| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
দুতিযপারাজিকসমুট্ঠানৰণ্ণনা
Dutiyapārājikasamuṭṭhānavaṇṇanā
২৫৯. ইদং সমুট্ঠানং একং সমুট্ঠানসীসন্তি সম্বন্ধো। ‘‘অদিন্নাদান’’ন্তি ইমিনা অদিন্নন্তি এত্থ সমুদাযনামে একদেসৰোহারোতি দস্সেতি। সেসানীতি দুতিযপারাজিকতো সেসানি একূনসত্ততি সিক্খাপদানি। তেনাতি দুতিযপারাজিকেন। তত্থাতি ‘‘ৰিগ্গহুত্তরী’’তিআদিৰচনে। ৰিগ্গহুত্তরীতিআদিপদানং ব্যঞ্জনে আদরমকত্ৰা অত্থমেৰ দস্সেতুং ৰুত্তং ‘‘মনুস্সৰিগ্গহউত্তরিমনুস্সধম্মসিক্খাপদানী’’তি। অনিযতা দুতিযিকাতি আপত্তিং অপেক্খিত্ৰা পাল়িযং ইত্থিলিঙ্গৰসেন ৰুত্তং, অট্ঠকথাযং পন সিক্খাপদং অপেক্খিত্ৰা নপুংসকলিঙ্গৰসেন দুতিযন্তি ৰুত্তং।
259. Idaṃ samuṭṭhānaṃ ekaṃ samuṭṭhānasīsanti sambandho. ‘‘Adinnādāna’’nti iminā adinnanti ettha samudāyanāme ekadesavohāroti dasseti. Sesānīti dutiyapārājikato sesāni ekūnasattati sikkhāpadāni. Tenāti dutiyapārājikena. Tatthāti ‘‘viggahuttarī’’tiādivacane. Viggahuttarītiādipadānaṃ byañjane ādaramakatvā atthameva dassetuṃ vuttaṃ ‘‘manussaviggahauttarimanussadhammasikkhāpadānī’’ti. Aniyatā dutiyikāti āpattiṃ apekkhitvā pāḷiyaṃ itthiliṅgavasena vuttaṃ, aṭṭhakathāyaṃ pana sikkhāpadaṃ apekkhitvā napuṃsakaliṅgavasena dutiyanti vuttaṃ.
সমুট্ঠানা তিকা কতাতি এত্থ ‘‘তিকসমুট্ঠানা’’তি ৰত্তব্বে পদৰিপরিযাযৰসেন ককারস্স দীঘৰসেন সমুট্ঠানা তিকাতি ৰুত্তন্তি দস্সেন্তো আহ ‘‘তিকসমুট্ঠানা কতা’’তি।
Samuṭṭhānā tikā katāti ettha ‘‘tikasamuṭṭhānā’’ti vattabbe padavipariyāyavasena kakārassa dīghavasena samuṭṭhānā tikāti vuttanti dassento āha ‘‘tikasamuṭṭhānā katā’’ti.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ২. দুতিযপারাজিকসমুট্ঠানং • 2. Dutiyapārājikasamuṭṭhānaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / দুতিযপারাজিকসমুট্ঠানৰণ্ণনা • Dutiyapārājikasamuṭṭhānavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / দুতিযপারাজিকসমুট্ঠানৰণ্ণনা • Dutiyapārājikasamuṭṭhānavaṇṇanā
