| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
д̣̇уд̇ияабаарааж̇игасамудтаанаван̣н̣анаа
Dutiyapārājikasamuṭṭhānavaṇṇanā
259. ад̣̇иннанд̇и ид̣̇ам̣ д̇аава ад̣̇иннаад̣̇аананд̇и ваа д̣̇уд̇ияабаарааж̇иганд̇и ваа згам̣ самудтаанасийсам̣, сзсаани д̇зна сад̣̇исаани. д̇ад̇т̇а виг̇г̇ахуд̇д̇арийд̇и мануссавиг̇г̇ахауд̇д̇аримануссад̇хаммасигкаабад̣̇аани. д̣̇удтуллаа ад̇д̇агааминанд̇и д̣̇удтуллаваажааад̇д̇агаамабаарижарияасигкаабад̣̇аани. амуулаа ан̃н̃абхааг̇ияаад̇и д̣̇вз д̣̇удтад̣̇осасигкаабад̣̇аани. анияад̇аа д̣̇уд̇ияигаад̇и д̣̇уд̇ияам̣ анияад̇асигкаабад̣̇ам̣.
259.Adinnanti idaṃ tāva adinnādānanti vā dutiyapārājikanti vā ekaṃ samuṭṭhānasīsaṃ, sesāni tena sadisāni. Tattha viggahuttarīti manussaviggahauttarimanussadhammasikkhāpadāni. Duṭṭhullā attakāminanti duṭṭhullavācāattakāmapāricariyasikkhāpadāni. Amūlā aññabhāgiyāti dve duṭṭhadosasikkhāpadāni. Aniyatā dutiyikāti dutiyaṃ aniyatasikkhāpadaṃ.
ажчинд̣̇з барин̣ааманзд̇и саамам̣ жийварам̣ д̣̇ад̇ваа ажчинд̣̇анан̃жа сан̇гхигалаабхасса ад̇д̇ано барин̣ааманан̃жа. мусаа омасабзсун̣аад̇и мусааваад̣̇о жа омасаваад̣̇о жа бхигкубзсун̃н̃ан̃жа. д̣̇удтуллаа бат̇авийкан̣зд̇и д̣̇удтуллаабад̇д̇иаарожанан̃жа бат̇авийкан̣ан̃жа. бхууд̇ам̣ ан̃н̃ааяа уж̇жхаабзд̇и бхууд̇аг̇аамаан̃н̃аваад̣̇агауж̇жхаабанагасигкаабад̣̇аани.
Acchinde pariṇāmaneti sāmaṃ cīvaraṃ datvā acchindanañca saṅghikalābhassa attano pariṇāmanañca. Musā omasapesuṇāti musāvādo ca omasavādo ca bhikkhupesuññañca. Duṭṭhullā pathavīkhaṇeti duṭṭhullāpattiārocanañca pathavīkhaṇañca. Bhūtaṃ aññāya ujjhāpeti bhūtagāmaaññavādakaujjhāpanakasikkhāpadāni.
ниггад̣дханам̣ син̃жанан̃жаад̇и вихаарад̇о ниггад̣дханан̃жа уд̣̇агзна д̇ин̣аад̣̇исин̃жанан̃жа. аамисахзд̇у бхуд̇д̇аавийд̇и ‘‘аамисахзд̇у бхигкунияо овад̣̇анд̇ий’’д̇и сигкаабад̣̇ан̃жа, бхуд̇д̇аавим̣ анад̇ирид̇д̇зна каад̣̇анийяаад̣̇инаа бавааран̣аасигкаабад̣̇ан̃жа. зхи анаад̣̇ари бхим̣саад̇и ‘‘зхаавусо г̇аамам̣ ваа’’д̇и сигкаабад̣̇ан̃жа, анаад̣̇арияан̃жа бхигкубхим̣саабанаган̃жа. абанид̇хз жа ж̇ийвид̇анд̇и бад̇д̇аад̣̇ийнам̣ абанид̇хаанасигкаабад̣̇ан̃жа, сан̃жижжа баан̣ам̣ ж̇ийвид̇ааворобанан̃жа.
