| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
2. д̣̇уд̇ияабаарааж̇игаван̣н̣анаа
2. Dutiyapārājikavaṇṇanā
зд̇т̇аад̇и зд̇зсу д̣̇вийсу. згагудигаад̣̇ибхзд̣̇о саб̣б̣оби г̇аамод̇и взд̣̇ид̇аб̣б̣од̇и самб̣анд̇хо. д̇ад̇т̇а згагудигаад̣̇ибхзд̣̇од̇и яасмим̣ г̇аамз згаа зва гуди згам̣ г̇зхам̣ сзяяат̇ааби малаяаж̇анабад̣̇з, аяам̣ згагудиго г̇аамо наама. аад̣̇исад̣̇д̣̇зна ‘‘д̣̇вигудигоби г̇аамо, д̇игудигоби г̇аамо, жад̇уггудигоби г̇аамо’’д̇и (баараа. 92) вуд̇д̇аббабхзд̣̇ам̣ сан̇г̇ан̣хаад̇и. абхинаванивидто згагудигаад̣̇иг̇аамо бана яаава мануссаа бависид̇ваа ваасам̣ на габбзнд̇и, д̇аава г̇аамасан̇кам̣ на г̇ажчад̇и. гим̣бхууд̇од̇и ааха ‘‘баригкид̇д̇о ваа’’д̇иаад̣̇и. д̇ад̇т̇а баригкид̇д̇о наама идтагабаагаарам̣ аад̣̇им̣ гад̇ваа анд̇амасо ган̣дагасаакаахиби баригкид̇д̇о. д̇аб̣б̣ибарийд̇о абаригкид̇д̇о. амануссо наама яо саб̣б̣асо ваа мануссаанам̣ абхаавзна яагкабариг̇г̇ахабхууд̇о, яад̇о ваа мануссаа гзнажи гаран̣ийязна бунаби ааг̇анд̇угаамаа зва абагганд̇аа, яад̇о бана нирабзгкаа худ̇ваа баггаманд̇и, со г̇аамасан̇кам̣ на г̇ажчад̇и. на гзвалам̣ згагудигаад̣̇ибхзд̣̇оваад̇и ааха ‘‘анд̇амасо’’д̇иаад̣̇и. яо гожи сад̇т̇обийд̇и ж̇ан̇гхасад̇т̇асагадасад̇т̇аад̣̇ийсу яо гожи сад̇т̇оби. имасмим̣ сигкаабад̣̇з ниг̇аманаг̇араани вияа г̇аамаг̇г̇ахан̣знзва г̇аамуубажаароби сан̇г̇ахид̇од̇и ааха ‘‘табзд̇ваа г̇ааман̃жа г̇аамуубажааран̃жаа’’д̇и. ан̃н̃ат̇аа бана маад̇игааяа анавасзсад̇о авахаарадтаанабариг̇г̇ахо гад̇о наама на ход̇и, на жа б̣уд̣̇д̇хаа саавасзсам̣ баарааж̇игам̣ бан̃н̃аабзнд̇и.
Etthāti etesu dvīsu. Ekakuṭikādibhedo sabbopi gāmoti veditabboti sambandho. Tattha ekakuṭikādibhedoti yasmiṃ gāme ekā eva kuṭi ekaṃ gehaṃ seyyathāpi malayajanapade, ayaṃ ekakuṭiko gāmo nāma. Ādisaddena ‘‘dvikuṭikopi gāmo, tikuṭikopi gāmo, catukkuṭikopi gāmo’’ti (pārā. 92) vuttappabhedaṃ saṅgaṇhāti. Abhinavaniviṭṭho ekakuṭikādigāmo pana yāva manussā pavisitvā vāsaṃ na kappenti, tāva gāmasaṅkhaṃ na gacchati. Kiṃbhūtoti āha ‘‘parikkhitto vā’’tiādi. Tattha parikkhitto nāma iṭṭhakapākāraṃ ādiṃ katvā antamaso kaṇṭakasākhāhipi parikkhitto. Tabbiparīto aparikkhitto. Amanusso nāma yo sabbaso vā manussānaṃ abhāvena yakkhapariggahabhūto, yato vā manussā kenaci karaṇīyena punapi āgantukāmā eva apakkantā, yato pana nirapekkhā hutvā pakkamanti, so gāmasaṅkhaṃ na gacchati. Na kevalaṃ ekakuṭikādibhedovāti āha ‘‘antamaso’’tiādi. Yo koci satthopīti jaṅghasatthasakaṭasatthādīsu yo koci satthopi. Imasmiṃ sikkhāpade nigamanagarāni viya gāmaggahaṇeneva gāmūpacāropi saṅgahitoti āha ‘‘ṭhapetvā gāmañca gāmūpacārañcā’’ti. Aññathā pana mātikāya anavasesato avahāraṭṭhānapariggaho kato nāma na hoti, na ca buddhā sāvasesaṃ pārājikaṃ paññāpenti.
д̇ад̇т̇аад̇и д̇зсу г̇аамаг̇аамуубажаарзсу. д̣̇ваарзд̇и ниб̣б̣агосасса уд̣̇агабад̇анадтаанад̇о аб̣бханд̇арз. анд̇ог̇зхзд̇и бамукасса аб̣бханд̇арз. гад̇абаригкзбод̇и баагааравад̇иаад̣̇ийхи гад̇абаригкзбо. суббабад̇анаад̣̇ибарижчзд̣̇о банзд̇т̇а абаригкид̇д̇агхарам̣ санд̇хааяа вуд̇д̇о. на гзвалам̣ гхарасса бурад̇о, ат̇а ко саманд̇ад̇о д̇ад̇д̇агова барижчзд̣̇о гхаруубажааро наамаад̇и г̇ахзд̇аб̣б̣ам̣. ‘‘бурад̇о’’д̇иаад̣̇игам̣ бана логиязхи д̇ат̇аагаран̣ад̇о вуд̇д̇ам̣. т̇аамамаж̇жхимассаад̇и маж̇жхимат̇аамасса, нзва аббат̇аамасса, на махаат̇аамассаад̇и вуд̇д̇ам̣ ход̇и. ‘‘яат̇аа д̇арун̣амануссаа’’д̇иаад̣̇инаа яат̇аа маад̇уг̇аамо гаагз уд̣д̣аабзнд̇о уж̇угамзва хад̇т̇ам̣ угкибид̇ваа лзд̣д̣ум̣ кибад̇и, яат̇аа жа уд̣̇агугкзбз уд̣̇агам̣ кибанд̇и, звам̣ кид̇д̇асса лзд̣д̣усса бад̇ид̇адтаанам̣ бадигкибад̇и. бавад̇д̇ид̇ваад̇и лутид̇ваа, баривад̇д̇ид̇ваад̇и вуд̇д̇ам̣ ход̇и. д̇асса сажз д̣̇вз инд̣̇акийлаа хонд̇ийд̇и (баараа. адта. 1.92) д̇асса баригкид̇д̇асса г̇аамасса сажз анураад̇хабурассзва д̣̇вз уммаараа хонд̇и. яасса бана зго, д̇асса г̇аамад̣̇ваараб̣аахаанам̣ взмаж̇жхз тид̇асса лзд̣д̣убаад̇аб̣бханд̇арам̣ г̇аамуубажааро наама. яад̇ра бана инд̣̇акийло над̇т̇и, д̇ад̇ра г̇аамад̣̇ваараб̣аахаанам̣ взмаж̇жхам̣. яад̇ра д̣̇ваараб̣аахааби над̇т̇и, д̇ад̇т̇а убхосу бассзсу вад̇ияаа ваа баагаарасса ваа годивзмаж̇жхам̣ва инд̣̇акийладтаанияад̇д̇аа инд̣̇акийлод̇и г̇ахзд̇аб̣б̣ам̣. яо бана г̇аамо буб̣б̣з махаа худ̇ваа бажчаа гулзсу надтзсу аббаго ход̇и, со гхаруубажаарад̇о лзд̣д̣убаад̇знзва барижчинд̣̇ид̇аб̣б̣о. буримабарижчзд̣̇о банасса баригкид̇д̇ассааби абаригкид̇д̇ассааби аббамаан̣амзваад̇и. нану жзд̇ам̣ абаригкид̇д̇асса убажаарад̣̇ассанам̣ бад̣̇абхааж̇анзна вируд̣̇д̇хамива д̣̇иссад̇и. д̇ад̇т̇а хи ‘‘г̇аамуубажааро наама баригкид̇д̇асса г̇аамасса инд̣̇акийлз тид̇асса маж̇жхимасса бурисасса лзд̣д̣убаад̇о’’д̇и (баараа. 92) вад̇ваа ‘‘абаригкид̇д̇асса г̇аамасса гхаруубажаарз тид̇асса маж̇жхимасса бурисасса лзд̣д̣убаад̇о’’д̇и (баараа. 92) зд̇д̇агамзва вуд̇д̇ам̣, на бана д̇ам̣ лзд̣д̣убаад̇ам̣ г̇аамасан̇кзбам̣ гад̇ваа д̇ад̇о барам̣ г̇аамуубажаарод̇и вуд̇д̇од̇и ааха ‘‘бад̣̇абхааж̇анзби хи иминаава наязна ад̇т̇о взд̣̇ид̇аб̣б̣о’’д̇и.
Tatthāti tesu gāmagāmūpacāresu. Dvāreti nibbakosassa udakapatanaṭṭhānato abbhantare. Antogeheti pamukhassa abbhantare. Kataparikkhepoti pākāravatiādīhi kataparikkhepo. Suppapatanādiparicchedo panettha aparikkhittagharaṃ sandhāya vutto. Na kevalaṃ gharassa purato, atha kho samantato tattakova paricchedo gharūpacāro nāmāti gahetabbaṃ. ‘‘Purato’’tiādikaṃ pana lokiyehi tathākaraṇato vuttaṃ. Thāmamajjhimassāti majjhimathāmassa, neva appathāmassa, na mahāthāmassāti vuttaṃ hoti. ‘‘Yathā taruṇamanussā’’tiādinā yathā mātugāmo kāke uḍḍāpento ujukameva hatthaṃ ukkhipitvā leḍḍuṃ khipati, yathā ca udakukkhepe udakaṃ khipanti, evaṃ khittassa leḍḍussa patitaṭṭhānaṃ paṭikkhipati. Pavattitvāti luṭhitvā, parivattitvāti vuttaṃ hoti. Tassa sace dve indakhīlā hontīti (pārā. aṭṭha. 1.92) tassa parikkhittassa gāmassa sace anurādhapurasseva dve ummārā honti. Yassa pana eko, tassa gāmadvārabāhānaṃ vemajjhe ṭhitassa leḍḍupātabbhantaraṃ gāmūpacāro nāma. Yatra pana indakhīlo natthi, tatra gāmadvārabāhānaṃ vemajjhaṃ. Yatra dvārabāhāpi natthi, tattha ubhosu passesu vatiyā vā pākārassa vā koṭivemajjhaṃva indakhīlaṭṭhāniyattā indakhīloti gahetabbaṃ. Yo pana gāmo pubbe mahā hutvā pacchā kulesu naṭṭhesu appako hoti, so gharūpacārato leḍḍupāteneva paricchinditabbo. Purimaparicchedo panassa parikkhittassāpi aparikkhittassāpi appamāṇamevāti. Nanu cetaṃ aparikkhittassa upacāradassanaṃ padabhājanena viruddhamiva dissati. Tattha hi ‘‘gāmūpacāro nāma parikkhittassa gāmassa indakhīle ṭhitassa majjhimassa purisassa leḍḍupāto’’ti (pārā. 92) vatvā ‘‘aparikkhittassa gāmassa gharūpacāre ṭhitassa majjhimassa purisassa leḍḍupāto’’ti (pārā. 92) ettakameva vuttaṃ, na pana taṃ leḍḍupātaṃ gāmasaṅkhepaṃ katvā tato paraṃ gāmūpacāroti vuttoti āha ‘‘padabhājanepi hi imināva nayena attho veditabbo’’ti.
аяамзд̇т̇а ад̇хиббааяо – ид̇ха г̇аамо наама д̣̇увид̇хо ход̇и баригкид̇д̇о жа абаригкид̇д̇о жа (баараа. адта. 1.92). д̇ад̇ра баригкид̇д̇асса баригкзбоязва барижчзд̣̇о. д̇асмаа д̇асса висум̣ барижчзд̣̇ам̣ авад̇ваа ‘‘г̇аамуубажааро наама баригкид̇д̇асса г̇аамасса инд̣̇акийлз тид̇асса маж̇жхимасса бурисасса лзд̣д̣убаад̇о’’д̇и баал̣ияам̣ вуд̇д̇ам̣. абаригкид̇д̇асса бана г̇аамасса г̇аамабарижчзд̣̇о вад̇д̇аб̣б̣о. д̇асмаа д̇асса г̇аамасса г̇аамабарижчзд̣̇ад̣̇ассанад̇т̇ам̣ ‘‘абаригкид̇д̇асса г̇аамасса гхаруубажаарз тид̇асса маж̇жхимасса бурисасса лзд̣д̣убаад̇о’’д̇и (баараа. 92) вуд̇д̇ам̣. г̇аамабарижчзд̣̇з жа д̣̇ассид̇з г̇аамуубажааралагкан̣ам̣ буб̣б̣з вуд̇д̇анаязнзва саггаа н̃аад̇унд̇и буна ‘‘д̇ад̇т̇а тид̇асса маж̇жхимасса бурисасса лзд̣д̣убаад̇о’’д̇и на вуд̇д̇ам̣, ад̇т̇о бана д̇ад̇т̇ааби аяамзва яат̇аавуд̇д̇од̇и. яо бана гхаруубажаарз тид̇асса лзд̣д̣убаад̇ам̣язва ‘‘г̇аамуубажааро’’д̇и вад̣̇ад̇и, д̇асса гхаруубажааро ‘‘г̇аамо’’д̇и аабаж̇ж̇ад̇и. д̇ад̇о гхарам̣ гхаруубажааро, г̇аамо г̇аамуубажаарод̇и зса вибхааг̇о сан̇гарийяад̇и. асам̣гарад̇о жзд̇т̇а винижчаяо взд̣̇ид̇аб̣б̣о. д̇асмаа баал̣ин̃жа адтагат̇ан̃жа сам̣санд̣̇ид̇ваа вуд̇д̇анаязнзвзд̇т̇а г̇аамо, г̇аамуубажааро жа взд̣̇ид̇аб̣б̣од̇и.
Ayamettha adhippāyo – idha gāmo nāma duvidho hoti parikkhitto ca aparikkhitto ca (pārā. aṭṭha. 1.92). Tatra parikkhittassa parikkhepoyeva paricchedo. Tasmā tassa visuṃ paricchedaṃ avatvā ‘‘gāmūpacāro nāma parikkhittassa gāmassa indakhīle ṭhitassa majjhimassa purisassa leḍḍupāto’’ti pāḷiyaṃ vuttaṃ. Aparikkhittassa pana gāmassa gāmaparicchedo vattabbo. Tasmā tassa gāmassa gāmaparicchedadassanatthaṃ ‘‘aparikkhittassa gāmassa gharūpacāre ṭhitassa majjhimassa purisassa leḍḍupāto’’ti (pārā. 92) vuttaṃ. Gāmaparicchede ca dassite gāmūpacāralakkhaṇaṃ pubbe vuttanayeneva sakkā ñātunti puna ‘‘tattha ṭhitassa majjhimassa purisassa leḍḍupāto’’ti na vuttaṃ, attho pana tatthāpi ayameva yathāvuttoti. Yo pana gharūpacāre ṭhitassa leḍḍupātaṃyeva ‘‘gāmūpacāro’’ti vadati, tassa gharūpacāro ‘‘gāmo’’ti āpajjati. Tato gharaṃ gharūpacāro, gāmo gāmūpacāroti esa vibhāgo saṅkarīyati. Asaṃkarato cettha vinicchayo veditabbo. Tasmā pāḷiñca aṭṭhakathañca saṃsanditvā vuttanayenevettha gāmo, gāmūpacāro ca veditabboti.
