| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
2. д̣̇уд̇ияабаарааж̇игаван̣н̣анаа
2. Dutiyapārājikavaṇṇanā
г̇аамаа ваа аран̃н̃аа ваад̇и лагкан̣аанубан̃н̃ад̇д̇игад̇д̇аа аад̣̇имхи вуд̇д̇аа. саб̣б̣асмин̃хи винаяабидагз г̇аамо, г̇аамуубажааро, г̇аамагкзд̇д̇ам̣, г̇аамасиймаа, г̇аамасиймуубажаарод̇и бан̃жавид̇хо г̇аамабхзд̣̇о взд̣̇ид̇аб̣б̣о. д̇ат̇аа ааран̃н̃агасиймааяа згам̣ аг̇аамагам̣ аран̃н̃ам̣, сам̣вид̇хаанасигкаабад̣̇аанам̣ (баажи. 180 аад̣̇аяо) згам̣, саг̇аамагам̣ згам̣ , авиббаваасасиймааяа згам̣, г̇ан̣амхааохийяанагасса (баажи. 691) зганд̇и бан̃жавид̇хо аран̃н̃абхзд̣̇о взд̣̇ид̇аб̣б̣о. д̇ад̇т̇а ад̇т̇и г̇аамо на г̇аамабарихаарам̣ гад̇т̇ажи лабхад̇и, ад̇т̇и г̇аамо на г̇аамагижжам̣ гарод̇и, д̇ат̇аа ад̇т̇и аран̃н̃ам̣ на аран̃н̃абарихаарам̣ гад̇т̇ажи лабхад̇и, ад̇т̇и аран̃н̃ам̣ на аран̃н̃агижжам̣ гарод̇ийд̇и аяамби бхзд̣̇о взд̣̇ид̇аб̣б̣о.
Gāmā vā araññā vāti lakkhaṇānupaññattikattā ādimhi vuttā. Sabbasmiñhi vinayapiṭake gāmo, gāmūpacāro, gāmakkhettaṃ, gāmasīmā, gāmasīmūpacāroti pañcavidho gāmabhedo veditabbo. Tathā āraññakasīmāya ekaṃ agāmakaṃ araññaṃ, saṃvidhānasikkhāpadānaṃ (pāci. 180 ādayo) ekaṃ, sagāmakaṃ ekaṃ , avippavāsasīmāya ekaṃ, gaṇamhāohīyanakassa (pāci. 691) ekanti pañcavidho araññabhedo veditabbo. Tattha atthi gāmo na gāmaparihāraṃ katthaci labhati, atthi gāmo na gāmakiccaṃ karoti, tathā atthi araññaṃ na araññaparihāraṃ katthaci labhati, atthi araññaṃ na araññakiccaṃ karotīti ayampi bhedo veditabbo.
д̇ад̇т̇а авиббаваасасиймаасамманнанагаммаваажааяа табзд̇ваа ‘‘г̇ааман̃жа г̇аамуубажааран̃жаа’’д̇и (махаава. 144) зд̇т̇а г̇аамо наама баригкид̇д̇о жз, баригкзбасса анд̇о, абаригкид̇д̇о жз, баригкзбогаасад̇о анд̇о взд̣̇ид̇аб̣б̣о. аяам̣ уд̣̇осид̇асигкаабад̣̇з ‘‘анд̇ог̇аамо’’д̇и (баараа. 478) ааг̇ад̇о. саасан̇гасигкаабад̣̇з ‘‘анд̇арагхара’’нд̇и (баараа. 654) ааг̇ад̇о анаасан̇гад̇о. яат̇ааха ‘‘анд̇арагхарз нигкибзяяаад̇и саманд̇аа г̇ожараг̇аамз нигкибзяяаа’’д̇и (баараа. 654). д̇ат̇аа анд̇арагхараббадисам̣яуд̇д̇аанам̣ сзкияаанам̣ аяамзва барижчзд̣̇о взд̣̇ид̇аб̣б̣о. ‘‘яаа бана бхигкуний згаа г̇ааманд̇арам̣ г̇ажчзяяаа’’д̇и (баажи. 687) зд̇т̇ааби аяамзва барижчзд̣̇о ад̇хиббзд̇о ‘‘баригкид̇д̇асса г̇аамасса баригкзбам̣ ад̇иггаманд̇ияаа, абаригкид̇д̇асса г̇аамасса убажаарам̣ ад̇иггаманд̇ияаа’’д̇и вуд̇д̇ад̇д̇аа.
