ਆਗਤੇ ਆਪਤ੍ਤਿ ਪਾਰਾਜਿਕਸ੍ਸ।
105.Vatthu nāma ārāmavatthu vihāravatthu. Vatthuṭṭhaṃ nāma bhaṇḍaṃ vatthusmiṃ catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Vatthuṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Vatthuṃ abhiyuñjati, āpatti dukkaṭassa. Sāmikassa vimatiṃ uppādeti, āpatti thullaccayassa. Sāmiko na mayhaṃ bhavissatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa. Khīlaṃ vā rajjuṃ vā vatiṃ vā pākāraṃ vā saṅkāmeti, āpatti dukkaṭassa. Ekaṃ payogaṃ anāgate āpatti thullaccayassa. Tasmiṃ payoge āgate āpatti pārājikassa.
੧੦੬. ਗਾਮਟ੍ਠਂ ਨਾਮ ਭਣ੍ਡਂ ਗਾਮੇ ਚਤੂਹਿ ਠਾਨੇਹਿ ਨਿਕ੍ਖਿਤ੍ਤਂ ਹੋਤਿ – ਭੂਮਟ੍ਠਂ, ਥਲਟ੍ਠਂ, ਆਕਾਸਟ੍ਠਂ, વੇਹਾਸਟ੍ਠਂ। ਗਾਮਟ੍ਠਂ ਭਣ੍ਡਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
106.Gāmaṭṭhaṃ nāma bhaṇḍaṃ gāme catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Gāmaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
੧੦੭. ਅਰਞ੍ਞਂ ਨਾਮ ਯਂ ਮਨੁਸ੍ਸਾਨਂ ਪਰਿਗ੍ਗਹਿਤਂ ਹੋਤਿ, ਤਂ ਅਰਞ੍ਞਂ। ਅਰਞ੍ਞਟ੍ਠਂ ਨਾਮ ਭਣ੍ਡਂ ਅਰਞ੍ਞੇ ਚਤੂਹਿ ਠਾਨੇਹਿ ਨਿਕ੍ਖਿਤ੍ਤਂ ਹੋਤਿ – ਭੂਮਟ੍ਠਂ, ਥਲਟ੍ਠਂ, ਆਕਾਸਟ੍ਠਂ, વੇਹਾਸਟ੍ਠਂ। ਅਰਞ੍ਞਟ੍ਠਂ ਭਣ੍ਡਂ ਅવਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ વਾ ਪਰਿਯੇਸਤਿ ਗਚ੍ਛਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਤਤ੍ਥ ਜਾਤਕਂ ਕਟ੍ਠਂ વਾ ਲਤਂ વਾ ਤਿਣਂ વਾ ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
107.Araññaṃ nāma yaṃ manussānaṃ pariggahitaṃ hoti, taṃ araññaṃ. Araññaṭṭhaṃ nāma bhaṇḍaṃ araññe catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Araññaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṃ kaṭṭhaṃ vā lataṃ vā tiṇaṃ vā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
੧੦੮. ਉਦਕਂ ਨਾਮ ਭਾਜਨਗਤਂ વਾ ਹੋਤਿ ਪੋਕ੍ਖਰਣਿਯਾ વਾ ਤਲ਼ਾਕੇ વਾ। ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ । ਅਤ੍ਤਨੋ ਭਾਜਨਂ ਪવੇਸੇਤ੍વਾ ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਉਦਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਅਤ੍ਤਨੋ ਭਾਜਨਗਤਂ ਕਰੋਤਿ, ਆਪਤ੍ਤਿ ਪਾਰਾਜਿਕਸ੍ਸ। ਮਰਿਯਾਦਂ ਭਿਨ੍ਦਤਿ, ਆਪਤ੍ਤਿ ਦੁਕ੍ਕਟਸ੍ਸ। ਮਰਿਯਾਦਂ ਭਿਨ੍ਦਿਤ੍વਾ ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਉਦਕਂ ਨਿਕ੍ਖਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਅਤਿਰੇਕਮਾਸਕਂ વਾ ਊਨਪਞ੍ਚਮਾਸਕਂ વਾ ਅਗ੍ਘਨਕਂ ਉਦਕਂ ਨਿਕ੍ਖਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਾਸਕਂ વਾ ਊਨਮਾਸਕਂ વਾ ਅਗ੍ਘਨਕਂ ਉਦਕਂ ਨਿਕ੍ਖਾਮੇਤਿ, ਆਪਤ੍ਤਿ ਦੁਕ੍ਕਟਸ੍ਸ।
108.Udakaṃ nāma bhājanagataṃ vā hoti pokkharaṇiyā vā taḷāke vā. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa . Attano bhājanaṃ pavesetvā pañcamāsakaṃ vā atirekapañcamāsakaṃ vā agghanakaṃ udakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Attano bhājanagataṃ karoti, āpatti pārājikassa. Mariyādaṃ bhindati, āpatti dukkaṭassa. Mariyādaṃ bhinditvā pañcamāsakaṃ vā atirekapañcamāsakaṃ vā agghanakaṃ udakaṃ nikkhāmeti, āpatti pārājikassa. Atirekamāsakaṃ vā ūnapañcamāsakaṃ vā agghanakaṃ udakaṃ nikkhāmeti, āpatti thullaccayassa. Māsakaṃ vā ūnamāsakaṃ vā agghanakaṃ udakaṃ nikkhāmeti, āpatti dukkaṭassa.
੧੦੯. ਦਨ੍ਤਪੋਣਂ ਨਾਮ ਛਿਨ੍ਨਂ વਾ ਅਚ੍ਛਿਨ੍ਨਂ વਾ। ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
109.Dantapoṇaṃ nāma chinnaṃ vā acchinnaṃ vā. Pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
੧੧੦. વਨਪ੍ਪਤਿ ਨਾਮ ਯੋ ਮਨੁਸ੍ਸਾਨਂ ਪਰਿਗ੍ਗਹਿਤੋ ਹੋਤਿ ਰੁਕ੍ਖੋ ਪਰਿਭੋਗੋ। ਥੇਯ੍ਯਚਿਤ੍ਤੋ ਛਿਨ੍ਦਤਿ, ਪਹਾਰੇ ਪਹਾਰੇ ਆਪਤ੍ਤਿ ਦੁਕ੍ਕਟਸ੍ਸ। ਏਕਂ ਪਹਾਰਂ ਅਨਾਗਤੇ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਤਸ੍ਮਿਂ ਪਹਾਰੇ ਆਗਤੇ, ਆਪਤ੍ਤਿ ਪਾਰਾਜਿਕਸ੍ਸ।
110.Vanappati nāma yo manussānaṃ pariggahito hoti rukkho paribhogo. Theyyacitto chindati, pahāre pahāre āpatti dukkaṭassa. Ekaṃ pahāraṃ anāgate, āpatti thullaccayassa. Tasmiṃ pahāre āgate, āpatti pārājikassa.
੧੧੧. ਹਰਣਕਂ ਨਾਮ ਅਞ੍ਞਸ੍ਸ ਹਰਣਕਂ ਭਣ੍ਡਂ। ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਸਹਭਣ੍ਡਹਾਰਕਂ ਪਦਸਾ ਨੇਸ੍ਸਾਮੀਤਿ ਪਠਮਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਦੁਤਿਯਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਪਤਿਤਂ ਭਣ੍ਡਂ ਗਹੇਸ੍ਸਾਮੀਤਿ ਪਾਤਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਪਤਿਤਂ ਭਣ੍ਡਂ ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
111.Haraṇakaṃ nāma aññassa haraṇakaṃ bhaṇḍaṃ. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Sahabhaṇḍahārakaṃ padasā nessāmīti paṭhamaṃ pādaṃ saṅkāmeti, āpatti thullaccayassa. Dutiyaṃ pādaṃ saṅkāmeti, āpatti pārājikassa. Patitaṃ bhaṇḍaṃ gahessāmīti pātāpeti, āpatti dukkaṭassa. Patitaṃ bhaṇḍaṃ pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
੧੧੨. ਉਪਨਿਧਿ ਨਾਮ ਉਪਨਿਕ੍ਖਿਤ੍ਤਂ ਭਣ੍ਡਂ। ਦੇਹਿ ਮੇ ਭਣ੍ਡਨ੍ਤਿ વੁਚ੍ਚਮਾਨੋ ਨਾਹਂ ਗਣ੍ਹਾਮੀਤਿ ਭਣਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸਾਮਿਕਸ੍ਸ વਿਮਤਿਂ ਉਪ੍ਪਾਦੇਤਿ , ਆਪਤ੍ਤਿ ਥੁਲ੍ਲਚ੍ਚਯਸ੍ਸ । ਸਾਮਿਕੋ ਨ ਮਯ੍ਹਂ ਦਸ੍ਸਤੀਤਿ ਧੁਰਂ ਨਿਕ੍ਖਿਪਤਿ, ਆਪਤ੍ਤਿ ਪਾਰਾਜਿਕਸ੍ਸ। ਧਮ੍ਮਂ ਚਰਨ੍ਤੋ ਸਾਮਿਕਂ ਪਰਾਜੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਧਮ੍ਮਂ ਚਰਨ੍ਤੋ ਪਰਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
112.Upanidhi nāma upanikkhittaṃ bhaṇḍaṃ. Dehi me bhaṇḍanti vuccamāno nāhaṃ gaṇhāmīti bhaṇati, āpatti dukkaṭassa. Sāmikassa vimatiṃ uppādeti , āpatti thullaccayassa . Sāmiko na mayhaṃ dassatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa.
੧੧੩. ਸੁਙ੍ਕਘਾਤਂ ਨਾਮ ਰਞ੍ਞਾ ਠਪਿਤਂ ਹੋਤਿ ਪਬ੍ਬਤਖਣ੍ਡੇ વਾ ਨਦੀਤਿਤ੍ਥੇ વਾ ਗਾਮਦ੍વਾਰੇ વਾ – ‘ਅਤ੍ਰ ਪવਿਟ੍ਠਸ੍ਸ ਸੁਙ੍ਕਂ ਗਣ੍ਹਨ੍ਤੂ’ਤਿ। ਤਤ੍ਰ ਪવਿਸਿਤ੍વਾ ਰਾਜਗ੍ਗਂ 25 ਭਣ੍ਡਂ ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਪਠਮਂ ਪਾਦਂ ਸੁਙ੍ਕਘਾਤਂ ਅਤਿਕ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਦੁਤਿਯਂ ਪਾਦਂ ਅਤਿਕ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਅਨ੍ਤੋਸੁਙ੍ਕਘਾਤੇ ਠਿਤੋ ਬਹਿਸੁਙ੍ਕਘਾਤਂ ਪਾਤੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਸੁਙ੍ਕਂ ਪਰਿਹਰਤਿ, ਆਪਤ੍ਤਿ ਦੁਕ੍ਕਟਸ੍ਸ।
113.Suṅkaghātaṃ nāma raññā ṭhapitaṃ hoti pabbatakhaṇḍe vā nadītitthe vā gāmadvāre vā – ‘atra paviṭṭhassa suṅkaṃ gaṇhantū’ti. Tatra pavisitvā rājaggaṃ 26 bhaṇḍaṃ pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Paṭhamaṃ pādaṃ suṅkaghātaṃ atikkāmeti, āpatti thullaccayassa. Dutiyaṃ pādaṃ atikkāmeti, āpatti pārājikassa. Antosuṅkaghāte ṭhito bahisuṅkaghātaṃ pāteti, āpatti pārājikassa. Suṅkaṃ pariharati, āpatti dukkaṭassa.
੧੧੪. ਪਾਣੋ ਨਾਮ ਮਨੁਸ੍ਸਪਾਣੋ વੁਚ੍ਚਤਿ। ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਪਦਸਾ ਨੇਸ੍ਸਾਮੀਤਿ ਪਠਮਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਦੁਤਿਯਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
114.Pāṇo nāma manussapāṇo vuccati. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Padasā nessāmīti paṭhamaṃ pādaṃ saṅkāmeti, āpatti thullaccayassa. Dutiyaṃ pādaṃ saṅkāmeti, āpatti pārājikassa.
ਅਪਦਂ ਨਾਮ ਅਹਿ ਮਚ੍ਛਾ। ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
Apadaṃ nāma ahi macchā. Pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
੧੧੫. ਦ੍વਿਪਦਂ ਨਾਮ ਮਨੁਸ੍ਸਾ, ਪਕ੍ਖਜਾਤਾ। ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਪਦਸਾ ਨੇਸ੍ਸਾਮੀਤਿ ਪਠਮਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਦੁਤਿਯਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
115.Dvipadaṃ nāma manussā, pakkhajātā. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Padasā nessāmīti paṭhamaṃ pādaṃ saṅkāmeti, āpatti thullaccayassa. Dutiyaṃ pādaṃ saṅkāmeti, āpatti pārājikassa.
੧੧੬. ਚਤੁਪ੍ਪਦਂ ਨਾਮ – ਹਤ੍ਥੀ ਅਸ੍ਸਾ ਓਟ੍ਠਾ ਗੋਣਾ ਗਦ੍ਰਭਾ ਪਸੁਕਾ। ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਪਦਸਾ ਨੇਸ੍ਸਾਮੀਤਿ ਪਠਮਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਦੁਤਿਯਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਤਤਿਯਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਚਤੁਤ੍ਥਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
116.Catuppadaṃ nāma – hatthī assā oṭṭhā goṇā gadrabhā pasukā. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Padasā nessāmīti paṭhamaṃ pādaṃ saṅkāmeti, āpatti thullaccayassa. Dutiyaṃ pādaṃ saṅkāmeti, āpatti thullaccayassa. Tatiyaṃ pādaṃ saṅkāmeti, āpatti thullaccayassa. Catutthaṃ pādaṃ saṅkāmeti, āpatti pārājikassa.
੧੧੭. ਬਹੁਪ੍ਪਦਂ ਨਾਮ – વਿਚ੍ਛਿਕਾ ਸਤਪਦੀ ਉਚ੍ਚਾਲਿਙ੍ਗਪਾਣਕਾ। ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ। ਪਦਸਾ ਨੇਸ੍ਸਾਮੀਤਿ ਸਙ੍ਕਾਮੇਤਿ, ਪਦੇ ਪਦੇ ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਪਚ੍ਛਿਮਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
117.Bahuppadaṃ nāma – vicchikā satapadī uccāliṅgapāṇakā. Pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Padasā nessāmīti saṅkāmeti, pade pade āpatti thullaccayassa. Pacchimaṃ pādaṃ saṅkāmeti, āpatti pārājikassa.
੧੧੮. ਓਚਰਕੋ ਨਾਮ ਭਣ੍ਡਂ ਓਚਰਿਤ੍વਾ ਆਚਿਕ੍ਖਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅવਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਤਂ ਭਣ੍ਡਂ ਅવਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ।
118.Ocarako nāma bhaṇḍaṃ ocaritvā ācikkhati – ‘‘itthannāmaṃ bhaṇḍaṃ avaharā’’ti, āpatti dukkaṭassa. So taṃ bhaṇḍaṃ avaharati, āpatti ubhinnaṃ pārājikassa.
ਓਣਿਰਕ੍ਖੋ ਨਾਮ ਆਹਟਂ ਭਣ੍ਡਂ ਗੋਪੇਨ੍ਤੋ ਪਞ੍ਚਮਾਸਕਂ વਾ ਅਤਿਰੇਕਪਞ੍ਚਮਾਸਕਂ વਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
Oṇirakkho nāma āhaṭaṃ bhaṇḍaṃ gopento pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
ਸਂવਿਦਾવਹਾਰੋ ਨਾਮ ਸਮ੍ਬਹੁਲਾ ਸਂવਿਦਹਿਤ੍વਾ ਏਕੋ ਭਣ੍ਡਂ ਅવਹਰਤਿ, ਆਪਤ੍ਤਿ ਸਬ੍ਬੇਸਂ ਪਾਰਾਜਿਕਸ੍ਸ।
Saṃvidāvahāro nāma sambahulā saṃvidahitvā eko bhaṇḍaṃ avaharati, āpatti sabbesaṃ pārājikassa.
੧੧੯. ਸਙ੍ਕੇਤਕਮ੍ਮਂ ਨਾਮ ਸਙ੍ਕੇਤਂ ਕਰੋਤਿ – ‘‘ਪੁਰੇਭਤ੍ਤਂ વਾ ਪਚ੍ਛਾਭਤ੍ਤਂ વਾ ਰਤ੍ਤਿਂ વਾ ਦਿવਾ વਾ ਤੇਨ ਸਙ੍ਕੇਤੇਨ ਤਂ ਭਣ੍ਡਂ ਅવਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤੇਨ ਸਙ੍ਕੇਤੇਨ ਤਂ ਭਣ੍ਡਂ ਅવਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ। ਤਂ ਸਙ੍ਕੇਤਂ ਪੁਰੇ વਾ ਪਚ੍ਛਾ વਾ ਤਂ ਭਣ੍ਡਂ ਅવਹਰਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ। ਅવਹਾਰਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ।
119.Saṅketakammaṃ nāma saṅketaṃ karoti – ‘‘purebhattaṃ vā pacchābhattaṃ vā rattiṃ vā divā vā tena saṅketena taṃ bhaṇḍaṃ avaharā’’ti, āpatti dukkaṭassa. Tena saṅketena taṃ bhaṇḍaṃ avaharati, āpatti ubhinnaṃ pārājikassa. Taṃ saṅketaṃ pure vā pacchā vā taṃ bhaṇḍaṃ avaharati, mūlaṭṭhassa anāpatti. Avahārakassa āpatti pārājikassa.
੧੨੦. ਨਿਮਿਤ੍ਤਕਮ੍ਮਂ ਨਾਮ ਨਿਮਿਤ੍ਤਂ ਕਰੋਤਿ। ਅਕ੍ਖਿਂ વਾ ਨਿਖਣਿਸ੍ਸਾਮਿ ਭਮੁਕਂ વਾ ਉਕ੍ਖਿਪਿਸ੍ਸਾਮਿ ਸੀਸਂ વਾ ਉਕ੍ਖਿਪਿਸ੍ਸਾਮਿ, ਤੇਨ ਨਿਮਿਤ੍ਤੇਨ ਤਂ ਭਣ੍ਡਂ ਅવਹਰਾਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤੇਨ ਨਿਮਿਤ੍ਤੇਨ ਤਂ ਭਣ੍ਡਂ ਅવਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ। ਤਂ ਨਿਮਿਤ੍ਤਂ ਪੁਰੇ વਾ ਪਚ੍ਛਾ વਾ ਤਂ ਭਣ੍ਡਂ ਅવਹਰਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ। ਅવਹਾਰਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ।
120.Nimittakammaṃ nāma nimittaṃ karoti. Akkhiṃ vā nikhaṇissāmi bhamukaṃ vā ukkhipissāmi sīsaṃ vā ukkhipissāmi, tena nimittena taṃ bhaṇḍaṃ avaharāti, āpatti dukkaṭassa. Tena nimittena taṃ bhaṇḍaṃ avaharati, āpatti ubhinnaṃ pārājikassa. Taṃ nimittaṃ pure vā pacchā vā taṃ bhaṇḍaṃ avaharati, mūlaṭṭhassa anāpatti. Avahārakassa āpatti pārājikassa.
੧੨੧. ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅવਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਤਂ ਮਞ੍ਞਮਾਨੋ ਤਂ ਅવਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ।
121. Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So taṃ maññamāno taṃ avaharati, āpatti ubhinnaṃ pārājikassa.
ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅવਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਤਂ ਮਞ੍ਞਮਾਨੋ ਅਞ੍ਞਂ ਅવਹਰਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ। ਅવਹਾਰਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ।
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So taṃ maññamāno aññaṃ avaharati, mūlaṭṭhassa anāpatti. Avahārakassa āpatti pārājikassa.
ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅવਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਅਞ੍ਞਂ ਮਞ੍ਞਮਾਨੋ ਤਂ ਅવਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ।
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So aññaṃ maññamāno taṃ avaharati, āpatti ubhinnaṃ pārājikassa.
ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅવਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਅਞ੍ਞਂ ਮਞ੍ਞਮਾਨੋ ਅਞ੍ਞਂ ਅવਹਰਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ। ਅવਹਾਰਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ।
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So aññaṃ maññamāno aññaṃ avaharati, mūlaṭṭhassa anāpatti. Avahārakassa āpatti pārājikassa.
ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਸ੍ਸ ਪਾવਦ – ‘ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਸ੍ਸ ਪਾવਦਤੁ – ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਂ ਭਣ੍ਡਂ ਅવਹਰਤੂ’’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਇਤਰਸ੍ਸ ਆਰੋਚੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਅવਹਾਰਕੋ ਪਟਿਗ੍ਗਣ੍ਹਾਤਿ, ਮੂਲਟ੍ਠਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਸੋ ਤਂ ਭਣ੍ਡਂ ਅવਹਰਤਿ, ਆਪਤ੍ਤਿ ਸਬ੍ਬੇਸਂ ਪਾਰਾਜਿਕਸ੍ਸ।
Bhikkhu bhikkhuṃ āṇāpeti – ‘‘itthannāmassa pāvada – ‘itthannāmo itthannāmassa pāvadatu – itthannāmo itthannāmaṃ bhaṇḍaṃ avaharatū’’’ti, āpatti dukkaṭassa. So itarassa āroceti, āpatti dukkaṭassa. Avahārako paṭiggaṇhāti, mūlaṭṭhassa āpatti thullaccayassa. So taṃ bhaṇḍaṃ avaharati, āpatti sabbesaṃ pārājikassa.
ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਸ੍ਸ ਪਾવਦ – ‘ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਸ੍ਸ ਪਾવਦਤੁ – ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਂ ਭਣ੍ਡਂ ਅવਹਰਤੂ’’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਅਞ੍ਞਂ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਅવਹਾਰਕੋ ਪਟਿਗ੍ਗਣ੍ਹਾਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਤਂ ਭਣ੍ਡਂ ਅવਹਰਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ। ਆਣਾਪਕਸ੍ਸ ਚ ਅવਹਾਰਕਸ੍ਸ ਚ ਆਪਤ੍ਤਿ ਪਾਰਾਜਿਕਸ੍ਸ।
Bhikkhu bhikkhuṃ āṇāpeti – ‘‘itthannāmassa pāvada – ‘itthannāmo itthannāmassa pāvadatu – itthannāmo itthannāmaṃ bhaṇḍaṃ avaharatū’’’ti, āpatti dukkaṭassa. So aññaṃ āṇāpeti, āpatti dukkaṭassa. Avahārako paṭiggaṇhāti, āpatti dukkaṭassa. So taṃ bhaṇḍaṃ avaharati, mūlaṭṭhassa anāpatti. Āṇāpakassa ca avahārakassa ca āpatti pārājikassa.
ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅવਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਗਨ੍ਤ੍વਾ ਪੁਨ ਪਚ੍ਚਾਗਚ੍ਛਤਿ – ‘‘ਨਾਹਂ ਸਕ੍ਕੋਮਿ ਤਂ ਭਣ੍ਡਂ ਅવਹਰਿਤੁ’’ਨ੍ਤਿ। ਸੋ ਪੁਨ ਆਣਾਪੇਤਿ – ‘‘ਯਦਾ ਸਕ੍ਕੋਸਿ ਤਦਾ ਤਂ ਭਣ੍ਡਂ ਅવਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਤਂ ਭਣ੍ਡਂ ਅવਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ।
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So gantvā puna paccāgacchati – ‘‘nāhaṃ sakkomi taṃ bhaṇḍaṃ avaharitu’’nti. So puna āṇāpeti – ‘‘yadā sakkosi tadā taṃ bhaṇḍaṃ avaharā’’ti, āpatti dukkaṭassa. So taṃ bhaṇḍaṃ avaharati, āpatti ubhinnaṃ pārājikassa.
ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅવਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਆਣਾਪੇਤ੍વਾ વਿਪ੍ਪਟਿਸਾਰੀ ਨ ਸਾવੇਤਿ – ‘‘ਮਾ ਅવਹਰੀ’’ਤਿ। ਸੋ ਤਂ ਭਣ੍ਡਂ ਅવਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ।
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So āṇāpetvā vippaṭisārī na sāveti – ‘‘mā avaharī’’ti. So taṃ bhaṇḍaṃ avaharati, āpatti ubhinnaṃ pārājikassa.
ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅવਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਆਣਾਪੇਤ੍વਾ વਿਪ੍ਪਟਿਸਾਰੀ ਸਾવੇਤਿ – ‘‘ਮਾ ਅવਹਰੀ’’ਤਿ। ਸੋ ‘‘ਆਣਤ੍ਤੋ ਅਹਂ ਤਯਾ’’ਤਿ, ਤਂ ਭਣ੍ਡਂ ਅવਹਰਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ। ਅવਹਾਰਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ।
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So āṇāpetvā vippaṭisārī sāveti – ‘‘mā avaharī’’ti. So ‘‘āṇatto ahaṃ tayā’’ti, taṃ bhaṇḍaṃ avaharati, mūlaṭṭhassa anāpatti. Avahārakassa āpatti pārājikassa.
ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅવਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਆਣਾਪੇਤ੍વਾ વਿਪ੍ਪਟਿਸਾਰੀ ਸਾવੇਤਿ – ‘‘ਮਾ ਅવਹਰੀ’’ਤਿ। ਸੋ ‘‘ਸਾਧੂ’’ਤਿ 27? ਓਰਮਤਿ, ਉਭਿਨ੍ਨਂ ਅਨਾਪਤ੍ਤਿ।
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So āṇāpetvā vippaṭisārī sāveti – ‘‘mā avaharī’’ti. So ‘‘sādhū’’ti 28? Oramati, ubhinnaṃ anāpatti.
੧੨੨. ਪਞ੍ਚਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪਰਪਰਿਗ੍ਗਹਿਤਞ੍ਚ ਹੋਤਿ, ਪਰਪਰਿਗ੍ਗਹਿਤਸਞ੍ਞੀ ਚ, ਗਰੁਕੋ ਚ ਹੋਤਿ ਪਰਿਕ੍ਖਾਰੋ, ਪਞ੍ਚਮਾਸਕੋ વਾ ਅਤਿਰੇਕਪਞ੍ਚਮਾਸਕੋ વਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
122. Pañcahi ākārehi adinnaṃ ādiyantassa āpatti pārājikassa – parapariggahitañca hoti, parapariggahitasaññī ca, garuko ca hoti parikkhāro, pañcamāsako vā atirekapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
੧੨੩. ਪਞ੍ਚਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ – ਪਰਪਰਿਗ੍ਗਹਿਤਞ੍ਚ ਹੋਤਿ, ਪਰਪਰਿਗ੍ਗਹਿਤਸਞ੍ਞੀ ਚ, ਲਹੁਕੋ ਚ ਹੋਤਿ ਪਰਿਕ੍ਖਾਰੋ, ਅਤਿਰੇਕਮਾਸਕੋ વਾ ਊਨਪਞ੍ਚਮਾਸਕੋ વਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
123. Pañcahi ākārehi adinnaṃ ādiyantassa āpatti thullaccayassa – parapariggahitañca hoti, parapariggahitasaññī ca, lahuko ca hoti parikkhāro, atirekamāsako vā ūnapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti thullaccayassa.
੧੨੪. ਪਞ੍ਚਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ। ਪਰਪਰਿਗ੍ਗਹਿਤਞ੍ਚ ਹੋਤਿ, ਪਰਪਰਿਗ੍ਗਹਿਤਸਞ੍ਞੀ ਚ, ਲਹੁਕੋ ਚ ਹੋਤਿ ਪਰਿਕ੍ਖਾਰੋ, ਮਾਸਕੋ વਾ ਊਨਮਾਸਕੋ વਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਦੁਕ੍ਕਟਸ੍ਸ।
124. Pañcahi ākārehi adinnaṃ ādiyantassa āpatti dukkaṭassa. Parapariggahitañca hoti, parapariggahitasaññī ca, lahuko ca hoti parikkhāro, māsako vā ūnamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
੧੨੫. ਛਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ। ਨ ਚ ਸਕਸਞ੍ਞੀ, ਨ ਚ વਿਸ੍ਸਾਸਗ੍ਗਾਹੀ, ਨ ਚ ਤਾવਕਾਲਿਕਂ, ਗਰੁਕੋ ਚ ਹੋਤਿ ਪਰਿਕ੍ਖਾਰੋ, ਪਞ੍ਚਮਾਸਕੋ વਾ ਅਤਿਰੇਕਪਞ੍ਚਮਾਸਕੋ વਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ। ਆਮਸਤਿ, ਆਪਤ੍ਤਿ ਦੁਕ੍ਕਟਸ। ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਪਾਰਾਜਿਕਸ੍ਸ।
125. Chahi ākārehi adinnaṃ ādiyantassa āpatti pārājikassa. Na ca sakasaññī, na ca vissāsaggāhī, na ca tāvakālikaṃ, garuko ca hoti parikkhāro, pañcamāsako vā atirekapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭasa. Phandāpeti, āpatti thullaccayassa. Ṭhānā cāveti, āpatti pārājikassa.
੧੨੬. ਛਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਨ ਚ ਸਕਸਞ੍ਞੀ, ਨ ਚ વਿਸ੍ਸਾਸਗ੍ਗਾਹੀ, ਨ ਚ ਤਾવਕਾਲਿਕਂ, ਲਹੁਕੋ ਚ ਹੋਤਿ ਪਰਿਕ੍ਖਾਰੋ ਅਤਿਰੇਕਮਾਸਕੋ વਾ ਊਨਪਞ੍ਚਮਾਸਕੋ વਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
126. Chahi ākārehi adinnaṃ ādiyantassa āpatti thullaccayassa. Na ca sakasaññī, na ca vissāsaggāhī, na ca tāvakālikaṃ, lahuko ca hoti parikkhāro atirekamāsako vā ūnapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti thullaccayassa.
੧੨੭. ਛਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ। ਨ ਚ ਸਕਸਞ੍ਞੀ, ਨ ਚ વਿਸ੍ਸਾਸਗ੍ਗਾਹੀ, ਨ ਚ ਤਾવਕਾਲਿਕਂ, ਲਹੁਕੋ ਚ ਹੋਤਿ ਪਰਿਕ੍ਖਾਰੋ, ਮਾਸਕੋ વਾ ਊਨਮਾਸਕੋ વਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਦੁਕ੍ਕਟਸ੍ਸ।
127. Chahi ākārehi adinnaṃ ādiyantassa āpatti dukkaṭassa. Na ca sakasaññī, na ca vissāsaggāhī, na ca tāvakālikaṃ, lahuko ca hoti parikkhāro, māsako vā ūnamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
੧੨੮. ਪਞ੍ਚਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ। ਨ ਚ ਪਰਪਰਿਗ੍ਗਹਿਤਂ ਹੋਤਿ, ਪਰਪਰਿਗ੍ਗਹਿਤਸਞ੍ਞੀ ਚ, ਗਰੁਕੋ ਚ ਹੋਤਿ ਪਰਿਕ੍ਖਾਰੋ, ਪਞ੍ਚਮਾਸਕੋ વਾ ਅਤਿਰੇਕਪਞ੍ਚਮਾਸਕੋ વਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਦੁਕ੍ਕਟਸ੍ਸ।
128. Pañcahi ākārehi adinnaṃ ādiyantassa āpatti dukkaṭassa. Na ca parapariggahitaṃ hoti, parapariggahitasaññī ca, garuko ca hoti parikkhāro, pañcamāsako vā atirekapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
੧੨੯. ਪਞ੍ਚਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ। ਨ ਚ ਪਰਪਰਿਗ੍ਗਹਿਤਂ ਹੋਤਿ, ਪਰਪਰਿਗ੍ਗਹਿਤਸਞ੍ਞੀ ਚ, ਲਹੁਕੋ ਚ ਹੋਤਿ ਪਰਿਕ੍ਖਾਰੋ, ਅਤਿਰੇਕਮਾਸਕੋ વਾ ਊਨਪਞ੍ਚਮਾਸਕੋ વਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਦੁਕ੍ਕਟਸ੍ਸ।
129. Pañcahi ākārehi adinnaṃ ādiyantassa āpatti dukkaṭassa. Na ca parapariggahitaṃ hoti, parapariggahitasaññī ca, lahuko ca hoti parikkhāro, atirekamāsako vā ūnapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
੧੩੦. ਪਞ੍ਚਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ। ਨ ਚ ਪਰਪਰਿਗ੍ਗਹਿਤਂ ਹੋਤਿ, ਪਰਪਰਿਗ੍ਗਹਿਤਸਞ੍ਞੀ ਚ, ਲਹੁਕੋ ਚ ਹੋਤਿ ਪਰਿਕ੍ਖਾਰੋ, ਮਾਸਕੋ વਾ ਊਨਮਾਸਕੋ વਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ। ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਠਾਨਾ ਚਾવੇਤਿ, ਆਪਤ੍ਤਿ ਦੁਕ੍ਕਟਸ੍ਸ।
130. Pañcahi ākārehi adinnaṃ ādiyantassa āpatti dukkaṭassa. Na ca parapariggahitaṃ hoti, parapariggahitasaññī ca, lahuko ca hoti parikkhāro, māsako vā ūnamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
੧੩੧. ਅਨਾਪਤ੍ਤਿ ਸਸਞ੍ਞਿਸ੍ਸ, વਿਸ੍ਸਾਸਗ੍ਗਾਹੇ, ਤਾવਕਾਲਿਕੇ, ਪੇਤਪਰਿਗ੍ਗਹੇ, ਤਿਰਚ੍ਛਾਨਗਤਪਰਿਗ੍ਗਹੇ, ਪਂਸੁਕੂਲਸਞ੍ਞਿਸ੍ਸ, ਉਮ੍ਮਤ੍ਤਕਸ੍ਸ, (ਖਿਤ੍ਤਚਿਤ੍ਤਸ੍ਸ વੇਦਨਾਟ੍ਟਸ੍ਸ) 29 ਆਦਿਕਮ੍ਮਿਕਸ੍ਸਾਤਿ।
131. Anāpatti sasaññissa, vissāsaggāhe, tāvakālike, petapariggahe, tiracchānagatapariggahe, paṃsukūlasaññissa, ummattakassa, (khittacittassa vedanāṭṭassa) 30 ādikammikassāti.
ਅਦਿਨ੍ਨਾਦਾਨਮ੍ਹਿ ਪਠਮਭਾਣવਾਰੋ ਨਿਟ੍ਠਿਤੋ।
Adinnādānamhi paṭhamabhāṇavāro niṭṭhito.
વਿਨੀਤવਤ੍ਥੁਉਦ੍ਦਾਨਗਾਥਾ
Vinītavatthuuddānagāthā
ਰਜਕੇਹਿ ਪਞ੍ਚ ਅਕ੍ਖਾਤਾ, ਚਤੁਰੋ ਅਤ੍ਥਰਣੇਹਿ ਚ।
Rajakehi pañca akkhātā, caturo attharaṇehi ca;
ਅਨ੍ਧਕਾਰੇਨ વੇ ਪਞ੍ਚ, ਪਞ੍ਚ ਹਾਰਣਕੇਨ ਚ॥
Andhakārena ve pañca, pañca hāraṇakena ca.
ਨਿਰੁਤ੍ਤਿਯਾ ਪਞ੍ਚ ਅਕ੍ਖਾਤਾ, વਾਤੇਹਿ ਅਪਰੇ ਦੁવੇ।
Niruttiyā pañca akkhātā, vātehi apare duve;
વਿਘਾਸੇਹਿ ਪਞ੍ਚ ਅਕ੍ਖਾਤਾ, ਪਞ੍ਚ ਚੇવ ਅਮੂਲਕਾ।
Vighāsehi pañca akkhātā, pañca ceva amūlakā;
ਛਪਰਿਕ੍ਖਾਰਥવਿਕਾ , ਭਿਸਿવਂਸਾ ਨ ਨਿਕ੍ਖਮੇ।
Chaparikkhārathavikā , bhisivaṃsā na nikkhame;
ਖਾਦਨੀਯਞ੍ਚ વਿਸ੍ਸਾਸਂ, ਸਸਞ੍ਞਾਯਪਰੇ ਦੁવੇ॥
Khādanīyañca vissāsaṃ, sasaññāyapare duve.
ਸਤ੍ਤ ਨਾવਹਰਾਮਾਤਿ, ਸਤ੍ਤ ਚੇવ ਅવਾਹਰੁਂ।
Satta nāvaharāmāti, satta ceva avāharuṃ;
ਸਙ੍ਘਸ੍ਸ ਅવਹਰੁਂ ਸਤ੍ਤ, ਪੁਪ੍ਫੇਹਿ ਅਪਰੇ ਦੁવੇ॥
Saṅghassa avaharuṃ satta, pupphehi apare duve.
ਤਯੋ ਚ વੁਤ੍ਤવਾਦਿਨੋ, ਮਣਿ ਤੀਣਿ ਅਤਿਕ੍ਕਮੇ।
Tayo ca vuttavādino, maṇi tīṇi atikkame;
ਸੂਕਰਾ ਚ ਮਿਗਾ ਮਚ੍ਛਾ, ਯਾਨਞ੍ਚਾਪਿ ਪવਤ੍ਤਯਿ॥
Sūkarā ca migā macchā, yānañcāpi pavattayi.
ਦੁવੇ ਪੇਸੀ ਦੁવੇ ਦਾਰੂ, ਪਂਸੁਕੂਲਂ ਦੁવੇ ਦਕਾ।
Duve pesī duve dārū, paṃsukūlaṃ duve dakā;
ਅਨੁਪੁਬ੍ਬવਿਧਾਨੇਨ , ਤਦਞ੍ਞੋ ਨ ਪਰਿਪੂਰਯਿ॥
Anupubbavidhānena , tadañño na paripūrayi.
ਸਾવਤ੍ਥਿਯਾ ਚਤੁਰੋ ਮੁਟ੍ਠੀ, ਦ੍વੇ વਿਘਾਸਾ ਦੁવੇ ਤਿਣਾ।
Sāvatthiyā caturo muṭṭhī, dve vighāsā duve tiṇā;
ਸਙ੍ਘਸ੍ਸ ਭਾਜਯੁਂ ਸਤ੍ਤ, ਸਤ੍ਤ ਚੇવ ਅਸ੍ਸਾਮਿਕਾ॥
Saṅghassa bhājayuṃ satta, satta ceva assāmikā.
ਦਾਰੁਦਕਾ ਮਤ੍ਤਿਕਾ ਦ੍વੇ ਤਿਣਾਨਿ।
Dārudakā mattikā dve tiṇāni;
ਸਙ੍ਘਸ੍ਸ ਸਤ੍ਤ ਅવਹਾਸਿ ਸੇਯ੍ਯਂ।
Saṅghassa satta avahāsi seyyaṃ;
ਸਸ੍ਸਾਮਿਕਂ ਨ ਚਾਪਿ ਨੀਹਰੇਯ੍ਯ।
Sassāmikaṃ na cāpi nīhareyya;
ਹਰੇਯ੍ਯ ਸਸ੍ਸਾਮਿਕਂ ਤਾવਕਾਲਿਕਂ॥
Hareyya sassāmikaṃ tāvakālikaṃ.
