| Library / Tipiṭaka / તિપિટક • Tipiṭaka / ભિક્ખુનીવિભઙ્ગ-અટ્ઠકથા • Bhikkhunīvibhaṅga-aṭṭhakathā |
૨. દુતિયપારાજિકસિક્ખાપદવણ્ણના
2. Dutiyapārājikasikkhāpadavaṇṇanā
૬૬૪. દુતિયે પારાજિકે – કચ્ચિ નો સાતિ કચ્ચિ નુ સા. અવણ્ણોતિ અગુણો. અકિત્તીતિ નિન્દા. અયસોતિ પરિવારવિપત્તિ; પરમ્મુખગરહા વા.
664. Dutiye pārājike – kacci no sāti kacci nu sā. Avaṇṇoti aguṇo. Akittīti nindā. Ayasoti parivāravipatti; parammukhagarahā vā.
૬૬૫. વજ્જપટિચ્છાદિકાતિ ઇદમ્પિ ઇમિસ્સા પારાજિકાય નામમત્તમેવ, તસ્મા પદભાજને ન વિચારિતં. સેસમેત્થ ઉત્તાનમેવ.
665.Vajjapaṭicchādikāti idampi imissā pārājikāya nāmamattameva, tasmā padabhājane na vicāritaṃ. Sesamettha uttānameva.
૬૬૬. સા વા આરોચેતીતિ યા પારાજિકં આપન્ના, સા સયં આરોચેતિ. અટ્ઠન્નં પારાજિકાનં અઞ્ઞતરન્તિ ભિક્ખૂહિ સાધારણાનં ચતુન્નં અસાધારણાનઞ્ચ ચતુન્નમેવ અઞ્ઞતરં. ઇદઞ્ચ પારાજિકં પચ્છા પઞ્ઞત્તં, તસ્મા ‘‘અટ્ઠન્ન’’ન્તિ વિભઙ્ગે વુત્તં. પુરિમેન પન સદ્ધિં યુગળત્તા ઇમસ્મિં ઓકાસે ઠપિતન્તિ વેદિતબ્બં. ધુરં નિક્ખિત્તમત્તેતિ ધુરે નિક્ખિત્તમત્તે. વિત્થારકથા પનેત્થ સપ્પાણકવગ્ગમ્હિ દુટ્ઠુલ્લસિક્ખાપદે વુત્તનયેનેવ વેદિતબ્બા. તત્ર હિ પાચિત્તિયં, ઇધ પારાજિકન્તિ અયમેવ વિસેસો. સેસં તાદિસમેવ. વજ્જપટિચ્છાદિકાતિ ઇદમ્પિઇમિસ્સા પારાજિકાય નામમત્થામેવ, તસ્મા પદભાજને ન વિચારિતં. સેસમેત્થ ઉત્તાનમેવ.
666.Sā vā ārocetīti yā pārājikaṃ āpannā, sā sayaṃ āroceti. Aṭṭhannaṃ pārājikānaṃ aññataranti bhikkhūhi sādhāraṇānaṃ catunnaṃ asādhāraṇānañca catunnameva aññataraṃ. Idañca pārājikaṃ pacchā paññattaṃ, tasmā ‘‘aṭṭhanna’’nti vibhaṅge vuttaṃ. Purimena pana saddhiṃ yugaḷattā imasmiṃ okāse ṭhapitanti veditabbaṃ. Dhuraṃ nikkhittamatteti dhure nikkhittamatte. Vitthārakathā panettha sappāṇakavaggamhi duṭṭhullasikkhāpade vuttanayeneva veditabbā. Tatra hi pācittiyaṃ, idha pārājikanti ayameva viseso. Sesaṃ tādisameva. Vajjapaṭicchādikāti idampiimissā pārājikāya nāmamatthāmeva, tasmā padabhājane na vicāritaṃ. Sesamettha uttānameva.
ધુરનિક્ખેપસમુટ્ઠાનં – કાયવાચાચિત્તતો સમુટ્ઠાતિ, અકિરિયં, સઞ્ઞાવિમોક્ખં, સચિત્તકં, લોકવજ્જં, કાયકમ્મં, વચીકમ્મં, અકુસલચિત્તં, દુક્ખવેદનન્તિ.
Dhuranikkhepasamuṭṭhānaṃ – kāyavācācittato samuṭṭhāti, akiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
દુતિયપારાજિકં.
Dutiyapārājikaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ભિક્ખુનીવિભઙ્ગ • Bhikkhunīvibhaṅga / ૨. દુતિયપારાજિકં • 2. Dutiyapārājikaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૨. દુતિયપારાજિકસિક્ખાપદવણ્ણના • 2. Dutiyapārājikasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૨. દુતિયપારાજિકસિક્ખાપદવણ્ણના • 2. Dutiyapārājikasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૨. વજ્જપટિચ્છાદિકસિક્ખાપદવણ્ણના • 2. Vajjapaṭicchādikasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૨. દુતિયપારાજિકસિક્ખાપદં • 2. Dutiyapārājikasikkhāpadaṃ