Tattha avippavāsasīmāsammannanakammavācāya ṭhapetvā ‘‘gāmañca gāmūpacārañcā’’ti (mahāva. 144) ettha gāmo nāma parikkhitto ce, parikkhepassa anto, aparikkhitto ce, parikkhepokāsato anto veditabbo. Ayaṃ udositasikkhāpade ‘‘antogāmo’’ti (pārā. 478) āgato. Sāsaṅkasikkhāpade ‘‘antaraghara’’nti (pārā. 654) āgato anāsaṅkato. Yathāha ‘‘antaraghare nikkhipeyyāti samantā gocaragāme nikkhipeyyā’’ti (pārā. 654). Tathā antaragharappaṭisaṃyuttānaṃ sekhiyānaṃ ayameva paricchedo veditabbo. ‘‘Yā pana bhikkhunī ekā gāmantaraṃ gaccheyyā’’ti (pāci. 687) etthāpi ayameva paricchedo adhippeto ‘‘parikkhittassa gāmassa parikkhepaṃ atikkamantiyā, aparikkhittassa gāmassa upacāraṃ atikkamantiyā’’ti vuttattā.
язсу бураан̣абод̇т̇агзсу ‘‘убажаарам̣ оггаманд̇ияаа’’д̇и ликид̇ам̣, д̇ам̣ вигаалз г̇аамаббавзсанасигкаабад̣̇зсу аажин̣н̣ам̣ наяам̣ г̇ахзд̇ваа бамаад̣̇зна ликийяад̇и, на бамаан̣ам̣. язсу жа бод̇т̇агзсу вигаалз г̇аамаббавзсанасигкаабад̣̇асса вибхан̇г̇з (баажи. 513) ‘‘г̇аамам̣ бависзяяаад̇и баригкид̇д̇асса г̇аамасса баригкзбам̣ ад̇иггаманд̇асса, абаригкид̇д̇асса г̇аамасса убажаарам̣ ад̇иггаманд̇ассаа’’д̇и ликийяад̇и, саа бамаад̣̇алзкаа. убажаарам̣ оггаманд̇ассаад̇и д̇ад̇т̇а баато. вуд̇д̇ан̃хи саманд̇абаасаад̣̇игааяам̣ ‘‘абаригкид̇д̇асса г̇аамасса убажааро ад̣̇иннаад̣̇аанз вуд̇д̇анаязнзва взд̣̇ид̇аб̣б̣о’’д̇и (баажи. адта. 512). ид̇ха ган̇каавид̇аран̣ияамби вуд̇д̇ам̣ ‘‘санд̇ам̣ бхигкум̣ анаабужчид̇ваад̇и…бз… убажаарам̣ оггаманд̇ассаа’’д̇иаад̣̇и (ган̇каа. адта. вигаалаг̇аамаббавзсанасигкаабад̣̇аван̣н̣анаа).
Yesu purāṇapotthakesu ‘‘upacāraṃ okkamantiyā’’ti likhitaṃ, taṃ vikāle gāmappavesanasikkhāpadesu āciṇṇaṃ nayaṃ gahetvā pamādena likhīyati, na pamāṇaṃ. Yesu ca potthakesu vikāle gāmappavesanasikkhāpadassa vibhaṅge (pāci. 513) ‘‘gāmaṃ paviseyyāti parikkhittassa gāmassa parikkhepaṃ atikkamantassa, aparikkhittassa gāmassa upacāraṃ atikkamantassā’’ti likhīyati, sā pamādalekhā. Upacāraṃ okkamantassāti tattha pāṭho. Vuttañhi samantapāsādikāyaṃ ‘‘aparikkhittassa gāmassa upacāro adinnādāne vuttanayeneva veditabbo’’ti (pāci. aṭṭha. 512). Idha kaṅkhāvitaraṇiyampi vuttaṃ ‘‘santaṃ bhikkhuṃ anāpucchitvāti…pe… upacāraṃ okkamantassā’’tiādi (kaṅkhā. aṭṭha. vikālagāmappavesanasikkhāpadavaṇṇanā).