ਚਮ੍ਪਾ ਰਾਜਗਹੇ ਚੇવ, વੇਸਾਲਿਯਾ ਚ ਅਜ੍ਜੁਕੋ।
Campā rājagahe ceva, vesāliyā ca ajjuko;
ਬਾਰਾਣਸੀ ਚ ਕੋਸਮ੍ਬੀ, ਸਾਗਲਾ ਦਲ਼੍ਹਿਕੇਨ ਚਾਤਿ॥
Bārāṇasī ca kosambī, sāgalā daḷhikena cāti.
વਿਨੀਤવਤ੍ਥੁ
Vinītavatthu
੧੩੨. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਰਜਕਤ੍ਥਰਣਂ ਗਨ੍ਤ੍વਾ ਰਜਕਭਣ੍ਡਿਕਂ ਅવਹਰਿਂਸੁ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗવਤਾ ਸਿਕ੍ਖਾਪਦਂ ਪਞ੍ਞਤ੍ਤਂ। ਕਚ੍ਚਿ ਨੁ ਖੋ ਮਯਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨਾ’’ਤਿ । ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖવੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ।
132. Tena kho pana samayena chabbaggiyā bhikkhū rajakattharaṇaṃ gantvā rajakabhaṇḍikaṃ avahariṃsu. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ. Kacci nu kho mayaṃ pārājikaṃ āpattiṃ āpannā’’ti . Bhagavato etamatthaṃ ārocesuṃ. ‘‘Āpattiṃ tumhe, bhikkhave, āpannā pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਰਜਕਤ੍ਥਰਣਂ ਗਨ੍ਤ੍વਾ ਮਹਗ੍ਘਂ ਦੁਸ੍ਸਂ ਪਸ੍ਸਿਤ੍વਾ ਥੇਯ੍ਯਚਿਤ੍ਤਂ ਉਪ੍ਪਾਦੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗવਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸਿ। ‘‘ਅਨਾਪਤ੍ਤਿ, ਭਿਕ੍ਖੁ, ਚਿਤ੍ਤੁਪ੍ਪਾਦੇ’’ਤਿ।
Tena kho pana samayena aññataro bhikkhu rajakattharaṇaṃ gantvā mahagghaṃ dussaṃ passitvā theyyacittaṃ uppādesi. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ pārājikaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, cittuppāde’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਰਜਕਤ੍ਥਰਣਂ ਗਨ੍ਤ੍વਾ ਮਹਗ੍ਘਂ ਦੁਸ੍ਸਂ ਪਸ੍ਸਿਤ੍વਾ ਥੇਯ੍ਯਚਿਤ੍ਤੋ ਆਮਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ। ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu rajakattharaṇaṃ gantvā mahagghaṃ dussaṃ passitvā theyyacitto āmasi. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਰਜਕਤ੍ਥਰਣਂ ਗਨ੍ਤ੍વਾ ਮਹਗ੍ਘਂ ਦੁਸ੍ਸਂ ਪਸ੍ਸਿਤ੍વਾ ਥੇਯ੍ਯਚਿਤ੍ਤੋ ਫਨ੍ਦਾਪੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ। ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññataro bhikkhu rajakattharaṇaṃ gantvā mahagghaṃ dussaṃ passitvā theyyacitto phandāpesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਰਜਕਤ੍ਥਰਣਂ ਗਨ੍ਤ੍વਾ ਮਹਗ੍ਘਂ ਦੁਸ੍ਸਂ ਪਸ੍ਸਿਤ੍વਾ ਥੇਯ੍ਯਚਿਤ੍ਤੋ ਠਾਨਾ ਚਾવੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu rajakattharaṇaṃ gantvā mahagghaṃ dussaṃ passitvā theyyacitto ṭhānā cāvesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੩੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪਿਣ੍ਡਚਾਰਿਕੋ ਭਿਕ੍ਖੁ ਮਹਗ੍ਘਂ ਉਤ੍ਤਰਤ੍ਥਰਣਂ ਪਸ੍ਸਿਤ੍વਾ ਥੇਯ੍ਯਚਿਤ੍ਤਂ ਉਪ੍ਪਾਦੇਸਿ…ਪੇ॰… ਥੇਯ੍ਯਚਿਤ੍ਤੋ ਆਮਸਿ…ਪੇ॰… ਥੇਯ੍ਯਚਿਤ੍ਤੋ ਫਨ੍ਦਾਪੇਸਿ…ਪੇ॰… ਥੇਯ੍ਯਚਿਤ੍ਤੋ ਠਾਨਾ ਚਾવੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
133. Tena kho pana samayena aññataro piṇḍacāriko bhikkhu mahagghaṃ uttarattharaṇaṃ passitvā theyyacittaṃ uppādesi…pe… theyyacitto āmasi…pe… theyyacitto phandāpesi…pe… theyyacitto ṭhānā cāvesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੩੪. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦਿવਾ ਭਣ੍ਡਂ ਪਸ੍ਸਿਤ੍વਾ ਨਿਮਿਤ੍ਤਂ ਅਕਾਸਿ – ‘ਰਤ੍ਤਿਂ ਅવਹਰਿਸ੍ਸਾਮੀ’ਤਿ। ਸੋ ਤਂ ਮਞ੍ਞਮਾਨੋ ਤਂ ਅવਹਰਿ…ਪੇ॰… ਤਂ ਮਞ੍ਞਮਾਨੋ ਅਞ੍ਞਂ ਅવਹਰਿ…ਪੇ॰… ਅਞ੍ਞਂ ਮਞ੍ਞਮਾਨੋ ਤਂ ਅવਹਰਿ…ਪੇ॰… ਅਞ੍ਞਂ ਮਞ੍ਞਮਾਨੋ ਅਞ੍ਞਂ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ ।
134. Tena kho pana samayena aññataro bhikkhu divā bhaṇḍaṃ passitvā nimittaṃ akāsi – ‘rattiṃ avaharissāmī’ti. So taṃ maññamāno taṃ avahari…pe… taṃ maññamāno aññaṃ avahari…pe… aññaṃ maññamāno taṃ avahari…pe… aññaṃ maññamāno aññaṃ avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti .
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦਿવਾ ਭਣ੍ਡਂ ਪਸ੍ਸਿਤ੍વਾ ਨਿਮਿਤ੍ਤਂ ਅਕਾਸਿ – ‘‘ਰਤ੍ਤਿਂ ਅવਹਰਿਸ੍ਸਾਮੀ’’ਤਿ। ਸੋ ਤਂ ਮਞ੍ਞਮਾਨੋ ਅਤ੍ਤਨੋ ਭਣ੍ਡਂ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ। ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu divā bhaṇḍaṃ passitvā nimittaṃ akāsi – ‘‘rattiṃ avaharissāmī’’ti. So taṃ maññamāno attano bhaṇḍaṃ avahari. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਸ੍ਸ ਭਣ੍ਡਂ ਹਰਨ੍ਤੋ ਸੀਸੇ ਭਾਰਂ ਥੇਯ੍ਯਚਿਤ੍ਤੋ ਆਮਸਿ…ਪੇ॰… ਥੇਯ੍ਯਚਿਤ੍ਤੋ ਫਨ੍ਦਾਪੇਸਿ…ਪੇ॰… ਥੇਯ੍ਯਚਿਤ੍ਤੋ ਖਨ੍ਧਂ ਓਰੋਪੇਸਿ…ਪੇ॰… ਖਨ੍ਧੇ ਭਾਰਂ ਥੇਯ੍ਯਚਿਤ੍ਤੋ ਆਮਸਿ…ਪੇ॰… ਥੇਯ੍ਯਚਿਤ੍ਤੋ ਫਨ੍ਦਾਪੇਸਿ…ਪੇ॰… ਥੇਯ੍ਯਚਿਤ੍ਤੋ ਕਟਿਂ ਓਰੋਪੇਸਿ…ਪੇ॰… ਕਟਿਯਾ ਭਾਰਂ ਥੇਯ੍ਯਚਿਤ੍ਤੋ ਆਮਸਿ…ਪੇ॰… ਥੇਯ੍ਯਚਿਤ੍ਤੋ ਫਨ੍ਦਾਪੇਸਿ…ਪੇ॰… ਥੇਯ੍ਯਚਿਤ੍ਤੋ ਹਤ੍ਥੇਨ ਅਗ੍ਗਹੇਸਿ…ਪੇ॰… ਹਤ੍ਥੇ ਭਾਰਂ ਥੇਯ੍ਯਚਿਤ੍ਤੋ ਭੂਮਿਯਂ ਨਿਕ੍ਖਿਪਿ…ਪੇ॰… ਥੇਯ੍ਯਚਿਤ੍ਤੋ ਭੂਮਿਤੋ ਅਗ੍ਗਹੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu aññassa bhaṇḍaṃ haranto sīse bhāraṃ theyyacitto āmasi…pe… theyyacitto phandāpesi…pe… theyyacitto khandhaṃ oropesi…pe… khandhe bhāraṃ theyyacitto āmasi…pe… theyyacitto phandāpesi…pe… theyyacitto kaṭiṃ oropesi…pe… kaṭiyā bhāraṃ theyyacitto āmasi…pe… theyyacitto phandāpesi…pe… theyyacitto hatthena aggahesi…pe… hatthe bhāraṃ theyyacitto bhūmiyaṃ nikkhipi…pe… theyyacitto bhūmito aggahesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੩੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਜ੍ਝੋਕਾਸੇ ਚੀવਰਂ ਪਤ੍ਥਰਿਤ੍વਾ વਿਹਾਰਂ ਪਾવਿਸਿ। ਅਞ੍ਞਤਰੋ ਭਿਕ੍ਖੁ – ‘ਮਾਯਿਦਂ ਚੀવਰਂ ਨਸ੍ਸੀ’ਤਿ, ਪਟਿਸਾਮੇਸਿ। ਸੋ ਨਿਕ੍ਖਮਿਤ੍વਾ ਤਂ ਭਿਕ੍ਖੁਂ ਪੁਚ੍ਛਿ – ‘‘ਆવੁਸੋ, ਮਯ੍ਹਂ ਚੀવਰਂ ਕੇਨ ਅવਹਟ’’ਨ੍ਤਿ ? ਸੋ ਏવਮਾਹ – ‘‘ਮਯਾ ਅવਹਟ’’ਨ੍ਤਿ। ‘‘ਸੋ ਤਂ ਆਦਿਯਿ, ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰…। ਭਗવਤੋ ਏਤਮਤ੍ਥਂ ਆਰੋਚੇਸਿ। ‘‘ਕਿਂਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘ਨਿਰੁਤ੍ਤਿਪਥੋ ਅਹਂ, ਭਗવਾ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, ਨਿਰੁਤ੍ਤਿਪਥੇ’’ਤਿ।
135. Tena kho pana samayena aññataro bhikkhu ajjhokāse cīvaraṃ pattharitvā vihāraṃ pāvisi. Aññataro bhikkhu – ‘māyidaṃ cīvaraṃ nassī’ti, paṭisāmesi. So nikkhamitvā taṃ bhikkhuṃ pucchi – ‘‘āvuso, mayhaṃ cīvaraṃ kena avahaṭa’’nti ? So evamāha – ‘‘mayā avahaṭa’’nti. ‘‘So taṃ ādiyi, assamaṇosi tva’’nti. Tassa kukkuccaṃ ahosi…pe…. Bhagavato etamatthaṃ ārocesi. ‘‘Kiṃcitto tvaṃ, bhikkhū’’ti? ‘‘Niruttipatho ahaṃ, bhagavā’’ti. ‘‘Anāpatti, bhikkhu, niruttipathe’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪੀਠੇ ਚੀવਰਂ ਨਿਕ੍ਖਿਪਿਤ੍વਾ। ਪੀਠੇ ਨਿਸੀਦਨਂ ਨਿਕ੍ਖਿਪਿਤ੍વਾ… ਹੇਟ੍ਠਾਪੀਠੇ ਪਤ੍ਤਂ ਨਿਕ੍ਖਿਪਿਤ੍વਾ વਿਹਾਰਂ ਪਾવਿਸਿ। ਅਞ੍ਞਤਰੋ ਭਿਕ੍ਖੁ – ‘‘ਮਾਯਂ ਪਤ੍ਤੋ ਨਸ੍ਸੀ’’ਤਿ ਪਟਿਸਾਮੇਸਿ। ਸੋ ਨਿਕ੍ਖਮਿਤ੍વਾ ਤਂ ਭਿਕ੍ਖੁਂ ਪੁਚ੍ਛਿ – ‘‘ਆવੁਸੋ, ਮਯ੍ਹਂ ਪਤ੍ਤੋ ਕੇਨ ਅવਹਟੋ’’ਤਿ? ਸੋ ਏવਮਾਹ – ‘‘ਮਯਾ ਅવਹਟੋ’’ਤਿ। ‘‘ਸੋ ਤਂ ਆਦਿਯਿ, ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਿਰੁਤ੍ਤਿਪਥੇ’’ਤਿ।
Tena kho pana samayena aññataro bhikkhu pīṭhe cīvaraṃ nikkhipitvā. Pīṭhe nisīdanaṃ nikkhipitvā… heṭṭhāpīṭhe pattaṃ nikkhipitvā vihāraṃ pāvisi. Aññataro bhikkhu – ‘‘māyaṃ patto nassī’’ti paṭisāmesi. So nikkhamitvā taṃ bhikkhuṃ pucchi – ‘‘āvuso, mayhaṃ patto kena avahaṭo’’ti? So evamāha – ‘‘mayā avahaṭo’’ti. ‘‘So taṃ ādiyi, assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, niruttipathe’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਭਿਕ੍ਖੁਨੀ વਤਿਯਾ ਚੀવਰਂ ਪਤ੍ਥਰਿਤ੍વਾ વਿਹਾਰਂ ਪਾવਿਸਿ। ਅਞ੍ਞਤਰਾ ਭਿਕ੍ਖੁਨੀ – ‘ਮਾਯਿਦਂ ਚੀવਰਂ ਨਸ੍ਸੀ’ਤਿ ਪਟਿਸਾਮੇਸਿ। ਸਾ ਨਿਕ੍ਖਮਿਤ੍વਾ ਤਂ ਭਿਕ੍ਖੁਨਿਂ ਪੁਚ੍ਛਿ – ‘‘ਅਯ੍ਯੇ, ਮਯ੍ਹਂ ਚੀવਰਂ ਕੇਨ ਅવਹਟ’’ਨ੍ਤਿ? ਸਾ ਏવਮਾਹ – ‘‘ਮਯਾ ਅવਹਟ’’ਨ੍ਤਿ। ‘‘ਸਾ ਤਂ ਆਦਿਯਿ, ਅਸ੍ਸਮਣੀਸਿ ਤ੍વ’’ਨ੍ਤਿ। ਤਸ੍ਸਾ ਕੁਕ੍ਕੁਚ੍ਚਂ ਅਹੋਸਿ। ਅਥ ਖੋ ਸਾ ਭਿਕ੍ਖੁਨੀ ਭਿਕ੍ਖੁਨੀਨਂ ਏਤਮਤ੍ਥਂ ਆਰੋਚੇਸਿ। ਭਿਕ੍ਖੁਨਿਯੋ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ। ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਨਿਰੁਤ੍ਤਿਪਥੇ’’ਤਿ।
Tena kho pana samayena aññatarā bhikkhunī vatiyā cīvaraṃ pattharitvā vihāraṃ pāvisi. Aññatarā bhikkhunī – ‘māyidaṃ cīvaraṃ nassī’ti paṭisāmesi. Sā nikkhamitvā taṃ bhikkhuniṃ pucchi – ‘‘ayye, mayhaṃ cīvaraṃ kena avahaṭa’’nti? Sā evamāha – ‘‘mayā avahaṭa’’nti. ‘‘Sā taṃ ādiyi, assamaṇīsi tva’’nti. Tassā kukkuccaṃ ahosi. Atha kho sā bhikkhunī bhikkhunīnaṃ etamatthaṃ ārocesi. Bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ…pe… ‘‘anāpatti, bhikkhave, niruttipathe’’ti.
੧੩੬. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ વਾਤਮਣ੍ਡਲਿਕਾਯ ਉਕ੍ਖਿਤ੍ਤਂ ਸਾਟਕਂ ਪਸ੍ਸਿਤ੍વਾ ਸਾਮਿਕਾਨਂ ਦਸ੍ਸਾਮੀਤਿ, ਅਗ੍ਗਹੇਸਿ। ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਕਿਂਚਿਤ੍ਤੋ ਤ੍વਂ ਭਿਕ੍ਖੂ’’ਤਿ? ‘‘ਅਥੇਯ੍ਯਚਿਤ੍ਤੋ ਅਹਂ, ਭਗવਾ’’ਤਿ। ਅਨਾਪਤ੍ਤਿ, ਭਿਕ੍ਖੁ, ਅਥੇਯ੍ਯਚਿਤ੍ਤਸ੍ਸਾ’’ਤਿ।
136. Tena kho pana samayena aññataro bhikkhu vātamaṇḍalikāya ukkhittaṃ sāṭakaṃ passitvā sāmikānaṃ dassāmīti, aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘kiṃcitto tvaṃ bhikkhū’’ti? ‘‘Atheyyacitto ahaṃ, bhagavā’’ti. Anāpatti, bhikkhu, atheyyacittassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ વਾਤਮਣ੍ਡਲਿਕਾਯ ਉਕ੍ਖਿਤ੍ਤਂ વੇਠਨਂ ਪਸ੍ਸਿਤ੍વਾ ‘ਪੁਰੇ ਸਾਮਿਕਾ ਪਸ੍ਸਨ੍ਤੀ’ਤਿ ਥੇਯ੍ਯਚਿਤ੍ਤੋ ਅਗ੍ਗਹੇਸਿ। ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu vātamaṇḍalikāya ukkhittaṃ veṭhanaṃ passitvā ‘pure sāmikā passantī’ti theyyacitto aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੩੭. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸੁਸਾਨਂ ਗਨ੍ਤ੍વਾ ਅਭਿਨ੍ਨੇ ਸਰੀਰੇ ਪਂਸੁਕੂਲਂ ਅਗ੍ਗਹੇਸਿ। ਤਸ੍ਮਿਞ੍ਚ ਸਰੀਰੇ ਪੇਤੋ ਅਧਿવਤ੍ਥੋ ਹੋਤਿ । ਅਥ ਖੋ ਸੋ ਪੇਤੋ ਤਂ ਭਿਕ੍ਖੁਂ ਏਤਦવੋਚ – ‘‘ਮਾ, ਭਨ੍ਤੇ, ਮਯ੍ਹਂ ਸਾਟਕਂ ਅਗ੍ਗਹੇਸੀ’’ਤਿ। ਸੋ ਭਿਕ੍ਖੁ ਅਨਾਦਿਯਨ੍ਤੋ ਅਗਮਾਸਿ । ਅਥ ਖੋ ਤਂ ਸਰੀਰਂ ਉਟ੍ਠਹਿਤ੍વਾ ਤਸ੍ਸ ਭਿਕ੍ਖੁਨੋ ਪਿਟ੍ਠਿਤੋ ਪਿਟ੍ਠਿਤੋ ਅਨੁਬਨ੍ਧਿ। ਅਥ ਖੋ ਸੋ ਭਿਕ੍ਖੁ વਿਹਾਰਂ ਪવਿਸਿਤ੍વਾ ਦ੍વਾਰਂ ਥਕੇਸਿ। ਅਥ ਖੋ ਤਂ ਸਰੀਰਂ ਤਤ੍ਥੇવ ਪਰਿਪਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ। ਨ ਚ, ਭਿਕ੍ਖવੇ, ਅਭਿਨ੍ਨੇ ਸਰੀਰੇ ਪਂਸੁਕੂਲਂ ਗਹੇਤਬ੍ਬਂ। ਸੋ ਗਣ੍ਹੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
137. Tena kho pana samayena aññataro bhikkhu susānaṃ gantvā abhinne sarīre paṃsukūlaṃ aggahesi. Tasmiñca sarīre peto adhivattho hoti . Atha kho so peto taṃ bhikkhuṃ etadavoca – ‘‘mā, bhante, mayhaṃ sāṭakaṃ aggahesī’’ti. So bhikkhu anādiyanto agamāsi . Atha kho taṃ sarīraṃ uṭṭhahitvā tassa bhikkhuno piṭṭhito piṭṭhito anubandhi. Atha kho so bhikkhu vihāraṃ pavisitvā dvāraṃ thakesi. Atha kho taṃ sarīraṃ tattheva paripati. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, abhinne sarīre paṃsukūlaṃ gahetabbaṃ. So gaṇheyya, āpatti dukkaṭassā’’ti.