д̇ад̇т̇аад̇и д̇зсу д̣̇вийсу убажаарзсу. явааяам̣ убажааро д̣̇ассид̇од̇и самб̣анд̇хо. вигаалз г̇аамаббавзсанаад̣̇ийсууд̇и зд̇т̇а аад̣̇исад̣̇д̣̇зна асам̣гажжигааг̇аамаббавзсанам̣ (баажи. 1225) сан̇г̇ан̣хаад̇и. яо бана баригкид̇д̇асса г̇аамасса убажааро вуд̇д̇о, со на гад̇т̇ажи винаяабидагз убаяог̇ам̣ г̇ад̇о. гзвалам̣ абаригкид̇д̇асса баригкзбогаасад̇о абаро зго лзд̣д̣убаад̇о г̇аамуубажааро наамаад̇и н̃аабанад̇т̇ам̣ вуд̇д̇о. звам̣ вуд̇д̇з хи н̃ааяад̇и ‘‘баригкид̇д̇ассааби жз г̇аамасса зго лзд̣д̣убаад̇о габбияабхууми самаано убажаарод̇и вуд̇д̇о, баг̇зва абаригкид̇д̇асса баригкзбогаасад̇о зго’’д̇и. имзсам̣ барижчзд̣̇ад̣̇ассанад̇т̇анд̇и имзсам̣ г̇аамааран̃н̃аанам̣ барижчзд̣̇ад̣̇ассанад̇т̇ам̣ вуд̇д̇аа адтагат̇ааяам̣. баарааж̇игавад̇т̇унд̇и баад̣̇аг̇гханагам̣. авахаранд̇ассаад̇и г̇ан̣ханд̇асса.
Tatthāti tesu dvīsu upacāresu. Yvāyaṃ upacāro dassitoti sambandho. Vikāle gāmappavesanādīsūti ettha ādisaddena asaṃkaccikāgāmappavesanaṃ (pāci. 1225) saṅgaṇhāti. Yo pana parikkhittassa gāmassa upacāro vutto, so na katthaci vinayapiṭake upayogaṃ gato. Kevalaṃ aparikkhittassa parikkhepokāsato aparo eko leḍḍupāto gāmūpacāro nāmāti ñāpanatthaṃ vutto. Evaṃ vutte hi ñāyati ‘‘parikkhittassāpi ce gāmassa eko leḍḍupāto kappiyabhūmi samāno upacāroti vutto, pageva aparikkhittassa parikkhepokāsato eko’’ti. Imesaṃ paricchedadassanatthanti imesaṃ gāmāraññānaṃ paricchedadassanatthaṃ vuttā aṭṭhakathāyaṃ. Pārājikavatthunti pādagghanakaṃ. Avaharantassāti gaṇhantassa.
ад̣̇иннанд̇и (баараа. адта. 92) д̣̇анд̇абонасигкаабад̣̇з ад̇д̇ано санд̇агамби аббадиг̇г̇ахид̇агам̣ габбияам̣ аж̇жхохаран̣ийяам̣ вужжад̇и, ид̇ха бана яам̣ гин̃жи барабариг̇г̇ахид̇ам̣ сасаамигам̣ бхан̣д̣ам̣, д̇ад̣̇зд̇ам̣ д̇зхи саамигзхи гааязна ваа ваажааяа ваа на д̣̇иннанд̇и ад̣̇иннам̣. авахаараббахонагамзва бана д̣̇ассзд̇ум̣ ‘‘ан̃н̃асса мануссаж̇аад̇игасса санд̇ага’’нд̇и вуд̇д̇ам̣. сан̇каасад̣̇д̣̇ассзва д̇а-гаарзна вад̣дхзд̇ваа вуд̇д̇ад̇д̇аа ‘‘сан̇каа сан̇каад̇анд̇и ад̇т̇ад̇о зга’’нд̇и вуд̇д̇ам̣. д̇ад̇т̇а ад̇т̇ад̇о зганд̇и бад̣̇ад̇т̇ад̇о згам̣, анад̇т̇анд̇аранд̇и вуд̇д̇ам̣ ход̇и. годтаасассзд̇ам̣ наамам̣ бхааг̇ад̇о сан̇кааяад̇и убадтаад̇ийд̇и гад̇ваа. бабан̃жасан̇каад̇и сад̇д̇аанам̣ сам̣саарз бабан̃жзнд̇и жирааяанд̇ийд̇и бабан̃жаа, д̇ан̣хаамаанад̣̇идтияо, яасса ваа уббаннаа, д̇ам̣ ‘‘рад̇д̇о’’д̇и ваа ‘‘мад̇д̇о’’д̇и ваа ‘‘мижчаад̣̇идтинивидто’’д̇и ваа бабан̃жзнд̇и б̣яан̃ж̇знд̇ийд̇и бабан̃жаа, сан̇каа вужжад̇и годтаасо, бабан̃жаава сан̇каа бабан̃жасан̇каа, бабан̃жагодтаасаад̇и ад̇т̇о, д̇ан̣хаамаанад̣̇идтияод̇и вуд̇д̇ам̣ ход̇и. т̇зяяажид̇д̇асан̇каад̇од̇и ‘‘т̇зяяажид̇д̇о’’д̇и гат̇ид̇о. зго жид̇д̇агодтаасод̇и виссаасад̇аавагаалигаад̣̇иг̇г̇аахавасаббавад̇д̇аат̇зяяажид̇д̇агодтаасад̇о ан̃н̃о жид̇д̇агодтаасо. т̇зяяасан̇каад̇знаад̇и т̇зяяабхууд̇ажид̇д̇агодтаасзна. яад̣̇и звам̣ ат̇а гасмаа зд̇асса вибхан̇г̇з ‘‘т̇зяяажид̇д̇о авахаран̣ажид̇д̇о’’д̇и (баараа. 92) вуд̇д̇анд̇и ааха ‘‘яо жаа’’д̇иаад̣̇и. б̣яан̃ж̇анам̣ анаад̣̇ияид̇ваад̇и б̣яан̃ж̇анз аад̣̇арам̣ агад̇ваад̇и ад̇т̇о, сад̣̇д̣̇ад̇т̇аманабзгкид̇ваад̇и вуд̇д̇ам̣ ход̇и. ад̇т̇амзваад̇и бхаавад̇т̇амзва.
Adinnanti (pārā. aṭṭha. 92) dantaponasikkhāpade attano santakampi appaṭiggahitakaṃ kappiyaṃ ajjhoharaṇīyaṃ vuccati, idha pana yaṃ kiñci parapariggahitaṃ sasāmikaṃ bhaṇḍaṃ, tadetaṃ tehi sāmikehi kāyena vā vācāya vā na dinnanti adinnaṃ. Avahārappahonakameva pana dassetuṃ ‘‘aññassa manussajātikassa santaka’’nti vuttaṃ. Saṅkhāsaddasseva ta-kārena vaḍḍhetvā vuttattā ‘‘saṅkhā saṅkhātanti atthato eka’’nti vuttaṃ. Tattha atthato ekanti padatthato ekaṃ, anatthantaranti vuttaṃ hoti. Koṭṭhāsassetaṃ nāmaṃ bhāgato saṅkhāyati upaṭṭhātīti katvā. Papañcasaṅkhāti sattānaṃ saṃsāre papañcenti cirāyantīti papañcā, taṇhāmānadiṭṭhiyo, yassa vā uppannā, taṃ ‘‘ratto’’ti vā ‘‘matto’’ti vā ‘‘micchādiṭṭhiniviṭṭho’’ti vā papañcenti byañjentīti papañcā, saṅkhā vuccati koṭṭhāso, papañcāva saṅkhā papañcasaṅkhā, papañcakoṭṭhāsāti attho, taṇhāmānadiṭṭhiyoti vuttaṃ hoti. Theyyacittasaṅkhātoti ‘‘theyyacitto’’ti kathito. Eko cittakoṭṭhāsoti vissāsatāvakālikādiggāhavasappavattaatheyyacittakoṭṭhāsato añño cittakoṭṭhāso. Theyyasaṅkhātenāti theyyabhūtacittakoṭṭhāsena. Yadi evaṃ atha kasmā etassa vibhaṅge ‘‘theyyacitto avaharaṇacitto’’ti (pārā. 92) vuttanti āha ‘‘yo cā’’tiādi. Byañjanaṃ anādiyitvāti byañjane ādaraṃ akatvāti attho, saddatthamanapekkhitvāti vuttaṃ hoti. Atthamevāti bhāvatthameva.
д̇з бана авахаараад̇и д̇з бан̃жавийсад̇и авахаараа. савин̃н̃аан̣агаавин̃н̃аан̣агавасзна наанаавид̇хо бхан̣д̣о зд̇асса бан̃жагассаад̇и наанаабхан̣д̣ам̣, бан̃жаннам̣ авахаараанам̣ самуухо бан̃жагам̣, бан̃жабаримаан̣амассаад̇и ваа бан̃жагам̣, наанаабхан̣д̣амзва бан̃жагам̣ наанаабхан̣д̣абан̃жагам̣. савин̃н̃аан̣агавасзна зго бхан̣д̣о зд̇ассаад̇и згабхан̣д̣ам̣. сзсам̣ вуд̇д̇анаяамзва. саахад̇т̇игова бан̃жагам̣ саахад̇т̇игабан̃жагам̣. аад̣̇ибад̣̇авасзна жзд̇ам̣ наамам̣ гусалаад̣̇ид̇д̇игасса гусалад̇д̇игавохааро вияа. д̇асмаа саахад̇т̇игаад̣̇ибан̃жаганд̇и ад̇т̇ад̇о д̣̇адтаб̣б̣ам̣. зса наяо сзсзсу бан̃жагад̣̇ваязсу. зд̇ассзваад̇и ‘‘аад̣̇иязяяаа’’д̇и зд̇ассзва маад̇игаабад̣̇асса. имзсам̣ бад̣̇аанам̣ васзнаад̇и имзсам̣ бан̃жаннам̣ бад̣̇аанам̣ васзна. зд̇т̇а жа батамабад̣̇ам̣ абхияог̇авасзна вуд̇д̇ам̣, д̣̇уд̇ияабад̣̇ам̣ ан̃н̃зсам̣ бхан̣д̣ам̣ харанд̇асса г̇ажчад̇о васзна, д̇ад̇ияабад̣̇ам̣ убанигкид̇д̇абхан̣д̣авасзна, жад̇уд̇т̇ам̣ савин̃н̃аан̣агавасзна, бан̃жамам̣ т̇алз нигкид̇д̇аад̣̇ивасзна вуд̇д̇анд̇и взд̣̇ид̇аб̣б̣ам̣.
Te pana avahārāti te pañcavīsati avahārā. Saviññāṇakāviññāṇakavasena nānāvidho bhaṇḍo etassa pañcakassāti nānābhaṇḍaṃ, pañcannaṃ avahārānaṃ samūho pañcakaṃ, pañcaparimāṇamassāti vā pañcakaṃ, nānābhaṇḍameva pañcakaṃ nānābhaṇḍapañcakaṃ. Saviññāṇakavasena eko bhaṇḍo etassāti ekabhaṇḍaṃ. Sesaṃ vuttanayameva. Sāhatthikova pañcakaṃ sāhatthikapañcakaṃ. Ādipadavasena cetaṃ nāmaṃ kusalādittikassa kusalattikavohāro viya. Tasmā sāhatthikādipañcakanti atthato daṭṭhabbaṃ. Esa nayo sesesu pañcakadvayesu. Etassevāti ‘‘ādiyeyyā’’ti etasseva mātikāpadassa. Imesaṃ padānaṃ vasenāti imesaṃ pañcannaṃ padānaṃ vasena. Ettha ca paṭhamapadaṃ abhiyogavasena vuttaṃ, dutiyapadaṃ aññesaṃ bhaṇḍaṃ harantassa gacchato vasena, tatiyapadaṃ upanikkhittabhaṇḍavasena, catutthaṃ saviññāṇakavasena, pañcamaṃ thale nikkhittādivasena vuttanti veditabbaṃ.
ид̣̇аани нзсам̣ ад̇т̇аяож̇анам̣ д̣̇ассзд̇ум̣ ‘‘д̇ад̇т̇аа’’д̇иаад̣̇имааха. д̇ад̇т̇а д̇ад̇т̇аад̇и д̇зсу д̣̇вийсу бан̃жагзсу. ид̇аранд̇и згабхан̣д̣абан̃жагам̣. аарааманд̇и бубпаараамапалаараамам̣. абхияун̃ж̇ад̇ийд̇и (баараа. адта. 1.102) барасанд̇агам̣ ‘‘мама санд̇агова аяа’’нд̇и мусаа бхан̣ид̇ваа абхияун̃ж̇ад̇и жод̣̇зд̇и, аддам̣ гарод̇ийд̇и ад̇т̇о. самбаж̇аанамусааваад̣̇зби ад̣̇иннаад̣̇аанасса буб̣б̣абаяог̇ад̇д̇аа д̣̇уггаданд̇и ааха ‘‘аабад̇д̇и д̣̇уггадассаа’’д̇и, д̣̇уггадасан̇каад̇аа аабад̇д̇и бхавзяяаад̇и ад̇т̇о. ат̇а ваа д̣̇уггадасан̃н̃ид̇асса вийд̇иггамасса аабаж̇ж̇ананд̇и ад̇т̇о. зса наяо ‘‘аабад̇д̇и т̇уллажжаяассаа’’д̇иаад̣̇ийсу. саамигасса вимад̇им̣ уббаад̣̇зд̇ийд̇и винижчаяагусалад̇ааяа, б̣алаваниссид̇аад̣̇ибхаавзна ваа аараамасаамигасса сам̣саяам̣ ж̇анзд̇и. гат̇ам̣? д̇ан̃хи д̇ат̇аа винижчаяаббасуд̇ам̣ д̣̇исваа саамиго жинд̇зд̇и ‘‘сагкиссаами ну ко ахам̣ имам̣ аараамам̣ ад̇д̇ано гаад̇ум̣, на сагкиссаами ну ко’’д̇и. звам̣ д̇асса вимад̇и уббаж̇ж̇амаанаа д̇зна уббаад̣̇ид̇аа ход̇и. д̇хурам̣ нигкибад̇ийд̇и яад̣̇аа бана саамиго ‘‘аяам̣ т̇ад̣̇д̇хо гагкал̣о ж̇ийвид̇аб̣рахмажарияанд̇арааяамби мз гарзяяа, алам̣ д̣̇аани маяхам̣ иминаа аараамзнаа’’д̇и д̇хурам̣ нигкибад̇и, уссаахам̣ табзд̇и, ад̇д̇ано санд̇агагаран̣з нируссаахо ход̇ийд̇и ад̇т̇о. аабад̇д̇и баарааж̇игасса сажз саяамби гад̇ад̇хуранигкзбо жаад̇и ад̇хиббааяо. ат̇а бана саамигзна д̇хурз нигкид̇д̇зби абхияун̃ж̇аго д̇хурам̣ анигкибид̇ваава ‘‘имам̣ судту бийл̣зд̇ваа мама аан̣аабавад̇д̇им̣ д̣̇ассзд̇ваа гин̇гаараббадиссаавибхаавз табзд̇ваа д̣̇ассаамий’’д̇и д̣̇аад̇аб̣б̣абхаавз сауссаахо, рагкад̇и д̇аава. ат̇ааби абхияун̃ж̇аго ажчинд̣̇ид̇ваа ‘‘на д̣̇аани имам̣ имасса д̣̇ассаамий’’д̇и д̇хурам̣ нигкибад̇и, саамиго бана д̇хурам̣ на нигкибад̇и, багкам̣ бариязсад̇и, гаалам̣ ааг̇амзд̇и, ‘‘лаж̇ж̇ибарисам̣ д̇аава лабхаами, бажчаа ж̇ааниссаамий’’д̇и г̇ахан̣зязва сауссаахо ход̇и, рагкад̇иязва. яад̣̇аа бана ‘‘соби на д̣̇ассаамий’’д̇и, ‘‘саамигоби на лажчаамий’’д̇и звам̣ убхо д̇хурам̣ нигкибанд̇и, д̇ад̣̇аа абхияун̃ж̇агасса баарааж̇игам̣.