яам̣ бана гад̇т̇ажи бод̇т̇агз ‘‘бхигкунияаа г̇ааманд̇араад̇хигаарз згзна баад̣̇зна ид̇арасса г̇аамасса баригкзбам̣ ваа ад̇иггаманд̇з, убажаарам̣ ваа огганд̇з т̇уллажжаяам̣, д̣̇уд̇иязна ад̇игганд̇амад̇д̇з, огганд̇амад̇д̇з жа сан̇гхаад̣̇исзсо’’д̇и баато д̣̇иссад̇и. д̇ад̇т̇а ‘‘огганд̇з, огганд̇амад̇д̇з’’д̇и зд̇аани бад̣̇аани ад̇хигаани , гзвалам̣ ликид̇агзхи ан̃н̃зхи ликид̇аани. гад̇т̇ажи бод̇т̇агз ‘‘огганд̇амад̇д̇з жаа’’д̇и бад̣̇ам̣ на д̣̇иссад̇и, ид̇арам̣ д̣̇иссад̇и. д̇аани д̣̇вз бад̣̇аани баал̣ияаа вируж̇жханд̇и. ‘‘абаригкид̇д̇асса г̇аамасса убажаарам̣ ад̇иггаамзнд̇ияаа’’д̇и (баажи. 692) хи баал̣и . д̇ат̇аа саманд̇абаасаад̣̇игааяа (баажи. адта. 692) вируж̇жханд̇и. ‘‘баригкзбаарахадтаанам̣ згзна баад̣̇зна ад̇иггамад̇и, т̇уллажжаяам̣, д̣̇уд̇иязна ад̇иггамад̇и, сан̇гхаад̣̇исзсо. абижзд̇т̇а сагаг̇аамад̇о…бз… згзна баад̣̇зна ид̇арасса г̇аамасса баригкзбз ваа убажаарз ваа ад̇игганд̇з т̇уллажжаяам̣, д̣̇уд̇иязна ад̇игганд̇амад̇д̇з сан̇гхаад̣̇исзсо’’д̇и (баажи. адта. 692) хи вуд̇д̇ам̣.
Yaṃ pana katthaci potthake ‘‘bhikkhuniyā gāmantarādhikāre ekena pādena itarassa gāmassa parikkhepaṃ vā atikkamante, upacāraṃ vā okkante thullaccayaṃ, dutiyena atikkantamatte, okkantamatte ca saṅghādiseso’’ti pāṭho dissati. Tattha ‘‘okkante, okkantamatte’’ti etāni padāni adhikāni , kevalaṃ likhitakehi aññehi likhitāni. Katthaci potthake ‘‘okkantamatte cā’’ti padaṃ na dissati, itaraṃ dissati. Tāni dve padāni pāḷiyā virujjhanti. ‘‘Aparikkhittassa gāmassa upacāraṃ atikkāmentiyā’’ti (pāci. 692) hi pāḷi . Tathā samantapāsādikāya (pāci. aṭṭha. 692) virujjhanti. ‘‘Parikkhepārahaṭṭhānaṃ ekena pādena atikkamati, thullaccayaṃ, dutiyena atikkamati, saṅghādiseso. Apicettha sakagāmato…pe… ekena pādena itarassa gāmassa parikkhepe vā upacāre vā atikkante thullaccayaṃ, dutiyena atikkantamatte saṅghādiseso’’ti (pāci. aṭṭha. 692) hi vuttaṃ.