੧੩੮. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਚੀવਰੇ ਭਾਜੀਯਮਾਨੇ ਥੇਯ੍ਯਚਿਤ੍ਤੋ ਕੁਸਂ ਸਙ੍ਕਾਮੇਤ੍વਾ ਚੀવਰਂ ਅਗ੍ਗਹੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
138. Tena kho pana samayena aññataro bhikkhu saṅghassa cīvare bhājīyamāne theyyacitto kusaṃ saṅkāmetvā cīvaraṃ aggahesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੩੯. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਆਨਨ੍ਦੋ ਜਨ੍ਤਾਘਰੇ ਅਞ੍ਞਤਰਸ੍ਸ ਭਿਕ੍ਖੁਨੋ ਅਨ੍ਤਰવਾਸਕਂ ਅਤ੍ਤਨੋ ਮਞ੍ਞਮਾਨੋ ਨਿવਾਸੇਸਿ। ਅਥ ਖੋ ਸੋ ਭਿਕ੍ਖੁ ਆਯਸ੍ਮਨ੍ਤਂ ਆਨਨ੍ਦਂ ਏਤਦવੋਚ – ‘‘ਕਿਸ੍ਸ ਮੇ ਤ੍વਂ, ਆવੁਸੋ ਆਨਨ੍ਦ, ਅਨ੍ਤਰવਾਸਕਂ ਨਿવਾਸੇਸੀ’’ਤਿ? ‘‘ਸਕਸਞ੍ਞੀ ਅਹਂ, ਆવੁਸੋ’’ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨਾਪਤ੍ਤਿ, ਭਿਕ੍ਖવੇ, ਸਕਸਞ੍ਞਿਸ੍ਸਾ’’ਤਿ।
139. Tena kho pana samayena āyasmā ānando jantāghare aññatarassa bhikkhuno antaravāsakaṃ attano maññamāno nivāsesi. Atha kho so bhikkhu āyasmantaṃ ānandaṃ etadavoca – ‘‘kissa me tvaṃ, āvuso ānanda, antaravāsakaṃ nivāsesī’’ti? ‘‘Sakasaññī ahaṃ, āvuso’’ti. Bhagavato etamatthaṃ ārocesuṃ. ‘‘Anāpatti, bhikkhave, sakasaññissā’’ti.
੧੪੦. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤਾ ਸੀਹવਿਘਾਸਂ ਪਸ੍ਸਿਤ੍વਾ ਪਚਾਪੇਤ੍વਾ ਪਰਿਭੁਞ੍ਜਿਂਸੁ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਸੀਹવਿਘਾਸੇ’’ਤਿ।
140. Tena kho pana samayena sambahulā bhikkhū gijjhakūṭā pabbatā orohantā sīhavighāsaṃ passitvā pacāpetvā paribhuñjiṃsu. Tesaṃ kukkuccaṃ ahosi…pe… ‘‘anāpatti, bhikkhave, sīhavighāse’’ti.
ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤਾ ਬ੍ਯਗ੍ਘવਿਘਾਸਂ ਪਸ੍ਸਿਤ੍વਾ… ਦੀਪਿવਿਘਾਸਂ ਪਸ੍ਸਿਤ੍વਾ… ਤਰਚ੍ਛવਿਘਾਸਂ ਪਸ੍ਸਿਤ੍વਾ… ਕੋਕવਿਘਾਸਂ ਪਸ੍ਸਿਤ੍વਾ ਪਚਾਪੇਤ੍વਾ ਪਰਿਭੁਞ੍ਜਿਂਸੁ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਤਿਰਚ੍ਛਾਨਗਤਪਰਿਗ੍ਗਹੇ’’ਤਿ।
Tena kho pana samayena sambahulā bhikkhū gijjhakūṭā pabbatā orohantā byagghavighāsaṃ passitvā… dīpivighāsaṃ passitvā… taracchavighāsaṃ passitvā… kokavighāsaṃ passitvā pacāpetvā paribhuñjiṃsu. Tesaṃ kukkuccaṃ ahosi…pe… ‘‘anāpatti, bhikkhave, tiracchānagatapariggahe’’ti.
੧੪੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਓਦਨੇ ਭਾਜੀਯਮਾਨੇ – ‘ਅਪਰਸ੍ਸ ਭਾਗਂ ਦੇਹੀ’ਤਿ ਅਮੂਲਕਂ ਅਗ੍ਗਹੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ। ਆਪਤ੍ਤਿ ਸਮ੍ਪਜਾਨਮੁਸਾવਾਦੇ ਪਾਚਿਤ੍ਤਿਯਸ੍ਸਾ’’ਤਿ।
141. Tena kho pana samayena aññataro bhikkhu saṅghassa odane bhājīyamāne – ‘aparassa bhāgaṃ dehī’ti amūlakaṃ aggahesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti sampajānamusāvāde pācittiyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਖਾਦਨੀਯੇ ਭਾਜਿਯਮਾਨੇ… ਸਙ੍ਘਸ੍ਸ ਪੂવੇ ਭਾਜਿਯਮਾਨੇ… ਸਙ੍ਘਸ੍ਸ ਉਚ੍ਛੁਮ੍ਹਿ ਭਾਜਿਯਮਾਨੇ… ਸਙ੍ਘਸ੍ਸ ਤਿਮ੍ਬਰੂਸਕੇ ਭਾਜਿਯਮਾਨੇ – ‘ਅਪਰਸ੍ਸ ਭਾਗਂ ਦੇਹੀ’ਤਿ ਅਮੂਲਕਂ ਅਗ੍ਗਹੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰…। ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ। ਆਪਤ੍ਤਿ ਸਮ੍ਪਜਾਨਮੁਸਾવਾਦੇ ਪਾਚਿਤ੍ਤਿਯਸ੍ਸਾ’’ਤਿ।
Tena kho pana samayena aññataro bhikkhu saṅghassa khādanīye bhājiyamāne… saṅghassa pūve bhājiyamāne… saṅghassa ucchumhi bhājiyamāne… saṅghassa timbarūsake bhājiyamāne – ‘aparassa bhāgaṃ dehī’ti amūlakaṃ aggahesi. Tassa kukkuccaṃ ahosi…pe…. ‘‘Anāpatti, bhikkhu, pārājikassa. Āpatti sampajānamusāvāde pācittiyassā’’ti.
੧੪੨. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦੁਬ੍ਭਿਕ੍ਖੇ ਓਦਨੀਯਘਰਂ ਪવਿਸਿਤ੍વਾ ਪਤ੍ਤਪੂਰਂ ਓਦਨਂ ਥੇਯ੍ਯਚਿਤ੍ਤੋ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
142. Tena kho pana samayena aññataro bhikkhu dubbhikkhe odanīyagharaṃ pavisitvā pattapūraṃ odanaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦੁਬ੍ਭਿਕ੍ਖੇ ਸੂਨਘਰਂ 35 ਪવਿਸਿਤ੍વਾ ਪਤ੍ਤਪੂਰਂ ਮਂਸਂ ਥੇਯ੍ਯਚਿਤ੍ਤੋ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu dubbhikkhe sūnagharaṃ 36 pavisitvā pattapūraṃ maṃsaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦੁਬ੍ਭਿਕ੍ਖੇ ਪੂવਘਰਂ ਪવਿਸਿਤ੍વਾ ਪਤ੍ਤਪੂਰਂ ਪੂવਂ ਥੇਯ੍ਯਚਿਤ੍ਤੋ ਅવਹਰਿ…ਪੇ॰… ਪਤ੍ਤਪੂਰਾ ਸਕ੍ਖਲਿਯੋ ਥੇਯ੍ਯਚਿਤ੍ਤੋ ਅવਹਰਿ…ਪੇ॰… ਪਤ੍ਤਪੂਰੇ ਮੋਦਕੇ ਥੇਯ੍ਯਚਿਤ੍ਤੋ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu dubbhikkhe pūvagharaṃ pavisitvā pattapūraṃ pūvaṃ theyyacitto avahari…pe… pattapūrā sakkhaliyo theyyacitto avahari…pe… pattapūre modake theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੪੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦਿવਾ ਪਰਿਕ੍ਖਾਰਂ ਪਸ੍ਸਿਤ੍વਾ ਨਿਮਿਤ੍ਤਂ ਅਕਾਸਿ – ‘‘ਰਤ੍ਤਿਂ ਅવਹਰਿਸ੍ਸਾਮੀ’’ਤਿ। ਸੋ ਤਂ ਮਞ੍ਞਮਾਨੋ ਤਂ ਅવਹਰਿ…ਪੇ॰… ਤਂ ਮਞ੍ਞਮਾਨੋ ਅਞ੍ਞਂ ਅવਹਰਿ…ਪੇ॰… ਅਞ੍ਞਂ ਮਞ੍ਞਮਾਨੋ ਤਂ ਅવਹਰਿ…ਪੇ॰… ਅਞ੍ਞਂ ਮਞ੍ਞਮਾਨੋ ਅਞ੍ਞਂ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
143. Tena kho pana samayena aññataro bhikkhu divā parikkhāraṃ passitvā nimittaṃ akāsi – ‘‘rattiṃ avaharissāmī’’ti. So taṃ maññamāno taṃ avahari…pe… taṃ maññamāno aññaṃ avahari…pe… aññaṃ maññamāno taṃ avahari…pe… aññaṃ maññamāno aññaṃ avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦਿવਾ ਪਰਿਕ੍ਖਾਰਂ ਪਸ੍ਸਿਤ੍વਾ ਨਿਮਿਤ੍ਤਂ ਅਕਾਸਿ – ‘‘ਰਤ੍ਤਿਂ ਅવਹਰਿਸ੍ਸਾਮੀ’’ਤਿ। ਸੋ ਤਂ ਮਞ੍ਞਮਾਨੋ ਅਤ੍ਤਨੋ ਪਰਿਕ੍ਖਾਰਂ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ। ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu divā parikkhāraṃ passitvā nimittaṃ akāsi – ‘‘rattiṃ avaharissāmī’’ti. So taṃ maññamāno attano parikkhāraṃ avahari. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti dukkaṭassā’’ti.
੧੪੪. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪੀਠੇ ਥવਿਕਂ ਪਸ੍ਸਿਤ੍વਾ – ‘‘ਇਤੋ ਗਣ੍ਹਨ੍ਤੋ ਪਾਰਾਜਿਕੋ ਭવਿਸ੍ਸਾਮੀ’’ਤਿ ਸਹ ਪੀਠਕੇਨ ਸਙ੍ਕਾਮੇਤ੍વਾ ਅਗ੍ਗਹੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
144. Tena kho pana samayena aññataro bhikkhu pīṭhe thavikaṃ passitvā – ‘‘ito gaṇhanto pārājiko bhavissāmī’’ti saha pīṭhakena saṅkāmetvā aggahesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਭਿਸਿਂ ਥੇਯ੍ਯਚਿਤ੍ਤੋ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu saṅghassa bhisiṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੪੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਚੀવਰવਂਸੇ ਚੀવਰਂ ਥੇਯ੍ਯਚਿਤ੍ਤੋ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
145. Tena kho pana samayena aññataro bhikkhu cīvaravaṃse cīvaraṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੪੬. ਤੇਨ ਖੋ ਪਨ ਸਮਯੇਨ ਦ੍વੇ ਭਿਕ੍ਖੂ ਸਹਾਯਕਾ ਹੋਨ੍ਤਿ। ਏਕੋ ਭਿਕ੍ਖੁ ਗਾਮਂ ਪਿਣ੍ਡਾਯ ਪਾવਿਸਿ। ਦੁਤਿਯੋ ਭਿਕ੍ਖੁ ਸਙ੍ਘਸ੍ਸ ਖਾਦਨੀਯੇ ਭਾਜੀਯਮਾਨੇ ਸਹਾਯਕਸ੍ਸ ਭਾਗਂ ਗਹੇਤ੍વਾ ਤਸ੍ਸ વਿਸ੍ਸਸਨ੍ਤੋ ਪਰਿਭੁਞ੍ਜਿ। ਸੋ ਜਾਨਿਤ੍વਾ ਤਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਕਿਂ ਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘વਿਸ੍ਸਾਸਗ੍ਗਾਹੋ ਅਹਂ, ਭਗવਾ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, વਿਸ੍ਸਾਸਗ੍ਗਾਹੇ’’ਤਿ।
146. Tena kho pana samayena dve bhikkhū sahāyakā honti. Eko bhikkhu gāmaṃ piṇḍāya pāvisi. Dutiyo bhikkhu saṅghassa khādanīye bhājīyamāne sahāyakassa bhāgaṃ gahetvā tassa vissasanto paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘kiṃ citto tvaṃ, bhikkhū’’ti? ‘‘Vissāsaggāho ahaṃ, bhagavā’’ti. ‘‘Anāpatti, bhikkhu, vissāsaggāhe’’ti.
੧੪੭. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਚੀવਰਕਮ੍ਮਂ ਕਰੋਨ੍ਤਿ। ਸਙ੍ਘਸ੍ਸ ਖਾਦਨੀਯੇ ਭਾਜੀਯਮਾਨੇ ਸਬ੍ਬੇਸਂ ਪਟਿવਿਸਾ ਆਹਰਿਤ੍વਾ ਉਪਨਿਕ੍ਖਿਤ੍ਤਾ ਹੋਨ੍ਤਿ। ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਸ੍ਸ ਭਿਕ੍ਖੁਨੋ ਪਟਿવਿਸਂ ਅਤ੍ਤਨੋ ਮਞ੍ਞਮਾਨੋ ਪਰਿਭੁਞ੍ਜਿ। ਸੋ ਜਾਨਿਤ੍વਾ ਤਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਕਿਂਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘ਸਕਸਞ੍ਞੀ ਅਹਂ, ਭਗવਾ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, ਸਕਸਞ੍ਞਿਸ੍ਸਾ’’ਤਿ।
147. Tena kho pana samayena sambahulā bhikkhū cīvarakammaṃ karonti. Saṅghassa khādanīye bhājīyamāne sabbesaṃ paṭivisā āharitvā upanikkhittā honti. Aññataro bhikkhu aññatarassa bhikkhuno paṭivisaṃ attano maññamāno paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Sakasaññī ahaṃ, bhagavā’’ti. ‘‘Anāpatti, bhikkhu, sakasaññissā’’ti.
ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਚੀવਰਕਮ੍ਮਂ ਕਰੋਨ੍ਤਿ। ਸਙ੍ਘਸ੍ਸ ਖਾਦਨੀਯੇ ਭਾਜਿਯਮਾਨੇ ਅਞ੍ਞਤਰਸ੍ਸ ਭਿਕ੍ਖੁਨੋ ਪਤ੍ਤੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਪਟਿવਿਸੋ ਆਹਰਿਤ੍વਾ ਉਪਨਿਕ੍ਖਿਤ੍ਤੋ ਹੋਤਿ। ਪਤ੍ਤਸਾਮਿਕੋ ਭਿਕ੍ਖੁ ਅਤ੍ਤਨੋ ਮਞ੍ਞਮਾਨੋ ਪਰਿਭੁਞ੍ਜਿ। ਸੋ ਜਾਨਿਤ੍વਾ ਤਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਕਸਞ੍ਞਿਸ੍ਸਾ’’ਤਿ।
Tena kho pana samayena sambahulā bhikkhū cīvarakammaṃ karonti. Saṅghassa khādanīye bhājiyamāne aññatarassa bhikkhuno pattena aññatarassa bhikkhuno paṭiviso āharitvā upanikkhitto hoti. Pattasāmiko bhikkhu attano maññamāno paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, sakasaññissā’’ti.
੧੪੮. ਤੇਨ ਖੋ ਪਨ ਸਮਯੇਨ ਅਮ੍ਬਚੋਰਕਾ ਅਮ੍ਬਂ ਪਾਤੇਤ੍વਾ ਭਣ੍ਡਿਕਂ ਆਦਾਯ ਅਗਮਂਸੁ। ਸਾਮਿਕਾ ਤੇ ਚੋਰਕੇ ਅਨੁਬਨ੍ਧਿਂਸੁ। ਚੋਰਕਾ ਸਾਮਿਕੇ ਪਸ੍ਸਿਤ੍વਾ ਭਣ੍ਡਿਕਂ ਪਾਤੇਤ੍વਾ ਪਲਾਯਿਂਸੁ। ਭਿਕ੍ਖੂ ਪਂਸੁਕੂਲਸਞ੍ਞਿਨੋ ਪਟਿਗ੍ਗਹਾਪੇਤ੍વਾ ਪਰਿਭੁਞ੍ਜਿਂਸੁ। ਸਾਮਿਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਕਿਂਚਿਤ੍ਤਾ ਤੁਮ੍ਹੇ, ਭਿਕ੍ਖવੇ’’ਤਿ? ‘‘ਪਂਸੁਕੂਲਸਞ੍ਞਿਨੋ ਮਯਂ, ਭਗવਾ’’ਤਿ। ‘‘ਅਨਾਪਤ੍ਤਿ, ਭਿਕ੍ਖવੇ, ਪਂਸੁਕੂਲਸਞ੍ਞਿਸ੍ਸਾ’’ਤਿ।
148. Tena kho pana samayena ambacorakā ambaṃ pātetvā bhaṇḍikaṃ ādāya agamaṃsu. Sāmikā te corake anubandhiṃsu. Corakā sāmike passitvā bhaṇḍikaṃ pātetvā palāyiṃsu. Bhikkhū paṃsukūlasaññino paṭiggahāpetvā paribhuñjiṃsu. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… bhagavato etamatthaṃ ārocesuṃ. ‘‘Kiṃcittā tumhe, bhikkhave’’ti? ‘‘Paṃsukūlasaññino mayaṃ, bhagavā’’ti. ‘‘Anāpatti, bhikkhave, paṃsukūlasaññissā’’ti.
