| Library / Tipiṭaka / තිපිටක • Tipiṭaka / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā |
2. දුතියපාරාජිකසික්‌ඛාපදවණ්‌ණනා
2. Dutiyapārājikasikkhāpadavaṇṇanā
664. දුතියෙ පාරාජිකෙ – කච්‌චි නො සාති කච්‌චි නු සා. අවණ්‌ණොති අගුණො. අකිත්‌තීති නින්‌දා. අයසොති පරිවාරවිපත්‌ති; පරම්‌මුඛගරහා වා.
664. Dutiye pārājike – kacci no sāti kacci nu sā. Avaṇṇoti aguṇo. Akittīti nindā. Ayasoti parivāravipatti; parammukhagarahā vā.
665. වජ්‌ජපටිච්‌ඡාදිකාති ඉදම්‌පි ඉමිස්‌සා පාරාජිකාය නාමමත්‌තමෙව, තස්‌මා පදභාජනෙ න විචාරිතං. සෙසමෙත්‌ථ උත්‌තානමෙව.
665.Vajjapaṭicchādikāti idampi imissā pārājikāya nāmamattameva, tasmā padabhājane na vicāritaṃ. Sesamettha uttānameva.
666. සා වා ආරොචෙතීති යා පාරාජිකං ආපන්‌නා, සා සයං ආරොචෙති. අට්‌ඨන්‌නං පාරාජිකානං අඤ්‌ඤතරන්‌ති භික්‌ඛූහි සාධාරණානං චතුන්‌නං අසාධාරණානඤ්‌ච චතුන්‌නමෙව අඤ්‌ඤතරං. ඉදඤ්‌ච පාරාජිකං පච්‌ඡා පඤ්‌ඤත්‌තං, තස්‌මා ‘‘අට්‌ඨන්‌න’’න්‌ති විභඞ්‌ගෙ වුත්‌තං. පුරිමෙන පන සද්‌ධිං යුගළත්‌තා ඉමස්‌මිං ඔකාසෙ ඨපිතන්‌ති වෙදිතබ්‌බං. ධුරං නික්‌ඛිත්‌තමත්‌තෙති ධුරෙ නික්‌ඛිත්‌තමත්‌තෙ. විත්‌ථාරකථා පනෙත්‌ථ සප්‌පාණකවග්‌ගම්‌හි දුට්‌ඨුල්‌ලසික්‌ඛාපදෙ වුත්‌තනයෙනෙව වෙදිතබ්‌බා. තත්‍ර හි පාචිත්‌තියං, ඉධ පාරාජිකන්‌ති අයමෙව විසෙසො. සෙසං තාදිසමෙව. වජ්‌ජපටිච්‌ඡාදිකාති ඉදම්‌පිඉමිස්‌සා පාරාජිකාය නාමමත්‌ථාමෙව, තස්‌මා පදභාජනෙ න විචාරිතං. සෙසමෙත්‌ථ උත්‌තානමෙව.
666.Sā vā ārocetīti yā pārājikaṃ āpannā, sā sayaṃ āroceti. Aṭṭhannaṃ pārājikānaṃ aññataranti bhikkhūhi sādhāraṇānaṃ catunnaṃ asādhāraṇānañca catunnameva aññataraṃ. Idañca pārājikaṃ pacchā paññattaṃ, tasmā ‘‘aṭṭhanna’’nti vibhaṅge vuttaṃ. Purimena pana saddhiṃ yugaḷattā imasmiṃ okāse ṭhapitanti veditabbaṃ. Dhuraṃ nikkhittamatteti dhure nikkhittamatte. Vitthārakathā panettha sappāṇakavaggamhi duṭṭhullasikkhāpade vuttanayeneva veditabbā. Tatra hi pācittiyaṃ, idha pārājikanti ayameva viseso. Sesaṃ tādisameva. Vajjapaṭicchādikāti idampiimissā pārājikāya nāmamatthāmeva, tasmā padabhājane na vicāritaṃ. Sesamettha uttānameva.
ධුරනික්‌ඛෙපසමුට්‌ඨානං – කායවාචාචිත්‌තතො සමුට්‌ඨාති, අකිරියං, සඤ්‌ඤාවිමොක්‌ඛං, සචිත්‌තකං, ලොකවජ්‌ජං, කායකම්‌මං, වචීකම්‌මං, අකුසලචිත්‌තං, දුක්‌ඛවෙදනන්‌ති.
Dhuranikkhepasamuṭṭhānaṃ – kāyavācācittato samuṭṭhāti, akiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
දුතියපාරාජිකං.
Dutiyapārājikaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 2. දුතියපාරාජිකං • 2. Dutiyapārājikaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 2. දුතියපාරාජිකසික්‌ඛාපදවණ්‌ණනා • 2. Dutiyapārājikasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 2. දුතියපාරාජිකසික්‌ඛාපදවණ්‌ණනා • 2. Dutiyapārājikasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 2. වජ්‌ජපටිච්‌ඡාදිකසික්‌ඛාපදවණ්‌ණනා • 2. Vajjapaṭicchādikasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 2. දුතියපාරාජිකසික්‌ඛාපදං • 2. Dutiyapārājikasikkhāpadaṃ