Idāni nesaṃ atthayojanaṃ dassetuṃ ‘‘tatthā’’tiādimāha. Tattha tatthāti tesu dvīsu pañcakesu. Itaranti ekabhaṇḍapañcakaṃ. Ārāmanti pupphārāmaphalārāmaṃ. Abhiyuñjatīti (pārā. aṭṭha. 1.102) parasantakaṃ ‘‘mama santakova aya’’nti musā bhaṇitvā abhiyuñjati codeti, aṭṭaṃ karotīti attho. Sampajānamusāvādepi adinnādānassa pubbapayogattā dukkaṭanti āha ‘‘āpattidukkaṭassā’’ti, dukkaṭasaṅkhātā āpatti bhaveyyāti attho. Atha vā dukkaṭasaññitassa vītikkamassa āpajjananti attho. Esa nayo ‘‘āpatti thullaccayassā’’tiādīsu. Sāmikassa vimatiṃ uppādetīti vinicchayakusalatāya, balavanissitādibhāvena vā ārāmasāmikassa saṃsayaṃ janeti. Kathaṃ? Tañhi tathā vinicchayappasutaṃ disvā sāmiko cinteti ‘‘sakkhissāmi nu kho ahaṃ imaṃ ārāmaṃ attano kātuṃ, na sakkhissāmi nu kho’’ti. Evaṃ tassa vimati uppajjamānā tena uppāditā hoti. Dhuraṃ nikkhipatīti yadā pana sāmiko ‘‘ayaṃ thaddho kakkhaḷo jīvitabrahmacariyantarāyampi me kareyya, alaṃ dāni mayhaṃ iminā ārāmenā’’ti dhuraṃ nikkhipati, ussāhaṃ ṭhapeti, attano santakakaraṇe nirussāho hotīti attho. Āpatti pārājikassa sace sayampi katadhuranikkhepo cāti adhippāyo. Atha pana sāmikena dhure nikkhittepi abhiyuñjako dhuraṃ anikkhipitvāva ‘‘imaṃ suṭṭhu pīḷetvā mama āṇāpavattiṃ dassetvā kiṅkārappaṭissāvibhāve ṭhapetvā dassāmī’’ti dātabbabhāve saussāho, rakkhati tāva. Athāpi abhiyuñjako acchinditvā ‘‘na dāni imaṃ imassa dassāmī’’ti dhuraṃ nikkhipati, sāmiko pana dhuraṃ na nikkhipati, pakkhaṃ pariyesati, kālaṃ āgameti, ‘‘lajjiparisaṃ tāva labhāmi, pacchā jānissāmī’’ti gahaṇeyeva saussāho hoti, rakkhatiyeva. Yadā pana ‘‘sopi na dassāmī’’ti, ‘‘sāmikopi na lacchāmī’’ti evaṃ ubho dhuraṃ nikkhipanti, tadā abhiyuñjakassa pārājikaṃ.
ан̃н̃асса бхан̣д̣ам̣ харанд̇од̇и взд̇анзна ваа мид̇д̇абхаавзна ваа ан̃н̃асса бхан̣д̣ам̣ харанд̇о. сийсз бхааранд̇и сийсз тид̇абхаарам̣. сийсасса д̇аава буримаг̇алз г̇алаваадаго, бидтиг̇алз гзсан̃жи гзсанд̇з ааваддо ход̇и, г̇алассзва убхосу бассзсу гзсан̃жи гзсаа оруяха ж̇ааяанд̇и, яз ‘‘ган̣н̣ажуул̣игаа’’д̇и вужжанд̇и, д̇зсам̣ ад̇хобхааг̇о жаад̇и аяам̣ хздтимаго барижчзд̣̇о, д̇ад̇о убари сийсам̣, зд̇т̇анд̇арз тид̇абхааранд̇и вуд̇д̇ам̣ ход̇и. канд̇хам̣ оробзд̇ийд̇и убхосу бассзсу ган̣н̣ажуул̣игаахи бадтааяа хздтаа, габбарзхи бадтааяа убари, бидтиг̇алааваддад̇о жа г̇алаваадагад̇о жа бадтааяа хздтаа, бидтивзмаж̇жхааваддад̇о жа урабарижчзд̣̇амаж̇жхз, хад̣̇аяааваадагад̇о жа бадтааяа убари канд̇хо, д̇ам̣ оробзд̇и.
Aññassa bhaṇḍaṃ harantoti vetanena vā mittabhāvena vā aññassa bhaṇḍaṃ haranto. Sīse bhāranti sīse ṭhitabhāraṃ. Sīsassa tāva purimagale galavāṭako, piṭṭhigale kesañci kesante āvaṭṭo hoti, galasseva ubhosu passesu kesañci kesā oruyha jāyanti, ye ‘‘kaṇṇacūḷikā’’ti vuccanti, tesaṃ adhobhāgo cāti ayaṃ heṭṭhimako paricchedo, tato upari sīsaṃ, etthantare ṭhitabhāranti vuttaṃ hoti. Khandhaṃ oropetīti ubhosu passesu kaṇṇacūḷikāhi paṭṭhāya heṭṭhā, kapparehi paṭṭhāya upari, piṭṭhigalāvaṭṭato ca galavāṭakato ca paṭṭhāya heṭṭhā, piṭṭhivemajjhāvaṭṭato ca uraparicchedamajjhe, hadayāvāṭakato ca paṭṭhāya upari khandho, taṃ oropeti.
аяам̣ банзд̇т̇а винижчаяо – яо бхигку ‘‘ид̣̇ам̣ г̇ахзд̇ваа зд̇т̇а яаахий’’д̇и (баараа. адта. 1.101) саамигзхи анаан̣ад̇д̇о саяамзва ‘‘маяхам̣ ид̣̇ам̣ наама д̣̇зт̇а, ахам̣ во бхан̣д̣ам̣ вахаамий’’д̇и д̇зсам̣ бхан̣д̣ам̣ сийсзна аад̣̇ааяа г̇ажчанд̇о т̇зяяажид̇д̇зна д̇ам̣ бхан̣д̣ам̣ аамасад̇и, д̣̇уггадам̣. яат̇аавуд̇д̇асийсабарижчзд̣̇ам̣ анад̇иггаманд̇ова ид̇о жид̇о жа гхам̣санд̇о саарзд̇иби бажжаасаарзд̇иби, т̇уллажжаяам̣. канд̇хам̣ оробид̇амад̇д̇з гин̃жааби саамигаанам̣ ‘‘вахад̇уу’’д̇и жид̇д̇ам̣ ад̇т̇и, д̇зхи бана анаан̣ад̇д̇ад̇д̇аа баарааж̇игам̣. канд̇хам̣ бана аноробзд̇вааби сийсад̇о гзсаг̇г̇амад̇д̇амби жаавзнд̇асса баарааж̇игам̣. яамагабхаарасса бана зго бхааг̇о сийсз бад̇идтаад̇и, зго бидтияам̣, д̇ад̇т̇а д̣̇виннам̣ таанаанам̣ васзна винижчаяо взд̣̇ид̇аб̣б̣о. аяам̣ бана суд̣̇д̇хасийсабхаарассзва васзна вуд̇д̇о. яо жааяам̣ сийсабхаарз вуд̇д̇о, канд̇хабхаараад̣̇ийсуби аяамзва винижчаяо взд̣̇ид̇аб̣б̣о.
Ayaṃ panettha vinicchayo – yo bhikkhu ‘‘idaṃ gahetvā ettha yāhī’’ti (pārā. aṭṭha. 1.101) sāmikehi anāṇatto sayameva ‘‘mayhaṃ idaṃ nāma detha, ahaṃ vo bhaṇḍaṃ vahāmī’’ti tesaṃ bhaṇḍaṃ sīsena ādāya gacchanto theyyacittena taṃ bhaṇḍaṃ āmasati, dukkaṭaṃ. Yathāvuttasīsaparicchedaṃ anatikkamantova ito cito ca ghaṃsanto sāretipi paccāsāretipi, thullaccayaṃ. Khandhaṃ oropitamatte kiñcāpi sāmikānaṃ ‘‘vahatū’’ti cittaṃ atthi, tehi pana anāṇattattā pārājikaṃ. Khandhaṃ pana anoropetvāpi sīsato kesaggamattampi cāventassa pārājikaṃ. Yamakabhārassa pana eko bhāgo sīse patiṭṭhāti, eko piṭṭhiyaṃ, tattha dvinnaṃ ṭhānānaṃ vasena vinicchayo veditabbo. Ayaṃ pana suddhasīsabhārasseva vasena vutto. Yo cāyaṃ sīsabhāre vutto, khandhabhārādīsupi ayameva vinicchayo veditabbo.
убанигкид̇д̇ам̣ бхан̣д̣анд̇и сан̇г̇обанад̇т̇ааяа ад̇д̇ано хад̇т̇з барзхи табид̇абхан̣д̣ам̣. ахам̣ на г̇ан̣хаамийд̇и самб̣анд̇хо. ад̇ийд̇ад̇т̇з жзд̇ам̣ вад̇д̇амаанаважанам̣, наахам̣ г̇ахзсинд̇и ад̇т̇о. д̣̇уггадам̣ (баараа. адта. 1.111) самбаж̇аанамусааваад̣̇зби ад̣̇иннаад̣̇аанасса буб̣б̣абаяог̇ад̇д̇аа. ‘‘гим̣ д̇умхз бхан̣ат̇а, нзвид̣̇ам̣ маяхам̣ ануруубам̣, на д̇умхаага’’нд̇иаад̣̇ийни вад̣̇анд̇ассааби д̣̇уггадамзва. саамигасса вимад̇им̣ уббаад̣̇зд̇ийд̇и ‘‘рахо маяаа зд̇асса хад̇т̇з табид̇ам̣, на ан̃н̃о гожи ж̇аанаад̇и, д̣̇ассад̇и ну ко мз, но’’д̇и саамигасса вимад̇им̣ уббаад̣̇зд̇и. д̇хурам̣ нигкибад̇ийд̇и д̇асса парусаад̣̇ибхаавам̣ д̣̇исваа уссаахам̣ табзд̇и. д̇ад̇ра сажааяам̣ бхигку ‘‘гиламзд̇ваа нам̣ д̣̇ассаамий’’д̇и д̣̇аанз сауссаахо, рагкад̇и д̇аава. сажз со д̣̇аанз нируссаахо, бхан̣д̣асаамиго бана г̇ахан̣з сауссаахо, рагкад̇зва. яад̣̇и бана со д̇асмим̣ д̣̇аанз нируссаахо, бхан̣д̣асаамигоби ‘‘на маяхам̣ д̣̇ассад̇ий’’д̇и д̇хурам̣ нигкибад̇и, звам̣ убхиннам̣ д̇хуранигкзбзна бхигкуно баарааж̇игам̣. яад̣̇иби мукзна ‘‘д̣̇ассаамий’’д̇и вад̣̇ад̇и, жид̇д̇зна бана ад̣̇аад̇угаамо, звамби саамигасса д̇хуранигкзбзна бхигкуно баарааж̇игам̣.
Upanikkhittaṃ bhaṇḍanti saṅgopanatthāya attano hatthe parehi ṭhapitabhaṇḍaṃ. Ahaṃ na gaṇhāmīti sambandho. Atītatthe cetaṃ vattamānavacanaṃ, nāhaṃ gahesinti attho. Dukkaṭaṃ (pārā. aṭṭha. 1.111) sampajānamusāvādepi adinnādānassa pubbapayogattā. ‘‘Kiṃ tumhe bhaṇatha, nevidaṃ mayhaṃ anurūpaṃ, na tumhāka’’ntiādīni vadantassāpi dukkaṭameva. Sāmikassa vimatiṃ uppādetīti ‘‘raho mayā etassa hatthe ṭhapitaṃ, na añño koci jānāti, dassati nu kho me, no’’ti sāmikassa vimatiṃ uppādeti. Dhuraṃ nikkhipatīti tassa pharusādibhāvaṃ disvā ussāhaṃ ṭhapeti. Tatra sacāyaṃ bhikkhu ‘‘kilametvā naṃ dassāmī’’ti dāne saussāho, rakkhati tāva. Sace so dāne nirussāho, bhaṇḍasāmiko pana gahaṇe saussāho, rakkhateva. Yadi pana so tasmiṃ dāne nirussāho, bhaṇḍasāmikopi ‘‘na mayhaṃ dassatī’’ti dhuraṃ nikkhipati, evaṃ ubhinnaṃ dhuranikkhepena bhikkhuno pārājikaṃ. Yadipi mukhena ‘‘dassāmī’’ti vadati, cittena pana adātukāmo, evampi sāmikassa dhuranikkhepena bhikkhuno pārājikaṃ.
сахабхан̣д̣ахаарагам̣ нзссаамийд̇и ‘‘сахабхан̣д̣ахаарагам̣ бхан̣д̣ам̣ нзссаамий’’д̇и жинд̇зд̇ваа. батамам̣ баад̣̇ам̣ ад̇иггаамзд̇ийд̇и бхан̣д̣ахаарагам̣ д̇аж̇ж̇зд̇ваа д̇асса г̇аманабат̇ам̣ ваарзд̇ваа ад̇д̇анаа ружид̇амаг̇г̇ам̣ згабаад̣̇ам̣ ад̇иггаамзд̇и. т̇аладтанд̇и (баараа. адта. 1.95) т̇алз нигкид̇д̇ам̣, бхуумид̇алз ваа баасаан̣абаб̣б̣ад̇ад̇алаад̣̇ийсу ваа яад̇т̇а гад̇т̇ажи бадижчаннз ваа аббадижчаннз ваа табид̇анд̇и ад̇т̇о. панд̣̇аабзд̇и, т̇уллажжаяанд̇и яо панд̣̇аабзд̇и , д̇асса баяог̇з баяог̇з т̇уллажжаяам̣, аамасанз д̣̇уггадам̣, панд̣̇аабанз т̇уллажжаяан̃жа висум̣ висум̣ т̇зяяажид̇д̇зна аамасанапанд̣̇аабанабаяог̇з гаронд̇ассзва ход̇и. ‘‘згабаяог̇зна г̇ан̣ханд̇асса бана уд̣̇д̇хаарз баарааж̇игамзва, на д̣̇уггадат̇уллажжаяааний’’д̇и вад̣̇анд̇и. таанаад̇и тид̇адтаанад̇о. сажз д̇ам̣ т̇аладтам̣ раасигад̇ам̣ ход̇и, анд̇огумбхияам̣ бхааж̇анаг̇ад̇агаран̣амудтижчзд̣̇анавинижчаязна винижчинид̇аб̣б̣ам̣. сажз згааб̣ад̣̇д̇хам̣ силзсанияяаасаад̣̇и, баггамад̇хупаан̣ид̇авинижчаязна винижчинид̇аб̣б̣ам̣. сажз г̇аругам̣ ход̇и бхаараб̣ад̣̇д̇хам̣ лохабин̣д̣ид̇зламад̇хугхадаад̣̇и ваа, гумбхияам̣ таанаажааванавинижчаязна винижчинид̇аб̣б̣ам̣. сан̇калигааб̣ад̣̇д̇хасса жа таанабхзд̣̇о саллагкзд̇аб̣б̣о. бад̇т̇арид̇ваа табид̇ам̣ бана бааваарад̇т̇аран̣агадасаарагаад̣̇им̣ уж̇угам̣ г̇ахзд̇ваа аагад̣дхад̇и, баариманд̇з ориманд̇зна пудтогаасам̣ ад̇игганд̇з баарааж̇игам̣. д̇ат̇зва г̇ахзд̇ваа барад̇о бзллад̇и, баариманд̇з пудтогаасам̣ ориманд̇з ад̇игганд̇з баарааж̇игам̣. ваамад̇о ваа д̣̇агкин̣ад̇о ваа абанаамзнд̇асса вааманд̇зна ваа д̣̇агкин̣анд̇зна ваа пудтогаасам̣ д̣̇агкин̣анд̇з ваа вааманд̇з ваа ад̇игганд̇з баарааж̇игам̣. взтзд̇ваа уд̣̇д̇харад̇и, гзсаг̇г̇амад̇д̇ам̣ аагаасаг̇ад̇ам̣ гаронд̇асса баарааж̇игам̣.
Sahabhaṇḍahārakaṃnessāmīti ‘‘sahabhaṇḍahārakaṃ bhaṇḍaṃ nessāmī’’ti cintetvā. Paṭhamaṃ pādaṃ atikkāmetīti bhaṇḍahārakaṃ tajjetvā tassa gamanapathaṃ vāretvā attanā rucitamaggaṃ ekapādaṃ atikkāmeti. Thalaṭṭhanti (pārā. aṭṭha. 1.95) thale nikkhittaṃ, bhūmitale vā pāsāṇapabbatatalādīsu vā yattha katthaci paṭicchanne vā appaṭicchanne vā ṭhapitanti attho. Phandāpeti, thullaccayanti yo phandāpeti , tassa payoge payoge thullaccayaṃ, āmasane dukkaṭaṃ, phandāpane thullaccayañca visuṃ visuṃ theyyacittena āmasanaphandāpanapayoge karontasseva hoti. ‘‘Ekapayogena gaṇhantassa pana uddhāre pārājikameva, na dukkaṭathullaccayānī’’ti vadanti. Ṭhānāti ṭhitaṭṭhānato. Sace taṃ thalaṭṭhaṃ rāsikataṃ hoti, antokumbhiyaṃ bhājanagatakaraṇamuṭṭhicchedanavinicchayena vinicchinitabbaṃ. Sace ekābaddhaṃ silesaniyyāsādi, pakkamadhuphāṇitavinicchayena vinicchinitabbaṃ. Sace garukaṃ hoti bhārabaddhaṃ lohapiṇḍitelamadhughaṭādi vā, kumbhiyaṃ ṭhānācāvanavinicchayena vinicchinitabbaṃ. Saṅkhalikābaddhassa ca ṭhānabhedo sallakkhetabbo. Pattharitvā ṭhapitaṃ pana pāvārattharaṇakaṭasārakādiṃ ujukaṃ gahetvā ākaḍḍhati, pārimante orimantena phuṭṭhokāsaṃ atikkante pārājikaṃ. Tatheva gahetvā parato pellati, pārimante phuṭṭhokāsaṃ orimante atikkante pārājikaṃ. Vāmato vā dakkhiṇato vā apanāmentassa vāmantena vā dakkhiṇantena vā phuṭṭhokāsaṃ dakkhiṇante vā vāmante vā atikkante pārājikaṃ. Veṭhetvā uddharati, kesaggamattaṃ ākāsagataṃ karontassa pārājikaṃ.
