| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
து³தியபாராஜிகஸமுட்டா²னவண்ணனா
Dutiyapārājikasamuṭṭhānavaṇṇanā
259. இத³ங் ஸமுட்டா²னங் ஏகங் ஸமுட்டா²னஸீஸந்தி ஸம்ப³ந்தோ⁴. ‘‘அதி³ன்னாதா³ன’’ந்தி இமினா அதி³ன்னந்தி எத்த² ஸமுதா³யனாமே ஏகதே³ஸவோஹாரோதி த³ஸ்ஸேதி. ஸேஸானீதி து³தியபாராஜிகதோ ஸேஸானி ஏகூனஸத்ததி ஸிக்கா²பதா³னி. தேனாதி து³தியபாராஜிகேன. தத்தா²தி ‘‘விக்³க³ஹுத்தரீ’’திஆதி³வசனே. விக்³க³ஹுத்தரீதிஆதி³பதா³னங் ப்³யஞ்ஜனே ஆத³ரமகத்வா அத்த²மேவ த³ஸ்ஸேதுங் வுத்தங் ‘‘மனுஸ்ஸவிக்³க³ஹஉத்தரிமனுஸ்ஸத⁴ம்மஸிக்கா²பதா³னீ’’தி. அனியதா து³தியிகாதி ஆபத்திங் அபெக்கி²த்வா பாளியங் இத்தி²லிங்க³வஸேன வுத்தங், அட்ட²கதா²யங் பன ஸிக்கா²பத³ங் அபெக்கி²த்வா நபுங்ஸகலிங்க³வஸேன து³தியந்தி வுத்தங்.
259. Idaṃ samuṭṭhānaṃ ekaṃ samuṭṭhānasīsanti sambandho. ‘‘Adinnādāna’’nti iminā adinnanti ettha samudāyanāme ekadesavohāroti dasseti. Sesānīti dutiyapārājikato sesāni ekūnasattati sikkhāpadāni. Tenāti dutiyapārājikena. Tatthāti ‘‘viggahuttarī’’tiādivacane. Viggahuttarītiādipadānaṃ byañjane ādaramakatvā atthameva dassetuṃ vuttaṃ ‘‘manussaviggahauttarimanussadhammasikkhāpadānī’’ti. Aniyatā dutiyikāti āpattiṃ apekkhitvā pāḷiyaṃ itthiliṅgavasena vuttaṃ, aṭṭhakathāyaṃ pana sikkhāpadaṃ apekkhitvā napuṃsakaliṅgavasena dutiyanti vuttaṃ.
ஸமுட்டா²னா திகா கதாதி எத்த² ‘‘திகஸமுட்டா²னா’’தி வத்தப்³பே³ பத³விபரியாயவஸேன ககாரஸ்ஸ தீ³க⁴வஸேன ஸமுட்டா²னா திகாதி வுத்தந்தி த³ஸ்ஸெந்தோ ஆஹ ‘‘திகஸமுட்டா²னா கதா’’தி.
Samuṭṭhānā tikā katāti ettha ‘‘tikasamuṭṭhānā’’ti vattabbe padavipariyāyavasena kakārassa dīghavasena samuṭṭhānā tikāti vuttanti dassento āha ‘‘tikasamuṭṭhānā katā’’ti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 2. து³தியபாராஜிகஸமுட்டா²னங் • 2. Dutiyapārājikasamuṭṭhānaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / து³தியபாராஜிகஸமுட்டா²னவண்ணனா • Dutiyapārājikasamuṭṭhānavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / து³தியபாராஜிகஸமுட்டா²னவண்ணனா • Dutiyapārājikasamuṭṭhānavaṇṇanā
