| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
ဒုတိယပာရာဇိကသမုဋ္ဌာနဝဏ္ဏနာ
Dutiyapārājikasamuṭṭhānavaṇṇanā
၂၅၉. ဣဒံ သမုဋ္ဌာနံ ဧကံ သမုဋ္ဌာနသီသန္တိ သမ္ဗန္ဓော။ ‘‘အဒိန္နာဒာန’’န္တိ ဣမိနာ အဒိန္နန္တိ ဧတ္ထ သမုဒာယနာမေ ဧကဒေသဝောဟာရောတိ ဒသ္သေတိ။ သေသာနီတိ ဒုတိယပာရာဇိကတော သေသာနိ ဧကူနသတ္တတိ သိက္ခာပဒာနိ။ တေနာတိ ဒုတိယပာရာဇိကေန။ တတ္ထာတိ ‘‘ဝိဂ္ဂဟုတ္တရီ’’တိအာဒိဝစနေ။ ဝိဂ္ဂဟုတ္တရီတိအာဒိပဒာနံ ဗ္ယဉ္ဇနေ အာဒရမကတ္ဝာ အတ္ထမေဝ ဒသ္သေတုံ ဝုတ္တံ ‘‘မနုသ္သဝိဂ္ဂဟဥတ္တရိမနုသ္သဓမ္မသိက္ခာပဒာနီ’’တိ။ အနိယတာ ဒုတိယိကာတိ အာပတ္တိံ အပေက္ခိတ္ဝာ ပာဠိယံ ဣတ္ထိလိင္ဂဝသေန ဝုတ္တံ, အဋ္ဌကထာယံ ပန သိက္ခာပဒံ အပေက္ခိတ္ဝာ နပုံသကလိင္ဂဝသေန ဒုတိယန္တိ ဝုတ္တံ။
259. Idaṃ samuṭṭhānaṃ ekaṃ samuṭṭhānasīsanti sambandho. ‘‘Adinnādāna’’nti iminā adinnanti ettha samudāyanāme ekadesavohāroti dasseti. Sesānīti dutiyapārājikato sesāni ekūnasattati sikkhāpadāni. Tenāti dutiyapārājikena. Tatthāti ‘‘viggahuttarī’’tiādivacane. Viggahuttarītiādipadānaṃ byañjane ādaramakatvā atthameva dassetuṃ vuttaṃ ‘‘manussaviggahauttarimanussadhammasikkhāpadānī’’ti. Aniyatā dutiyikāti āpattiṃ apekkhitvā pāḷiyaṃ itthiliṅgavasena vuttaṃ, aṭṭhakathāyaṃ pana sikkhāpadaṃ apekkhitvā napuṃsakaliṅgavasena dutiyanti vuttaṃ.
သမုဋ္ဌာနာ တိကာ ကတာတိ ဧတ္ထ ‘‘တိကသမုဋ္ဌာနာ’’တိ ဝတ္တဗ္ဗေ ပဒဝိပရိယာယဝသေန ကကာရသ္သ ဒီဃဝသေန သမုဋ္ဌာနာ တိကာတိ ဝုတ္တန္တိ ဒသ္သေန္တော အာဟ ‘‘တိကသမုဋ္ဌာနာ ကတာ’’တိ။
Samuṭṭhānā tikā katāti ettha ‘‘tikasamuṭṭhānā’’ti vattabbe padavipariyāyavasena kakārassa dīghavasena samuṭṭhānā tikāti vuttanti dassento āha ‘‘tikasamuṭṭhānā katā’’ti.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၂. ဒုတိယပာရာဇိကသမုဋ္ဌာနံ • 2. Dutiyapārājikasamuṭṭhānaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / ဒုတိယပာရာဇိကသမုဋ္ဌာနဝဏ္ဏနာ • Dutiyapārājikasamuṭṭhānavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဒုတိယပာရာဇိကသမုဋ္ဌာနဝဏ္ဏနာ • Dutiyapārājikasamuṭṭhānavaṇṇanā