ਤੇਨ ਖੋ ਪਨ ਸਮਯੇਨ ਜਮ੍ਬੁਚੋਰਕਾ… ਲਬੁਜਚੋਰਕਾ… ਪਨਸਚੋਰਕਾ… ਤਾਲਪਕ੍ਕਚੋਰਕਾ… ਉਚ੍ਛੁਚੋਰਕਾ… ਤਿਮ੍ਬਰੂਸਕਚੋਰਕਾ ਤਿਮ੍ਬਰੂਸਕੇ ਉਚ੍ਚਿਨਿਤ੍વਾ ਭਣ੍ਡਿਕਂ ਆਦਾਯ ਅਗਮਂਸੁ। ਸਾਮਿਕਾ ਤੇ ਚੋਰਕੇ ਅਨੁਬਨ੍ਧਿਂਸੁ। ਚੋਰਕਾ ਸਾਮਿਕੇ ਪਸ੍ਸਿਤ੍વਾ ਭਣ੍ਡਿਕਂ ਪਾਤੇਤ੍વਾ ਪਲਾਯਿਂਸੁ। ਭਿਕ੍ਖੂ ਪਂਸੁਕੂਲਸਞ੍ਞਿਨੋ ਪਟਿਗ੍ਗਹਾਪੇਤ੍વਾ ਪਰਿਭੁਞ੍ਜਿਂਸੁ। ਸਾਮਿਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਂਸੁਕੂਲਸਞ੍ਞਿਸ੍ਸਾ’’ਤਿ।
Tena kho pana samayena jambucorakā… labujacorakā… panasacorakā… tālapakkacorakā… ucchucorakā… timbarūsakacorakā timbarūsake uccinitvā bhaṇḍikaṃ ādāya agamaṃsu. Sāmikā te corake anubandhiṃsu. Corakā sāmike passitvā bhaṇḍikaṃ pātetvā palāyiṃsu. Bhikkhū paṃsukūlasaññino paṭiggahāpetvā paribhuñjiṃsu. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paṃsukūlasaññissā’’ti.
ਤੇਨ ਖੋ ਪਨ ਸਮਯੇਨ ਅਮ੍ਬਚੋਰਕਾ ਅਮ੍ਬਂ ਪਾਤੇਤ੍વਾ ਭਣ੍ਡਿਕਂ ਆਦਾਯ ਅਗਮਂਸੁ। ਸਾਮਿਕਾ ਤੇ ਚੋਰਕੇ ਅਨੁਬਨ੍ਧਿਂਸੁ। ਚੋਰਕਾ ਸਾਮਿਕੇ ਪਸ੍ਸਿਤ੍વਾ ਭਣ੍ਡਿਕਂ ਪਾਤੇਤ੍વਾ ਪਲਾਯਿਂਸੁ। ਭਿਕ੍ਖੂ – ‘ਪੁਰੇ ਸਾਮਿਕਾ ਪਸ੍ਸਨ੍ਤੀ’ਤਿ, ਥੇਯ੍ਯਚਿਤ੍ਤਾ ਪਰਿਭੁਞ੍ਜਿਂਸੁ। ਸਾਮਿਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖવੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ।
Tena kho pana samayena ambacorakā ambaṃ pātetvā bhaṇḍikaṃ ādāya agamaṃsu. Sāmikā te corake anubandhiṃsu. Corakā sāmike passitvā bhaṇḍikaṃ pātetvā palāyiṃsu. Bhikkhū – ‘pure sāmikā passantī’ti, theyyacittā paribhuñjiṃsu. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘āpattiṃ tumhe, bhikkhave, āpannā pārājika’’nti.
ਤੇਨ ਖੋ ਪਨ ਸਮਯੇਨ ਜਮ੍ਬੁਚੋਰਕਾ… ਲਬੁਜਚੋਰਕਾ… ਪਨਸਚੋਰਕਾ… ਤਾਲਪਕ੍ਕਚੋਰਕਾ… ਉਚ੍ਛੁਚੋਰਕਾ… ਤਿਮ੍ਬਰੂਸਕਚੋਰਕਾ ਤਿਮ੍ਬਰੂਸਕੇ ਉਚ੍ਚਿਨਿਤ੍વਾ ਭਣ੍ਡਿਕਂ ਆਦਾਯ ਅਗਮਂਸੁ। ਸਾਮਿਕਾ ਤੇ ਚੋਰਕੇ ਅਨੁਬਨ੍ਧਿਂਸੁ। ਚੋਰਕਾ ਸਾਮਿਕੇ ਪਸ੍ਸਿਤ੍વਾ ਭਣ੍ਡਿਕਂ ਪਾਤੇਤ੍વਾ ਪਲਾਯਿਂਸੁ। ਭਿਕ੍ਖੂ – ‘ਪੁਰੇ ਸਾਮਿਕਾ ਪਸ੍ਸਨ੍ਤੀ’ਤਿ, ਥੇਯ੍ਯਚਿਤ੍ਤਾ ਪਰਿਭੁਞ੍ਜਿਂਸੁ। ਸਾਮਿਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖવੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ।
Tena kho pana samayena jambucorakā… labujacorakā… panasacorakā… tālapakkacorakā… ucchucorakā… timbarūsakacorakā timbarūsake uccinitvā bhaṇḍikaṃ ādāya agamaṃsu. Sāmikā te corake anubandhiṃsu. Corakā sāmike passitvā bhaṇḍikaṃ pātetvā palāyiṃsu. Bhikkhū – ‘pure sāmikā passantī’ti, theyyacittā paribhuñjiṃsu. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘āpattiṃ tumhe, bhikkhave, āpannā pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਅਮ੍ਬਂ ਥੇਯ੍ਯਚਿਤ੍ਤੋ ਅવਹਰਿ… ਸਙ੍ਘਸ੍ਸ ਜਮ੍ਬੁਂ… ਸਙ੍ਘਸ੍ਸ ਲਬੁਜਂ… ਸਙ੍ਘਸ੍ਸ ਪਨਸਂ… ਸਙ੍ਘਸ੍ਸ ਤਾਲਪਕ੍ਕਂ… ਸਙ੍ਘਸ੍ਸ ਉਚ੍ਛੁਂ… ਸਙ੍ਘਸ੍ਸ ਤਿਮ੍ਬਰੂਸਕਂ ਥੇਯ੍ਯਚਿਤ੍ਤੋ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu saṅghassa ambaṃ theyyacitto avahari… saṅghassa jambuṃ… saṅghassa labujaṃ… saṅghassa panasaṃ… saṅghassa tālapakkaṃ… saṅghassa ucchuṃ… saṅghassa timbarūsakaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੪੯. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪੁਪ੍ਫਾਰਾਮਂ ਗਨ੍ਤ੍વਾ ਓਚਿਤਂ ਪੁਪ੍ਫਂ ਪਞ੍ਚਮਾਸਗ੍ਘਨਕਂ ਥੇਯ੍ਯਚਿਤ੍ਤੋ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
149. Tena kho pana samayena aññataro bhikkhu pupphārāmaṃ gantvā ocitaṃ pupphaṃ pañcamāsagghanakaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪੁਪ੍ਫਾਰਾਮਂ ਗਨ੍ਤ੍વਾ ਪੁਪ੍ਫਂ ਓਚਿਨਿਤ੍વਾ ਪਞ੍ਚਮਾਸਗ੍ਘਨਕਂ ਥੇਯ੍ਯਚਿਤ੍ਤੋ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu pupphārāmaṃ gantvā pupphaṃ ocinitvā pañcamāsagghanakaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu āpanno pārājika’’nti.
੧੫੦. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਾਮਕਂ ਗਚ੍ਛਨ੍ਤੋ ਅਞ੍ਞਤਰਂ ਭਿਕ੍ਖੁਂ ਏਤਦવੋਚ – ‘‘ਆવੁਸੋ, ਤੁਯ੍ਹਂ ਉਪਟ੍ਠਾਕਕੁਲਂ વੁਤ੍ਤੋ વਜ੍ਜੇਮੀ’’ਤਿ। ਸੋ ਗਨ੍ਤ੍વਾ ਏਕਂ ਸਾਟਕਂ ਆਹਰਾਪੇਤ੍વਾ ਅਤ੍ਤਨਾ ਪਰਿਭੁਞ੍ਜਿ। ਸੋ ਜਾਨਿਤ੍વਾ ਤਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ। ਨ ਚ, ਭਿਕ੍ਖવੇ, વੁਤ੍ਤੋ વਜ੍ਜੇਮੀਤਿ વਤ੍ਤਬ੍ਬੋ। ਯੋ વਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
150. Tena kho pana samayena aññataro bhikkhu gāmakaṃ gacchanto aññataraṃ bhikkhuṃ etadavoca – ‘‘āvuso, tuyhaṃ upaṭṭhākakulaṃ vutto vajjemī’’ti. So gantvā ekaṃ sāṭakaṃ āharāpetvā attanā paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, vutto vajjemīti vattabbo. Yo vadeyya, āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਾਮਕਂ ਗਚ੍ਛਤਿ। ਅਞ੍ਞਤਰੋ ਭਿਕ੍ਖੁ ਤਂ ਭਿਕ੍ਖੁਂ ਏਤਦવੋਚ – ‘‘ਆવੁਸੋ, ਮਯ੍ਹਂ ਉਪਟ੍ਠਾਕਕੁਲਂ વੁਤ੍ਤੋ વਜ੍ਜੇਹੀ’’ਤਿ। ਸੋ ਗਨ੍ਤ੍વਾ ਯੁਗਸਾਟਕਂ ਆਹਰਾਪੇਤ੍વਾ ਏਕਂ ਅਤ੍ਤਨਾ ਪਰਿਭੁਞ੍ਜਿ, ਏਕਂ ਤਸ੍ਸ ਭਿਕ੍ਖੁਨੋ ਅਦਾਸਿ। ਸੋ ਜਾਨਿਤ੍વਾ ਤਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ। ਨ ਚ, ਭਿਕ੍ਖવੇ, વੁਤ੍ਤੋ વਜ੍ਜੇਹੀਤਿ વਤ੍ਤਬ੍ਬੋ। ਯੋ વਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu gāmakaṃ gacchati. Aññataro bhikkhu taṃ bhikkhuṃ etadavoca – ‘‘āvuso, mayhaṃ upaṭṭhākakulaṃ vutto vajjehī’’ti. So gantvā yugasāṭakaṃ āharāpetvā ekaṃ attanā paribhuñji, ekaṃ tassa bhikkhuno adāsi. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, vutto vajjehīti vattabbo. Yo vadeyya, āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਾਮਕਂ ਗਚ੍ਛਨ੍ਤੋ ਅਞ੍ਞਤਰਂ ਭਿਕ੍ਖੁਂ ਏਤਦવੋਚ – ‘‘ਆવੁਸੋ, ਤੁਯ੍ਹਂ ਉਪਟ੍ਠਾਕਕੁਲਂ વੁਤ੍ਤੋ વਜ੍ਜੇਮੀ’’ਤਿ। ਸੋਪਿ ਏવਮਾਹ – ‘‘વੁਤ੍ਤੋ વਜ੍ਜੇਹੀ’’ਤਿ। ਸੋ ਗਨ੍ਤ੍વਾ ਆਲ਼੍ਹਕਂ ਸਪ੍ਪਿਂ ਤੁਲਂ ਗੁਲ਼ਂ ਦੋਣਂ ਤਣ੍ਡੁਲਂ ਆਹਰਾਪੇਤ੍વਾ ਅਤ੍ਤਨਾ ਪਰਿਭੁਞ੍ਜਿ। ਸੋ ਜਾਨਿਤ੍વਾ ਤਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ। ਨ ਚ, ਭਿਕ੍ਖવੇ, વੁਤ੍ਤੋ વਜ੍ਜੇਮੀਤਿ વਤ੍ਤਬ੍ਬੋ, ਨ ਚ વੁਤ੍ਤੋ વਜ੍ਜੇਹੀਤਿ વਤ੍ਤਬ੍ਬੋ। ਯੋ વਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu gāmakaṃ gacchanto aññataraṃ bhikkhuṃ etadavoca – ‘‘āvuso, tuyhaṃ upaṭṭhākakulaṃ vutto vajjemī’’ti. Sopi evamāha – ‘‘vutto vajjehī’’ti. So gantvā āḷhakaṃ sappiṃ tulaṃ guḷaṃ doṇaṃ taṇḍulaṃ āharāpetvā attanā paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, vutto vajjemīti vattabbo, na ca vutto vajjehīti vattabbo. Yo vadeyya, āpatti dukkaṭassā’’ti.
੧੫੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਮਹਗ੍ਘਂ ਮਣਿਂ ਆਦਾਯ ਅਞ੍ਞਤਰੇਨ ਭਿਕ੍ਖੁਨਾ ਸਦ੍ਧਿਂ ਅਦ੍ਧਾਨਮਗ੍ਗਪ੍ਪਟਿਪਨ੍ਨੋ ਹੋਤਿ। ਅਥ ਖੋ ਸੋ ਪੁਰਿਸੋ ਸੁਙ੍ਕਟ੍ਠਾਨਂ ਪਸ੍ਸਿਤ੍વਾ ਤਸ੍ਸ ਭਿਕ੍ਖੁਨੋ ਅਜਾਨਨ੍ਤਸ੍ਸ ਥવਿਕਾਯ ਮਣਿਂ ਪਕ੍ਖਿਪਿਤ੍વਾ ਸੁਙ੍ਕਟ੍ਠਾਨਂ ਅਤਿਕ੍ਕਮਿਤ੍વਾ ਅਗ੍ਗਹੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਕਿਂਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗવਾ, ਜਾਨਾਮੀ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, ਅਜਾਨਨ੍ਤਸ੍ਸਾ’’ਤਿ।
151. Tena kho pana samayena aññataro puriso mahagghaṃ maṇiṃ ādāya aññatarena bhikkhunā saddhiṃ addhānamaggappaṭipanno hoti. Atha kho so puriso suṅkaṭṭhānaṃ passitvā tassa bhikkhuno ajānantassa thavikāya maṇiṃ pakkhipitvā suṅkaṭṭhānaṃ atikkamitvā aggahesi. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, jānāmī’’ti. ‘‘Anāpatti, bhikkhu, ajānantassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਮਹਗ੍ਘਂ ਮਣਿਂ ਆਦਾਯ ਅਞ੍ਞਤਰੇਨ ਭਿਕ੍ਖੁਨਾ ਸਦ੍ਧਿਂ ਅਦ੍ਧਾਨਮਗ੍ਗਪ੍ਪਟਿਪਨ੍ਨੋ ਹੋਤਿ। ਅਥ ਖੋ ਸੋ ਪੁਰਿਸੋ ਸੁਙ੍ਕਟ੍ਠਾਨਂ ਪਸ੍ਸਿਤ੍વਾ ਗਿਲਾਨਾਲਯਂ ਕਰਿਤ੍વਾ ਅਤ੍ਤਨੋ ਭਣ੍ਡਿਕਂ ਤਸ੍ਸ ਭਿਕ੍ਖੁਨੋ ਅਦਾਸਿ। ਅਥ ਖੋ ਸੋ ਪੁਰਿਸੋ ਸੁਙ੍ਕਟ੍ਠਾਨਂ ਅਤਿਕ੍ਕਮਿਤ੍વਾ ਤਂ ਭਿਕ੍ਖੁਂ ਏਤਦવੋਚ – ‘‘ਆਹਰ ਮੇ, ਭਨ੍ਤੇ, ਭਣ੍ਡਿਕਂ; ਨਾਹਂ ਅਕਲ੍ਲਕੋ’’ਤਿ। ‘‘ਕਿਸ੍ਸ ਪਨ ਤ੍વਂ, ਆવੁਸੋ, ਏવਰੂਪਂ ਅਕਾਸੀ’’ਤਿ? ਅਥ ਖੋ ਸੋ ਪੁਰਿਸੋ ਤਸ੍ਸ ਭਿਕ੍ਖੁਨੋ ਏਤਮਤ੍ਥਂ ਆਰੋਚੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਕਿਂਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗવਾ, ਜਾਨਾਮੀ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, ਅਜਾਨਨ੍ਤਸ੍ਸਾ’’ਤਿ।
Tena kho pana samayena aññataro puriso mahagghaṃ maṇiṃ ādāya aññatarena bhikkhunā saddhiṃ addhānamaggappaṭipanno hoti. Atha kho so puriso suṅkaṭṭhānaṃ passitvā gilānālayaṃ karitvā attano bhaṇḍikaṃ tassa bhikkhuno adāsi. Atha kho so puriso suṅkaṭṭhānaṃ atikkamitvā taṃ bhikkhuṃ etadavoca – ‘‘āhara me, bhante, bhaṇḍikaṃ; nāhaṃ akallako’’ti. ‘‘Kissa pana tvaṃ, āvuso, evarūpaṃ akāsī’’ti? Atha kho so puriso tassa bhikkhuno etamatthaṃ ārocesi. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, jānāmī’’ti. ‘‘Anāpatti, bhikkhu, ajānantassā’’ti.
