| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
དུཏིཡཔཱརཱཛིཀསམུཊྛཱནཝཎྞནཱ
Dutiyapārājikasamuṭṭhānavaṇṇanā
༢༥༩. ཨིདཾ སམུཊྛཱནཾ ཨེཀཾ སམུཊྛཱནསཱིསནྟི སམྦནྡྷོ། ‘‘ཨདིནྣཱདཱན’’ནྟི ཨིམིནཱ ཨདིནྣནྟི ཨེཏྠ སམུདཱཡནཱམེ ཨེཀདེསཝོཧཱརོཏི དསྶེཏི། སེསཱནཱིཏི དུཏིཡཔཱརཱཛིཀཏོ སེསཱནི ཨེཀཱུནསཏྟཏི སིཀྑཱཔདཱནི། ཏེནཱཏི དུཏིཡཔཱརཱཛིཀེན། ཏཏྠཱཏི ‘‘ཝིགྒཧུཏྟརཱི’’ཏིཨཱདིཝཙནེ། ཝིགྒཧུཏྟརཱིཏིཨཱདིཔདཱནཾ བྱཉྫནེ ཨཱདརམཀཏྭཱ ཨཏྠམེཝ དསྶེཏུཾ ཝུཏྟཾ ‘‘མནུསྶཝིགྒཧཨུཏྟརིམནུསྶདྷམྨསིཀྑཱཔདཱནཱི’’ཏི། ཨནིཡཏཱ དུཏིཡིཀཱཏི ཨཱཔཏྟིཾ ཨཔེཀྑིཏྭཱ པཱལི༹ཡཾ ཨིཏྠིལིངྒཝསེན ཝུཏྟཾ, ཨཊྛཀཐཱཡཾ པན སིཀྑཱཔདཾ ཨཔེཀྑིཏྭཱ ནཔུཾསཀལིངྒཝསེན དུཏིཡནྟི ཝུཏྟཾ།
259. Idaṃ samuṭṭhānaṃ ekaṃ samuṭṭhānasīsanti sambandho. ‘‘Adinnādāna’’nti iminā adinnanti ettha samudāyanāme ekadesavohāroti dasseti. Sesānīti dutiyapārājikato sesāni ekūnasattati sikkhāpadāni. Tenāti dutiyapārājikena. Tatthāti ‘‘viggahuttarī’’tiādivacane. Viggahuttarītiādipadānaṃ byañjane ādaramakatvā atthameva dassetuṃ vuttaṃ ‘‘manussaviggahauttarimanussadhammasikkhāpadānī’’ti. Aniyatā dutiyikāti āpattiṃ apekkhitvā pāḷiyaṃ itthiliṅgavasena vuttaṃ, aṭṭhakathāyaṃ pana sikkhāpadaṃ apekkhitvā napuṃsakaliṅgavasena dutiyanti vuttaṃ.
སམུཊྛཱནཱ ཏིཀཱ ཀཏཱཏི ཨེཏྠ ‘‘ཏིཀསམུཊྛཱནཱ’’ཏི ཝཏྟབྦེ པདཝིཔརིཡཱཡཝསེན ཀཀཱརསྶ དཱིགྷཝསེན སམུཊྛཱནཱ ཏིཀཱཏི ཝུཏྟནྟི དསྶེནྟོ ཨཱཧ ‘‘ཏིཀསམུཊྛཱནཱ ཀཏཱ’’ཏི།
Samuṭṭhānā tikā katāti ettha ‘‘tikasamuṭṭhānā’’ti vattabbe padavipariyāyavasena kakārassa dīghavasena samuṭṭhānā tikāti vuttanti dassento āha ‘‘tikasamuṭṭhānā katā’’ti.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༢. དུཏིཡཔཱརཱཛིཀསམུཊྛཱནཾ • 2. Dutiyapārājikasamuṭṭhānaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / དུཏིཡཔཱརཱཛིཀསམུཊྛཱནཝཎྞནཱ • Dutiyapārājikasamuṭṭhānavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / དུཏིཡཔཱརཱཛིཀསམུཊྛཱནཝཎྞནཱ • Dutiyapārājikasamuṭṭhānavaṇṇanā