Nikkaḍḍhanaṃ siñcanañcāti vihārato nikkaḍḍhanañca udakena tiṇādisiñcanañca. Āmisahetu bhuttāvīti ‘‘āmisahetu bhikkhuniyo ovadantī’’ti sikkhāpadañca, bhuttāviṃ anatirittena khādanīyādinā pavāraṇāsikkhāpadañca. Ehi anādari bhiṃsāti ‘‘ehāvuso gāmaṃ vā’’ti sikkhāpadañca, anādariyañca bhikkhubhiṃsāpanakañca. Apanidhe ca jīvitanti pattādīnaṃ apanidhānasikkhāpadañca, sañcicca pāṇaṃ jīvitāvoropanañca.
ж̇аанам̣ саббаан̣агам̣ гамманд̇и ж̇аанам̣ саббаан̣агауд̣̇агасигкаабад̣̇ан̃жа бунагаммааяа уггоданан̃жа. уунасам̣ваасанаасанаад̇и уунавийсад̇ивассасигкаабад̣̇ан̃жа угкид̇д̇агзна сад̣̇д̇хим̣ сам̣ваасасигкаабад̣̇ан̃жа наасид̇агасааман̣зрасамбхог̇асигкаабад̣̇ан̃жа. сахад̇хаммигам̣ вилзкаад̇и сахад̇хаммигам̣ вужжамаанасигкаабад̣̇ан̃жа, вилзкааяа сам̣вад̇д̇анд̇ийд̇и ааг̇ад̇асигкаабад̣̇ан̃жа. мохо амуулагзна жаад̇и моханагз баажид̇д̇ияасигкаабад̣̇ан̃жа, амуулагзна сан̇гхаад̣̇исзсзна ануд̣̇д̇хам̣санасигкаабад̣̇ан̃жа.
Jānaṃ sappāṇakaṃ kammanti jānaṃ sappāṇakaudakasikkhāpadañca punakammāya ukkoṭanañca. Ūnasaṃvāsanāsanāti ūnavīsativassasikkhāpadañca ukkhittakena saddhiṃ saṃvāsasikkhāpadañca nāsitakasāmaṇerasambhogasikkhāpadañca. Sahadhammikaṃ vilekhāti sahadhammikaṃ vuccamānasikkhāpadañca, vilekhāya saṃvattantīti āgatasikkhāpadañca. Moho amūlakena cāti mohanake pācittiyasikkhāpadañca, amūlakena saṅghādisesena anuddhaṃsanasikkhāpadañca.
гуггужжам̣ д̇хаммигам̣ жийварам̣ д̣̇ад̇ваад̇и гуггужжаубад̣̇аханан̃жа, д̇хаммигаанам̣ гаммаанам̣ чанд̣̇ам̣ д̣̇ад̇ваа кийяанан̃жа, жийварам̣ д̣̇ад̇ваа кийяанан̃жа. барин̣аамзяяа буг̇г̇алзд̇и сан̇гхигам̣ лаабхам̣ буг̇г̇аласса барин̣ааманасигкаабад̣̇ам̣. гим̣ д̇з агаалам̣ ажчинд̣̇зд̇и ‘‘гим̣ д̇з аяяз зсо бурисабуг̇г̇ало гариссад̇ий’’д̇и ааг̇ад̇асигкаабад̣̇ан̃жа, ‘‘агаалажийварам̣ гаалажийвара’’нд̇и ад̇хидтахид̇ваа бхааж̇анасигкаабад̣̇ан̃жа, бхигкунияаа сад̣̇д̇хим̣ жийварам̣ баривад̇д̇зд̇ваа ажчинд̣̇анасигкаабад̣̇ан̃жа. д̣̇уг̇г̇ахий нираязна жаад̇и д̣̇уг̇г̇ахид̇зна д̣̇уббад̇хаарид̇зна барам̣ уж̇жхаабанасигкаабад̣̇ан̃жа, нираязна ваа б̣рахмажариязна ваа абхисабанасигкаабад̣̇ан̃жа.