੧੫੨. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਤ੍ਥੇਨ ਸਦ੍ਧਿਂ ਅਦ੍ਧਾਨਮਗ੍ਗਪ੍ਪਟਿਪਨ੍ਨੋ ਹੋਤਿ। ਅਞ੍ਞਤਰੋ ਪੁਰਿਸੋ ਤਂ ਭਿਕ੍ਖੁਂ ਆਮਿਸੇਨ ਉਪਲਾਪੇਤ੍વਾ ਸੁਙ੍ਕਟ੍ਠਾਨਂ ਪਸ੍ਸਿਤ੍વਾ ਮਹਗ੍ਘਂ ਮਣਿਂ ਤਸ੍ਸ ਭਿਕ੍ਖੁਨੋ ਅਦਾਸਿ – ‘‘ਇਮਂ, ਭਨ੍ਤੇ, ਮਣਿਂ ਸੁਙ੍ਕਟ੍ਠਾਨਂ ਅਤਿਕ੍ਕਾਮੇਹੀ’’ਤਿ। ਅਥ ਖੋ ਸੋ ਭਿਕ੍ਖੁ ਤਂ ਮਣਿਂ ਸੁਙ੍ਕਟ੍ਠਾਨਂ ਅਤਿਕ੍ਕਾਮੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
152. Tena kho pana samayena aññataro bhikkhu satthena saddhiṃ addhānamaggappaṭipanno hoti. Aññataro puriso taṃ bhikkhuṃ āmisena upalāpetvā suṅkaṭṭhānaṃ passitvā mahagghaṃ maṇiṃ tassa bhikkhuno adāsi – ‘‘imaṃ, bhante, maṇiṃ suṅkaṭṭhānaṃ atikkāmehī’’ti. Atha kho so bhikkhu taṃ maṇiṃ suṅkaṭṭhānaṃ atikkāmesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੫੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਾਸੇ ਬਨ੍ਧਂ ਸੂਕਰਂ ਕਾਰੁਞ੍ਞੇਨ ਮੁਞ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਕਿਂਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘ਕਾਰੁਞ੍ਞਾਧਿਪ੍ਪਾਯੋ ਅਹਂ, ਭਗવਾ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, ਕਾਰੁਞ੍ਞਾਧਿਪ੍ਪਾਯਸ੍ਸਾ’’ਤਿ।
153. Tena kho pana samayena aññataro bhikkhu pāse bandhaṃ sūkaraṃ kāruññena muñci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Kāruññādhippāyo ahaṃ, bhagavā’’ti. ‘‘Anāpatti, bhikkhu, kāruññādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਾਸੇ ਬਨ੍ਧਂ ਸੂਕਰਂ – ‘‘ਪੁਰੇ ਸਾਮਿਕਾ ਪਸ੍ਸਨ੍ਤੀ’’ਤਿ, ਥੇਯ੍ਯਚਿਤ੍ਤੋ ਮੁਞ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu pāse bandhaṃ sūkaraṃ – ‘‘pure sāmikā passantī’’ti, theyyacitto muñci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਾਸੇ ਬਨ੍ਧਂ ਮਿਗਂ ਕਾਰੁਞ੍ਞੇਨ ਮੁਞ੍ਚਿ… ਪਾਸੇ ਬਨ੍ਧਂ ਮਿਗਂ – ‘‘ਪੁਰੇ ਸਾਮਿਕਾ ਪਸ੍ਸਨ੍ਤੀ’’ਤਿ, ਥੇਯ੍ਯਚਿਤ੍ਤੋ ਮੁਞ੍ਚਿ … ਕੁਮਿਨੇ ਬਨ੍ਧੇ ਮਚ੍ਛੇ ਕਾਰੁਞ੍ਞੇਨ ਮੁਞ੍ਚਿ… ਕੁਮਿਨੇ ਬਨ੍ਧੇ ਮਚ੍ਛੇ – ‘‘ਪੁਰੇ ਸਾਮਿਕਾ ਪਸ੍ਸਨ੍ਤੀ’’ਤਿ ਥੇਯ੍ਯਚਿਤ੍ਤੋ ਮੁਞ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu pāse bandhaṃ migaṃ kāruññena muñci… pāse bandhaṃ migaṃ – ‘‘pure sāmikā passantī’’ti, theyyacitto muñci … kumine bandhe macche kāruññena muñci… kumine bandhe macche – ‘‘pure sāmikā passantī’’ti theyyacitto muñci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਯਾਨੇ ਭਣ੍ਡਂ ਪਸ੍ਸਿਤ੍વਾ – ‘‘ਇਤੋ ਗਣ੍ਹਨ੍ਤੋ ਪਾਰਾਜਿਕੋ ਭવਿਸ੍ਸਾਮੀ’’ਤਿ, ਅਤਿਕ੍ਕਮਿਤ੍વਾ ਪવਟ੍ਟੇਤ੍વਾ 41 ਅਗ੍ਗਹੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ , ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu yāne bhaṇḍaṃ passitvā – ‘‘ito gaṇhanto pārājiko bhavissāmī’’ti, atikkamitvā pavaṭṭetvā 42 aggahesi. Tassa kukkuccaṃ ahosi…pe… ‘‘āpattiṃ tvaṃ , bhikkhu, āpanno pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਕੁਲਲੇਨ ਉਕ੍ਖਿਤ੍ਤਂ ਮਂਸਪੇਸਿਂ – ‘‘ਸਾਮਿਕਾਨਂ ਦਸ੍ਸਾਮੀ’’ਤਿ ਅਗ੍ਗਹੇਸਿ। ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਅਥੇਯ੍ਯਚਿਤ੍ਤਸ੍ਸਾ’’ਤਿ।
Tena kho pana samayena aññataro bhikkhu kulalena ukkhittaṃ maṃsapesiṃ – ‘‘sāmikānaṃ dassāmī’’ti aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, atheyyacittassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਕੁਲਲੇਨ ਉਕ੍ਖਿਤ੍ਤਂ ਮਂਸਪੇਸਿਂ – ‘‘ਪੁਰੇ ਸਾਮਿਕਾ ਪਸ੍ਸਨ੍ਤੀ’’ਤਿ, ਥੇਯ੍ਯਚਿਤ੍ਤੋ ਅਗ੍ਗਹੇਸਿ। ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu kulalena ukkhittaṃ maṃsapesiṃ – ‘‘pure sāmikā passantī’’ti, theyyacitto aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੫੪. ਤੇਨ ਖੋ ਪਨ ਸਮਯੇਨ ਮਨੁਸ੍ਸਾ ਉਲ਼ੁਮ੍ਪਂ ਬਨ੍ਧਿਤ੍વਾ ਅਚਿਰવਤਿਯਾ ਨਦਿਯਾ ਓਸਾਰੇਨ੍ਤਿ। ਬਨ੍ਧਨੇ ਛਿਨ੍ਨੇ ਕਟ੍ਠਾਨਿ વਿਪ੍ਪਕਿਣ੍ਣਾਨਿ ਅਗਮਂਸੁ। ਭਿਕ੍ਖੂ ਪਂਸੁਕੂਲਸਞ੍ਞਿਨੋ ਉਤ੍ਤਾਰੇਸੁਂ। ਸਾਮਿਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਂਸੁਕੂਲਸਞ੍ਞਿਸ੍ਸਾ’’ਤਿ।
154. Tena kho pana samayena manussā uḷumpaṃ bandhitvā aciravatiyā nadiyā osārenti. Bandhane chinne kaṭṭhāni vippakiṇṇāni agamaṃsu. Bhikkhū paṃsukūlasaññino uttāresuṃ. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paṃsukūlasaññissā’’ti.
ਤੇਨ ਖੋ ਪਨ ਸਮਯੇਨ ਮਨੁਸ੍ਸਾ ਉਲ਼ੁਮ੍ਪਂ ਬਨ੍ਧਿਤ੍વਾ ਅਚਿਰવਤਿਯਾ ਨਦਿਯਾ ਓਸਾਰੇਨ੍ਤਿ। ਬਨ੍ਧਨੇ ਛਿਨ੍ਨੇ ਕਟ੍ਠਾਨਿ વਿਪ੍ਪਕਿਣ੍ਣਾਨਿ ਅਗਮਂਸੁ। ਭਿਕ੍ਖੂ – ‘‘ਪੁਰੇ ਸਾਮਿਕਾ ਪਸ੍ਸਨ੍ਤੀ’’ਤਿ, ਥੇਯ੍ਯਚਿਤ੍ਤਾ ਉਤ੍ਤਾਰੇਸੁਂ। ਸਾਮਿਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖવੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ।
Tena kho pana samayena manussā uḷumpaṃ bandhitvā aciravatiyā nadiyā osārenti. Bandhane chinne kaṭṭhāni vippakiṇṇāni agamaṃsu. Bhikkhū – ‘‘pure sāmikā passantī’’ti, theyyacittā uttāresuṃ. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘āpattiṃ tumhe, bhikkhave, āpannā pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਗੋਪਾਲਕੋ ਰੁਕ੍ਖੇ ਸਾਟਕਂ ਆਲਗ੍ਗੇਤ੍વਾ ਉਚ੍ਚਾਰਂ ਅਗਮਾਸਿ। ਅਞ੍ਞਤਰੋ ਭਿਕ੍ਖੁ ਪਂਸੁਕੂਲਸਞ੍ਞੀ ਅਗ੍ਗਹੇਸਿ । ਅਥ ਖੋ ਸੋ ਗੋਪਾਲਕੋ ਤਂ ਭਿਕ੍ਖੁਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਂਸੁਕੂਲਸਞ੍ਞਿਸ੍ਸਾ’’ਤਿ।
Tena kho pana samayena aññataro gopālako rukkhe sāṭakaṃ ālaggetvā uccāraṃ agamāsi. Aññataro bhikkhu paṃsukūlasaññī aggahesi . Atha kho so gopālako taṃ bhikkhuṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, paṃsukūlasaññissā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਨਦਿਂ ਤਰਨ੍ਤਸ੍ਸ ਰਜਕਾਨਂ ਹਤ੍ਥਤੋ ਮੁਤ੍ਤਂ ਸਾਟਕਂ ਪਾਦੇ ਲਗ੍ਗਂ ਹੋਤਿ। ਸੋ ਭਿਕ੍ਖੁ – ‘‘ਸਾਮਿਕਾਨਂ ਦਸ੍ਸਾਮੀ’’ਤਿ ਅਗ੍ਗਹੇਸਿ। ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਅਥੇਯ੍ਯਚਿਤ੍ਤਸ੍ਸਾ’’ਤਿ।
Tena kho pana samayena aññatarassa bhikkhuno nadiṃ tarantassa rajakānaṃ hatthato muttaṃ sāṭakaṃ pāde laggaṃ hoti. So bhikkhu – ‘‘sāmikānaṃ dassāmī’’ti aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, atheyyacittassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਨਦਿਂ ਤਰਨ੍ਤਸ੍ਸ ਰਜਕਾਨਂ ਹਤ੍ਥਤੋ ਮੁਤ੍ਤਂ ਸਾਟਕਂ ਪਾਦੇ ਲਗ੍ਗਂ ਹੋਤਿ । ਸੋ ਭਿਕ੍ਖੁ – ‘‘ਪੁਰੇ ਸਾਮਿਕਾ ਪਸ੍ਸਨ੍ਤੀ’’ਤਿ, ਥੇਯ੍ਯਚਿਤ੍ਤੋ ਅਗ੍ਗਹੇਸਿ। ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññatarassa bhikkhuno nadiṃ tarantassa rajakānaṃ hatthato muttaṃ sāṭakaṃ pāde laggaṃ hoti . So bhikkhu – ‘‘pure sāmikā passantī’’ti, theyyacitto aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੫੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਪ੍ਪਿਕੁਮ੍ਭਿਂ ਪਸ੍ਸਿਤ੍વਾ ਥੋਕਂ ਥੋਕਂ ਪਰਿਭੁਞ੍ਜਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
155. Tena kho pana samayena aññataro bhikkhu sappikumbhiṃ passitvā thokaṃ thokaṃ paribhuñji. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਸਂવਿਦਹਿਤ੍વਾ ਅਗਮਂਸੁ – ‘‘ਭਣ੍ਡਂ ਅવਹਰਿਸ੍ਸਾਮਾ’’ਤਿ। ਏਕੋ ਭਣ੍ਡਂ ਅવਹਰਿ। ਤੇ ਏવਮਾਹਂਸੁ – ‘‘ਨ ਮਯਂ ਪਾਰਾਜਿਕਾ। ਯੋ ਅવਹਟੋ ਸੋ ਪਾਰਾਜਿਕੋ’’ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ… ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖવੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ।
Tena kho pana samayena sambahulā bhikkhū saṃvidahitvā agamaṃsu – ‘‘bhaṇḍaṃ avaharissāmā’’ti. Eko bhaṇḍaṃ avahari. Te evamāhaṃsu – ‘‘na mayaṃ pārājikā. Yo avahaṭo so pārājiko’’ti. Bhagavato etamatthaṃ ārocesuṃ… ‘‘āpattiṃ tumhe, bhikkhave, āpannā pārājika’’nti.
ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਸਂવਿਦਹਿਤ੍વਾ ਭਣ੍ਡਂ ਅવਹਰਿਤ੍વਾ ਭਾਜੇਸੁਂ । ਤੇਹਿ ਭਾਜੀਯਮਾਨੇ ਏਕਮੇਕਸ੍ਸ ਪਟਿવਿਸੋ ਨ ਪਞ੍ਚਮਾਸਕੋ ਪੂਰਿ। ਤੇ ਏવਮਾਹਂਸੁ – ‘‘ਨ ਮਯਂ ਪਾਰਾਜਿਕਾ’’ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖવੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ।
Tena kho pana samayena sambahulā bhikkhū saṃvidahitvā bhaṇḍaṃ avaharitvā bhājesuṃ . Tehi bhājīyamāne ekamekassa paṭiviso na pañcamāsako pūri. Te evamāhaṃsu – ‘‘na mayaṃ pārājikā’’ti. Bhagavato etamatthaṃ ārocesuṃ. ‘‘Āpattiṃ tumhe, bhikkhave, āpannā pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾવਤ੍ਥਿਯਂ ਦੁਬ੍ਭਿਕ੍ਖੇ ਆਪਣਿਕਸ੍ਸ ਤਣ੍ਡੁਲਮੁਟ੍ਠਿਂ ਥੇਯ੍ਯਚਿਤ੍ਤੋ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu sāvatthiyaṃ dubbhikkhe āpaṇikassa taṇḍulamuṭṭhiṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾવਤ੍ਥਿਯਂ ਦੁਬ੍ਭਿਕ੍ਖੇ ਆਪਣਿਕਸ੍ਸ ਮੁਗ੍ਗਮੁਟ੍ਠਿਂ… ਮਾਸਮੁਟ੍ਠਿਂ… ਤਿਲਮੁਟ੍ਠਿਂ ਥੇਯ੍ਯਚਿਤ੍ਤੋ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu sāvatthiyaṃ dubbhikkhe āpaṇikassa muggamuṭṭhiṃ… māsamuṭṭhiṃ… tilamuṭṭhiṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu āpanno pārājika’’nti.
ਤੇਨ ਖੋ ਪਨ ਸਮਯੇਨ ਸਾવਤ੍ਥਿਯਂ ਅਨ੍ਧવਨੇ ਚੋਰਕਾ ਗਾવਿਂ ਹਨ੍ਤ੍વਾ ਮਂਸਂ ਖਾਦਿਤ੍વਾ ਸੇਸਕਂ ਪਟਿਸਾਮੇਤ੍વਾ ਅਗਮਂਸੁ। ਭਿਕ੍ਖੂ ਪਂਸੁਕੂਲਸਞ੍ਞਿਨੋ ਪਟਿਗ੍ਗਹਾਪੇਤ੍વਾ ਪਰਿਭੁਞ੍ਜਿਂਸੁ। ਚੋਰਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਂਸੁਕੂਲਸਞ੍ਞਿਸ੍ਸਾ’’ਤਿ।
Tena kho pana samayena sāvatthiyaṃ andhavane corakā gāviṃ hantvā maṃsaṃ khāditvā sesakaṃ paṭisāmetvā agamaṃsu. Bhikkhū paṃsukūlasaññino paṭiggahāpetvā paribhuñjiṃsu. Corakā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paṃsukūlasaññissā’’ti.
ਤੇਨ ਖੋ ਪਨ ਸਮਯੇਨ ਸਾવਤ੍ਥਿਯਂ ਅਨ੍ਧવਨੇ ਚੋਰਕਾ ਸੂਕਰਂ ਹਨ੍ਤ੍વਾ ਮਂਸਂ ਖਾਦਿਤ੍વਾ ਸੇਸਕਂ ਪਟਿਸਾਮੇਤ੍વਾ ਅਗਮਂਸੁ। ਭਿਕ੍ਖੂ ਪਂਸੁਕੂਲਸਞ੍ਞਿਨੋ ਪਟਿਗ੍ਗਹਾਪੇਤ੍વਾ ਪਰਿਭੁਞ੍ਜਿਂਸੁ। ਚੋਰਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਂਸੁਕੂਲਸਞ੍ਞਿਸ੍ਸਾ’’ਤਿ।
Tena kho pana samayena sāvatthiyaṃ andhavane corakā sūkaraṃ hantvā maṃsaṃ khāditvā sesakaṃ paṭisāmetvā agamaṃsu. Bhikkhū paṃsukūlasaññino paṭiggahāpetvā paribhuñjiṃsu. Corakā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paṃsukūlasaññissā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਤਿਣਕ੍ਖੇਤ੍ਤਂ ਗਨ੍ਤ੍વਾ ਲੂਤਂ ਤਿਣਂ ਪਞ੍ਚਮਾਸਗ੍ਘਨਕਂ ਥੇਯ੍ਯਚਿਤ੍ਤੋ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ …ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu tiṇakkhettaṃ gantvā lūtaṃ tiṇaṃ pañcamāsagghanakaṃ theyyacitto avahari. Tassa kukkuccaṃ ahosi …pe… ‘‘āpattiṃ tvaṃ, bhikkhu, āpanno pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਤਿਣਕ੍ਖੇਤ੍ਤਂ ਗਨ੍ਤ੍વਾ ਤਿਣਂ ਲਾਯਿਤ੍વਾ ਪਞ੍ਚਮਾਸਗ੍ਘਨਕਂ ਥੇਯ੍ਯਚਿਤ੍ਤੋ ਅવਹਰਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu tiṇakkhettaṃ gantvā tiṇaṃ lāyitvā pañcamāsagghanakaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੫੬. ਤੇਨ ਖੋ ਪਨ ਸਮਯੇਨ ਆਗਨ੍ਤੁਕਾ ਭਿਕ੍ਖੂ ਸਙ੍ਘਸ੍ਸ ਅਮ੍ਬਂ ਭਾਜਾਪੇਤ੍વਾ ਪਰਿਭੁਞ੍ਜਿਂਸੁ। ਆવਾਸਿਕਾ ਭਿਕ੍ਖੂ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਕਿਂਚਿਤ੍ਤਾ ਤੁਮ੍ਹੇ, ਭਿਕ੍ਖવੇ’’ਤਿ? ‘‘ਪਰਿਭੋਗਤ੍ਥਾਯ 43 ਮਯਂ ਭਗવਾ’’ਤਿ। ‘‘ਅਨਾਪਤ੍ਤਿ, ਭਿਕ੍ਖવੇ, ਪਰਿਭੋਗਤ੍ਥਾਯਾ’’ਤਿ।
156. Tena kho pana samayena āgantukā bhikkhū saṅghassa ambaṃ bhājāpetvā paribhuñjiṃsu. Āvāsikā bhikkhū te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… bhagavato etamatthaṃ ārocesuṃ. ‘‘Kiṃcittā tumhe, bhikkhave’’ti? ‘‘Paribhogatthāya 44 mayaṃ bhagavā’’ti. ‘‘Anāpatti, bhikkhave, paribhogatthāyā’’ti.
ਤੇਨ ਖੋ ਪਨ ਸਮਯੇਨ ਆਗਨ੍ਤੁਕਾ ਭਿਕ੍ਖੂ ਸਙ੍ਘਸ੍ਸ ਜਮ੍ਬੁਂ… ਸਙ੍ਘਸ੍ਸ ਲਬੁਜਂ… ਸਙ੍ਘਸ੍ਸ ਪਨਸਂ… ਸਙ੍ਘਸ੍ਸ ਤਾਲਪਕ੍ਕਂ… ਸਙ੍ਘਸ੍ਸ ਉਚ੍ਛੁਂ… ਸਙ੍ਘਸ੍ਸ ਤਿਮ੍ਬਰੂਸਕਂ ਭਾਜਾਪੇਤ੍વਾ ਪਰਿਭੁਞ੍ਜਿਂਸੁ। ਆવਾਸਿਕਾ ਭਿਕ੍ਖੂ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ, ਤੁਮ੍ਹੇ’’ਤਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਰਿਭੋਗਤ੍ਥਾਯਾ’’ਤਿ।
Tena kho pana samayena āgantukā bhikkhū saṅghassa jambuṃ… saṅghassa labujaṃ… saṅghassa panasaṃ… saṅghassa tālapakkaṃ… saṅghassa ucchuṃ… saṅghassa timbarūsakaṃ bhājāpetvā paribhuñjiṃsu. Āvāsikā bhikkhū te bhikkhū codesuṃ – ‘‘assamaṇāttha, tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paribhogatthāyā’’ti.
ਤੇਨ ਖੋ ਪਨ ਸਮਯੇਨ ਅਮ੍ਬਪਾਲਕਾ ਭਿਕ੍ਖੂਨਂ ਅਮ੍ਬਫਲਂ ਦੇਨ੍ਤਿ। ਭਿਕ੍ਖੂ – ‘‘ਗੋਪੇਤੁਂ ਇਮੇ ਇਸ੍ਸਰਾ, ਨਯਿਮੇ ਦਾਤੁ’’ਨ੍ਤਿ, ਕੁਕ੍ਕੁਚ੍ਚਾਯਨ੍ਤਾ ਨ ਪਟਿਗ੍ਗਣ੍ਹਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨਾਪਤ੍ਤਿ, ਭਿਕ੍ਖવੇ, ਗੋਪਕਸ੍ਸ ਦਾਨੇ’’ਤਿ।
Tena kho pana samayena ambapālakā bhikkhūnaṃ ambaphalaṃ denti. Bhikkhū – ‘‘gopetuṃ ime issarā, nayime dātu’’nti, kukkuccāyantā na paṭiggaṇhanti. Bhagavato etamatthaṃ ārocesuṃ. ‘‘Anāpatti, bhikkhave, gopakassa dāne’’ti.