саго хад̇т̇о сахад̇т̇о, д̇зна ниб̣б̣ад̇д̇о, д̇асса ваа самб̣анд̇хийд̇и саахад̇т̇иго, авахааро. аан̣аабанам̣ аан̣ад̇д̇и, д̇ааяа аан̣ад̇д̇ияаа ниб̣б̣ад̇д̇о авахааро аан̣ад̇д̇иго. ниссаж̇ж̇анам̣ ниссаг̇г̇о, сун̇гагхаад̇адтаанз, баригаббид̇огаасз жа тад̇ваа бхан̣д̣асса б̣ахи нибаад̇анам̣, ниссаг̇г̇ова ниссаг̇г̇ияо. гирияаасид̣̇д̇хид̇о бурзд̇арамзва баарааж̇игаабад̇д̇исан̇каад̇ам̣ ад̇т̇ам̣ саад̇хзд̇ийд̇и ад̇т̇асаад̇хаго. д̇хурасса аалаяасан̇каад̇асса бхаарасса нигкибанам̣ барижжаж̇анам̣ нируссаахабхааваабаж̇ж̇анам̣ д̇хуранигкзбо. ид̣̇аани б̣яан̃ж̇анз аад̣̇арам̣ агад̇ваа д̇зсам̣ ад̇т̇амад̇д̇амзва д̣̇ассзнд̇о ‘‘д̇ад̇т̇а саахад̇т̇иго наамаа’’д̇иаад̣̇имааха. сахад̇т̇аад̇и сахад̇т̇зна. гаран̣ад̇т̇з хи ид̣̇ам̣ ниссаггаважанам̣. ‘‘асугасса бхан̣д̣ам̣ авахараа’’д̇и ан̃н̃ам̣ аан̣аабзд̇ийд̇и зд̇т̇ааби аан̣ад̇д̇игкан̣з зва аабад̇д̇и д̣̇адтаб̣б̣аа. яад̣̇и звам̣ имасса, ад̇т̇асаад̇хагасса жа го висзсод̇и? д̇ам̣ кан̣ам̣ зва г̇ахан̣з нияун̃ж̇анам̣ аан̣ад̇д̇игабаяог̇о, гааланд̇арзна г̇ахан̣ад̇т̇ам̣ нияог̇о ад̇т̇асаад̇хагод̇и (саарад̇т̇а. дий. 2.92; ви. ви. дий. 1.92) аяамзд̇зсам̣ висзсод̇и. д̇знзвааха ‘‘асугасса бхан̣д̣ам̣ яад̣̇аа саггоси, д̇ад̣̇аа д̇ам̣ авахараад̇и аан̣аабзд̇ий’’д̇и.
Sako hattho sahattho, tena nibbatto, tassa vā sambandhīti sāhatthiko, avahāro. Āṇāpanaṃ āṇatti, tāya āṇattiyā nibbatto avahāro āṇattiko. Nissajjanaṃ nissaggo, suṅkaghātaṭṭhāne, parikappitokāse ca ṭhatvā bhaṇḍassa bahi nipātanaṃ, nissaggova nissaggiyo. Kiriyāsiddhito puretarameva pārājikāpattisaṅkhātaṃ atthaṃ sādhetīti atthasādhako. Dhurassa ālayasaṅkhātassa bhārassa nikkhipanaṃ pariccajanaṃ nirussāhabhāvāpajjanaṃ dhuranikkhepo. Idāni byañjane ādaraṃ akatvā tesaṃ atthamattameva dassento ‘‘tattha sāhatthiko nāmā’’tiādimāha. Sahatthāti sahatthena. Karaṇatthe hi idaṃ nissakkavacanaṃ. ‘‘Asukassa bhaṇḍaṃ avaharā’’ti aññaṃ āṇāpetīti etthāpi āṇattikkhaṇe eva āpatti daṭṭhabbā. Yadi evaṃ imassa, atthasādhakassa ca ko visesoti? Taṃ khaṇaṃ eva gahaṇe niyuñjanaṃ āṇattikapayogo, kālantarena gahaṇatthaṃ niyogo atthasādhakoti (sārattha. ṭī. 2.92; vi. vi. ṭī. 1.92) ayametesaṃ visesoti. Tenevāha ‘‘asukassa bhaṇḍaṃ yadā sakkosi, tadā taṃ avaharāti āṇāpetī’’ti.
сун̇гагхаад̇абаригаббид̇огаасаананд̇и сун̇гагхаад̇ан̃жа баригаббид̇огаасо жа сун̇гагхаад̇абаригаббид̇огаасаа, д̇зсам̣. д̇ад̇т̇а сун̇гагхаад̇анд̇и (баараа. адта. 1.113) ругкабаб̣б̣ад̇аад̣̇исан̃н̃аан̣зна нияамид̇асса сун̇гадтаанассзд̇ам̣ ад̇хиважанам̣. д̇ан̃хи яасмаа д̇ад̇о рааж̇ад̣̇зяяабхааг̇ам̣ сун̇гам̣ ад̣̇ад̇ваа нийхаранд̇аа ран̃н̃о сун̇гам̣ хананд̇и винаасзнд̇и, д̇асмаа ‘‘сун̇гагхаад̇а’’нд̇и вуд̇д̇ам̣.
Suṅkaghātaparikappitokāsānanti suṅkaghātañca parikappitokāso ca suṅkaghātaparikappitokāsā, tesaṃ. Tattha suṅkaghātanti (pārā. aṭṭha. 1.113) rukkhapabbatādisaññāṇena niyamitassa suṅkaṭṭhānassetaṃ adhivacanaṃ. Tañhi yasmā tato rājadeyyabhāgaṃ suṅkaṃ adatvā nīharantā rañño suṅkaṃ hananti vināsenti, tasmā ‘‘suṅkaghāta’’nti vuttaṃ.
гожи барабаривзн̣аад̣̇ийни бавидто гин̃жи лобханзяяабхан̣д̣ам̣ д̣̇исваа д̣̇ваараббамукаад̣̇ивасзна яам̣ таанам̣ ‘‘сажз мам̣ зд̇т̇анд̇арз бассиссанд̇и, д̣̇адтугаамад̇ааяа г̇ахзд̇ваа вижаранд̇о вияа д̣̇ассаами, но жз бассиссанд̇и, хариссаамий’’д̇и баригаббзд̇и, аяам̣ баригаббид̇огаасо. аан̣ад̇д̇игкан̣зязва баарааж̇иганд̇и (баараа. адта. 1.121) ад̇т̇асаад̇хагажзд̇анаагкан̣зязва баарааж̇игам̣. сажзби авахаараго садтивассаад̇иггамзнаби д̇ам̣ бхан̣д̣ам̣ авахарад̇и, аан̣аабаго жа анд̇арааязва гаалам̣ гарод̇и, хийнааяа ваа аавад̇д̇ад̇и, ассаман̣ова худ̇ваа гаалам̣ ваа гариссад̇и, хийнааяа ваа аавад̇д̇иссад̇и, авахаарагасса бана авахаарагкан̣зязва баарааж̇игам̣. баад̣̇аг̇гханагад̇зланд̇и (баараа. адта. 1.94) зд̇т̇а баад̣̇о наама гахаабан̣асса жад̇уд̇т̇о бхааг̇о, д̇ам̣ аг̇гхад̇ийд̇и баад̣̇аг̇гханагам̣, баад̣̇аг̇гханаган̃жа д̇ам̣ д̇злан̃жаад̇и баад̣̇аг̇гханагад̇злам̣. убааханаа аад̣̇и язсам̣ вад̇т̇уунам̣ д̇аани убааханаад̣̇ийни. аад̣̇исад̣̇д̣̇зна д̣̇угууласаадагажаммагкан̣д̣аад̣̇ийнам̣ г̇ахан̣ам̣. багкибад̇ийд̇и т̇зяяажид̇д̇зна багкибад̇и. д̇знааха ‘‘хад̇т̇ад̇о муд̇д̇амад̇д̇зязва баарааж̇ига’’нд̇и сажз бана ад̇д̇аноби гумбхияам̣ ан̃н̃о саббим̣ ваа д̇злам̣ ваа аагирад̇и, д̇ад̇ра жааяам̣ т̇зяяажид̇д̇зна д̇злабиванагам̣ бхан̣д̣ам̣ багкибад̇и, вуд̇д̇анаязнзва баарааж̇игам̣.
Koci parapariveṇādīni paviṭṭho kiñci lobhaneyyabhaṇḍaṃ disvā dvārappamukhādivasena yaṃ ṭhānaṃ ‘‘sace maṃ etthantare passissanti, daṭṭhukāmatāya gahetvā vicaranto viya dassāmi, no ce passissanti, harissāmī’’ti parikappeti, ayaṃ parikappitokāso. Āṇattikkhaṇeyeva pārājikanti (pārā. aṭṭha. 1.121) atthasādhakacetanākkhaṇeyeva pārājikaṃ. Sacepi avahārako saṭṭhivassātikkamenapi taṃ bhaṇḍaṃ avaharati, āṇāpako ca antarāyeva kālaṃ karoti, hīnāya vā āvattati, assamaṇova hutvā kālaṃ vā karissati, hīnāya vā āvattissati, avahārakassa pana avahārakkhaṇeyeva pārājikaṃ. Pādagghanakatelanti (pārā. aṭṭha. 1.94) ettha pādo nāma kahāpaṇassa catuttho bhāgo, taṃ agghatīti pādagghanakaṃ, pādagghanakañca taṃ telañcāti pādagghanakatelaṃ. Upāhanā ādi yesaṃ vatthūnaṃ tāni upāhanādīni. Ādisaddena dukūlasāṭakacammakkhaṇḍādīnaṃ gahaṇaṃ. Pakkhipatīti theyyacittena pakkhipati. Tenāha ‘‘hatthato muttamatteyeva pārājika’’nti sace pana attanopi kumbhiyaṃ añño sappiṃ vā telaṃ vā ākirati, tatra cāyaṃ theyyacittena telapivanakaṃ bhaṇḍaṃ pakkhipati, vuttanayeneva pārājikaṃ.
гааязна ваа ваажааяа ваа баяун̃ж̇анам̣ аан̣аабанам̣ баяог̇о, аан̣ад̇д̇асса бхан̣д̣аг̇г̇ахан̣ад̇о буб̣б̣ад̇д̇аа буб̣б̣о, ид̇и буб̣б̣о жа со баяог̇о жаад̇и буб̣б̣абаяог̇о. баяог̇зна саха вад̇д̇амаано авахааро сахабаяог̇о. самам̣ згий худ̇ваа вид̣̇ахид̇ваа манд̇зд̇ваа авахаран̣ам̣ сам̣вид̇хаавахааро, ан̃н̃аман̃н̃ам̣ сан̃н̃уббад̇д̇ияаа гад̇аавахаарод̇и вуд̇д̇ам̣ ход̇и. буб̣б̣ан̣хаад̣̇игаалабарижчзд̣̇зна сан̃ж̇аананам̣ сан̇гзд̇о, д̇асса гаммам̣ сан̇гзд̇агаммам̣. нимид̇д̇асса гаммам̣ нимид̇д̇агаммам̣, сан̃н̃уббаад̣̇анад̇т̇ам̣ гассажи нимид̇д̇асса гаран̣анд̇и ад̇т̇о. д̇ад̇т̇аад̇и яат̇аавуд̇д̇зсу буб̣б̣абаяог̇аад̣̇ийсу бан̃жасу. килаад̣̇ийни сан̇гаамзд̇ваа кзд̇д̇аад̣̇иг̇г̇ахан̣авасзнаад̇и килам̣, раж̇ж̇ум̣, вад̇им̣, марияаад̣̇ам̣ ваа баагаарам̣ ваа сан̇гаамзд̇ваа кзд̇д̇аг̇г̇ахан̣авасзна, килам̣, раж̇ж̇ум̣, вад̇им̣, марияаад̣̇ам̣ ваа баагаарам̣ ваа сан̇гаамзд̇ваа вад̇т̇уг̇г̇ахан̣авасзна. сажз бана д̣̇вийхи килзхи г̇ахзд̇аб̣б̣ам̣ ход̇и, батамз килз т̇уллажжаяам̣, д̣̇уд̇ияз баарааж̇игам̣ (баараа. адта. 1.104). сажз д̇ийхи г̇ахзд̇аб̣б̣ам̣ ход̇и, батамз д̣̇уггадам̣, д̣̇уд̇ияз т̇уллажжаяам̣, д̇ад̇ияз баарааж̇игам̣. звам̣ б̣ахугзсуби авасаанз д̣̇вз табзд̇ваа буримзхи д̣̇уггадам̣, авасаанз д̣̇виннам̣ згзна т̇уллажжаяам̣ , ид̇арзна баарааж̇игам̣. раж̇ж̇убасааран̣аад̣̇ийсуби зсзва наяо. яам̣ бана саманд̇абаасаад̣̇игааяам̣ ‘‘д̇ан̃жа ко саамигаанам̣ д̇хуранигкзбзнаа’’д̇и (баараа. адта. 1.104) вуд̇д̇ам̣, д̇ам̣ ‘‘кзд̇д̇ам̣ абхияун̃ж̇ад̇и, аабад̇д̇и д̣̇уггадассаа’’д̇иаад̣̇и (баараа. 104) -ад̇хигаарз вуд̇д̇ад̇д̇аа абхияог̇авасзна г̇ахан̣ам̣ санд̇хааяаад̇и д̣̇адтаб̣б̣ам̣. сам̣вид̣̇ахид̇ваад̇и зд̇ассзва взважанам̣. сам̣манд̇аяид̇ваад̇и згажчанд̣̇ад̇ааяа згаж̇жхаасаяад̇ааяа бхан̣ид̇ваад̇и ад̇т̇о. имасмим̣ авахаарз асаммохад̇т̇ам̣ ‘‘звам̣ сам̣вид̣̇ахид̇ваа г̇ад̇зсу хий’’д̇иаад̣̇имааха. сан̃ж̇аананагамманд̇и буб̣б̣ан̣хаад̣̇игаалабарижчзд̣̇авасзна сан̃н̃аан̣агаран̣ам̣. д̇знааха ‘‘сажз хий’’д̇иаад̣̇и.
Kāyena vā vācāya vā payuñjanaṃ āṇāpanaṃ payogo, āṇattassa bhaṇḍaggahaṇato pubbattā pubbo, iti pubbo ca so payogo cāti pubbapayogo. Payogena saha vattamāno avahāro sahapayogo. Samaṃ ekī hutvā vidahitvā mantetvā avaharaṇaṃ saṃvidhāvahāro, aññamaññaṃ saññuppattiyā katāvahāroti vuttaṃ hoti. Pubbaṇhādikālaparicchedena sañjānanaṃ saṅketo, tassa kammaṃ saṅketakammaṃ. Nimittassa kammaṃ nimittakammaṃ, saññuppādanatthaṃ kassaci nimittassa karaṇanti attho. Tatthāti yathāvuttesu pubbapayogādīsu pañcasu. Khilādīni saṅkāmetvā khettādiggahaṇavasenāti khilaṃ, rajjuṃ, vatiṃ, mariyādaṃ vā pākāraṃ vā saṅkāmetvā khettaggahaṇavasena, khilaṃ, rajjuṃ, vatiṃ, mariyādaṃ vā pākāraṃ vā saṅkāmetvā vatthuggahaṇavasena. Sace pana dvīhi khilehi gahetabbaṃ hoti, paṭhame khile thullaccayaṃ, dutiye pārājikaṃ (pārā. aṭṭha. 1.104). Sace tīhi gahetabbaṃ hoti, paṭhame dukkaṭaṃ, dutiye thullaccayaṃ, tatiye pārājikaṃ. Evaṃ bahukesupi avasāne dve ṭhapetvā purimehi dukkaṭaṃ, avasāne dvinnaṃ ekena thullaccayaṃ , itarena pārājikaṃ. Rajjupasāraṇādīsupi eseva nayo. Yaṃ pana samantapāsādikāyaṃ ‘‘tañca kho sāmikānaṃ dhuranikkhepenā’’ti (pārā. aṭṭha. 1.104) vuttaṃ, taṃ ‘‘khettaṃ abhiyuñjati, āpatti dukkaṭassā’’tiādi (pārā. 104) -adhikāre vuttattā abhiyogavasena gahaṇaṃ sandhāyāti daṭṭhabbaṃ. Saṃvidahitvāti etasseva vevacanaṃ. Saṃmantayitvāti ekacchandatāya ekajjhāsayatāya bhaṇitvāti attho. Imasmiṃ avahāre asammohatthaṃ ‘‘evaṃ saṃvidahitvā gatesu hī’’tiādimāha. Sañjānanakammanti pubbaṇhādikālaparicchedavasena saññāṇakaraṇaṃ. Tenāha ‘‘sace hī’’tiādi.
