| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
2. දුතියපාරාජිකසික්‌ඛාපදවණ්‌ණනා
2. Dutiyapārājikasikkhāpadavaṇṇanā
666. දුතියෙ ‘‘කිස්‌ස පන ත්‌වං අය්‍යෙ ජානං පාරාජිකං ධම්‌මං අජ්‌ඣාපන්‌න’’න්‌ති වචනතො ‘‘උද්‌දිට්‌ඨා ඛො අය්‍යායො අට්‌ඨ පාරාජිකා ධම්‌මා’’තිආදිවචනතො ච භික්‌ඛුනීවිභඞ්‌ගං පත්‌වා සාධාරණානි සික්‌ඛාපදානි භික්‌ඛූනං උප්‌පන්‌නවත්‌ථුස්‌මිංයෙව ‘‘යා පන භික්‌ඛුනී ඡන්‌දසො මෙථුනං ධම්‌මං පටිසෙවෙය්‍ය, අන්‌තමසො තිරච්‌ඡානගතෙනපි, පාරාජිකා හොති අසංවාසා’’තිආදිනා නයෙන සවිසෙසම්‌පි අවිසෙසම්‌පි මාතිකං ඨපෙත්‌වා අනුක්‌කමෙන පදභාජනං ආපත්‌තිභෙදං තිකච්‌ඡෙදං අනාපත්‌තිවාරඤ්‌ච අනවසෙසං වත්‌වා විත්‌ථාරෙසි. සඞ්‌ගීතිකාරකෙහි පන අසාධාරණපඤ්‌ඤත්‌තියොයෙව ඉධ විත්‌ථාරිතාති වෙදිතබ්‌බා.
666. Dutiye ‘‘kissa pana tvaṃ ayye jānaṃ pārājikaṃ dhammaṃ ajjhāpanna’’nti vacanato ‘‘uddiṭṭhā kho ayyāyo aṭṭha pārājikā dhammā’’tiādivacanato ca bhikkhunīvibhaṅgaṃ patvā sādhāraṇāni sikkhāpadāni bhikkhūnaṃ uppannavatthusmiṃyeva ‘‘yā pana bhikkhunī chandaso methunaṃ dhammaṃ paṭiseveyya, antamaso tiracchānagatenapi, pārājikā hoti asaṃvāsā’’tiādinā nayena savisesampi avisesampi mātikaṃ ṭhapetvā anukkamena padabhājanaṃ āpattibhedaṃ tikacchedaṃ anāpattivārañca anavasesaṃ vatvā vitthāresi. Saṅgītikārakehi pana asādhāraṇapaññattiyoyeva idha vitthāritāti veditabbā.
අථ උපරිමෙසු ද්‌වීසු අපඤ්‌ඤත්‌තෙසු අට්‌ඨන්‌නං පාරාජිකානං අඤ්‌ඤතරන්‌ති ඉදං වචනං න යුජ්‌ජතීති ආහ ‘‘ඉදඤ්‌ච පාරාජිකං පච්‌ඡා පඤ්‌ඤත්‌ත’’න්‌තිආදි. යදි එවං ඉමස්‌මිං ඔකාසෙ කස්‌මා ඨපිතන්‌ති ආහ ‘‘පුරිමෙන පන සද්‌ධිං යුගළත්‌තා’’තිආදි, පුරිමෙන සද්‌ධිං එකසම්‌බන්‌ධභාවතො ඉධ වුත්‌තන්‌ති අධිප්‌පායො. ‘‘අට්‌ඨන්‌නං පාරාජිකානං අඤ්‌ඤතර’’න්‌ති වචනතො ච වජ්‌ජපටිච්‌ඡාදිකං යා පටිච්‌ඡාදෙති, සාපි වජ්‌ජපටිච්‌ඡාදිකායෙවාති දට්‌ඨබ්‌බං. කිඤ්‌චාපි වජ්‌ජපටිච්‌ඡාදනං පෙමවසෙන හොති, තථාපි සික්‌ඛාපදවීතික්‌කමචිත්‌තං දොමනස්‌සිතමෙව හොතීති කත්‌වා ‘‘දුක්‌ඛවෙදන’’න්‌ති වුත්‌තං. සෙසමෙත්‌ථ උත්‌තානමෙව.
Atha uparimesu dvīsu apaññattesu aṭṭhannaṃ pārājikānaṃ aññataranti idaṃ vacanaṃ na yujjatīti āha ‘‘idañca pārājikaṃ pacchā paññatta’’ntiādi. Yadi evaṃ imasmiṃ okāse kasmā ṭhapitanti āha ‘‘purimena pana saddhiṃ yugaḷattā’’tiādi, purimena saddhiṃ ekasambandhabhāvato idha vuttanti adhippāyo. ‘‘Aṭṭhannaṃ pārājikānaṃ aññatara’’nti vacanato ca vajjapaṭicchādikaṃ yā paṭicchādeti, sāpi vajjapaṭicchādikāyevāti daṭṭhabbaṃ. Kiñcāpi vajjapaṭicchādanaṃ pemavasena hoti, tathāpi sikkhāpadavītikkamacittaṃ domanassitameva hotīti katvā ‘‘dukkhavedana’’nti vuttaṃ. Sesamettha uttānameva.
දුතියපාරාජිකසික්‌ඛාපදවණ්‌ණනා නිට්‌ඨිතා.
Dutiyapārājikasikkhāpadavaṇṇanā niṭṭhitā.
668. තතියං උත්‌තානත්‌ථමෙව.
668. Tatiyaṃ uttānatthameva.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga
2. දුතියපාරාජිකං • 2. Dutiyapārājikaṃ
3. තතියපාරාජිකං • 3. Tatiyapārājikaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā / 2. දුතියපාරාජිකසික්‌ඛාපදවණ්‌ණනා • 2. Dutiyapārājikasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 2. දුතියපාරාජිකසික්‌ඛාපදවණ්‌ණනා • 2. Dutiyapārājikasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 2. වජ්‌ජපටිච්‌ඡාදිකසික්‌ඛාපදවණ්‌ණනා • 2. Vajjapaṭicchādikasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 2. දුතියපාරාජිකසික්‌ඛාපදං • 2. Dutiyapārājikasikkhāpadaṃ
