| Library / Tipiṭaka / তিপিটক • Tipiṭaka / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā |
২. দুতিযপারাজিকসিক্খাপদৰণ্ণনা
2. Dutiyapārājikasikkhāpadavaṇṇanā
৬৬৪. দুতিযে পারাজিকে – কচ্চি নো সাতি কচ্চি নু সা। অৰণ্ণোতি অগুণো। অকিত্তীতি নিন্দা। অযসোতি পরিৰারৰিপত্তি; পরম্মুখগরহা ৰা।
664. Dutiye pārājike – kacci no sāti kacci nu sā. Avaṇṇoti aguṇo. Akittīti nindā. Ayasoti parivāravipatti; parammukhagarahā vā.
৬৬৫. ৰজ্জপটিচ্ছাদিকাতি ইদম্পি ইমিস্সা পারাজিকায নামমত্তমেৰ, তস্মা পদভাজনে ন ৰিচারিতং। সেসমেত্থ উত্তানমেৰ।
665.Vajjapaṭicchādikāti idampi imissā pārājikāya nāmamattameva, tasmā padabhājane na vicāritaṃ. Sesamettha uttānameva.
৬৬৬. সা ৰা আরোচেতীতি যা পারাজিকং আপন্না, সা সযং আরোচেতি। অট্ঠন্নং পারাজিকানং অঞ্ঞতরন্তি ভিক্খূহি সাধারণানং চতুন্নং অসাধারণানঞ্চ চতুন্নমেৰ অঞ্ঞতরং। ইদঞ্চ পারাজিকং পচ্ছা পঞ্ঞত্তং, তস্মা ‘‘অট্ঠন্ন’’ন্তি ৰিভঙ্গে ৰুত্তং। পুরিমেন পন সদ্ধিং যুগল়ত্তা ইমস্মিং ওকাসে ঠপিতন্তি ৰেদিতব্বং। ধুরং নিক্খিত্তমত্তেতি ধুরে নিক্খিত্তমত্তে। ৰিত্থারকথা পনেত্থ সপ্পাণকৰগ্গম্হি দুট্ঠুল্লসিক্খাপদে ৰুত্তনযেনেৰ ৰেদিতব্বা। তত্র হি পাচিত্তিযং, ইধ পারাজিকন্তি অযমেৰ ৰিসেসো। সেসং তাদিসমেৰ। ৰজ্জপটিচ্ছাদিকাতি ইদম্পিইমিস্সা পারাজিকায নামমত্থামেৰ, তস্মা পদভাজনে ন ৰিচারিতং। সেসমেত্থ উত্তানমেৰ।
666.Sā vā ārocetīti yā pārājikaṃ āpannā, sā sayaṃ āroceti. Aṭṭhannaṃ pārājikānaṃ aññataranti bhikkhūhi sādhāraṇānaṃ catunnaṃ asādhāraṇānañca catunnameva aññataraṃ. Idañca pārājikaṃ pacchā paññattaṃ, tasmā ‘‘aṭṭhanna’’nti vibhaṅge vuttaṃ. Purimena pana saddhiṃ yugaḷattā imasmiṃ okāse ṭhapitanti veditabbaṃ. Dhuraṃ nikkhittamatteti dhure nikkhittamatte. Vitthārakathā panettha sappāṇakavaggamhi duṭṭhullasikkhāpade vuttanayeneva veditabbā. Tatra hi pācittiyaṃ, idha pārājikanti ayameva viseso. Sesaṃ tādisameva. Vajjapaṭicchādikāti idampiimissā pārājikāya nāmamatthāmeva, tasmā padabhājane na vicāritaṃ. Sesamettha uttānameva.
ধুরনিক্খেপসমুট্ঠানং – কাযৰাচাচিত্ততো সমুট্ঠাতি, অকিরিযং, সঞ্ঞাৰিমোক্খং, সচিত্তকং, লোকৰজ্জং, কাযকম্মং, ৰচীকম্মং, অকুসলচিত্তং, দুক্খৰেদনন্তি।
Dhuranikkhepasamuṭṭhānaṃ – kāyavācācittato samuṭṭhāti, akiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
দুতিযপারাজিকং।
Dutiyapārājikaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ২. দুতিযপারাজিকং • 2. Dutiyapārājikaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ২. দুতিযপারাজিকসিক্খাপদৰণ্ণনা • 2. Dutiyapārājikasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ২. দুতিযপারাজিকসিক্খাপদৰণ্ণনা • 2. Dutiyapārājikasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ২. ৰজ্জপটিচ্ছাদিকসিক্খাপদৰণ্ণনা • 2. Vajjapaṭicchādikasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২. দুতিযপারাজিকসিক্খাপদং • 2. Dutiyapārājikasikkhāpadaṃ