ਤੇਨ ਖੋ ਪਨ ਸਮਯੇਨ ਜਮ੍ਬੁਪਾਲਕਾ… ਲਬੁਜਪਾਲਕਾ… ਪਨਸਪਾਲਕਾ… ਤਾਲਪਕ੍ਕਪਾਲਕਾ… ਉਚ੍ਛੁਪਾਲਕਾ… ਤਿਮ੍ਬਰੂਸਕਪਾਲਕਾ ਭਿਕ੍ਖੂਨਂ ਤਿਮ੍ਬਰੂਸਕਂ ਦੇਨ੍ਤਿ। ਭਿਕ੍ਖੂ – ‘‘ਗੋਪੇਤੁਂ ਇਮੇ ਇਸ੍ਸਰਾ, ਨਯਿਮੇ ਦਾਤੁ’’ਨ੍ਤਿ, ਕੁਕ੍ਕੁਚ੍ਚਾਯਨ੍ਤਾ ਨ ਪਟਿਗ੍ਗਣ੍ਹਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨਾਪਤ੍ਤਿ, ਭਿਕ੍ਖવੇ, ਗੋਪਕਸ੍ਸ ਦਾਨੇ’’ਤਿ।
Tena kho pana samayena jambupālakā… labujapālakā… panasapālakā… tālapakkapālakā… ucchupālakā… timbarūsakapālakā bhikkhūnaṃ timbarūsakaṃ denti. Bhikkhū – ‘‘gopetuṃ ime issarā, nayime dātu’’nti, kukkuccāyantā na paṭiggaṇhanti. Bhagavato etamatthaṃ ārocesuṃ. ‘‘Anāpatti, bhikkhave, gopakassa dāne’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਦਾਰੁਂ ਤਾવਕਾਲਿਕਂ ਹਰਿਤ੍વਾ ਅਤ੍ਤਨੋ વਿਹਾਰਸ੍ਸ ਕੁਟ੍ਟਂ ਉਪਤ੍ਥਮ੍ਭੇਸਿ। ਭਿਕ੍ਖੂ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ। ਭਗવਤੋ ਏਤਮਤ੍ਥਂ ਆਰੋਚੇਸਿ। ‘‘ਕਿਂਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘ਤਾવਕਾਲਿਕੋ ਅਹਂ, ਭਗવਾ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, ਤਾવਕਾਲਿਕੇ’’ਤਿ।
Tena kho pana samayena aññataro bhikkhu saṅghassa dāruṃ tāvakālikaṃ haritvā attano vihārassa kuṭṭaṃ upatthambhesi. Bhikkhū taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi. Bhagavato etamatthaṃ ārocesi. ‘‘Kiṃcitto tvaṃ, bhikkhū’’ti? ‘‘Tāvakāliko ahaṃ, bhagavā’’ti. ‘‘Anāpatti, bhikkhu, tāvakālike’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਉਦਕਂ ਥੇਯ੍ਯਚਿਤ੍ਤੋ ਅવਹਰਿ… ਸਙ੍ਘਸ੍ਸ ਮਤ੍ਤਿਕਂ ਥੇਯ੍ਯਚਿਤ੍ਤੋ ਅવਹਰਿ… ਸਙ੍ਘਸ੍ਸ ਪੁਞ੍ਜਕਿਤਂ ਤਿਣਂ ਥੇਯ੍ਯਚਿਤ੍ਤੋ ਅવਹਰਿ… ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu saṅghassa udakaṃ theyyacitto avahari… saṅghassa mattikaṃ theyyacitto avahari… saṅghassa puñjakitaṃ tiṇaṃ theyyacitto avahari… tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਪੁਞ੍ਜਕਿਤਂ ਤਿਣਂ ਥੇਯ੍ਯਚਿਤ੍ਤੋ ਝਾਪੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ। ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu saṅghassa puñjakitaṃ tiṇaṃ theyyacitto jhāpesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਮਞ੍ਚਂ ਥੇਯ੍ਯਚਿਤ੍ਤੋ ਅવਹਰਿ… ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu saṅghassa mañcaṃ theyyacitto avahari… tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਪੀਠਂ… ਸਙ੍ਘਸ੍ਸ ਭਿਸਿਂ… ਸਙ੍ਘਸ੍ਸ ਬਿਬ੍ਬੋਹਨਂ 45 … ਸਙ੍ਘਸ੍ਸ ਕવਾਟਂ… ਸਙ੍ਘਸ੍ਸ ਆਲੋਕਸਨ੍ਧਿਂ… ਸਙ੍ਘਸ੍ਸ ਗੋਪਾਨਸਿਂ ਥੇਯ੍ਯਚਿਤ੍ਤੋ ਅવਹਰਿ… ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।
Tena kho pana samayena aññataro bhikkhu saṅghassa pīṭhaṃ… saṅghassa bhisiṃ… saṅghassa bibbohanaṃ 46 … saṅghassa kavāṭaṃ… saṅghassa ālokasandhiṃ… saṅghassa gopānasiṃ theyyacitto avahari… tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
੧੫੭. 47 ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਅਞ੍ਞਤਰਸ੍ਸ ਉਪਾਸਕਸ੍ਸ વਿਹਾਰਪਰਿਭੋਗਂ ਸੇਨਾਸਨਂ ਅਞ੍ਞਤ੍ਰ ਪਰਿਭੁਞ੍ਜਨ੍ਤਿ। ਅਥ ਖੋ ਸੋ ਉਪਾਸਕੋ ਉਜ੍ਝਾਯਤਿ ਖਿਯ੍ਯਤਿ વਿਪਾਚੇਤਿ – ‘‘ਕਥਞ੍ਹਿ ਨਾਮ ਭਦਨ੍ਤਾ ਅਞ੍ਞਤ੍ਰ ਪਰਿਭੋਗਂ ਅਞ੍ਞਤ੍ਰ ਪਰਿਭੁਞ੍ਜਿਸ੍ਸਨ੍ਤੀ’’ਤਿ! ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਅਞ੍ਞਤ੍ਰ ਪਰਿਭੋਗੋ ਅਞ੍ਞਤ੍ਰ ਪਰਿਭੁਞ੍ਜਿਤਬ੍ਬੋ। ਯੋ ਪਰਿਭੁਞ੍ਜੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
157.48 Tena kho pana samayena bhikkhū aññatarassa upāsakassa vihāraparibhogaṃ senāsanaṃ aññatra paribhuñjanti. Atha kho so upāsako ujjhāyati khiyyati vipāceti – ‘‘kathañhi nāma bhadantā aññatra paribhogaṃ aññatra paribhuñjissantī’’ti! Bhagavato etamatthaṃ ārocesuṃ. ‘‘Na, bhikkhave, aññatra paribhogo aññatra paribhuñjitabbo. Yo paribhuñjeyya, āpatti dukkaṭassā’’ti.
49 ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਉਪੋਸਥਗ੍ਗਮ੍ਪਿ ਸਨ੍ਨਿਸਜ੍ਜਮ੍ਪਿ ਹਰਿਤੁਂ ਕੁਕ੍ਕੁਚ੍ਚਾਯਨ੍ਤਾ ਛਮਾਯਂ ਨਿਸੀਦਨ੍ਤਿ। ਗਤ੍ਤਾਨਿਪਿ ਚੀવਰਾਨਿਪਿ ਪਂਸੁਕਿਤਾਨਿ ਹੋਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਤਾવਕਾਲਿਕਂ ਹਰਿਤੁ’’ਨ੍ਤਿ।
50 Tena kho pana samayena bhikkhū uposathaggampi sannisajjampi harituṃ kukkuccāyantā chamāyaṃ nisīdanti. Gattānipi cīvarānipi paṃsukitāni honti. Bhagavato etamatthaṃ ārocesuṃ. ‘‘Anujānāmi, bhikkhave, tāvakālikaṃ haritu’’nti.
ਤੇਨ ਖੋ ਪਨ ਸਮਯੇਨ ਚਮ੍ਪਾਯਂ ਥੁਲ੍ਲਨਨ੍ਦਾਯ ਭਿਕ੍ਖੁਨਿਯਾ ਅਨ੍ਤੇવਾਸਿਨੀ ਭਿਕ੍ਖੁਨੀ ਥੁਲ੍ਲਨਨ੍ਦਾਯ ਭਿਕ੍ਖੁਨਿਯਾ ਉਪਟ੍ਠਾਕਕੁਲਂ ਗਨ੍ਤ੍વਾ – ‘‘ਅਯ੍ਯਾ ਇਚ੍ਛਤਿ ਤੇਕਟੁਲਯਾਗੁਂ ਪਾਤੁ’’ਨ੍ਤਿ, ਪਚਾਪੇਤ੍વਾ ਹਰਿਤ੍વਾ ਅਤ੍ਤਨਾ ਪਰਿਭੁਞ੍ਜਿ। ਸਾ ਜਾਨਿਤ੍વਾ ਤਂ ਚੋਦੇਸਿ – ‘‘ਅਸ੍ਸਮਣੀਸਿ ਤ੍વ’’ਨ੍ਤਿ। ਤਸ੍ਸਾ ਕੁਕ੍ਕੁਚ੍ਚਂ ਅਹੋਸਿ। ਅਥ ਖੋ ਸਾ ਭਿਕ੍ਖੁਨੀ ਭਿਕ੍ਖੁਨੀਨਂ ਏਤਮਤ੍ਥਂ ਆਰੋਚੇਸਿ। ਭਿਕ੍ਖੁਨਿਯੋ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ। ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸ; ਆਪਤ੍ਤਿ ਸਮ੍ਪਜਾਨਮੁਸਾવਾਦੇ ਪਾਚਿਤ੍ਤਿਯਸ੍ਸਾ’’ਤਿ।
Tena kho pana samayena campāyaṃ thullanandāya bhikkhuniyā antevāsinī bhikkhunī thullanandāya bhikkhuniyā upaṭṭhākakulaṃ gantvā – ‘‘ayyā icchati tekaṭulayāguṃ pātu’’nti, pacāpetvā haritvā attanā paribhuñji. Sā jānitvā taṃ codesi – ‘‘assamaṇīsi tva’’nti. Tassā kukkuccaṃ ahosi. Atha kho sā bhikkhunī bhikkhunīnaṃ etamatthaṃ ārocesi. Bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. ‘‘Anāpatti, bhikkhave, pārājikassa; āpatti sampajānamusāvāde pācittiyassā’’ti.
ਤੇਨ ਖੋ ਪਨ ਸਮਯੇਨ ਰਾਜਗਹੇ ਥੁਲ੍ਲਨਨ੍ਦਾਯ ਭਿਕ੍ਖੁਨਿਯਾ ਅਨ੍ਤੇવਾਸਿਨੀ ਭਿਕ੍ਖੁਨੀ ਥੁਲ੍ਲਨਨ੍ਦਾਯ ਭਿਕ੍ਖੁਨਿਯਾ ਉਪਟ੍ਠਾਕਕੁਲਂ ਗਨ੍ਤ੍વਾ – ‘‘ਅਯ੍ਯਾ ਇਚ੍ਛਤਿ ਮਧੁਗੋਲ਼ਕਂ ਖਾਦਿਤੁ’’ਨ੍ਤਿ, ਪਚਾਪੇਤ੍વਾ ਹਰਿਤ੍વਾ ਅਤ੍ਤਨਾ ਪਰਿਭੁਞ੍ਜਿ। ਸਾ ਜਾਨਿਤ੍વਾ ਤਂ ਚੋਦੇਸਿ – ‘‘ਅਸ੍ਸਮਣੀਸਿ ਤ੍વ’’ਨ੍ਤਿ। ਤਸ੍ਸਾ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸ; ਆਪਤ੍ਤਿ ਸਮ੍ਪਜਾਨਮੁਸਾવਾਦੇ ਪਾਚਿਤ੍ਤਿਯਸ੍ਸਾ’’ਤਿ।
Tena kho pana samayena rājagahe thullanandāya bhikkhuniyā antevāsinī bhikkhunī thullanandāya bhikkhuniyā upaṭṭhākakulaṃ gantvā – ‘‘ayyā icchati madhugoḷakaṃ khāditu’’nti, pacāpetvā haritvā attanā paribhuñji. Sā jānitvā taṃ codesi – ‘‘assamaṇīsi tva’’nti. Tassā kukkuccaṃ ahosi…pe… ‘‘anāpatti, bhikkhave, pārājikassa; āpatti sampajānamusāvāde pācittiyassā’’ti.
੧੫੮. ਤੇਨ ਖੋ ਪਨ ਸਮਯੇਨ વੇਸਾਲਿਯਂ ਆਯਸ੍ਮਤੋ ਅਜ੍ਜੁਕਸ੍ਸ ਉਪਟ੍ਠਾਕਸ੍ਸ ਗਹਪਤਿਨੋ ਦ੍વੇ ਦਾਰਕਾ ਹੋਨ੍ਤਿ – ਪੁਤ੍ਤੋ ਚ ਭਾਗਿਨੇਯ੍ਯੋ ਚ। ਅਥ ਖੋ ਸੋ ਗਹਪਤਿ ਆਯਸ੍ਮਨ੍ਤਂ ਅਜ੍ਜੁਕਂ ਏਤਦવੋਚ – ‘‘ਇਮਂ, ਭਨ੍ਤੇ, ਓਕਾਸਂ ਯੋ ਇਮੇਸਂ ਦ੍વਿਨ੍ਨਂ ਦਾਰਕਾਨਂ ਸਦ੍ਧੋ ਹੋਤਿ ਪਸਨ੍ਨੋ ਤਸ੍ਸ ਆਚਿਕ੍ਖੇਯ੍ਯਾਸੀ’’ਤਿ 51। ਤੇਨ ਖੋ ਪਨ ਸਮਯੇਨ ਤਸ੍ਸ ਗਹਪਤਿਨੋ ਭਾਗਿਨੇਯ੍ਯੋ ਸਦ੍ਧੋ ਹੋਤਿ ਪਸਨ੍ਨੋ। ਅਥ ਖੋ ਆਯਸ੍ਮਾ ਅਜ੍ਜੁਕੋ ਤਂ ਓਕਾਸਂ ਤਸ੍ਸ ਦਾਰਕਸ੍ਸ ਆਚਿਕ੍ਖਿ। ਸੋ ਤੇਨ ਸਾਪਤੇਯ੍ਯੇਨ ਕੁਟੁਮ੍ਬਞ੍ਚ ਸਣ੍ਠਪੇਸਿ ਦਾਨਞ੍ਚ ਪਟ੍ਠਪੇਸਿ। ਅਥ ਖੋ ਤਸ੍ਸ ਗਹਪਤਿਨੋ ਪੁਤ੍ਤੋ ਆਯਸ੍ਮਨ੍ਤਂ ਆਨਨ੍ਦਂ ਏਤਦવੋਚ – ‘‘ਕੋ ਨੁ ਖੋ, ਭਨ੍ਤੇ ਆਨਨ੍ਦ, ਪਿਤੁਨੋ ਦਾਯਜ੍ਜੋ – ਪੁਤ੍ਤੋ વਾ ਭਾਗਿਨੇਯ੍ਯੋ વਾ’’ਤਿ? ‘‘ਪੁਤ੍ਤੋ ਖੋ, ਆવੁਸੋ, ਪਿਤੁਨੋ ਦਾਯਜ੍ਜੋ’’ਤਿ। ‘‘ਅਯਂ, ਭਨ੍ਤੇ, ਅਯ੍ਯੋ ਅਜ੍ਜੁਕੋ ਅਮ੍ਹਾਕਂ ਸਾਪਤੇਯ੍ਯਂ ਅਮ੍ਹਾਕਂ ਮੇਥੁਨਕਸ੍ਸ ਆਚਿਕ੍ਖੀ’’ਤਿ। ‘‘ਅਸ੍ਸਮਣੋ, ਆવੁਸੋ, ਆਯਸ੍ਮਾ ਅਜ੍ਜੁਕੋ’’ਤਿ। ਅਥ ਖੋ ਆਯਸ੍ਮਾ ਅਜ੍ਜੁਕੋ ਆਯਸ੍ਮਨ੍ਤਂ ਆਨਨ੍ਦਂ ਏਤਦવੋਚ – ‘‘ਦੇਹਿ ਮੇ, ਆવੁਸੋ ਆਨਨ੍ਦ, વਿਨਿਚ੍ਛਯ’’ਨ੍ਤਿ। ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਪਾਲਿ ਆਯਸ੍ਮਤੋ ਅਜ੍ਜੁਕਸ੍ਸ ਪਕ੍ਖੋ ਹੋਤਿ। ਅਥ ਖੋ ਆਯਸ੍ਮਾ ਉਪਾਲਿ ਆਯਸ੍ਮਨ੍ਤਂ ਆਨਨ੍ਦਂ ਏਤਦવੋਚ – ‘‘ਯੋ ਨੁ ਖੋ, ਆવੁਸੋ ਆਨਨ੍ਦ, ਸਾਮਿਕੇਨ ‘ਇਮਂ ਓਕਾਸਂ ਇਤ੍ਥਨ੍ਨਾਮਸ੍ਸ ਆਚਿਕ੍ਖੇਯ੍ਯਾਸੀ’ਤਿ વੁਤ੍ਤੋ ਤਸ੍ਸ ਆਚਿਕ੍ਖਤਿ, ਕਿਂ ਸੋ ਆਪਜ੍ਜਤੀ’’ਤਿ? ‘‘ਨ, ਭਨ੍ਤੇ, ਕਿਞ੍ਚਿ ਆਪਜ੍ਜਤਿ, ਅਨ੍ਤਮਸੋ ਦੁਕ੍ਕਟਮਤ੍ਤਮ੍ਪੀ’’ਤਿ। ‘‘ਅਯਂ, ਆવੁਸੋ, ਆਯਸ੍ਮਾ ਅਜ੍ਜੁਕੋ ਸਾਮਿਕੇਨ – ‘ਇਮਂ ਓਕਾਸਂ ਇਤ੍ਥਨ੍ਨਾਮਸ੍ਸ ਆਚਿਕ੍ਖਾ’ਤਿ વੁਤ੍ਤੋ ਤਸ੍ਸ ਆਚਿਕ੍ਖਤਿ; ਅਨਾਪਤ੍ਤਿ, ਆવੁਸੋ, ਆਯਸ੍ਮਤੋ ਅਜ੍ਜੁਕਸ੍ਸਾ’’ਤਿ।
158. Tena kho pana samayena vesāliyaṃ āyasmato ajjukassa upaṭṭhākassa gahapatino dve dārakā honti – putto ca bhāgineyyo ca. Atha kho so gahapati āyasmantaṃ ajjukaṃ etadavoca – ‘‘imaṃ, bhante, okāsaṃ yo imesaṃ dvinnaṃ dārakānaṃ saddho hoti pasanno tassa ācikkheyyāsī’’ti 52. Tena kho pana samayena tassa gahapatino bhāgineyyo saddho hoti pasanno. Atha kho āyasmā ajjuko taṃ okāsaṃ tassa dārakassa ācikkhi. So tena sāpateyyena kuṭumbañca saṇṭhapesi dānañca paṭṭhapesi. Atha kho tassa gahapatino putto āyasmantaṃ ānandaṃ etadavoca – ‘‘ko nu kho, bhante ānanda, pituno dāyajjo – putto vā bhāgineyyo vā’’ti? ‘‘Putto kho, āvuso, pituno dāyajjo’’ti. ‘‘Ayaṃ, bhante, ayyo ajjuko amhākaṃ sāpateyyaṃ amhākaṃ methunakassa ācikkhī’’ti. ‘‘Assamaṇo, āvuso, āyasmā ajjuko’’ti. Atha kho āyasmā ajjuko āyasmantaṃ ānandaṃ etadavoca – ‘‘dehi me, āvuso ānanda, vinicchaya’’nti. Tena kho pana samayena āyasmā upāli āyasmato ajjukassa pakkho hoti. Atha kho āyasmā upāli āyasmantaṃ ānandaṃ etadavoca – ‘‘yo nu kho, āvuso ānanda, sāmikena ‘imaṃ okāsaṃ itthannāmassa ācikkheyyāsī’ti vutto tassa ācikkhati, kiṃ so āpajjatī’’ti? ‘‘Na, bhante, kiñci āpajjati, antamaso dukkaṭamattampī’’ti. ‘‘Ayaṃ, āvuso, āyasmā ajjuko sāmikena – ‘imaṃ okāsaṃ itthannāmassa ācikkhā’ti vutto tassa ācikkhati; anāpatti, āvuso, āyasmato ajjukassā’’ti.
