| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
2. д̣̇уд̇ияабаарааж̇игасигкаабад̣̇аван̣н̣анаа
2. Dutiyapārājikasikkhāpadavaṇṇanā
‘‘гисса бана д̇вам̣ аяяз ж̇аанам̣ баарааж̇игам̣ д̇хаммам̣ аж̇жхаабанна’’нд̇и важанад̇о, ‘‘адтаннам̣ баарааж̇игаанам̣ ан̃н̃ад̇арам̣ баарааж̇игам̣ аж̇жхаабанна’’нд̇и (баажи. 666) важанад̇о, анд̇з ‘‘уд̣̇д̣̇идтаа ко аяяааяо адта баарааж̇игаа д̇хаммаа’’д̇иаад̣̇иважанад̇о (баажи. 677), бариваарз ‘‘саад̇хааран̣абан̃н̃ад̇д̇и убхад̇обан̃н̃ад̇д̇ий’’д̇и (бари. 201) важанад̇о жа бхигкунивибхан̇г̇ам̣ бад̇ваа бхаг̇аваа саад̇хааран̣аани сигкаабад̣̇аани бхигкуунам̣ уббаннавад̇т̇усмим̣язва ‘‘яаа бана бхигкуний чанд̣̇асо мзт̇унам̣ д̇хаммам̣ бадисзвзяяа анд̇амасо д̇иражчаанаг̇ад̇знаби баарааж̇игаа ход̇и асам̣ваасаа’’д̇иаад̣̇инаа наязна сависзсамби ависзсамби маад̇игам̣ нигкибид̇ваа ануггамзна бад̣̇абхааж̇анам̣, аабад̇д̇ибхзд̣̇ам̣, д̇игажчзд̣̇ам̣, анаабад̇д̇ивааран̃жа анавасзсам̣ вад̇ваа вид̇т̇аарзси. сан̇г̇ийд̇игаарагзхи бана асаад̇хааран̣абан̃н̃ад̇д̇ияоязва ид̇ха вид̇т̇аарид̇аад̇и взд̣̇ид̇аб̣б̣аа.
‘‘Kissa pana tvaṃ ayye jānaṃ pārājikaṃ dhammaṃ ajjhāpanna’’nti vacanato, ‘‘aṭṭhannaṃ pārājikānaṃ aññataraṃ pārājikaṃ ajjhāpanna’’nti (pāci. 666) vacanato, ante ‘‘uddiṭṭhā kho ayyāyo aṭṭha pārājikā dhammā’’tiādivacanato (pāci. 677), parivāre ‘‘sādhāraṇapaññatti ubhatopaññattī’’ti (pari. 201) vacanato ca bhikkhunivibhaṅgaṃ patvā bhagavā sādhāraṇāni sikkhāpadāni bhikkhūnaṃ uppannavatthusmiṃyeva ‘‘yā pana bhikkhunī chandaso methunaṃ dhammaṃ paṭiseveyya antamaso tiracchānagatenapi pārājikā hoti asaṃvāsā’’tiādinā nayena savisesampi avisesampi mātikaṃ nikkhipitvā anukkamena padabhājanaṃ, āpattibhedaṃ, tikacchedaṃ, anāpattivārañca anavasesaṃ vatvā vitthāresi. Saṅgītikārakehi pana asādhāraṇapaññattiyoyeva idha vitthāritāti veditabbā.