г̇ан̣тибад̣̇з жасса ‘‘баригкзбам̣ ад̇иггаамзнд̇ияаа’’д̇и вад̇ваа ‘‘убажаарзби зсзва наяо’’д̇и вуд̇д̇ам̣. ануг̇ан̣тибад̣̇з жа ‘‘абаригкид̇д̇асса г̇аамасса убажаарам̣ ‘оггаманд̇ияаа’д̇иби бод̇т̇агзсу згажжзсу д̣̇иссад̇и, д̇ам̣ на г̇ахзд̇аб̣б̣а’’нд̇и вуд̇д̇ам̣. абарамби вуд̇д̇ам̣ ‘‘абаригкид̇д̇асса г̇аамасса убажаарам̣ ‘ад̇иггаамзнд̇ияаа’д̇и важанзнааби звам̣ взд̣̇ид̇аб̣б̣ам̣ – вигаалз г̇аамаббавзсанз д̣̇виннам̣ лзд̣д̣убаад̇аанам̣ зва васзна убажааро барижчинд̣̇ид̇аб̣б̣о, ид̇арат̇аа яат̇аа зд̇т̇а баригкзбаарахадтаанам̣ баригкзбам̣ вияа гад̇ваа ‘ад̇иггаамзнд̇ияаа’д̇и вуд̇д̇ам̣, звам̣ д̇ад̇т̇ааби ‘абаригкид̇д̇асса г̇аамасса убажаарам̣ ад̇иггаамзнд̇ассаа’д̇и вад̣̇зяяа. яасмаа бана д̇ад̇т̇а баригкзбаарахадтаанад̇о уд̇д̇аримзго лзд̣д̣убаад̇о убажаарод̇и ад̇хиббзд̇о. д̇асмаа д̇ад̣̇ад̇т̇ад̣̇ийбанад̇т̇ам̣ ‘абаригкид̇д̇асса г̇аамасса убажаарам̣ оггаманд̇ассаа’д̇и вуд̇д̇а’’нд̇и.
Gaṇṭhipade cassa ‘‘parikkhepaṃ atikkāmentiyā’’ti vatvā ‘‘upacārepi eseva nayo’’ti vuttaṃ. Anugaṇṭhipade ca ‘‘aparikkhittassa gāmassa upacāraṃ ‘okkamantiyā’tipi potthakesu ekaccesu dissati, taṃ na gahetabba’’nti vuttaṃ. Aparampi vuttaṃ ‘‘aparikkhittassa gāmassa upacāraṃ ‘atikkāmentiyā’ti vacanenāpi evaṃ veditabbaṃ – vikāle gāmappavesane dvinnaṃ leḍḍupātānaṃ eva vasena upacāro paricchinditabbo, itarathā yathā ettha parikkhepārahaṭṭhānaṃ parikkhepaṃ viya katvā ‘atikkāmentiyā’ti vuttaṃ, evaṃ tatthāpi ‘aparikkhittassa gāmassa upacāraṃ atikkāmentassā’ti vadeyya. Yasmā pana tattha parikkhepārahaṭṭhānato uttarimeko leḍḍupāto upacāroti adhippeto. Tasmā tadatthadīpanatthaṃ ‘aparikkhittassa gāmassa upacāraṃ okkamantassā’ti vutta’’nti.
яам̣ бана анд̇хагадтагат̇ааяам̣ баригкзбаарахадтаанам̣язва убажааранд̇и саллагкзд̇ваа ‘‘баригкзбабаагкзбаарахадтаанаанам̣ ниннаанаагаран̣ад̣̇ийбанад̇т̇ам̣ убажаарам̣ оггаманд̇ассаа’’д̇и вуд̇д̇ам̣, баал̣ивисзсамасаллагкзд̇ваа ‘‘абаригкид̇д̇асса г̇аамасса убажаарам̣ ад̇иггаманд̇асса ид̇ха убажааро баригкзбо яат̇аа бхавзяяа, д̇ам̣ убажаарам̣ батамам̣ баад̣̇ам̣ ад̇иггаамзнд̇асса аабад̇д̇и д̣̇уггадасса, д̣̇уд̇ияам̣ баад̣̇ам̣ ад̇иггаамзнд̇асса аабад̇д̇и баажид̇д̇ияассаа’’д̇и вуд̇д̇ам̣, д̇ам̣ на г̇ахзд̇аб̣б̣амзва баал̣ияаа висзсасамбхавад̇од̇и. бораан̣аг̇ан̣тибад̣̇з ‘‘убажаарам̣ ад̇иггаамзнд̇ияаа бхигкунияаа г̇ааманд̇араабад̇д̇ий’’д̇и вуд̇д̇ам̣. д̇асмаа ид̇ха ган̇каавид̇аран̣ияаа ‘‘згзна баад̣̇зна ид̇арасса…бз… ад̇игганд̇амад̇д̇з сан̇гхаад̣̇исзсо’’д̇и аяамзва баато взд̣̇ид̇аб̣б̣о. зд̇д̇аавад̇аа имзсу яат̇аавуд̇д̇зсу таанзсу яат̇аавуд̇д̇абарижчзд̣̇ова г̇аамод̇и взд̣̇ид̇аб̣б̣о. имасса ад̇т̇асса д̣̇ийбанад̇т̇ам̣ ‘‘г̇аамо наама згагудигобий’’д̇иаад̣̇и (баараа. 92) вуд̇д̇ам̣. имасса васзна асад̇иби баригкзбаад̇иггамз, убажаароггаманз ваа анд̇араараамад̇о ваа бхигкунубассаяад̇о ваа д̇ид̇т̇ияасзяяад̇о ваа бадиггаманад̇о ваа д̇ам̣ г̇аамам̣ бависанд̇асса анд̇араараамабаригкзбасса, убажаарасса ваа ад̇иггаманавасзна г̇аамабажжаяаа аабад̇д̇ияо взд̣̇ид̇аб̣б̣аа.