Kukkuccaṃ dhammikaṃ cīvaraṃ datvāti kukkuccaupadahanañca, dhammikānaṃ kammānaṃ chandaṃ datvā khīyanañca, cīvaraṃ datvā khīyanañca. Pariṇāmeyya puggaleti saṅghikaṃ lābhaṃ puggalassa pariṇāmanasikkhāpadaṃ. Kiṃ te akālaṃ acchindeti ‘‘kiṃ te ayye eso purisapuggalo karissatī’’ti āgatasikkhāpadañca, ‘‘akālacīvaraṃ kālacīvara’’nti adhiṭṭhahitvā bhājanasikkhāpadañca, bhikkhuniyā saddhiṃ cīvaraṃ parivattetvā acchindanasikkhāpadañca. Duggahī nirayenacāti duggahitena duppadhāritena paraṃ ujjhāpanasikkhāpadañca, nirayena vā brahmacariyena vā abhisapanasikkhāpadañca.
г̇ан̣ам̣ вибхан̇г̇а д̣̇уб̣б̣аланд̇и ‘‘г̇ан̣асса жийваралаабхам̣ анд̇арааяам̣ гарзяяаа’’д̇и жа ‘‘д̇хаммигам̣ жийваравибхан̇г̇ам̣ бадиб̣аахзяяаа’’д̇и жа ‘‘д̣̇уб̣б̣алажийварабажжаасааяа жийварагааласамаяам̣ ад̇иггаамзяяаа’’д̇и жа вуд̇д̇асигкаабад̣̇аани. гат̇инаа паасу бассаяанд̇и ‘‘д̇хаммигам̣ гат̇инуд̣̇д̇хаарам̣ бадиб̣аахзяяа, бхигкунияаа сан̃жижжа апаасум̣ гарзяяа, бхигкунияаа убассаяам̣ д̣̇ад̇ваа губид̇аа анад̇д̇аманаа ниггад̣дхзяяа ваа’’д̇и вуд̇д̇асигкаабад̣̇аани. аггосажан̣д̣ий мажчарийд̇и ‘‘бхигкум̣ аггосзяяа ваа барибхаасзяяа ваа, жан̣д̣игад̇аа г̇ан̣ам̣ барибхаасзяяа, гулз мажчариний ассаа’’д̇и вуд̇д̇асигкаабад̣̇аани. г̇аб̣бхинин̃жа бааяанд̇ияаад̇и ‘‘г̇аб̣бхиним̣ вудтаабзяяа, бааяанд̇им̣ вудтаабзяяаа’’д̇и вуд̇д̇асигкаабад̣̇аани.
Gaṇaṃ vibhaṅga dubbalanti ‘‘gaṇassa cīvaralābhaṃ antarāyaṃ kareyyā’’ti ca ‘‘dhammikaṃ cīvaravibhaṅgaṃ paṭibāheyyā’’ti ca ‘‘dubbalacīvarapaccāsāya cīvarakālasamayaṃ atikkāmeyyā’’ti ca vuttasikkhāpadāni. Kathinā phāsu passayanti ‘‘dhammikaṃ kathinuddhāraṃ paṭibāheyya, bhikkhuniyā sañcicca aphāsuṃ kareyya, bhikkhuniyā upassayaṃ datvā kupitā anattamanā nikkaḍḍheyya vā’’ti vuttasikkhāpadāni. Akkosacaṇḍī maccharīti ‘‘bhikkhuṃ akkoseyya vā paribhāseyya vā, caṇḍikatā gaṇaṃ paribhāseyya, kule maccharinī assā’’ti vuttasikkhāpadāni. Gabbhiniñca pāyantiyāti ‘‘gabbhiniṃ vuṭṭhāpeyya, pāyantiṃ vuṭṭhāpeyyā’’ti vuttasikkhāpadāni.
