| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā |
2. து³தியபாராஜிகஸிக்கா²பத³வண்ணனா
2. Dutiyapārājikasikkhāpadavaṇṇanā
664. து³தியே பாராஜிகே – கச்சி நோ ஸாதி கச்சி நு ஸா. அவண்ணோதி அகு³ணோ. அகித்தீதி நிந்தா³. அயஸோதி பரிவாரவிபத்தி; பரம்முக²க³ரஹா வா.
664. Dutiye pārājike – kacci no sāti kacci nu sā. Avaṇṇoti aguṇo. Akittīti nindā. Ayasoti parivāravipatti; parammukhagarahā vā.
665. வஜ்ஜபடிச்சா²தி³காதி இத³ம்பி இமிஸ்ஸா பாராஜிகாய நாமமத்தமேவ, தஸ்மா பத³பா⁴ஜனே ந விசாரிதங். ஸேஸமெத்த² உத்தானமேவ.
665.Vajjapaṭicchādikāti idampi imissā pārājikāya nāmamattameva, tasmā padabhājane na vicāritaṃ. Sesamettha uttānameva.
666. ஸா வா ஆரோசேதீதி யா பாராஜிகங் ஆபன்னா, ஸா ஸயங் ஆரோசேதி. அட்ட²ன்னங் பாராஜிகானங் அஞ்ஞதரந்தி பி⁴க்கூ²ஹி ஸாதா⁴ரணானங் சதுன்னங் அஸாதா⁴ரணானஞ்ச சதுன்னமேவ அஞ்ஞதரங். இத³ஞ்ச பாராஜிகங் பச்சா² பஞ்ஞத்தங், தஸ்மா ‘‘அட்ட²ன்ன’’ந்தி விப⁴ங்கே³ வுத்தங். புரிமேன பன ஸத்³தி⁴ங் யுக³ளத்தா இமஸ்மிங் ஓகாஸே ட²பிதந்தி வேதி³தப்³ப³ங். து⁴ரங் நிக்கி²த்தமத்தேதி து⁴ரே நிக்கி²த்தமத்தே. வித்தா²ரகதா² பனெத்த² ஸப்பாணகவக்³க³ம்ஹி து³ட்டு²ல்லஸிக்கா²பதே³ வுத்தனயேனேவ வேதி³தப்³பா³. தத்ர ஹி பாசித்தியங், இத⁴ பாராஜிகந்தி அயமேவ விஸேஸோ. ஸேஸங் தாதி³ஸமேவ. வஜ்ஜபடிச்சா²தி³காதி இத³ம்பிஇமிஸ்ஸா பாராஜிகாய நாமமத்தா²மேவ, தஸ்மா பத³பா⁴ஜனே ந விசாரிதங். ஸேஸமெத்த² உத்தானமேவ.
666.Sā vā ārocetīti yā pārājikaṃ āpannā, sā sayaṃ āroceti. Aṭṭhannaṃ pārājikānaṃ aññataranti bhikkhūhi sādhāraṇānaṃ catunnaṃ asādhāraṇānañca catunnameva aññataraṃ. Idañca pārājikaṃ pacchā paññattaṃ, tasmā ‘‘aṭṭhanna’’nti vibhaṅge vuttaṃ. Purimena pana saddhiṃ yugaḷattā imasmiṃ okāse ṭhapitanti veditabbaṃ. Dhuraṃ nikkhittamatteti dhure nikkhittamatte. Vitthārakathā panettha sappāṇakavaggamhi duṭṭhullasikkhāpade vuttanayeneva veditabbā. Tatra hi pācittiyaṃ, idha pārājikanti ayameva viseso. Sesaṃ tādisameva. Vajjapaṭicchādikāti idampiimissā pārājikāya nāmamatthāmeva, tasmā padabhājane na vicāritaṃ. Sesamettha uttānameva.
து⁴ரனிக்கே²பஸமுட்டா²னங் – காயவாசாசித்ததோ ஸமுட்டா²தி, அகிரியங், ஸஞ்ஞாவிமொக்க²ங், ஸசித்தகங், லோகவஜ்ஜங், காயகம்மங், வசீகம்மங், அகுஸலசித்தங், து³க்க²வேத³னந்தி.
Dhuranikkhepasamuṭṭhānaṃ – kāyavācācittato samuṭṭhāti, akiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
து³தியபாராஜிகங்.
Dutiyapārājikaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 2. து³தியபாராஜிகங் • 2. Dutiyapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 2. து³தியபாராஜிகஸிக்கா²பத³வண்ணனா • 2. Dutiyapārājikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 2. து³தியபாராஜிகஸிக்கா²பத³வண்ணனா • 2. Dutiyapārājikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. வஜ்ஜபடிச்சா²தி³கஸிக்கா²பத³வண்ணனா • 2. Vajjapaṭicchādikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 2. து³தியபாராஜிகஸிக்கா²பத³ங் • 2. Dutiyapārājikasikkhāpadaṃ