Yaṃ pana andhakaṭṭhakathāyaṃ parikkhepārahaṭṭhānaṃyeva upacāranti sallakkhetvā ‘‘parikkhepapaakkhepārahaṭṭhānānaṃ ninnānākaraṇadīpanatthaṃ upacāraṃ okkamantassā’’ti vuttaṃ, pāḷivisesamasallakkhetvā ‘‘aparikkhittassa gāmassa upacāraṃ atikkamantassa idha upacāro parikkhepo yathā bhaveyya, taṃ upacāraṃ paṭhamaṃ pādaṃ atikkāmentassa āpatti dukkaṭassa, dutiyaṃ pādaṃ atikkāmentassa āpatti pācittiyassā’’ti vuttaṃ, taṃ na gahetabbameva pāḷiyā visesasambhavatoti. Porāṇagaṇṭhipade ‘‘upacāraṃ atikkāmentiyā bhikkhuniyā gāmantarāpattī’’ti vuttaṃ. Tasmā idha kaṅkhāvitaraṇiyā ‘‘ekena pādena itarassa…pe… atikkantamatte saṅghādiseso’’ti ayameva pāṭho veditabbo. Ettāvatā imesu yathāvuttesu ṭhānesu yathāvuttaparicchedova gāmoti veditabbo. Imassa atthassa dīpanatthaṃ ‘‘gāmo nāma ekakuṭikopī’’tiādi (pārā. 92) vuttaṃ. Imassa vasena asatipi parikkhepātikkame, upacārokkamane vā antarārāmato vā bhikkhunupassayato vā titthiyaseyyato vā paṭikkamanato vā taṃ gāmaṃ pavisantassa antarārāmaparikkhepassa, upacārassa vā atikkamanavasena gāmapaccayā āpattiyo veditabbā.
г̇аамуубажааро бана ‘‘табзд̇ваа г̇ааман̃жа г̇аамуубажааран̃жаа’’д̇и (махаава. 144) зд̇т̇а баригкид̇д̇асса г̇аамасса баригкзбова, абаригкид̇д̇асса г̇аамасса баригкзбогаасова. вуд̇д̇ан̃хзд̇ам̣ адтагат̇ааяам̣ ‘‘г̇аамуубажаарод̇и баригкид̇д̇асса г̇аамасса баригкзбо, абаригкид̇д̇асса г̇аамасса баригкзбогаасо. д̇зсу ад̇хидтид̇ад̇зжийвариго бхигку барихаарам̣ на лабхад̇ий’’д̇и (махаава. адта. 144). гим̣ банзд̇т̇а гааран̣ам̣, язна аяам̣ г̇аамо, г̇аамуубажааро жа ид̇ха ан̃н̃ат̇аа, ан̃н̃ад̇т̇а д̇ат̇аад̇и? адтуббад̇д̇ид̇о ‘‘д̇зна ко бана самаязна бхигкуу ‘бхаг̇авад̇аа д̇ижийварзна авиббаваасасаммуд̇и анун̃н̃аад̇аа’д̇и анд̇арагхарз жийвараани нигкибанд̇ий’’д̇и (махаава. 143) имиссаа хи адтуббад̇д̇ияаа ‘‘табзд̇ваа г̇ааман̃жа г̇аамуубажааран̃жаа’’д̇и (махаава. 144) вуд̇д̇ам̣. д̇асмаа яад̇т̇а анд̇арагхарасан̃н̃аа, д̇ад̇т̇а авиббаваасасиймаа на г̇ажчад̇ийд̇и взд̣̇ид̇аб̣б̣аа. д̇зна жа уд̣̇осид̇асигкаабад̣̇з ‘‘анд̇ог̇аамз жийварам̣ нигкибид̇ваа анд̇ог̇аамз вад̇т̇аб̣б̣а’’нд̇и (баараа. 