666. д̇ад̇т̇а ‘‘адтаннам̣ баарааж̇игаана’’нд̇и ид̣̇ам̣ гзвалам̣ сан̇г̇ийд̇игаарагаанам̣язва наяад̇о нигкид̇д̇аважанам̣ ид̇о буб̣б̣з чадтасад̇д̇амадтамаанам̣ баарааж̇игаанам̣ абан̃н̃ад̇д̇ад̇д̇аа. бхаг̇авад̇аа бана ид̣̇ам̣ бан̃н̃аабид̇амаад̣̇исигкаабад̣̇амби убаад̣̇ааяа ‘‘чаннам̣ баарааж̇игаана’’нд̇и вуд̇д̇ам̣ сияаа. ид̇о уд̣̇д̇хам̣ бан̃н̃ад̇д̇ааниби убаад̣̇ааяа ‘‘адтаннам̣ баарааж̇игаана’’нд̇и важанам̣ абарабхааг̇з уббаннанд̇и згажжз аажарияаа. адтагат̇ааяам̣ бана ‘‘ид̣̇ан̃жа баарааж̇игам̣ бажчаа бан̃н̃ад̇д̇ам̣, д̇асмаа ‘адтанна’нд̇и вибхан̇г̇з вуд̇д̇а’’нд̇иаад̣̇и вуд̇д̇ам̣, д̇асмаа адтагат̇аажарияаанам̣ мад̇зна сид̣̇д̇хамзд̇ам̣ яат̇аабан̃н̃ад̇д̇аануггамавасзнзва сан̇г̇ийд̇аанийд̇и. ‘‘ан̃н̃ааси’’нд̇и баато. ан̃н̃аасийд̇и на г̇ахзд̇аб̣б̣о. ‘‘д̣̇удтулласигкаабад̣̇з вуд̇д̇анаязнзваа’’д̇и важанад̇о важ̇ж̇абадижчаад̣̇игам̣ яаа бадижчаад̣̇зд̇и, сааби важ̇ж̇абадижчаад̣̇игаааязваад̇и сид̣̇д̇хам̣. гин̃жааби важ̇ж̇абадижчаад̣̇анам̣ бзмавасзна ход̇и, д̇ат̇ааби сигкаабад̣̇авийд̇иггамажид̇д̇ам̣ д̣̇оманассигамзва ход̇ийд̇и гад̇ваа ‘‘д̣̇угкавзд̣̇ана’’нд̇и вуд̇д̇ам̣.
666. Tattha ‘‘aṭṭhannaṃ pārājikāna’’nti idaṃ kevalaṃ saṅgītikārakānaṃyeva nayato nikkhittavacanaṃ ito pubbe chaṭṭhasattamaṭṭhamānaṃ pārājikānaṃ apaññattattā. Bhagavatā pana idaṃ paññāpitamādisikkhāpadampi upādāya ‘‘channaṃ pārājikāna’’nti vuttaṃ siyā. Ito uddhaṃ paññattānipi upādāya ‘‘aṭṭhannaṃ pārājikāna’’nti vacanaṃ aparabhāge uppannanti ekacce ācariyā. Aṭṭhakathāyaṃ pana ‘‘idañca pārājikaṃ pacchā paññattaṃ, tasmā ‘aṭṭhanna’nti vibhaṅge vutta’’ntiādi vuttaṃ, tasmā aṭṭhakathācariyānaṃ matena siddhametaṃ yathāpaññattānukkamavaseneva saṅgītānīti. ‘‘Aññāsi’’nti pāṭho. Aññāsīti na gahetabbo. ‘‘Duṭṭhullasikkhāpade vuttanayenevā’’ti vacanato vajjapaṭicchādikaṃ yā paṭicchādeti, sāpi vajjapaṭicchādikaāyevāti siddhaṃ. Kiñcāpi vajjapaṭicchādanaṃ pemavasena hoti, tathāpi sikkhāpadavītikkamacittaṃ domanassikameva hotīti katvā ‘‘dukkhavedana’’nti vuttaṃ.
д̣̇уд̇ияабаарааж̇игасигкаабад̣̇аван̣н̣анаа нидтид̇аа.
Dutiyapārājikasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 2. д̣̇уд̇ияабаарааж̇игасигкаабад̣̇аван̣н̣анаа • 2. Dutiyapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. д̣̇уд̇ияабаарааж̇игасигкаабад̣̇аван̣н̣анаа • 2. Dutiyapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. важ̇ж̇абадижчаад̣̇игасигкаабад̣̇аван̣н̣анаа • 2. Vajjapaṭicchādikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. д̣̇уд̇ияабаарааж̇игасигкаабад̣̇ам̣ • 2. Dutiyapārājikasikkhāpadaṃ
