| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
д̣̇уд̇ияабаарааж̇игасамудтаанаван̣н̣анаа
Dutiyapārājikasamuṭṭhānavaṇṇanā
259. ид̣̇ам̣ самудтаанам̣ згам̣ самудтаанасийсанд̇и самб̣анд̇хо. ‘‘ад̣̇иннаад̣̇аана’’нд̇и иминаа ад̣̇иннанд̇и зд̇т̇а самуд̣̇ааяанаамз згад̣̇зсавохаарод̇и д̣̇ассзд̇и. сзсаанийд̇и д̣̇уд̇ияабаарааж̇игад̇о сзсаани згуунасад̇д̇ад̇и сигкаабад̣̇аани. д̇знаад̇и д̣̇уд̇ияабаарааж̇игзна. д̇ад̇т̇аад̇и ‘‘виг̇г̇ахуд̇д̇арий’’д̇иаад̣̇иважанз. виг̇г̇ахуд̇д̇арийд̇иаад̣̇ибад̣̇аанам̣ б̣яан̃ж̇анз аад̣̇арамагад̇ваа ад̇т̇амзва д̣̇ассзд̇ум̣ вуд̇д̇ам̣ ‘‘мануссавиг̇г̇ахауд̇д̇аримануссад̇хаммасигкаабад̣̇ааний’’д̇и. анияад̇аа д̣̇уд̇ияигаад̇и аабад̇д̇им̣ абзгкид̇ваа баал̣ияам̣ ид̇т̇илин̇г̇авасзна вуд̇д̇ам̣, адтагат̇ааяам̣ бана сигкаабад̣̇ам̣ абзгкид̇ваа набум̣сагалин̇г̇авасзна д̣̇уд̇ияанд̇и вуд̇д̇ам̣.
259. Idaṃ samuṭṭhānaṃ ekaṃ samuṭṭhānasīsanti sambandho. ‘‘Adinnādāna’’nti iminā adinnanti ettha samudāyanāme ekadesavohāroti dasseti. Sesānīti dutiyapārājikato sesāni ekūnasattati sikkhāpadāni. Tenāti dutiyapārājikena. Tatthāti ‘‘viggahuttarī’’tiādivacane. Viggahuttarītiādipadānaṃ byañjane ādaramakatvā atthameva dassetuṃ vuttaṃ ‘‘manussaviggahauttarimanussadhammasikkhāpadānī’’ti. Aniyatā dutiyikāti āpattiṃ apekkhitvā pāḷiyaṃ itthiliṅgavasena vuttaṃ, aṭṭhakathāyaṃ pana sikkhāpadaṃ apekkhitvā napuṃsakaliṅgavasena dutiyanti vuttaṃ.
самудтаанаа д̇игаа гад̇аад̇и зд̇т̇а ‘‘д̇игасамудтаанаа’’д̇и вад̇д̇аб̣б̣з бад̣̇авибарияааяавасзна гагаарасса д̣̇ийгхавасзна самудтаанаа д̇игаад̇и вуд̇д̇анд̇и д̣̇ассзнд̇о ааха ‘‘д̇игасамудтаанаа гад̇аа’’д̇и.
Samuṭṭhānā tikā katāti ettha ‘‘tikasamuṭṭhānā’’ti vattabbe padavipariyāyavasena kakārassa dīghavasena samuṭṭhānā tikāti vuttanti dassento āha ‘‘tikasamuṭṭhānā katā’’ti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 2. д̣̇уд̇ияабаарааж̇игасамудтаанам̣ • 2. Dutiyapārājikasamuṭṭhānaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / д̣̇уд̇ияабаарааж̇игасамудтаанаван̣н̣анаа • Dutiyapārājikasamuṭṭhānavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇уд̇ияабаарааж̇игасамудтаанаван̣н̣анаа • Dutiyapārājikasamuṭṭhānavaṇṇanā