478) жа ‘‘сабхааяз ваа д̣̇ваарамуулз ваа, хад̇т̇абаасаа ваа на виж̇ахид̇аб̣б̣а’’нд̇и жа вуд̇д̇ам̣. габбияабхуумияам̣ васанд̇оязва хи габбияабхуумияам̣ нигкид̇д̇ажийварам̣ рагкад̇и. саасан̇гасигкаабад̣̇з бана ‘‘яасмаа яад̇т̇а г̇аамз жийварам̣ нигкид̇д̇ам̣, д̇зна г̇аамзна виббавасанд̇о жийварзна виббавасад̇ийд̇и вужжад̇и, д̇асмаа буна г̇аамасиймам̣ оггамид̇ваа васид̇ваа баггамад̇ий’’д̇и вуд̇д̇ам̣. д̇асмин̃хи сигкаабад̣̇з г̇аамасиймаа г̇аамо наамаад̇и ад̇хиббзд̇о. д̇ад̇т̇а вигаалз г̇аамаббавзсанасигкаабад̣̇авибхан̇г̇з ‘‘баригкид̇д̇асса г̇аамасса баригкзбам̣ ад̇иггаманд̇асса аабад̇д̇и баажид̇д̇ияассаа’’д̇и (баажи. 513) важанад̇о баригкзбо на г̇аамо. гинд̇у г̇аамуубажаарод̇и лзсзна д̣̇ассид̇ам̣ ход̇и. имасмим̣ бана сигкаабад̣̇авибхан̇г̇з ‘‘г̇аамуубажааро наамаа’’д̇и аарабхид̇ваа ‘‘абаригкид̇д̇асса г̇аамасса гхаруубажаарз тид̇асса маж̇жхимасса бурисасса лзд̣д̣убаад̇о’’д̇и иминаа абаригкид̇д̇асса баригкзбогаасо г̇аамуубажаарод̇и сид̣̇д̇хам̣. д̇ад̣̇ад̇т̇асамбхавад̇о д̇асмим̣ гхаруубажаарз тид̇асса лзд̣д̣убаад̇о г̇аамуубажаарод̇и гурунд̣̇адтагат̇ааяам̣, махаабажжарияамби вуд̇д̇ам̣ . убажааро хи ‘‘г̇аамо згуубажааро наануубажааро’’д̇иаад̣̇ийсу д̣̇ваарам̣, ‘‘аж̇жхогаасо згуубажааро’’д̇и зд̇т̇а саманд̇аа сад̇д̇аб̣бханд̇арасан̇каад̇ам̣ бамаан̣ам̣, д̇асмаа ‘‘г̇аамуубажаарод̇и баригкид̇д̇асса г̇аамасса баригкзбо, абаригкид̇д̇асса г̇аамасса баригкзбогаасо’’д̇и анд̇хагадтагат̇ааяам̣ вуд̇д̇анд̇и взд̣̇ид̇аб̣б̣ам̣. д̇ат̇аа гурунд̣̇ияам̣, махаабажжарияан̃жа. д̇ат̇аа баал̣ияамби ‘‘аж̇жхаараамо наама баригкид̇д̇асса аараамасса анд̇о аараамо, абаригкид̇д̇асса убажааро. аж̇жхаавасат̇о наама баригкид̇д̇асса аавасат̇асса анд̇о аавасат̇о, абаригкид̇д̇асса убажааро’’д̇иаад̣̇ийсу д̣̇иссад̇и. махааадтагат̇ааяам̣ бана ‘‘г̇аамуубажааро’’д̇иаад̣̇ийсу д̣̇иссад̇и. д̇асмаа д̣̇уд̇ияо лзд̣д̣убаад̇о убажаарод̇и ад̇хиббзд̇о.