੧੫੯. ਤੇਨ ਖੋ ਪਨ ਸਮਯੇਨ ਬਾਰਾਣਸਿਯਂ ਆਯਸ੍ਮਤੋ ਪਿਲਿਨ੍ਦવਚ੍ਛਸ੍ਸ ਉਪਟ੍ਠਾਕਕੁਲਂ ਚੋਰੇਹਿ ਉਪਦ੍ਦੁਤਂ ਹੋਤਿ। ਦ੍વੇ ਚ ਦਾਰਕਾ ਨੀਤਾ ਹੋਨ੍ਤਿ। ਅਥ ਖੋ ਆਯਸ੍ਮਾ ਪਿਲਿਨ੍ਦવਚ੍ਛੋ ਤੇ ਦਾਰਕੇ ਇਦ੍ਧਿਯਾ ਆਨੇਤ੍વਾ ਪਾਸਾਦੇ ਠਪੇਸਿ। ਮਨੁਸ੍ਸਾ ਤੇ ਦਾਰਕੇ ਪਸ੍ਸਿਤ੍વਾ – ‘‘ਅਯ੍ਯਸ੍ਸਾਯਂ ਪਿਲਿਨ੍ਦવਚ੍ਛਸ੍ਸ ਇਦ੍ਧਾਨੁਭਾવੋ’’ਤਿ, ਆਯਸ੍ਮਨ੍ਤੇ ਪਿਲਿਨ੍ਦવਚ੍ਛੇ ਅਭਿਪ੍ਪਸੀਦਿਂਸੁ। ਭਿਕ੍ਖੂ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਪਿਲਿਨ੍ਦવਚ੍ਛੋ ਚੋਰੇਹਿ ਨੀਤੇ ਦਾਰਕੇ ਆਨੇਸ੍ਸਤੀ’’ਤਿ! ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨਾਪਤ੍ਤਿ, ਭਿਕ੍ਖવੇ 53, ਇਦ੍ਧਿਮਸ੍ਸ ਇਦ੍ਧਿવਿਸਯੇ’’ਤਿ।
159. Tena kho pana samayena bārāṇasiyaṃ āyasmato pilindavacchassa upaṭṭhākakulaṃ corehi upaddutaṃ hoti. Dve ca dārakā nītā honti. Atha kho āyasmā pilindavaccho te dārake iddhiyā ānetvā pāsāde ṭhapesi. Manussā te dārake passitvā – ‘‘ayyassāyaṃ pilindavacchassa iddhānubhāvo’’ti, āyasmante pilindavacche abhippasīdiṃsu. Bhikkhū ujjhāyanti khiyyanti vipācenti – ‘‘kathañhi nāma āyasmā pilindavaccho corehi nīte dārake ānessatī’’ti! Bhagavato etamatthaṃ ārocesuṃ. ‘‘Anāpatti, bhikkhave 54, iddhimassa iddhivisaye’’ti.
੧੬੦. ਤੇਨ ਖੋ ਪਨ ਸਮਯੇਨ ਦ੍વੇ ਭਿਕ੍ਖੂ ਸਹਾਯਕਾ ਹੋਨ੍ਤਿ – ਪਣ੍ਡੁਕੋ ਚ ਕਪਿਲੋ ਚ। ਏਕੋ ਗਾਮਕੇ વਿਹਰਤਿ, ਏਕੋ ਕੋਸਮ੍ਬਿਯਂ। ਅਥ ਖੋ ਤਸ੍ਸ ਭਿਕ੍ਖੁਨੋ ਗਾਮਕਾ ਕੋਸਮ੍ਬਿਂ ਗਚ੍ਛਨ੍ਤਸ੍ਸ ਅਨ੍ਤਰਾਮਗ੍ਗੇ ਨਦਿਂ ਤਰਨ੍ਤਸ੍ਸ ਸੂਕਰਿਕਾਨਂ ਹਤ੍ਥਤੋ ਮੁਤ੍ਤਾ ਮੇਦવਟ੍ਟਿ ਪਾਦੇ ਲਗ੍ਗਾ ਹੋਤਿ। ਸੋ ਭਿਕ੍ਖੁ – ‘‘ਸਾਮਿਕਾਨਂ ਦਸ੍ਸਾਮੀ’’ਤਿ ਅਗ੍ਗਹੇਸਿ। ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍વ’’ਨ੍ਤਿ। ਤਂ ਉਤ੍ਤਿਣ੍ਣਂ ਗੋਪਾਲਿਕਾ 55 ਪਸ੍ਸਿਤ੍વਾ ਏਤਦવੋਚ – ‘‘ਏਹਿ, ਭਨ੍ਤੇ, ਮੇਥੁਨਂ ਧਮ੍ਮਂ ਪਟਿਸੇવਾ’’ਤਿ। ਸੋ – ‘‘ਪਕਤਿਯਾਪਾਹਂ ਅਸ੍ਸਮਣੋ’’ਤਿ ਤਸ੍ਸਾ ਮੇਥੁਨਂ ਧਮ੍ਮਂ ਪਟਿਸੇવਿਤ੍વਾ ਕੋਸਮ੍ਬਿਂ ਗਨ੍ਤ੍વਾ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸਿ। ਭਿਕ੍ਖੂ ਭਗવਤੋ ਏਤਮਤ੍ਥਂ ਓਰੋਚੇਸੁਂ। ‘‘ਅਨਾਪਤ੍ਤਿ, ਭਿਕ੍ਖવੇ, ਅਦਿਨ੍ਨਾਦਾਨੇ ਪਾਰਾਜਿਕਸ੍ਸ; ਆਪਤ੍ਤਿ ਮੇਥੁਨਧਮ੍ਮਸਮਾਯੋਗੇ ਪਾਰਾਜਿਕਸ੍ਸਾ’’ਤਿ।
160. Tena kho pana samayena dve bhikkhū sahāyakā honti – paṇḍuko ca kapilo ca. Eko gāmake viharati, eko kosambiyaṃ. Atha kho tassa bhikkhuno gāmakā kosambiṃ gacchantassa antarāmagge nadiṃ tarantassa sūkarikānaṃ hatthato muttā medavaṭṭi pāde laggā hoti. So bhikkhu – ‘‘sāmikānaṃ dassāmī’’ti aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Taṃ uttiṇṇaṃ gopālikā 56 passitvā etadavoca – ‘‘ehi, bhante, methunaṃ dhammaṃ paṭisevā’’ti. So – ‘‘pakatiyāpāhaṃ assamaṇo’’ti tassā methunaṃ dhammaṃ paṭisevitvā kosambiṃ gantvā bhikkhūnaṃ etamatthaṃ ārocesi. Bhikkhū bhagavato etamatthaṃ orocesuṃ. ‘‘Anāpatti, bhikkhave, adinnādāne pārājikassa; āpatti methunadhammasamāyoge pārājikassā’’ti.
੧੬੧. ਤੇਨ ਖੋ ਪਨ ਸਮਯੇਨ ਸਾਗਲਾਯਂ ਆਯਸ੍ਮਤੋ ਦਲ਼੍ਹਿਕਸ੍ਸ ਸਦ੍ਧਿવਿਹਾਰਿਕੋ ਭਿਕ੍ਖੁ ਅਨਭਿਰਤਿਯਾ ਪੀਲ਼ਿਤੋ ਆਪਣਿਕਸ੍ਸ વੇਠਨਂ ਅવਹਰਿਤ੍વਾ ਆਯਸ੍ਮਨ੍ਤਂ ਦਲ਼੍ਹਿਕਂ ਏਤਦવੋਚ – ‘‘ਅਸ੍ਸਮਣੋ ਅਹਂ, ਭਨ੍ਤੇ, વਿਬ੍ਭਮਿਸ੍ਸਾਮੀ’’ਤਿ। ‘‘ਕਿਂ ਤਯਾ, ਆવੁਸੋ, ਕਤ’’ਨ੍ਤਿ? ਸੋ ਤਮਤ੍ਥਂ ਆਰੋਚੇਸਿ। ਆਹਰਾਪੇਤ੍વਾ ਅਗ੍ਘਾਪੇਸਿ। ਤਂ ਅਗ੍ਘਾਪੇਨ੍ਤਂ ਨ ਪਞ੍ਚਮਾਸਕੇ ਅਗ੍ਘਤਿ । ‘‘ਅਨਾਪਤ੍ਤਿ, ਆવੁਸੋ, ਪਾਰਾਜਿਕਸ੍ਸਾ’’ਤਿ। ਧਮ੍ਮਕਥਂ ਅਕਾਸਿ। ਸੋ ਭਿਕ੍ਖੁ ਅਭਿਰਮਤੀਤਿ 57।
161. Tena kho pana samayena sāgalāyaṃ āyasmato daḷhikassa saddhivihāriko bhikkhu anabhiratiyā pīḷito āpaṇikassa veṭhanaṃ avaharitvā āyasmantaṃ daḷhikaṃ etadavoca – ‘‘assamaṇo ahaṃ, bhante, vibbhamissāmī’’ti. ‘‘Kiṃ tayā, āvuso, kata’’nti? So tamatthaṃ ārocesi. Āharāpetvā agghāpesi. Taṃ agghāpentaṃ na pañcamāsake agghati . ‘‘Anāpatti, āvuso, pārājikassā’’ti. Dhammakathaṃ akāsi. So bhikkhu abhiramatīti 58.
ਦੁਤਿਯਪਾਰਾਜਿਕਂ ਸਮਤ੍ਤਂ।
Dutiyapārājikaṃ samattaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਧਨਿਯવਤ੍ਥੁવਣ੍ਣਨਾ • Dhaniyavatthuvaṇṇanā
ਪਾਲ਼ਿਮੁਤ੍ਤਕવਿਨਿਚ੍ਛਯવਣ੍ਣਨਾ • Pāḷimuttakavinicchayavaṇṇanā
ਪਦਭਾਜਨੀਯવਣ੍ਣਨਾ • Padabhājanīyavaṇṇanā
ਪਞ੍ਚવੀਸਤਿਅવਹਾਰਕਥਾવਣ੍ਣਨਾ • Pañcavīsatiavahārakathāvaṇṇanā
ਭੂਮਟ੍ਠਕਥਾવਣ੍ਣਨਾ • Bhūmaṭṭhakathāvaṇṇanā
ਆਕਾਸਟ੍ਠਕਥਾવਣ੍ਣਨਾ • Ākāsaṭṭhakathāvaṇṇanā
વੇਹਾਸਟ੍ਠਕਥਾવਣ੍ਣਨਾ • Vehāsaṭṭhakathāvaṇṇanā
ਉਦਕਟ੍ਠਕਥਾવਣ੍ਣਨਾ • Udakaṭṭhakathāvaṇṇanā
ਨਾવਟ੍ਠਕਥਾવਣ੍ਣਨਾ • Nāvaṭṭhakathāvaṇṇanā
ਯਾਨਟ੍ਠਕਥਾવਣ੍ਣਨਾ • Yānaṭṭhakathāvaṇṇanā
ਭਾਰਟ੍ਠਕਥਾવਣ੍ਣਨਾ • Bhāraṭṭhakathāvaṇṇanā
ਆਰਾਮਟ੍ਠਕਥਾવਣ੍ਣਨਾ • Ārāmaṭṭhakathāvaṇṇanā
વਿਹਾਰਟ੍ਠਕਥਾવਣ੍ਣਨਾ • Vihāraṭṭhakathāvaṇṇanā
ਖੇਤ੍ਤਟ੍ਠਕਥਾવਣ੍ਣਨਾ • Khettaṭṭhakathāvaṇṇanā
વਤ੍ਥੁਟ੍ਠਕਥਾવਣ੍ਣਨਾ • Vatthuṭṭhakathāvaṇṇanā
ਗਾਮਟ੍ਠਕਥਾવਣ੍ਣਨਾ • Gāmaṭṭhakathāvaṇṇanā
ਅਰਞ੍ਞਟ੍ਠਕਥਾવਣ੍ਣਨਾ • Araññaṭṭhakathāvaṇṇanā
ਉਦਕਕਥਾવਣ੍ਣਨਾ • Udakakathāvaṇṇanā
ਦਨ੍ਤਪੋਨਕਥਾવਣ੍ਣਨਾ • Dantaponakathāvaṇṇanā
વਨਪ੍ਪਤਿਕਥਾવਣ੍ਣਨਾ • Vanappatikathāvaṇṇanā
ਹਰਣਕਕਥਾવਣ੍ਣਨਾ • Haraṇakakathāvaṇṇanā
ਉਪਨਿਧਿਕਥਾવਣ੍ਣਨਾ • Upanidhikathāvaṇṇanā
ਸੁਙ੍ਕਘਾਤਕਥਾવਣ੍ਣਨਾ • Suṅkaghātakathāvaṇṇanā
ਪਾਣਕਥਾવਣ੍ਣਨਾ • Pāṇakathāvaṇṇanā
ਚਤੁਪ੍ਪਦਕਥਾવਣ੍ਣਨਾ • Catuppadakathāvaṇṇanā
ਸਙ੍ਕੇਤਕਮ੍ਮਕਥਾવਣ੍ਣਨਾ • Saṅketakammakathāvaṇṇanā
ਨਿਮਿਤ੍ਤਕਮ੍ਮਕਥਾવਣ੍ਣਨਾ • Nimittakammakathāvaṇṇanā
ਆਣਤ੍ਤਿਕਥਾવਣ੍ਣਨਾ • Āṇattikathāvaṇṇanā
ਆਪਤ੍ਤਿਭੇਦવਣ੍ਣਨਾ • Āpattibhedavaṇṇanā
ਅਨਾਪਤ੍ਤਿਭੇਦવਣ੍ਣਨਾ • Anāpattibhedavaṇṇanā
વਿਨੀਤવਤ੍ਥੁવਣ੍ਣਨਾ • Vinītavatthuvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
ਧਨਿਯવਤ੍ਥੁવਣ੍ਣਨਾ • Dhaniyavatthuvaṇṇanā
ਪਾਲ਼ਿਮੁਤ੍ਤਕવਿਨਿਚ੍ਛਯવਣ੍ਣਨਾ • Pāḷimuttakavinicchayavaṇṇanā
ਪਦਭਾਜਨੀਯવਣ੍ਣਨਾ • Padabhājanīyavaṇṇanā
ਭੂਮਟ੍ਠਕਥਾਦਿવਣ੍ਣਨਾ • Bhūmaṭṭhakathādivaṇṇanā
ਆਪਤ੍ਤਿਭੇਦવਣ੍ਣਨਾ • Āpattibhedavaṇṇanā
ਅਨਾਪਤ੍ਤਿਭੇਦવਣ੍ਣਨਾ • Anāpattibhedavaṇṇanā
વਿਨੀਤવਤ੍ਥੁવਣ੍ਣਨਾ • Vinītavatthuvaṇṇanā
ਕੁਸਸਙ੍ਕਾਮਨવਤ੍ਥੁਕਥਾવਣ੍ਣਨਾ • Kusasaṅkāmanavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā
ਧਨਿਯવਤ੍ਥੁવਣ੍ਣਨਾ • Dhaniyavatthuvaṇṇanā
ਪਾਲ਼ਿਮੁਤ੍ਤਕવਿਨਿਚ੍ਛਯવਣ੍ਣਨਾ • Pāḷimuttakavinicchayavaṇṇanā
ਪਦਭਾਜਨੀਯવਣ੍ਣਨਾ • Padabhājanīyavaṇṇanā
ਪਞ੍ਚવੀਸਤਿਅવਹਾਰਕਥਾવਣ੍ਣਨਾ • Pañcavīsatiavahārakathāvaṇṇanā
ਭੂਮਟ੍ਠਕਥਾવਣ੍ਣਨਾ • Bhūmaṭṭhakathāvaṇṇanā
ਆਕਾਸਟ੍ਠਕਥਾવਣ੍ਣਨਾ • Ākāsaṭṭhakathāvaṇṇanā
વੇਹਾਸਟ੍ਠਕਥਾવਣ੍ਣਨਾ • Vehāsaṭṭhakathāvaṇṇanā
ਉਦਕਟ੍ਠਕਥਾવਣ੍ਣਨਾ • Udakaṭṭhakathāvaṇṇanā
ਨਾવਟ੍ਠਕਥਾવਣ੍ਣਨਾ • Nāvaṭṭhakathāvaṇṇanā
ਯਾਨਟ੍ਠਕਥਾવਣ੍ਣਨਾ • Yānaṭṭhakathāvaṇṇanā
ਭਾਰਟ੍ਠਕਥਾવਣ੍ਣਨਾ • Bhāraṭṭhakathāvaṇṇanā
ਆਰਾਮਟ੍ਠਕਥਾવਣ੍ਣਨਾ • Ārāmaṭṭhakathāvaṇṇanā
વਿਹਾਰਟ੍ਠਕਥਾવਣ੍ਣਨਾ • Vihāraṭṭhakathāvaṇṇanā
ਖੇਤ੍ਤਟ੍ਠਕਥਾવਣ੍ਣਨਾ • Khettaṭṭhakathāvaṇṇanā
વਤ੍ਥੁਟ੍ਠਕਥਾવਣ੍ਣਨਾ • Vatthuṭṭhakathāvaṇṇanā
ਅਰਞ੍ਞਟ੍ਠਕਥਾવਣ੍ਣਨਾ • Araññaṭṭhakathāvaṇṇanā
ਉਦਕਕਥਾવਣ੍ਣਨਾ • Udakakathāvaṇṇanā
ਦਨ੍ਤਪੋਨਕਥਾવਣ੍ਣਨਾ • Dantaponakathāvaṇṇanā
વਨਪ੍ਪਤਿਕਥਾવਣ੍ਣਨਾ • Vanappatikathāvaṇṇanā
ਹਰਣਕਕਥਾવਣ੍ਣਨਾ • Haraṇakakathāvaṇṇanā
ਉਪਨਿਧਿਕਥਾવਣ੍ਣਨਾ • Upanidhikathāvaṇṇanā
ਸੁਙ੍ਕਘਾਤਕਥਾવਣ੍ਣਨਾ • Suṅkaghātakathāvaṇṇanā
ਪਾਣਕਥਾવਣ੍ਣਨਾ • Pāṇakathāvaṇṇanā
ਚਤੁਪ੍ਪਦਕਥਾવਣ੍ਣਨਾ • Catuppadakathāvaṇṇanā
ਓਚਰਕਕਥਾવਣ੍ਣਨਾ • Ocarakakathāvaṇṇanā
ਸਙ੍ਕੇਤਕਮ੍ਮਕਥਾવਣ੍ਣਨਾ • Saṅketakammakathāvaṇṇanā
ਨਿਮਿਤ੍ਤਕਮ੍ਮਕਥਾવਣ੍ਣਨਾ • Nimittakammakathāvaṇṇanā
ਆਣਤ੍ਤਿਕਥਾવਣ੍ਣਨਾ • Āṇattikathāvaṇṇanā
ਆਪਤ੍ਤਿਭੇਦવਣ੍ਣਨਾ • Āpattibhedavaṇṇanā
ਅਨਾਪਤ੍ਤਿਭੇਦવਣ੍ਣਨਾ • Anāpattibhedavaṇṇanā
વਿਨੀਤવਤ੍ਥੁવਣ੍ਣਨਾ • Vinītavatthuvaṇṇanā
ਕੁਸਸਙ੍ਕਾਮਨવਤ੍ਥੁਕਥਾવਣ੍ਣਨਾ • Kusasaṅkāmanavatthukathāvaṇṇanā