зд̇т̇а жа ‘‘бурзбхад̇д̇ам̣ авахараа’’д̇и вуд̇д̇з (баараа. адта. 1.119) аж̇ж̇а ваа бурзбхад̇д̇ам̣ авахарад̇у, свз ваа, анааг̇ад̇з ваа сам̣важчарз, над̇т̇и висан̇гзд̇о, убхиннамби баарааж̇игам̣. сажз бана ‘‘аж̇ж̇а бурзбхад̇д̇ам̣ авахараа’’д̇и вуд̇д̇з свз авахарад̇и. ‘‘аж̇ж̇аа’’д̇и нияамид̇ам̣ сан̇гзд̇ам̣ ад̇иггамма бажчаа авахадам̣ ход̇и. сажз ‘‘свз бурзбхад̇д̇ам̣ авахараа’’д̇и вуд̇д̇з аж̇ж̇а бурзбхад̇д̇ам̣ авахарад̇и, ‘‘свз’’д̇и нияамид̇ам̣ д̇ам̣ сан̇гзд̇ам̣ абад̇ваа бурз авахадам̣ ход̇и, звам̣ авахаранд̇асса авахаарагассзва баарааж̇игам̣, мууладтасса анаабад̇д̇и. ‘‘свзва бурзбхад̇д̇а’’нд̇и вуд̇д̇з д̇ад̣̇ахзва ваа, свз бажчаабхад̇д̇ам̣ ваа авахаранд̇оби д̇ам̣сан̇гзд̇ад̇о бурз жа бажчаа жа авахарад̇и. яо бана звам̣агад̇ваа яат̇аабарижчиннагааламзва авахарад̇и, аяам̣ сан̇гзд̇ад̇о абурз абажчаа д̇ам̣ авахарад̇ийд̇и взд̣̇ид̇аб̣б̣о. зса наяо бажчаабхад̇д̇арад̇д̇инд̣̇ивзсуби, буримаяаамамаж̇жхимаяаамабажчимаяаамагаал̣аж̇ун̣хамаасауд̇усам̣важчараад̣̇ивасзнааби зд̇т̇а сан̇гзд̇ависан̇гзд̇ад̇аа взд̣̇ид̇аб̣б̣аа. барабхан̣д̣аавахаарасан̃н̃уббаад̣̇асса хзд̇уд̇д̇аа агкиникан̣аад̣̇ийнзва нимид̇д̇анд̇и агкиникан̣аад̣̇инимид̇д̇ам̣, д̇асса гаран̣ам̣ агкиникан̣аад̣̇инимид̇д̇агаран̣ам̣. аад̣̇исад̣̇д̣̇зна бхамугугкзбасийсагамбанахад̇т̇алан̇гханабаан̣иббахаараан̇г̇улиподанаг̇ийвуннааманауггаасанаад̣̇ианзгаббагаарам̣ сан̇г̇ан̣хаад̇и. сзсамзд̇т̇а сан̇гзд̇агаммз вуд̇д̇анаяамзва.
Ettha ca ‘‘purebhattaṃ avaharā’’ti vutte (pārā. aṭṭha. 1.119) ajja vā purebhattaṃ avaharatu, sve vā, anāgate vā saṃvacchare, natthi visaṅketo, ubhinnampi pārājikaṃ. Sace pana ‘‘ajja purebhattaṃ avaharā’’ti vutte sve avaharati. ‘‘Ajjā’’ti niyamitaṃ saṅketaṃ atikkamma pacchā avahaṭaṃ hoti. Sace ‘‘sve purebhattaṃ avaharā’’ti vutte ajja purebhattaṃ avaharati, ‘‘sve’’ti niyamitaṃ taṃ saṅketaṃ apatvā pure avahaṭaṃ hoti, evaṃ avaharantassa avahārakasseva pārājikaṃ, mūlaṭṭhassa anāpatti. ‘‘Sveva purebhatta’’nti vutte tadaheva vā, sve pacchābhattaṃ vā avaharantopi taṃsaṅketato pure ca pacchā ca avaharati. Yo pana evaṃakatvā yathāparicchinnakālameva avaharati, ayaṃ saṅketato apure apacchā taṃ avaharatīti veditabbo. Esa nayo pacchābhattarattindivesupi, purimayāmamajjhimayāmapacchimayāmakāḷajuṇhamāsautusaṃvaccharādivasenāpi ettha saṅketavisaṅketatā veditabbā. Parabhaṇḍāvahārasaññuppādassa hetuttā akkhinikhaṇādīneva nimittanti akkhinikhaṇādinimittaṃ, tassa karaṇaṃ akkhinikhaṇādinimittakaraṇaṃ. Ādisaddena bhamukukkhepasīsakampanahatthalaṅghanapāṇippahāraaṅguliphoṭanagīvunnāmanaukkāsanādianekappakāraṃ saṅgaṇhāti. Sesamettha saṅketakamme vuttanayameva.
т̇зно вужжад̇и жоро, д̇асса бхааво т̇зяяам̣, д̇зна авахаран̣ам̣ т̇зяяаавахааро. басаяха абхибхавид̇ваа авахаран̣ам̣ басаяхаавахааро. вад̇т̇асуд̇д̇аад̣̇игам̣ барижчиж̇ж̇а габбанам̣ баригаббо, д̇зна авахаран̣ам̣ баригаббаавахааро. д̇ин̣абан̣н̣аад̣̇ийхи бадижчаннасса авахааро бадижчаннаавахааро. гусзна авахааро гусаавахааро. гуудамаанагуудагахаабан̣аад̣̇ийхийд̇и зд̇т̇а гуудамаанам̣ (д̣̇ий. ни. адта. 1.10; ма. ни. адта. 1.293; бу. ба. адта. 179) наама хад̣̇аяабхзд̣̇асикаабхзд̣̇араж̇ж̇убхзд̣̇авасзна д̇ивид̇хам̣ маанагуудам̣. д̇ад̇т̇а хад̣̇аяанд̇и наал̣иаад̣̇имаанабхааж̇анаанам̣ аб̣бханд̇арам̣, д̇асса бхзд̣̇о чид̣̇д̣̇агаран̣ам̣ хад̣̇аяабхзд̣̇о, со саббид̇злаад̣̇иминанагаалз лаб̣бхад̇и. д̇аани хи г̇ан̣ханд̇о хздтаачид̣̇д̣̇зна маанзна ‘‘сан̣игам̣ аасин̃жаа’’д̇и вад̇ваа анд̇обхааж̇анз б̣ахум̣ баг̇гхараабзд̇ваа г̇ан̣хаад̇и, д̣̇ад̣̇анд̇о жа чид̣̇д̣̇ам̣ бид̇хааяа сийгхам̣ буурзд̇ваа д̣̇зд̇и.
Theno vuccati coro, tassa bhāvo theyyaṃ, tena avaharaṇaṃ theyyāvahāro. Pasayha abhibhavitvā avaharaṇaṃ pasayhāvahāro. Vatthasuttādikaṃ paricchijja kappanaṃ parikappo, tena avaharaṇaṃ parikappāvahāro. Tiṇapaṇṇādīhi paṭicchannassa avahāro paṭicchannāvahāro. Kusena avahāro kusāvahāro. Kūṭamānakūṭakahāpaṇādīhīti ettha kūṭamānaṃ (dī. ni. aṭṭha. 1.10; ma. ni. aṭṭha. 1.293; pu. pa. aṭṭha. 179) nāma hadayabhedasikhābhedarajjubhedavasena tividhaṃ mānakūṭaṃ. Tattha hadayanti nāḷiādimānabhājanānaṃ abbhantaraṃ, tassa bhedo chiddakaraṇaṃ hadayabhedo, so sappitelādiminanakāle labbhati. Tāni hi gaṇhanto heṭṭhāchiddena mānena ‘‘saṇikaṃ āsiñcā’’ti vatvā antobhājane bahuṃ paggharāpetvā gaṇhāti, dadanto ca chiddaṃ pidhāya sīghaṃ pūretvā deti.
сикаабхзд̣̇о бана д̇илад̇ан̣д̣улаад̣̇иминанагаалз лаб̣бхад̇и. д̇аани хи г̇ан̣ханд̇о сан̣игам̣ сикам̣ уссаабзд̇ваа г̇ан̣хаад̇и, д̣̇ад̣̇анд̇о взг̇зна буурзд̇ваа сикам̣ чинд̣̇анд̇о д̣̇зд̇и.
Sikhābhedo pana tilataṇḍulādiminanakāle labbhati. Tāni hi gaṇhanto saṇikaṃ sikhaṃ ussāpetvā gaṇhāti, dadanto vegena pūretvā sikhaṃ chindanto deti.
раж̇ж̇убхзд̣̇о кзд̇д̇авад̇т̇уминанагаалз лаб̣бхад̇и. кзд̇д̇аад̣̇им̣ минанд̇аа хи амаханд̇амби маханд̇ам̣ гад̇ваа минанд̇и, маханд̇амби амаханд̇ам̣.
Rajjubhedo khettavatthuminanakāle labbhati. Khettādiṃ minantā hi amahantampi mahantaṃ katvā minanti, mahantampi amahantaṃ.
д̇амб̣агам̣саад̣̇имаяо гуудо гахаабан̣о гуудагахаабан̣о. аад̣̇исад̣̇д̣̇зна д̇улаагуудагам̣сагуудаван̃жанаад̣̇им̣ сан̇г̇ан̣хаад̇и. д̇ад̇т̇а д̇улаагуудам̣ руубагуудам̣, ан̇г̇агуудам̣, г̇ахан̣агуудам̣, бадижчаннагууданд̇и жад̇уб̣б̣ид̇хам̣ ход̇и. д̇ад̇т̇а руубагуудам̣ наама д̣̇вз д̇улаа самаруубаа гад̇ваа г̇ан̣ханд̇о махад̇ияаа г̇ан̣хаад̇и, д̣̇ад̣̇анд̇о куд̣̇д̣̇игааяа д̣̇зд̇и. ан̇г̇агуудам̣ наама г̇ан̣ханд̇о бажчаабхааг̇з хад̇т̇зна д̇улам̣ аггамад̇и, д̣̇ад̣̇анд̇о буб̣б̣абхааг̇з аггамад̇и. г̇ахан̣агуудам̣ наама г̇ан̣ханд̇о муулз раж̇ж̇ум̣ г̇ан̣хаад̇и, д̣̇ад̣̇анд̇о аг̇г̇з. бадижчаннагуудам̣ наама д̇улам̣ сусирам̣ гад̇ваа анд̇о аяажун̣н̣ам̣ багкибид̇ваа г̇ан̣ханд̇о д̇ам̣ бажчаабхааг̇з гарод̇и, д̣̇ад̣̇анд̇о аг̇г̇абхааг̇з.
Tambakaṃsādimayo kūṭo kahāpaṇo kūṭakahāpaṇo. Ādisaddena tulākūṭakaṃsakūṭavañcanādiṃ saṅgaṇhāti. Tattha tulākūṭaṃ rūpakūṭaṃ, aṅgakūṭaṃ, gahaṇakūṭaṃ, paṭicchannakūṭanti catubbidhaṃ hoti. Tattha rūpakūṭaṃ nāma dve tulā samarūpā katvā gaṇhanto mahatiyā gaṇhāti, dadanto khuddikāya deti. Aṅgakūṭaṃ nāma gaṇhanto pacchābhāge hatthena tulaṃ akkamati, dadanto pubbabhāge akkamati. Gahaṇakūṭaṃ nāma gaṇhanto mūle rajjuṃ gaṇhāti, dadanto agge. Paṭicchannakūṭaṃ nāma tulaṃ susiraṃ katvā anto ayacuṇṇaṃ pakkhipitvā gaṇhanto taṃ pacchābhāge karoti, dadanto aggabhāge.
гам̣со вужжад̇и суван̣н̣абаад̇и, д̇ааяа ван̃жанам̣ гам̣сагуудам̣. гат̇ам̣? згам̣ суван̣н̣абаад̇им̣ гад̇ваа ан̃н̃аа д̣̇вз д̇иссо лохабаад̇ияо суван̣н̣аван̣н̣аа гаронд̇и. д̇ад̇о ж̇анабад̣̇ам̣ г̇анд̇ваа гин̃жид̣̇зва ад̣дхам̣ гулам̣ бависид̇ваа ‘‘суван̣н̣абхааж̇анаани гин̣аат̇аа’’д̇и вад̇ваа аг̇гхз бужчид̇з самаг̇гхад̇арам̣ д̣̇аад̇угаамаа хонд̇и . д̇ад̇о д̇зхи ‘‘гат̇ам̣ имзсам̣ суван̣н̣абхааво ж̇аанид̇аб̣б̣о’’д̇и вуд̇д̇з ‘‘виймам̣сид̇ваа г̇ан̣хат̇аа’’д̇и суван̣н̣абаад̇им̣ баасаан̣з гхам̣сид̇ваа саб̣б̣аа баад̇ияо д̣̇ад̇ваа г̇ажчад̇и.
Kaṃso vuccati suvaṇṇapāti, tāya vañcanaṃ kaṃsakūṭaṃ. Kathaṃ? Ekaṃ suvaṇṇapātiṃ katvā aññā dve tisso lohapātiyo suvaṇṇavaṇṇā karonti. Tato janapadaṃ gantvā kiñcideva aḍḍhaṃ kulaṃ pavisitvā ‘‘suvaṇṇabhājanāni kiṇāthā’’ti vatvā agghe pucchite samagghataraṃ dātukāmā honti . Tato tehi ‘‘kathaṃ imesaṃ suvaṇṇabhāvo jānitabbo’’ti vutte ‘‘vīmaṃsitvā gaṇhathā’’ti suvaṇṇapātiṃ pāsāṇe ghaṃsitvā sabbā pātiyo datvā gacchati.
ван̃жанам̣ наама д̇зхи д̇зхи убааязхи барзсам̣ ван̃жанам̣. д̇ад̇рид̣̇амзгам̣ вад̇т̇у – зго гира луд̣̇д̣̇аго миг̇ан̃жа миг̇абод̇аган̃жа г̇ахзд̇ваа ааг̇ажчад̇и, д̇амзго д̇худ̇д̇о ‘‘гим̣ бхо миг̇о аг̇гхад̇и, гим̣ миг̇абод̇аго’’д̇и ааха. ‘‘миг̇о д̣̇вз гахаабан̣з, миг̇абод̇аго зга’’нд̇и вуд̇д̇з згам̣ гахаабан̣ам̣ д̣̇ад̇ваа миг̇абод̇агам̣ г̇ахзд̇ваа т̇огам̣ г̇анд̇ваа нивад̇д̇знд̇о ‘‘на мз бхо миг̇абод̇агзна ад̇т̇о, миг̇ам̣ мз д̣̇зхий’’д̇и ааха. ‘‘д̇зна хи д̣̇вз гахаабан̣з д̣̇зхий’’д̇и ааха. со ааха ‘‘нану бхо маяаа батамам̣ зго гахаабан̣о д̣̇инно’’д̇и. аама д̣̇инно, имам̣ миг̇абод̇агам̣ г̇ан̣ха, звам̣ со жа гахаабан̣о , аяан̃жа гахаабан̣аг̇гханаго миг̇абод̇агод̇и д̣̇вз гахаабан̣аа бхависсанд̇ийд̇и. со ‘‘гааран̣ам̣ вад̣̇ад̇ий’’д̇и саллагкзд̇ваа миг̇абод̇агам̣ г̇ахзд̇ваа миг̇ам̣ ад̣̇аасийд̇и.