Gāmūpacāro pana ‘‘ṭhapetvā gāmañca gāmūpacārañcā’’ti (mahāva. 144) ettha parikkhittassa gāmassa parikkhepova, aparikkhittassa gāmassa parikkhepokāsova. Vuttañhetaṃ aṭṭhakathāyaṃ ‘‘gāmūpacāroti parikkhittassa gāmassa parikkhepo, aparikkhittassa gāmassa parikkhepokāso. Tesu adhiṭṭhitatecīvariko bhikkhu parihāraṃ na labhatī’’ti (mahāva. aṭṭha. 144). Kiṃ panettha kāraṇaṃ, yena ayaṃ gāmo, gāmūpacāro ca idha aññathā, aññattha tathāti? Aṭṭhuppattito ‘‘tena kho pana samayena bhikkhū ‘bhagavatā ticīvarena avippavāsasammuti anuññātā’ti antaraghare cīvarāni nikkhipantī’’ti (mahāva. 143) imissā hi aṭṭhuppattiyā ‘‘ṭhapetvā gāmañca gāmūpacārañcā’’ti (mahāva. 144) vuttaṃ. Tasmā yattha antaragharasaññā, tattha avippavāsasīmā na gacchatīti veditabbā. Tena ca udositasikkhāpade ‘‘antogāme cīvaraṃ nikkhipitvā antogāme vatthabba’’nti (pārā. 478) ca ‘‘sabhāye vā dvāramūle vā, hatthapāsā vā na vijahitabba’’nti ca vuttaṃ. Kappiyabhūmiyaṃ vasantoyeva hi kappiyabhūmiyaṃ nikkhittacīvaraṃ rakkhati. Sāsaṅkasikkhāpade pana ‘‘yasmā yattha gāme cīvaraṃ nikkhittaṃ, tena gāmena vippavasanto cīvarena vippavasatīti vuccati, tasmā puna gāmasīmaṃ okkamitvā vasitvā pakkamatī’’ti vuttaṃ. Tasmiñhi sikkhāpade gāmasīmā gāmo nāmāti adhippeto. Tattha vikāle gāmappavesanasikkhāpadavibhaṅge ‘‘parikkhittassa gāmassa parikkhepaṃ atikkamantassa āpatti pācittiyassā’’ti (pāci. 513) vacanato parikkhepo na gāmo. Kintu gāmūpacāroti lesena dassitaṃ hoti. Imasmiṃ pana sikkhāpadavibhaṅge ‘‘gāmūpacāro nāmā’’ti ārabhitvā ‘‘aparikkhittassa gāmassa gharūpacāre ṭhitassa majjhimassa purisassa leḍḍupāto’’ti iminā aparikkhittassa parikkhepokāso gāmūpacāroti siddhaṃ. Tadatthasambhavato tasmiṃ gharūpacāre ṭhitassa leḍḍupāto gāmūpacāroti kurundaṭṭhakathāyaṃ, mahāpaccariyampi vuttaṃ . Upacāro hi ‘‘gāmo ekūpacāro nānūpacāro’’tiādīsu dvāraṃ, ‘‘ajjhokāso ekūpacāro’’ti ettha samantā sattabbhantarasaṅkhātaṃ pamāṇaṃ, tasmā ‘‘gāmūpacāroti parikkhittassa gāmassa parikkhepo, aparikkhittassa gāmassa parikkhepokāso’’ti andhakaṭṭhakathāyaṃ vuttanti veditabbaṃ. Tathā kurundiyaṃ, mahāpaccariyañca. Tathā pāḷiyampi ‘‘ajjhārāmo nāma parikkhittassa ārāmassa anto ārāmo, aparikkhittassa upacāro. Ajjhāvasatho nāma parikkhittassa āvasathassa anto āvasatho, aparikkhittassa upacāro’’tiādīsu dissati. Mahāaṭṭhakathāyaṃ pana ‘‘gāmūpacāro’’tiādīsu dissati. Tasmā dutiyo leḍḍupāto upacāroti adhippeto.
