| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၂. ဒုတိယပာရာဇိကသမုဋ္ဌာနံ
2. Dutiyapārājikasamuṭṭhānaṃ
၂၅၉.
259.
အဒိန္နံ ဝိဂ္ဂဟုတ္တရိ၊ ဒုဋ္ဌုလ္လာ အတ္တကာမိနံ။
Adinnaṃ viggahuttari, duṭṭhullā attakāminaṃ;
အမူလာ အညဘာဂိယာ၊ အနိယတာ ဒုတိယိကာ။
Amūlā aññabhāgiyā, aniyatā dutiyikā.
အစ္ဆိန္ဒေ ပရိဏာမနေ၊ မုသာ ဩမသပေသုဏာ။
Acchinde pariṇāmane, musā omasapesuṇā;
ဒုဋ္ဌုလ္လာ ပထဝီခဏေ၊ ဘူတံ အညာယ ဥဇ္ဈာပေ။
Duṭṭhullā pathavīkhaṇe, bhūtaṃ aññāya ujjhāpe.
နိက္ကဍ္ဎနံ သိဉ္စနဉ္စ၊ အာမိသဟေတု ဘုတ္တာဝီ။
Nikkaḍḍhanaṃ siñcanañca, āmisahetu bhuttāvī;
ဧဟိ အနာဒရိ ဘိံသာ၊ အပနိဓေ စ ဇီဝိတံ။
Ehi anādari bhiṃsā, apanidhe ca jīvitaṃ.
ဇာနံ သပ္ပာဏကံ ကမ္မံ၊ ဦနသံဝာသနာသနာ။
Jānaṃ sappāṇakaṃ kammaṃ, ūnasaṃvāsanāsanā;
သဟဓမ္မိကဝိလေခာ၊ မောဟော အမူလကေန စ။
Sahadhammikavilekhā, moho amūlakena ca.
ကုက္ကုစ္စံ ဓမ္မိကံ စီဝရံ၊ ဒတ္ဝာ 1 ပရိဏာမေယ္ယ ပုဂ္ဂလေ။
Kukkuccaṃ dhammikaṃ cīvaraṃ, datvā 2 pariṇāmeyya puggale;
ကိံ တေ အကာလံ အစ္ဆိန္ဒေ၊ ဒုဂ္ဂဟီ နိရယေန စ။
Kiṃ te akālaṃ acchinde, duggahī nirayena ca.
ဂဏံ ဝိဘင္ဂံ ဒုဗ္ဗလံ၊ ကထိနာဖာသုပသ္သယံ။
Gaṇaṃ vibhaṅgaṃ dubbalaṃ, kathināphāsupassayaṃ;
အက္ကောသစဏ္ဍီ မစ္ဆရီ၊ ဂဗ္ဘိနီ စ ပာယန္တိယာ။
Akkosacaṇḍī maccharī, gabbhinī ca pāyantiyā.
ဒ္ဝေဝသ္သံ သိက္ခာ သင္ဃေန၊ တယော စေဝ ဂိဟီဂတာ။
Dvevassaṃ sikkhā saṅghena, tayo ceva gihīgatā;
ကုမာရိဘူတာ တိသ္သော စ၊ ဦနဒ္ဝာဒသသမ္မတာ။
Kumāribhūtā tisso ca, ūnadvādasasammatā.
အလံ တာဝ သောကာဝာသံ၊ ဆန္ဒာ အနုဝသ္သာ စ ဒ္ဝေ။
Alaṃ tāva sokāvāsaṃ, chandā anuvassā ca dve;
သိက္ခာပဒာ သတ္တတိမေ၊ သမုဋ္ဌာနာ တိကာ ကတာ။
Sikkhāpadā sattatime, samuṭṭhānā tikā katā.
ကာယစိတ္တေန န ဝာစာ၊ ဝာစာစိတ္တံ န ကာယိကံ။
Kāyacittena na vācā, vācācittaṃ na kāyikaṃ;
တီဟိ ဒ္ဝာရေဟိ ဇာယန္တိ၊ ပာရာဇိကံ ဒုတိယံ ယထာ။
Tīhi dvārehi jāyanti, pārājikaṃ dutiyaṃ yathā.
ဒုတိယပာရာဇိကသမုဋ္ဌာနံ နိဋ္ဌိတံ။
Dutiyapārājikasamuṭṭhānaṃ niṭṭhitaṃ.
Footnotes:
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / ဒုတိယပာရာဇိကသမုဋ္ဌာနဝဏ္ဏနာ • Dutiyapārājikasamuṭṭhānavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဒုတိယပာရာဇိကသမုဋ္ဌာနဝဏ္ဏနာ • Dutiyapārājikasamuṭṭhānavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ဒုတိယပာရာဇိကသမုဋ္ဌာနဝဏ္ဏနာ • Dutiyapārājikasamuṭṭhānavaṇṇanā