д̣̇взвассам̣ сигкаа сан̇гхзнаад̇и ‘‘д̣̇вз вассаани часу д̇хаммзсу асигкид̇асигкам̣ сигкамаанам̣ вудтаабзяяа, сигкид̇асигкам̣ сигкамаанам̣ сан̇гхзна асаммад̇ам̣ вудтаабзяяаа’’д̇и вуд̇д̇асигкаабад̣̇аани. д̇аяо жзва г̇ихийг̇ад̇аад̇и уунад̣̇ваад̣̇асавассам̣ г̇ихиг̇ад̇ам̣, барибун̣н̣ад̣̇ваад̣̇асавассам̣ г̇ихиг̇ад̇ам̣ ‘‘д̣̇вз вассаани часу д̇хаммзсу асигкид̇асигкам̣ д̣̇вз вассаани сигкид̇асигкам̣ сан̇гхзна асаммад̇а’’нд̇и вуд̇д̇асигкаабад̣̇аани. гумаарибхууд̇аа д̇иссод̇и ‘‘уунавийсад̇ивассам̣ гумаарибхууд̇а’’нд̇иаад̣̇инаа наязна вуд̇д̇аа д̇иссо. уунад̣̇ваад̣̇асасаммад̇аад̇и ‘‘уунад̣̇ваад̣̇асавассаа вудтаабзяяа, барибун̣н̣ад̣̇ваад̣̇асавассаа сан̇гхзна асаммад̇аа вудтаабзяяаа’’д̇и вуд̇д̇асигкаабад̣̇ад̣̇ваяам̣.
Dvevassaṃ sikkhā saṅghenāti ‘‘dve vassāni chasu dhammesu asikkhitasikkhaṃ sikkhamānaṃ vuṭṭhāpeyya, sikkhitasikkhaṃ sikkhamānaṃ saṅghena asammataṃ vuṭṭhāpeyyā’’ti vuttasikkhāpadāni. Tayo ceva gihīgatāti ūnadvādasavassaṃ gihigataṃ, paripuṇṇadvādasavassaṃ gihigataṃ ‘‘dve vassāni chasu dhammesu asikkhitasikkhaṃ dve vassāni sikkhitasikkhaṃ saṅghena asammata’’nti vuttasikkhāpadāni. Kumāribhūtā tissoti ‘‘ūnavīsativassaṃ kumāribhūta’’ntiādinā nayena vuttā tisso. Ūnadvādasasammatāti ‘‘ūnadvādasavassā vuṭṭhāpeyya, paripuṇṇadvādasavassā saṅghena asammatā vuṭṭhāpeyyā’’ti vuttasikkhāpadadvayaṃ.
алам̣ д̇аава согааваасанд̇и ‘‘алам̣ д̇аава д̇з аяяз вудтаабид̇знаа’’д̇и жа, ‘‘жан̣д̣им̣ согааваасам̣ сигкамаанам̣ вудтаабзяяаа’’д̇и жа вуд̇д̇асигкаабад̣̇ад̣̇ваяам̣. чанд̣̇аа анувассаа жа д̣̇взд̇и ‘‘баариваасигачанд̣̇ад̣̇аанзна сигкамаанам̣ вудтаабзяяа, анувассам̣ вудтаабзяяа, згам̣ вассам̣ д̣̇вз вудтаабзяяаа’’д̇и вуд̇д̇асигкаабад̣̇ад̇д̇аяам̣. самудтаанаа д̇игаа гад̇аад̇и д̇игасамудтаанаа гад̇аа.
Alaṃ tāva sokāvāsanti ‘‘alaṃ tāva te ayye vuṭṭhāpitenā’’ti ca, ‘‘caṇḍiṃ sokāvāsaṃ sikkhamānaṃ vuṭṭhāpeyyā’’ti ca vuttasikkhāpadadvayaṃ. Chandā anuvassā ca dveti ‘‘pārivāsikachandadānena sikkhamānaṃ vuṭṭhāpeyya, anuvassaṃ vuṭṭhāpeyya, ekaṃ vassaṃ dve vuṭṭhāpeyyā’’ti vuttasikkhāpadattayaṃ. Samuṭṭhānā tikā katāti tikasamuṭṭhānā katā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 2. д̣̇уд̇ияабаарааж̇игасамудтаанам̣ • 2. Dutiyapārājikasamuṭṭhānaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇уд̇ияабаарааж̇игасамудтаанаван̣н̣анаа • Dutiyapārājikasamuṭṭhānavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / д̣̇уд̇ияабаарааж̇игасамудтаанаван̣н̣анаа • Dutiyapārājikasamuṭṭhānavaṇṇanā
