| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā |
༢. དུཏིཡཔཱརཱཛིཀསིཀྑཱཔདཝཎྞནཱ
2. Dutiyapārājikasikkhāpadavaṇṇanā
༦༦༤. དུཏིཡེ པཱརཱཛིཀེ – ཀཙྩི ནོ སཱཏི ཀཙྩི ནུ སཱ། ཨཝཎྞོཏི ཨགུཎོ། ཨཀིཏྟཱིཏི ནིནྡཱ། ཨཡསོཏི པརིཝཱརཝིཔཏྟི; པརམྨུཁགརཧཱ ཝཱ།
664. Dutiye pārājike – kacci no sāti kacci nu sā. Avaṇṇoti aguṇo. Akittīti nindā. Ayasoti parivāravipatti; parammukhagarahā vā.
༦༦༥. ཝཛྫཔཊིཙྪཱདིཀཱཏི ཨིདམྤི ཨིམིསྶཱ པཱརཱཛིཀཱཡ ནཱམམཏྟམེཝ, ཏསྨཱ པདབྷཱཛནེ ན ཝིཙཱརིཏཾ། སེསམེཏྠ ཨུཏྟཱནམེཝ།
665.Vajjapaṭicchādikāti idampi imissā pārājikāya nāmamattameva, tasmā padabhājane na vicāritaṃ. Sesamettha uttānameva.
༦༦༦. སཱ ཝཱ ཨཱརོཙེཏཱིཏི ཡཱ པཱརཱཛིཀཾ ཨཱཔནྣཱ, སཱ སཡཾ ཨཱརོཙེཏི། ཨཊྛནྣཾ པཱརཱཛིཀཱནཾ ཨཉྙཏརནྟི བྷིཀྑཱུཧི སཱདྷཱརཎཱནཾ ཙཏུནྣཾ ཨསཱདྷཱརཎཱནཉྩ ཙཏུནྣམེཝ ཨཉྙཏརཾ། ཨིདཉྩ པཱརཱཛིཀཾ པཙྪཱ པཉྙཏྟཾ, ཏསྨཱ ‘‘ཨཊྛནྣ’’ནྟི ཝིབྷངྒེ ཝུཏྟཾ། པུརིམེན པན སདྡྷིཾ ཡུགལ༹ཏྟཱ ཨིམསྨིཾ ཨོཀཱསེ ཋཔིཏནྟི ཝེདིཏབྦཾ། དྷུརཾ ནིཀྑིཏྟམཏྟེཏི དྷུརེ ནིཀྑིཏྟམཏྟེ། ཝིཏྠཱརཀཐཱ པནེཏྠ སཔྤཱཎཀཝགྒམྷི དུཊྛུལླསིཀྑཱཔདེ ཝུཏྟནཡེནེཝ ཝེདིཏབྦཱ། ཏཏྲ ཧི པཱཙིཏྟིཡཾ, ཨིདྷ པཱརཱཛིཀནྟི ཨཡམེཝ ཝིསེསོ། སེསཾ ཏཱདིསམེཝ། ཝཛྫཔཊིཙྪཱདིཀཱཏི ཨིདམྤིཨིམིསྶཱ པཱརཱཛིཀཱཡ ནཱམམཏྠཱམེཝ, ཏསྨཱ པདབྷཱཛནེ ན ཝིཙཱརིཏཾ། སེསམེཏྠ ཨུཏྟཱནམེཝ།
666.Sā vā ārocetīti yā pārājikaṃ āpannā, sā sayaṃ āroceti. Aṭṭhannaṃ pārājikānaṃ aññataranti bhikkhūhi sādhāraṇānaṃ catunnaṃ asādhāraṇānañca catunnameva aññataraṃ. Idañca pārājikaṃ pacchā paññattaṃ, tasmā ‘‘aṭṭhanna’’nti vibhaṅge vuttaṃ. Purimena pana saddhiṃ yugaḷattā imasmiṃ okāse ṭhapitanti veditabbaṃ. Dhuraṃ nikkhittamatteti dhure nikkhittamatte. Vitthārakathā panettha sappāṇakavaggamhi duṭṭhullasikkhāpade vuttanayeneva veditabbā. Tatra hi pācittiyaṃ, idha pārājikanti ayameva viseso. Sesaṃ tādisameva. Vajjapaṭicchādikāti idampiimissā pārājikāya nāmamatthāmeva, tasmā padabhājane na vicāritaṃ. Sesamettha uttānameva.
དྷུརནིཀྑེཔསམུཊྛཱནཾ – ཀཱཡཝཱཙཱཙིཏྟཏོ སམུཊྛཱཏི, ཨཀིརིཡཾ, སཉྙཱཝིམོཀྑཾ, སཙིཏྟཀཾ, ལོཀཝཛྫཾ, ཀཱཡཀམྨཾ, ཝཙཱིཀམྨཾ, ཨཀུསལཙིཏྟཾ, དུཀྑཝེདནནྟི།
Dhuranikkhepasamuṭṭhānaṃ – kāyavācācittato samuṭṭhāti, akiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
དུཏིཡཔཱརཱཛིཀཾ།
Dutiyapārājikaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༢. དུཏིཡཔཱརཱཛིཀཾ • 2. Dutiyapārājikaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༢. དུཏིཡཔཱརཱཛིཀསིཀྑཱཔདཝཎྞནཱ • 2. Dutiyapārājikasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༢. དུཏིཡཔཱརཱཛིཀསིཀྑཱཔདཝཎྞནཱ • 2. Dutiyapārājikasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༢. ཝཛྫཔཊིཙྪཱདིཀསིཀྑཱཔདཝཎྞནཱ • 2. Vajjapaṭicchādikasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢. དུཏིཡཔཱརཱཛིཀསིཀྑཱཔདཾ • 2. Dutiyapārājikasikkhāpadaṃ