Vañcanaṃ nāma tehi tehi upāyehi paresaṃ vañcanaṃ. Tatridamekaṃ vatthu – eko kira luddako migañca migapotakañca gahetvā āgacchati, tameko dhutto ‘‘kiṃ bho migo agghati, kiṃ migapotako’’ti āha. ‘‘Migo dve kahāpaṇe, migapotako eka’’nti vutte ekaṃ kahāpaṇaṃ datvā migapotakaṃ gahetvā thokaṃ gantvā nivattento ‘‘na me bho migapotakena attho, migaṃ me dehī’’ti āha. ‘‘Tena hi dve kahāpaṇe dehī’’ti āha. So āha ‘‘nanu bho mayā paṭhamaṃ eko kahāpaṇo dinno’’ti. Āma dinno, imaṃ migapotakaṃ gaṇha, evaṃ so ca kahāpaṇo , ayañca kahāpaṇagghanako migapotakoti dve kahāpaṇā bhavissantīti. So ‘‘kāraṇaṃ vadatī’’ti sallakkhetvā migapotakaṃ gahetvā migaṃ adāsīti.
басаяхаад̇и (баараа. адта. 1.138) барз абхибхуяяа. г̇аамам̣ гхаад̇знд̇ийд̇и г̇аамагхаад̇агаа, г̇аамам̣ бахаранд̇аа жораа, д̇з аад̣̇и язсам̣ д̇з г̇аамагхаад̇агаад̣̇аяо. аад̣̇исад̣̇д̣̇зна жзд̇т̇а бант̇агхаад̇агаад̣̇ийнам̣ г̇ахан̣ам̣. уд̣̇д̇хаарзязва баарааж̇иганд̇и ‘‘сажз саадаго бхависсад̇и, г̇ан̣хиссаамий’’д̇и баригаббасса бавад̇д̇ад̇д̇аа, саадагасса жа д̇ад̇т̇а саб̣бхаавад̇о. бад̣̇аваарзна гаарзд̇аб̣б̣од̇и бхуумияам̣ анигкибид̇ваава виймам̣сид̇ад̇д̇аа вуд̇д̇ам̣. бхан̣д̣ад̣̇зяяанд̇и яам̣ барасса надтам̣, д̇асса муулам̣ ваа д̇ад̣̇зва ваа бхан̣д̣ам̣ д̣̇аад̇аб̣б̣анд̇и ад̇т̇о.
Pasayhāti (pārā. aṭṭha. 1.138) pare abhibhuyya. Gāmaṃ ghātentīti gāmaghātakā, gāmaṃ paharantā corā, te ādi yesaṃ te gāmaghātakādayo. Ādisaddena cettha panthaghātakādīnaṃ gahaṇaṃ. Uddhāreyeva pārājikanti ‘‘sace sāṭako bhavissati, gaṇhissāmī’’ti parikappassa pavattattā, sāṭakassa ca tattha sabbhāvato. Padavārena kāretabboti bhūmiyaṃ anikkhipitvāva vīmaṃsitattā vuttaṃ. Bhaṇḍadeyyanti yaṃ parassa naṭṭhaṃ, tassa mūlaṃ vā tadeva vā bhaṇḍaṃ dātabbanti attho.
д̇ассаад̇и яо звам̣ баригаббзд̇и, д̇асса. имасса ‘‘авахааро ход̇ий’’д̇и иминаа самб̣анд̇хо.
Tassāti yo evaṃ parikappeti, tassa. Imassa ‘‘avahāro hotī’’ti iminā sambandho.
барзсанд̇и гийл̣анд̇аанам̣, бависанд̇аанам̣ ваа барзсам̣ мануссаанам̣. ‘‘бажчаа г̇ан̣хиссаамий’’д̇и бам̣сунаа ваа бан̣н̣зна ваа бадижчаад̣̇зд̇ийд̇и ‘‘сажз ид̣̇аанзва онамид̇ваа г̇ан̣хиссаами, ‘гим̣ саман̣о г̇ан̣хаад̇ий’д̇и мам̣ ж̇аанид̇ваа вихзтзяяум̣ бажчаа г̇ан̣хиссаамий’’д̇и бам̣сунаа ваа бан̣н̣зна ваа бадижчаад̣̇зд̇и. уд̣̇д̇хааро над̇т̇ийд̇и таанаажааванам̣ над̇т̇ийд̇и ад̇т̇о. саамигаад̇и анд̇ааг̇аамам̣ бависид̇угаамаа бхан̣д̣асаамигаа мануссаа. уд̣̇д̇хаарзд̇и уд̣̇д̇харан̣з, таанаажааванзд̇и ад̇т̇о . таанаажааванан̃жзд̇т̇а хздтаа вуд̇д̇анаяаанусаарзна взд̣̇ид̇аб̣б̣ам̣. бавзсзд̇ийд̇и таанаажааванавасзна бавзсзд̇и, хздтиманд̇зна пудтогаасам̣ гзсаг̇г̇амад̇д̇амби убариманд̇зна ад̇иггаамзнд̇о бавзсзд̇ийд̇и ад̇т̇о.
Paresanti kīḷantānaṃ, pavisantānaṃ vā paresaṃ manussānaṃ. ‘‘Pacchā gaṇhissāmī’’ti paṃsunā vā paṇṇena vā paṭicchādetīti ‘‘sace idāneva onamitvā gaṇhissāmi, ‘kiṃ samaṇo gaṇhātī’ti maṃ jānitvā viheṭheyyuṃ pacchā gaṇhissāmī’’ti paṃsunā vā paṇṇena vā paṭicchādeti. Uddhāro natthīti ṭhānācāvanaṃ natthīti attho. Sāmikāti antāgāmaṃ pavisitukāmā bhaṇḍasāmikā manussā. Uddhāreti uddharaṇe, ṭhānācāvaneti attho . Ṭhānācāvanañcettha heṭṭhā vuttanayānusārena veditabbaṃ. Pavesetīti ṭhānācāvanavasena paveseti, heṭṭhimantena phuṭṭhokāsaṃ kesaggamattampi uparimantena atikkāmento pavesetīti attho.
самаг̇гхад̇аранд̇и аббаг̇гхад̇арам̣. уд̣̇д̇хадамад̇д̇з авахаарод̇и сагабхааваббаяог̇асса нидтаабид̇ад̇д̇аа, на ад̇т̇асаад̇хагавасзна. уд̣̇д̇хаарз рагкад̇и ад̇д̇ано годтаасз баад̇зд̇угаамад̇ааяа уд̣̇д̇хадад̇д̇аа. зсзва наяо баад̇анзби рагкад̇ийд̇и зд̇т̇ааби. ‘‘уд̣̇д̇хаарзязва рагкад̇ий’’д̇и иминаава баад̇анз на рагкад̇ийд̇и ад̇т̇з сид̣̇д̇хзби ад̇т̇асаад̇хагавасзна ад̇т̇ам̣ д̣̇ассзд̇ум̣ ‘‘д̇ам̣ уд̣̇д̇харид̇ваа’’д̇иаад̣̇и вуд̇д̇ам̣. сажз бана д̣̇вийсуби годтаасзсу бад̇ид̇ад̣̇ан̣д̣агз ад̣̇ассанам̣ г̇амзд̇и (баараа. адта. 1.138), д̇ад̇о авасзсабхигкуусу г̇ад̇зсу ид̇аро ‘‘маяхам̣, бханд̇з, д̣̇ан̣д̣аго на бан̃н̃ааяад̇ий’’д̇и, ‘‘маяхамби, аавусо, на бан̃н̃ааяад̇ий’’д̇и, ‘‘гад̇амо бана, бханд̇з, маяхам̣ бхааг̇о’’д̇и. ‘‘аяам̣ д̇уяхам̣ бхааг̇о’’д̇и ад̇д̇ано бхааг̇ам̣ д̣̇ассзд̇и. д̇асмим̣ вивад̣̇ид̇ваа ваа авивад̣̇ид̇ваа ваа д̇ам̣ г̇ан̣хид̇ваа г̇ад̇з ид̇аро д̇асса бхааг̇ам̣ уд̣̇д̇харад̇и, уд̣̇д̇хаарз баарааж̇игам̣. сажзби д̇зна ‘‘ахам̣ мама бхааг̇ам̣ д̇уяхам̣ на д̣̇зми, д̇вам̣ бана ад̇д̇ано бхааг̇ам̣ н̃ад̇ваа г̇ан̣хаа’’д̇и вуд̇д̇зби ‘‘нааяам̣ мамаа’’д̇и ж̇аананд̇оби д̇ассзва бхааг̇ам̣ г̇ан̣хаад̇и, уд̣̇д̇хаарз баарааж̇игам̣. сажз бана ид̇аро ‘‘аяам̣ д̇уяхам̣ бхааг̇о, аяам̣ маяхам̣ бхааг̇од̇и гим̣ иминаа виваад̣̇знаа’’д̇и жинд̇зд̇ваа ‘‘маяхам̣ ваа бад̇д̇о ход̇у, д̇умхаагам̣ ваа, яо варабхааг̇о, д̇ам̣ д̇умхз г̇ан̣хат̇аа’’д̇и вад̣̇ад̇и, д̣̇иннагам̣ наама г̇ахид̇ам̣ ход̇и, над̇т̇зд̇т̇а авахааро. сажз со виваад̣̇абхийруго бхигку ‘‘яам̣ д̇уяхам̣ ружжад̇и, д̇ам̣ г̇ан̣хаа’’д̇и вуд̇д̇о ад̇д̇ано бад̇д̇ам̣ варабхааг̇ам̣ табзд̇ваа лаамагам̣язва г̇ахзд̇ваа г̇ажчад̇и, д̇ад̇о ид̇арасса вижинид̇аавасзсам̣ г̇ан̣ханд̇ассааби авахааро над̇т̇зва. звамимаани бан̃жа бан̃жагаани самод̇хаанзд̇ваа имз бан̃жавийсад̇и авахаараа взд̣̇ид̇аб̣б̣аа. нидтид̇о ‘‘аад̣̇иязяяаа’’д̇и имасса бад̣̇асса винижчаяо. д̇знааха ‘‘ид̇и яам̣ вуд̇д̇ам̣…бз… яассад̇т̇о багаасид̇о ход̇ий’’д̇и.
Samagghataranti appagghataraṃ. Uddhaṭamatte avahāroti sakabhāvappayogassa niṭṭhāpitattā, na atthasādhakavasena. Uddhāre rakkhati attano koṭṭhāse pātetukāmatāya uddhaṭattā. Eseva nayo pātanepi rakkhatīti etthāpi. ‘‘Uddhāreyeva rakkhatī’’ti imināva pātane na rakkhatīti atthe siddhepi atthasādhakavasena atthaṃ dassetuṃ ‘‘taṃ uddharitvā’’tiādi vuttaṃ. Sace pana dvīsupi koṭṭhāsesu patitadaṇḍake adassanaṃ gameti (pārā. aṭṭha. 1.138), tato avasesabhikkhūsu gatesu itaro ‘‘mayhaṃ, bhante, daṇḍako na paññāyatī’’ti, ‘‘mayhampi, āvuso, na paññāyatī’’ti, ‘‘katamo pana, bhante, mayhaṃ bhāgo’’ti. ‘‘Ayaṃ tuyhaṃ bhāgo’’ti attano bhāgaṃ dasseti. Tasmiṃ vivaditvā vā avivaditvā vā taṃ gaṇhitvā gate itaro tassa bhāgaṃ uddharati, uddhāre pārājikaṃ. Sacepi tena ‘‘ahaṃ mama bhāgaṃ tuyhaṃ na demi, tvaṃ pana attano bhāgaṃ ñatvā gaṇhā’’ti vuttepi ‘‘nāyaṃ mamā’’ti jānantopi tasseva bhāgaṃ gaṇhāti, uddhāre pārājikaṃ. Sace pana itaro ‘‘ayaṃ tuyhaṃ bhāgo, ayaṃ mayhaṃ bhāgoti kiṃ iminā vivādenā’’ti cintetvā ‘‘mayhaṃ vā patto hotu, tumhākaṃ vā, yo varabhāgo, taṃ tumhe gaṇhathā’’ti vadati, dinnakaṃ nāma gahitaṃ hoti, natthettha avahāro. Sace so vivādabhīruko bhikkhu ‘‘yaṃ tuyhaṃ ruccati, taṃ gaṇhā’’ti vutto attano pattaṃ varabhāgaṃ ṭhapetvā lāmakaṃyeva gahetvā gacchati, tato itarassa vicinitāvasesaṃ gaṇhantassāpi avahāro nattheva. Evamimāni pañca pañcakāni samodhānetvā ime pañcavīsati avahārā veditabbā. Niṭṭhito ‘‘ādiyeyyā’’ti imassa padassa vinicchayo. Tenāha ‘‘iti yaṃ vuttaṃ…pe… yassattho pakāsito hotī’’ti.
рааж̇аанод̇и гин̃жааби ависзсзна вуд̇д̇ам̣, абараад̇хаануруубам̣ бана чзж̇ж̇абхзж̇ж̇аанусаасаго бамаан̣абхууд̇ова ид̇хаад̇хиббзд̇од̇и ааха ‘‘рааж̇аанод̇и ид̣̇ам̣ б̣имб̣исаарам̣язва санд̇хааяа вуд̇д̇а’’нд̇и. со хи д̇хаммигарааж̇ад̇д̇аа яат̇аабавзн̣ияаава гарод̇и. ан̃н̃з бана гааган̣игамад̇д̇ассаби сийсам̣ чинд̣̇зяяум̣ , б̣ахугассааби на ваа гин̃жи гарзяяум̣. д̇знааха ‘‘ан̃н̃з банаа’’д̇иаад̣̇и. хананам̣ наама бот̇анан̃жзва чзд̣̇анан̃жаад̇и ааха ‘‘хад̇т̇аад̣̇ийхи ваа’’д̇иаад̣̇и. аад̣̇исад̣̇д̣̇зна баад̣̇агасаавзд̇д̇аад̣дхад̣̇ан̣д̣агаанам̣ г̇ахан̣ам̣. раж̇ж̇уб̣анд̇ханаад̣̇ийхийд̇и аад̣̇исад̣̇д̣̇зна анд̣̇уб̣анд̇ханасан̇калигааб̣анд̇ханагхараб̣анд̇хананаг̇араб̣анд̇ханабурисаг̇уд̇д̇ийнам̣ г̇ахан̣ам̣. нийхарзяяунд̇и радтад̇о нигкаамзяяум̣. жороси…бз… т̇зносийд̇и зд̇т̇а ‘‘барибхаасзяяу’’нд̇и бад̣̇ам̣ аж̇жхаахарид̇аб̣б̣ам̣ уунад̇д̇аа бад̣̇аббаяог̇асса. д̇знааха ‘‘имзхи важанзхи барибхаасзяяу’’нд̇и. яат̇ааруубам̣ бана яасмаа баад̣̇ад̇о бадтааяа ход̇и, д̇асмаа ‘‘баад̣̇асса ваа баад̣̇аарахасса ваа’’д̇и ааха. бораан̣агасса гахаабан̣асса жад̇уд̇т̇о бхааг̇о баад̣̇о, баад̣̇ам̣ арахад̇ийд̇и баад̣̇аарахо, д̇асса баад̣̇асса ваа баад̣̇аарахасса ваа. зд̇т̇а жа баад̣̇зна гахаабан̣асса жад̇уд̇т̇абхааг̇ам̣ агаббияабхан̣д̣амзва д̣̇ассзд̇и, баад̣̇аарахзна баад̣̇аг̇гханагам̣ габбияабхан̣д̣ам̣. зд̇д̇аавад̇аа хздтиманд̇ад̣̇ассанзна саб̣б̣аагаарзна д̣̇уд̇ияабаарааж̇игаббахонагавад̇т̇у д̣̇ассид̇ам̣ ход̇ийд̇и д̣̇адтаб̣б̣ам̣. бораан̣агассаад̇и (саарад̇т̇а. дий. 2.88; ви. ви. дий. 1.88) бораан̣асад̇т̇аануруубам̣ уббаад̣̇ид̇асса лагкан̣асамбаннасса нийлагахаабан̣асад̣̇исасса гахаабан̣асса. зд̇зна руд̣̇рад̣̇аамагаад̣̇ийни бадигкибад̇и.
Rājānoti kiñcāpi avisesena vuttaṃ, aparādhānurūpaṃ pana chejjabhejjānusāsako pamāṇabhūtova idhādhippetoti āha ‘‘rājānoti idaṃ bimbisāraṃyeva sandhāya vutta’’nti. So hi dhammikarājattā yathāpaveṇiyāva karoti. Aññe pana kākaṇikamattassapi sīsaṃ chindeyyuṃ , bahukassāpi na vā kiñci kareyyuṃ. Tenāha ‘‘aññe panā’’tiādi. Hananaṃ nāma pothanañceva chedanañcāti āha ‘‘hatthādīhi vā’’tiādi. Ādisaddena pādakasāvettaaḍḍhadaṇḍakānaṃ gahaṇaṃ. Rajjubandhanādīhīti ādisaddena andubandhanasaṅkhalikābandhanagharabandhananagarabandhanapurisaguttīnaṃ gahaṇaṃ. Nīhareyyunti raṭṭhato nikkhāmeyyuṃ. Corosi…pe… thenosīti ettha ‘‘paribhāseyyu’’nti padaṃ ajjhāharitabbaṃ ūnattā padappayogassa. Tenāha ‘‘imehi vacanehi paribhāseyyu’’nti. Yathārūpaṃ pana yasmā pādato paṭṭhāya hoti, tasmā ‘‘pādassa vā pādārahassa vā’’ti āha. Porāṇakassa kahāpaṇassa catuttho bhāgo pādo, pādaṃ arahatīti pādāraho, tassa pādassa vā pādārahassa vā. Ettha ca pādena kahāpaṇassa catutthabhāgaṃ akappiyabhaṇḍameva dasseti, pādārahena pādagghanakaṃ kappiyabhaṇḍaṃ. Ettāvatā heṭṭhimantadassanena sabbākārena dutiyapārājikappahonakavatthu dassitaṃ hotīti daṭṭhabbaṃ. Porāṇakassāti (sārattha. ṭī. 2.88; vi. vi. ṭī. 1.88) porāṇasatthānurūpaṃ uppāditassa lakkhaṇasampannassa nīlakahāpaṇasadisassa kahāpaṇassa. Etena rudradāmakādīni paṭikkhipati.
звам̣ асаад̇хааран̣авинижчаяам̣ д̣̇ассзд̇ваа ид̣̇аани саад̇хааран̣авинижчаяам̣ д̣̇ассзд̇ум̣ ‘‘рааж̇аг̇ахз’’д̇иаад̣̇имааха. ран̃н̃од̇и б̣имб̣исаараран̃н̃о. маасаго наама бораан̣агасса гахаабан̣асса вийсад̇имо бхааг̇о. яо логз ‘‘ман̃ж̇здтий’’д̇иби вужжад̇и. ид̣̇аани имасмим̣ ад̣̇иннаад̣̇аанз винижчаяам̣ д̣̇ассзд̇ум̣ ‘‘саб̣б̣ад̇т̇аа’’д̇иаад̣̇и вуд̇д̇ам̣. саб̣б̣ад̇т̇аад̇и уунамаасагаад̇ирзгамаасагабан̃жамаасагзсу. барихийнаабарихийнавасзнаад̇и аг̇гхасса барихийнаабарихийнавасзна. аяамзд̇т̇а сан̇кзбо , вид̇т̇ааро бана звам̣ взд̣̇ид̇аб̣б̣о – ид̣̇ан̃хи ад̣̇иннаад̣̇аанам̣ винижчинанд̇зна од̇ин̣н̣з вад̇т̇усмим̣ сахасаа авинижчинид̇ваа бан̃жа таанаани ологзд̇аб̣б̣аани. яаани санд̇хааяа бораан̣аа ааху –
Evaṃ asādhāraṇavinicchayaṃ dassetvā idāni sādhāraṇavinicchayaṃ dassetuṃ ‘‘rājagahe’’tiādimāha. Raññoti bimbisārarañño. Māsako nāma porāṇakassa kahāpaṇassa vīsatimo bhāgo. Yo loke ‘‘mañjeṭṭhī’’tipi vuccati. Idāni imasmiṃ adinnādāne vinicchayaṃ dassetuṃ ‘‘sabbatthā’’tiādi vuttaṃ. Sabbatthāti ūnamāsakātirekamāsakapañcamāsakesu. Parihīnāparihīnavasenāti agghassa parihīnāparihīnavasena. Ayamettha saṅkhepo , vitthāro pana evaṃ veditabbo – idañhi adinnādānaṃ vinicchinantena otiṇṇe vatthusmiṃ sahasā avinicchinitvā pañca ṭhānāni oloketabbāni. Yāni sandhāya porāṇā āhu –
‘‘вад̇т̇ум̣ гаалан̃жа д̣̇зсан̃жа, аг̇гхам̣ барибхог̇абан̃жамам̣;
‘‘Vatthuṃ kālañca desañca, agghaṃ paribhogapañcamaṃ;
д̇улаяид̇ваа бан̃жатаанаани, д̇хаарзяяад̇т̇ам̣ вижагкан̣о’’д̇и. (баараа. адта. 1.92);
Tulayitvā pañcaṭhānāni, dhāreyyatthaṃ vicakkhaṇo’’ti. (pārā. aṭṭha. 1.92);
д̇ад̇т̇а жа вад̇т̇ууд̇и бхан̣д̣ам̣. авахаарагзна хи ‘‘маяаа ид̣̇ам̣ наама авахада’’нд̇и вуд̇д̇зби аабад̇д̇им̣ анааробзд̇ваава д̇ам̣ бхан̣д̣ам̣ сасаамигам̣ ваа асаамигам̣ ваад̇и убабаригкид̇аб̣б̣ам̣. сасаамигзби саамигаанам̣ саалаяабхааво ваа нираалаяабхааво ваа убабаригкид̇аб̣б̣о. сажз д̇зсам̣ саалаяагаалз авахадам̣, бхан̣д̣ам̣ аг̇гхаабзд̇ваа аабад̇д̇и гаарзд̇аб̣б̣аа. сажз нираалаяагаалз, на баарааж̇игзна гаарзд̇аб̣б̣о. бхан̣д̣асаамигзсу бана бхан̣д̣ам̣ аахараабзнд̇зсу бхан̣д̣ам̣ д̣̇аад̇аб̣б̣ам̣. аяамзд̇т̇а саамийжи. звам̣ вад̇т̇у ологзд̇аб̣б̣ам̣.
Tattha ca vatthūti bhaṇḍaṃ. Avahārakena hi ‘‘mayā idaṃ nāma avahaṭa’’nti vuttepi āpattiṃ anāropetvāva taṃ bhaṇḍaṃ sasāmikaṃ vā asāmikaṃ vāti upaparikkhitabbaṃ. Sasāmikepi sāmikānaṃ sālayabhāvo vā nirālayabhāvo vā upaparikkhitabbo. Sace tesaṃ sālayakāle avahaṭaṃ, bhaṇḍaṃ agghāpetvā āpatti kāretabbā. Sace nirālayakāle, na pārājikena kāretabbo. Bhaṇḍasāmikesu pana bhaṇḍaṃ āharāpentesu bhaṇḍaṃ dātabbaṃ. Ayamettha sāmīci. Evaṃ vatthu oloketabbaṃ.
гаалод̇и авахаарагаало. д̇ад̣̇зва хи бхан̣д̣ам̣ гад̣̇аажи самаг̇гхам̣ ход̇и, гад̣̇аажи махаг̇гхам̣. д̇асмаа д̇ам̣ бхан̣д̣ам̣ яасмим̣ гаалз авахадам̣, д̇асмим̣язва гаалз яо д̇асса аг̇гхо, д̇зна аг̇гхзна аабад̇д̇и гаарзд̇аб̣б̣аа. звам̣ гаало ологзд̇аб̣б̣о.
Kāloti avahārakālo. Tadeva hi bhaṇḍaṃ kadāci samagghaṃ hoti, kadāci mahagghaṃ. Tasmā taṃ bhaṇḍaṃ yasmiṃ kāle avahaṭaṃ, tasmiṃyeva kāle yo tassa aggho, tena agghena āpatti kāretabbā. Evaṃ kālo oloketabbo.
д̣̇зсод̇и авахаарад̣̇зсо. д̇ан̃хи бхан̣д̣ам̣ яасмим̣ д̣̇зсз авахадам̣, д̇асмим̣язва д̣̇зсз яо д̇асса аг̇гхо, д̇зна аг̇гхзна аабад̇д̇и гаарзд̇аб̣б̣аа. бхан̣д̣удтаанад̣̇зсз хи бхан̣д̣ам̣ самаг̇гхам̣ ход̇и, ан̃н̃ад̇т̇а махаг̇гхам̣. звам̣ д̣̇зсо ологзд̇аб̣б̣о.
Desoti avahāradeso. Tañhi bhaṇḍaṃ yasmiṃ dese avahaṭaṃ, tasmiṃyeva dese yo tassa aggho, tena agghena āpatti kāretabbā. Bhaṇḍuṭṭhānadese hi bhaṇḍaṃ samagghaṃ hoti, aññattha mahagghaṃ. Evaṃ deso oloketabbo.
аг̇гход̇и (баараа. адта. 1.92) бхан̣д̣аг̇гхо. навабхан̣д̣асса хи яо аг̇гхо, со бажчаа барихааяад̇и. яат̇аа навад̇ход̇о бад̇д̇о адта ваа д̣̇аса ваа аг̇гхад̇и, со бажчаа бхинно ваа чид̣̇д̣̇о ваа аан̣иг̇ан̣тигаахад̇о ваа аббаг̇гхо ход̇и, д̇асмаа на саб̣б̣ад̣̇аа бхан̣д̣ам̣ багад̇иаг̇гхзнзва гаад̇аб̣б̣анд̇и. звам̣ аг̇гхо ологзд̇аб̣б̣о.
Agghoti (pārā. aṭṭha. 1.92) bhaṇḍaggho. Navabhaṇḍassa hi yo aggho, so pacchā parihāyati. Yathā navadhoto patto aṭṭha vā dasa vā agghati, so pacchā bhinno vā chiddo vā āṇigaṇṭhikāhato vā appaggho hoti, tasmā na sabbadā bhaṇḍaṃ pakatiaggheneva kātabbanti. Evaṃ aggho oloketabbo.
барибхог̇од̇и бхан̣д̣асса барибхог̇о. барибхог̇знааби хи ваасиаад̣̇ибхан̣д̣асса аг̇гхо барихааяад̇и, д̇асмаа звам̣ убабаригкид̇аб̣б̣ам̣ – сажз гожи гассажи баад̣̇аг̇гханагам̣ ваасим̣ харад̇и, д̇ад̇ра ваасисаамиго бужчид̇аб̣б̣о ‘‘д̇аяаа аяам̣ вааси гид̇д̇агзна гийд̇аа’’д̇и. ‘‘баад̣̇зна, бханд̇з’’д̇и. ‘‘гим̣ бана д̇з гин̣ид̇ваава табид̇аа, уд̣̇ааху д̇ам̣ валан̃ж̇зсий’’д̇и? сажз вад̣̇ад̇и ‘‘згад̣̇ивасам̣ мз д̣̇анд̇агадтам̣ ваа раж̇аначалли ваа бад̇д̇абажанад̣̇аару ваа чиннам̣, гхам̣сид̇ваа ваа нисид̇аа’’д̇и. ат̇асса бораан̣о аг̇гхо бхадтод̇и взд̣̇ид̇аб̣б̣о. яат̇аа жа ваасияаа, звам̣ ан̃ж̇анияаа ваа ан̃ж̇анисалаагааяа ваа гун̃жигааяа ваа балаалзна ваа т̇усзхи ваа идтагажун̣н̣зна ваа згаваарам̣ гхам̣сид̇ваа д̇хованамад̇д̇знааби аг̇гхо бхассад̇и. д̇ибуман̣д̣аласса магарад̣̇анд̇ажчзд̣̇анзнааби баримад̣̇д̣̇анамад̇д̇знааби, уд̣̇агасаадигааяа сагим̣ ниваасанабаарубанзнааби, барибхог̇асийсзна ам̣сз ваа сийсз ваа табанамад̇д̇знааби, д̇ан̣д̣улаад̣̇ийнам̣ бабподанзнааби д̇ад̇о згам̣ ваа д̣̇вз ваа абанаяанзнаби, анд̇амасо згам̣ баасаан̣асагкарам̣ уд̣̇д̇харид̇ваа чад̣д̣ид̇амад̇д̇знааби, саббид̇злаад̣̇ийнам̣ бхааж̇ананд̇арабаривад̇д̇анзнаби, анд̇амасо д̇ад̇о магкигам̣ ваа гибиллигам̣ ваа уд̣̇д̇харид̇ваа чад̣д̣ид̇амад̇д̇знаби, г̇ул̣абин̣д̣агасса мад̇хурабхааваж̇аананад̇т̇ам̣ накзна виж̇жхид̇ваа ан̣умад̇д̇ам̣ г̇ахид̇амад̇д̇знаби аг̇гхо бхассад̇и. д̇асмаа яам̣ гин̃жи баад̣̇аг̇гханагам̣ вуд̇д̇анаязнзва саамигзна барибхог̇зна уунам̣ гад̇ам̣ ход̇и, на д̇ам̣ авахаараго бхигку баарааж̇игзна гаарзд̇аб̣б̣од̇и. звам̣ барибхог̇о ологзд̇аб̣б̣о.
Paribhogoti bhaṇḍassa paribhogo. Paribhogenāpi hi vāsiādibhaṇḍassa aggho parihāyati, tasmā evaṃ upaparikkhitabbaṃ – sace koci kassaci pādagghanakaṃ vāsiṃ harati, tatra vāsisāmiko pucchitabbo ‘‘tayā ayaṃ vāsi kittakena kītā’’ti. ‘‘Pādena, bhante’’ti. ‘‘Kiṃ pana te kiṇitvāva ṭhapitā, udāhu taṃ valañjesī’’ti? Sace vadati ‘‘ekadivasaṃ me dantakaṭṭhaṃ vā rajanachalli vā pattapacanadāru vā chinnaṃ, ghaṃsitvā vā nisitā’’ti. Athassa porāṇo aggho bhaṭṭhoti veditabbo. Yathā ca vāsiyā, evaṃ añjaniyā vā añjanisalākāya vā kuñcikāya vā palālena vā thusehi vā iṭṭhakacuṇṇena vā ekavāraṃ ghaṃsitvā dhovanamattenāpi aggho bhassati. Tipumaṇḍalassa makaradantacchedanenāpi parimaddanamattenāpi, udakasāṭikāya sakiṃ nivāsanapārupanenāpi, paribhogasīsena aṃse vā sīse vā ṭhapanamattenāpi, taṇḍulādīnaṃ papphoṭanenāpi tato ekaṃ vā dve vā apanayanenapi, antamaso ekaṃ pāsāṇasakkharaṃ uddharitvā chaḍḍitamattenāpi, sappitelādīnaṃ bhājanantaraparivattanenapi, antamaso tato makkhikaṃ vā kipillikaṃ vā uddharitvā chaḍḍitamattenapi, guḷapiṇḍakassa madhurabhāvajānanatthaṃ nakhena vijjhitvā aṇumattaṃ gahitamattenapi aggho bhassati. Tasmā yaṃ kiñci pādagghanakaṃ vuttanayeneva sāmikena paribhogena ūnaṃ kataṃ hoti, na taṃ avahārako bhikkhu pārājikena kāretabboti. Evaṃ paribhogo oloketabbo.
звам̣ имаани д̇улаяид̇ваа бан̃жа таанаани д̇хаарзяяа ад̇т̇ам̣ вижагкан̣о аабад̇д̇им̣ ваа анаабад̇д̇им̣ ваа г̇аругам̣ ваа лахугам̣ ваа аабад̇д̇им̣ яат̇аатаанз табзяяаад̇и.
Evaṃ imāni tulayitvā pañca ṭhānāni dhāreyya atthaṃ vicakkhaṇo āpattiṃ vā anāpattiṃ vā garukaṃ vā lahukaṃ vā āpattiṃ yathāṭhāne ṭhapeyyāti.
звам̣ д̇ад̇т̇а винижчаяам̣ д̣̇ассзд̇ваа ид̣̇аани анаабад̇д̇им̣ д̣̇ассзнд̇о ‘‘сагасан̃н̃иссаа’’д̇иаад̣̇имааха. д̇ад̇т̇а сагасан̃н̃иссаад̇и ‘‘маяхам̣ санд̇агам̣ ид̣̇ам̣ бхан̣д̣а’’нд̇и звам̣ сагасан̃н̃исса барабхан̣д̣амби г̇ан̣хад̇о г̇ахан̣з анаабад̇д̇и, г̇ахид̇ам̣ бана буна д̣̇аад̇аб̣б̣ам̣. сажз саамигзхи ‘‘д̣̇зхий’’д̇и вуд̇д̇о на д̣̇зд̇и, д̇зсам̣ д̇хуранигкзбз баарааж̇игам̣. виссаасаг̇г̇аахзд̇и (баараа. адта. 1.131) виссаасаг̇г̇ахан̣зби анаабад̇д̇и. виссаасаг̇г̇аахалагкан̣ам̣ бана иминаа суд̇д̇зна ж̇аанид̇аб̣б̣ам̣ –
Evaṃ tattha vinicchayaṃ dassetvā idāni anāpattiṃ dassento ‘‘sakasaññissā’’tiādimāha. Tattha sakasaññissāti ‘‘mayhaṃ santakaṃ idaṃ bhaṇḍa’’nti evaṃ sakasaññissa parabhaṇḍampi gaṇhato gahaṇe anāpatti, gahitaṃ pana puna dātabbaṃ. Sace sāmikehi ‘‘dehī’’ti vutto na deti, tesaṃ dhuranikkhepe pārājikaṃ. Vissāsaggāheti (pārā. aṭṭha. 1.131) vissāsaggahaṇepi anāpatti. Vissāsaggāhalakkhaṇaṃ pana iminā suttena jānitabbaṃ –
‘‘ануж̇аанаами, бхигкавз, бан̃жахан̇г̇зхи саманнааг̇ад̇асса виссаасам̣ г̇ахзд̇ум̣, санд̣̇идто жа ход̇и, самбхад̇д̇о жа аалабид̇о жа ж̇ийвад̇и жа ж̇аанаад̇и жа ‘г̇ахид̇з мз ад̇д̇амано’’’д̇и (махаава. 356).
‘‘Anujānāmi, bhikkhave, pañcahaṅgehi samannāgatassa vissāsaṃ gahetuṃ, sandiṭṭho ca hoti, sambhatto ca ālapito ca jīvati ca jānāti ca ‘gahite me attamano’’’ti (mahāva. 356).
д̇ад̇т̇а санд̣̇идтод̇и д̣̇идтамад̇д̇агамид̇д̇о. самбхад̇д̇од̇и д̣̇ал̣хамид̇д̇о. аалабид̇од̇и ‘‘мама санд̇агам̣ яам̣ ижчаси, д̇ам̣ г̇ан̣хзяяааси, аабужчид̇ваа г̇ахан̣з гааран̣ам̣ над̇т̇ий’’д̇и вуд̇д̇о. ж̇ийвад̇ийд̇и анудтаанасзяяааяа саяид̇оби яаава ж̇ийвид̇инд̣̇рияубажчзд̣̇ам̣ на баабун̣аад̇и. г̇ахид̇з жа ад̇д̇аманод̇и г̇ахид̇з д̇удтажид̇д̇о. зваруубасса санд̇агам̣ ‘‘г̇ахид̇з мз ад̇д̇амано бхависсад̇ий’’д̇и ж̇аананд̇зна г̇ахзд̇ум̣ ваддад̇и. анавасзсабарияаад̣̇аанавасзна жзд̇аани бан̃жан̇г̇аани вуд̇д̇аани. виссаасаг̇г̇аахо бана д̇ийхи ан̇г̇зхи рухад̇и. гат̇ам̣? санд̣̇идто, ж̇ийвад̇и, г̇ахид̇з ад̇д̇амано, самбхад̇д̇о, ж̇ийвад̇и, г̇ахид̇з ад̇д̇амано, аалабид̇о, ж̇ийвад̇и, г̇ахид̇з ад̇д̇аманод̇и звам̣.
Tattha sandiṭṭhoti diṭṭhamattakamitto. Sambhattoti daḷhamitto. Ālapitoti ‘‘mama santakaṃ yaṃ icchasi, taṃ gaṇheyyāsi, āpucchitvā gahaṇe kāraṇaṃ natthī’’ti vutto. Jīvatīti anuṭṭhānaseyyāya sayitopi yāva jīvitindriyupacchedaṃ na pāpuṇāti. Gahite ca attamanoti gahite tuṭṭhacitto. Evarūpassa santakaṃ ‘‘gahite me attamano bhavissatī’’ti jānantena gahetuṃ vaṭṭati. Anavasesapariyādānavasena cetāni pañcaṅgāni vuttāni. Vissāsaggāho pana tīhi aṅgehi ruhati. Kathaṃ? Sandiṭṭho, jīvati, gahite attamano, sambhatto, jīvati, gahite attamano, ālapito, jīvati, gahite attamanoti evaṃ.
яо бана ж̇ийвад̇и, на жа г̇ахид̇з ад̇д̇амано ход̇и, д̇асса санд̇агам̣ виссаасабхаавзна г̇ахид̇амби буна д̣̇аад̇аб̣б̣ам̣. д̣̇ад̣̇анд̇зна жа мад̇агад̇ханам̣ д̇аава яз д̇асса д̇ханз иссараа г̇ахадтаа ваа баб̣б̣аж̇ид̇аа ваа, д̇зсам̣ д̣̇аад̇аб̣б̣ам̣. анад̇д̇аманасса санд̇агам̣ д̇ассзва д̣̇аад̇аб̣б̣ам̣. яо бана батамам̣язва ‘‘судту гад̇ам̣ д̇аяаа мама санд̇агам̣ г̇ан̣ханд̇знаа’’д̇и важийбхзд̣̇зна ваа жид̇д̇уббаад̣̇амад̇д̇зна ваа анумод̣̇ид̇ваа бажчаа гзнажи гааран̣зна губид̇о, со бажжаахараабзд̇ум̣ на лабхад̇и. яо жа ад̣̇аад̇угаамо, жид̇д̇зна бана ад̇хиваасзд̇и, на гин̃жи вад̣̇ад̇и, соби буна бажжаахараабзд̇ум̣ на лабхад̇и. яо бана ‘‘маяаа д̇умхаагам̣ санд̇агам̣ г̇ахид̇а’’нд̇и ваа ‘‘барибхуд̇д̇а’’нд̇и ваа вуд̇д̇о г̇ахид̇ам̣ ваа ход̇у, барибхуд̇д̇ам̣ ваа, ‘‘маяаа бана д̇ам̣ гзнажид̣̇зва гаран̣ийязна табид̇ам̣, баагад̇игам̣ гаад̇ум̣ ваддад̇ий’’д̇и вад̣̇ад̇и, аяам̣ бажжаахараабзд̇ум̣ лабхад̇и.
Yo pana jīvati, na ca gahite attamano hoti, tassa santakaṃ vissāsabhāvena gahitampi puna dātabbaṃ. Dadantena ca matakadhanaṃ tāva ye tassa dhane issarā gahaṭṭhā vā pabbajitā vā, tesaṃ dātabbaṃ. Anattamanassa santakaṃ tasseva dātabbaṃ. Yo pana paṭhamaṃyeva ‘‘suṭṭhu kataṃ tayā mama santakaṃ gaṇhantenā’’ti vacībhedena vā cittuppādamattena vā anumoditvā pacchā kenaci kāraṇena kupito, so paccāharāpetuṃ na labhati. Yo ca adātukāmo, cittena pana adhivāseti, na kiñci vadati, sopi puna paccāharāpetuṃ na labhati. Yo pana ‘‘mayā tumhākaṃ santakaṃ gahita’’nti vā ‘‘paribhutta’’nti vā vutto gahitaṃ vā hotu, paribhuttaṃ vā, ‘‘mayā pana taṃ kenacideva karaṇīyena ṭhapitaṃ, pākatikaṃ kātuṃ vaṭṭatī’’ti vadati, ayaṃ paccāharāpetuṃ labhati.
д̇аавагаалигзд̇и ‘‘бадид̣̇ассаами бадигариссаамий’’д̇и звам̣ г̇ан̣ханд̇асса д̇аавагаалигзби г̇ахан̣з анаабад̇д̇и. г̇ахид̇ам̣ бана сажз бхан̣д̣асаамиго буг̇г̇ало ваа г̇ан̣о ваа ‘‘д̇уяхзвзд̇ам̣ ход̇уу’’д̇и ануж̇аанаад̇и, ижжзд̇ам̣ гусалам̣. но жз ануж̇аанаад̇и, аахараабзнд̇з д̣̇аад̇аб̣б̣ам̣. сан̇гхасанд̇агам̣ бана бадид̣̇аад̇умзва ваддад̇и.
Tāvakāliketi ‘‘paṭidassāmi paṭikarissāmī’’ti evaṃ gaṇhantassa tāvakālikepi gahaṇe anāpatti. Gahitaṃ pana sace bhaṇḍasāmiko puggalo vā gaṇo vā ‘‘tuyhevetaṃ hotū’’ti anujānāti, iccetaṃ kusalaṃ. No ce anujānāti, āharāpente dātabbaṃ. Saṅghasantakaṃ pana paṭidātumeva vaṭṭati.
бзд̇абариг̇г̇ахзд̇и зд̇т̇а бана бзд̇д̇ивисаяз убабаннааби, гаалам̣ гад̇ваа д̇асмим̣язва ад̇д̇абхаавз ниб̣б̣ад̇д̇ааби, жаад̇умахаарааж̇игаад̣̇аяо д̣̇звааби саб̣б̣з ‘‘бзд̇аа’’д̇взва сан̇кяам̣ г̇ад̇аа, д̇зсам̣ бариг̇г̇ахз анаабад̇д̇и. д̣̇звад̇ааяа бана уд̣̇д̣̇исса б̣алигаммам̣ гаронд̇зхи ругкаад̣̇ийсу лаг̇г̇ид̇асаадагз вад̇д̇аб̣б̣амзва над̇т̇и. д̇ан̃жа ко аарагкагзхи абариг̇г̇ахид̇з, бариг̇г̇ахид̇ам̣ бана г̇ахзд̇ум̣ на ваддад̇и (саарад̇т̇а. дий. 2.131).
Petapariggaheti ettha pana pettivisaye upapannāpi, kālaṃ katvā tasmiṃyeva attabhāve nibbattāpi, cātumahārājikādayo devāpi sabbe ‘‘petā’’tveva saṅkhyaṃ gatā, tesaṃ pariggahe anāpatti. Devatāya pana uddissa balikammaṃ karontehi rukkhādīsu laggitasāṭake vattabbameva natthi. Tañca kho ārakkhakehi apariggahite, pariggahitaṃ pana gahetuṃ na vaṭṭati (sārattha. ṭī. 2.131).
д̇иражчаанаг̇ад̇абариг̇г̇ахзд̇и нааг̇асубан̣н̣аад̣̇ийнам̣ д̇иражчаанаг̇ад̇аанам̣ бариг̇г̇ахз. сажзби хи д̣̇зво ваа нааг̇асубан̣н̣о ваа мануссаруубзна аабан̣ам̣ басаарзд̇и, д̇ад̇о жасса санд̇агам̣ гожи д̣̇иб̣б̣ажагкуго бхигку д̇ам̣ н̃ад̇ваа г̇ахзд̇ваа г̇ажчад̇и, ваддад̇и.
Tiracchānagatapariggaheti nāgasupaṇṇādīnaṃ tiracchānagatānaṃ pariggahe. Sacepi hi devo vā nāgasupaṇṇo vā manussarūpena āpaṇaṃ pasāreti, tato cassa santakaṃ koci dibbacakkhuko bhikkhu taṃ ñatvā gahetvā gacchati, vaṭṭati.
бам̣сугууласан̃н̃иссаад̇и ‘‘асаамигам̣ ид̣̇ам̣ бам̣сугуула’’нд̇и звасан̃н̃иссааби г̇ахан̣з анаабад̇д̇и. сажз бана д̇ам̣ сасаамигам̣ ход̇и, аахараабзнд̇з д̣̇аад̇аб̣б̣ам̣. уммад̇д̇агаад̣̇ийни буб̣б̣з вуд̇д̇аббагаараанзва. аад̣̇игаммиго банзд̇т̇а д̇ханияо . авасзсаанам̣ бана раж̇агабхан̣д̣игаад̣̇ижораанам̣ чаб̣б̣аг̇г̇ияаад̣̇ийнам̣ аабад̇д̇иязва.
Paṃsukūlasaññissāti ‘‘asāmikaṃ idaṃ paṃsukūla’’nti evasaññissāpi gahaṇe anāpatti. Sace pana taṃ sasāmikaṃ hoti, āharāpente dātabbaṃ. Ummattakādīni pubbe vuttappakārāneva. Ādikammiko panettha dhaniyo . Avasesānaṃ pana rajakabhaṇḍikādicorānaṃ chabbaggiyādīnaṃ āpattiyeva.
сажид̇д̇агзхи д̇ийхи самудтаанзхи ид̣̇ам̣ самудтаад̇ийд̇и ааха ‘‘ад̣̇иннаад̣̇аанасамудтаана’’нд̇и. д̇ат̇аа хи саахад̇т̇игам̣ гааяажид̇д̇ад̇о самудтаад̇и. аан̣ад̇д̇игам̣ ваажаажид̇д̇ад̇о самудтаад̇и. саахад̇д̇игаан̣ад̇д̇игам̣ гааяаваажаажид̇д̇ад̇о самудтаад̇и, д̇ан̃жа ко ‘‘бхаарияамид̣̇ам̣, д̇вам̣ згабассам̣ г̇ан̣ха, ахам̣ згабасса’’нд̇и сам̣вид̇хааяа убхаязсам̣ баяог̇зна згасса вад̇т̇уно таанаажааванз лаб̣бхад̇и. ‘‘гааяаважийгамма’’нд̇и аважанам̣ бана гааяаваажаанам̣ ийд̣̇исз таанз ан̇г̇амад̇д̇ад̇д̇аа. яааяа бана жзд̇анааяа самудтаабид̇о баяог̇о саахад̇т̇иго ваа аан̣ад̇д̇иго ваа бад̇хаанабхаавзна таанаажааванам̣ саад̇хзд̇и, д̇ассаа васзна аабад̇д̇и гаарзд̇аб̣б̣аа. ан̃н̃ат̇аа саахад̇т̇игам̣ ваа аан̣ад̇д̇игасса ан̇г̇ам̣ на ход̇и, аан̣ад̇д̇игам̣ ваа саахад̇т̇игассаад̇и ид̣̇ам̣ вируж̇жхад̇и. ‘‘ад̣̇иннам̣ аад̣̇ияаамий’’д̇и сан̃н̃ааяа абхаавзна мужжанад̇о сан̃н̃аавимогкам̣. гааязна гад̇ам̣ гаммам̣ гааяагаммам̣, гааяад̣̇ваарзна гад̇анд̇и ад̇т̇о. важийгамманд̇и зд̇т̇ааби зсзва наяо. д̇удто ваа бхийд̇о ваа маж̇жхад̇д̇о ваа нам̣ аабаж̇ж̇ад̇ийд̇и д̇ивзд̣̇анам̣. сзсам̣ батамасигкаабад̣̇з вуд̇д̇анаязнзва взд̣̇ид̇аб̣б̣ам̣.
Sacittakehi tīhi samuṭṭhānehi idaṃ samuṭṭhātīti āha ‘‘adinnādānasamuṭṭhāna’’nti. Tathā hi sāhatthikaṃ kāyacittato samuṭṭhāti. Āṇattikaṃ vācācittato samuṭṭhāti. Sāhattikāṇattikaṃ kāyavācācittato samuṭṭhāti, tañca kho ‘‘bhāriyamidaṃ, tvaṃ ekapassaṃ gaṇha, ahaṃ ekapassa’’nti saṃvidhāya ubhayesaṃ payogena ekassa vatthuno ṭhānācāvane labbhati. ‘‘Kāyavacīkamma’’nti avacanaṃ pana kāyavācānaṃ īdise ṭhāne aṅgamattattā. Yāya pana cetanāya samuṭṭhāpito payogo sāhatthiko vā āṇattiko vā padhānabhāvena ṭhānācāvanaṃ sādheti, tassā vasena āpatti kāretabbā. Aññathā sāhatthikaṃ vā āṇattikassa aṅgaṃ na hoti, āṇattikaṃ vā sāhatthikassāti idaṃ virujjhati. ‘‘Adinnaṃ ādiyāmī’’ti saññāya abhāvena muccanato saññāvimokkhaṃ. Kāyena kataṃ kammaṃ kāyakammaṃ, kāyadvārena katanti attho. Vacīkammanti etthāpi eseva nayo. Tuṭṭho vā bhīto vā majjhatto vā naṃ āpajjatīti tivedanaṃ. Sesaṃ paṭhamasikkhāpade vuttanayeneva veditabbaṃ.
д̣̇уд̇ияабаарааж̇игаван̣н̣анаа нидтид̇аа.
Dutiyapārājikavaṇṇanā niṭṭhitā.