‘‘абаригкид̇д̇асса г̇аамасса убажаарам̣ оггаманд̇асса аабад̇д̇и баажид̇д̇ияассаа’’д̇и баал̣ивисзсасамбхавад̇о жа батамо лзд̣д̣убаад̇о г̇аамо зва, д̣̇уд̇ияо г̇аамуубажаарод̇и вуд̇д̇ам̣. баригкид̇д̇асса бана г̇аамасса инд̣̇акийлз тид̇асса маж̇жхимасса бурисасса лзд̣д̣убаад̇о г̇аамуубажаарод̇и вуд̇д̇анд̇и зд̇т̇а бхзд̣̇о над̇т̇и. зд̇д̇аавад̇аа баригкид̇д̇асса д̣̇увид̇хо убажааро, абаригкид̇д̇асса жад̇уб̣б̣ид̇хо убажааро яад̇т̇а самбхавад̇и, яад̇т̇а жа на самбхавад̇и, д̇ам̣ саб̣б̣ам̣ д̣̇ассид̇ам̣ ход̇и.
‘‘Aparikkhittassa gāmassa upacāraṃ okkamantassa āpatti pācittiyassā’’ti pāḷivisesasambhavato ca paṭhamo leḍḍupāto gāmo eva, dutiyo gāmūpacāroti vuttaṃ. Parikkhittassa pana gāmassa indakhīle ṭhitassa majjhimassa purisassa leḍḍupāto gāmūpacāroti vuttanti ettha bhedo natthi. Ettāvatā parikkhittassa duvidho upacāro, aparikkhittassa catubbidho upacāro yattha sambhavati, yattha ca na sambhavati, taṃ sabbaṃ dassitaṃ hoti.
г̇аамакзд̇д̇асса жа г̇аамасиймааяа жа лагкан̣ам̣ адтагат̇ааяамзва вуд̇д̇ам̣. убхаяан̃хи ад̇т̇ад̇о згам̣. д̇ад̇т̇а г̇аамасиймааяа г̇аамабхааво саасан̇гасигкаабад̣̇авасзна взд̣̇ид̇аб̣б̣о.
Gāmakhettassa ca gāmasīmāya ca lakkhaṇaṃ aṭṭhakathāyameva vuttaṃ. Ubhayañhi atthato ekaṃ. Tattha gāmasīmāya gāmabhāvo sāsaṅkasikkhāpadavasena veditabbo.
г̇аамасиймуубажааро наама мануссаанам̣ гадтад̇ин̣абубпапалаад̣̇иад̇т̇игаанам̣ ванажарагаанам̣ валан̃ж̇анадтаанам̣. имасса г̇аамасиймуубажаарабхааво уд̣̇осид̇асигкаабад̣̇з, ‘‘аг̇аамагз аран̃н̃з саманд̇аа сад̇д̇аб̣бханд̇араа’’д̇и (баараа. 494) ааг̇ад̇адтаанз канд̇хагз (махаава. 147) жа взд̣̇ид̇аб̣б̣о. зд̇т̇а хи бхаг̇аваа г̇ааманд̇аваасийнам̣ бхигкуунам̣ сиймам̣ д̣̇ассзнд̇о ‘‘яам̣ г̇аамам̣ ваа ниг̇амам̣ ваа убаниссааяа вихарад̇ий’’д̇и (махаава. 147) вад̇ваа д̣̇ассзд̇и. д̇ад̣̇ананд̇арамзва ‘‘аг̇аамагз’’д̇иаад̣̇инаа сад̇д̇аб̣бханд̇арасиймам̣ д̣̇ассзд̇и. д̇асмаа яо бхигку г̇аамам̣ ваа ниг̇амам̣ ваа убаниссааяа на вихарад̇и, гзвалам̣ наавааяам̣ ваа т̇аламаг̇г̇зна ваа ад̣̇д̇хаанамаг̇г̇аббадибанно ход̇и, д̇асса д̇ад̇т̇а д̇ад̇т̇а сад̇д̇аб̣бханд̇арасиймаа лаб̣бхад̇ийд̇и взд̣̇ид̇аб̣б̣о. вуд̇д̇ан̃хи ‘‘згагуласса сад̇т̇о ход̇и , сад̇т̇з жийварам̣ нигкибид̇ваа бурад̇о ваа бажчад̇о ваа сад̇д̇аб̣бханд̇араа на виж̇ахид̇аб̣б̣а’’нд̇иаад̣̇и (баараа. 489). ид̣̇амзва аран̃н̃ам̣ санд̇хааяа ‘‘ааран̃н̃агасиймааяа згам̣ аг̇аамагам̣ аран̃н̃а’’нд̇и вуд̇д̇ам̣.
Gāmasīmūpacāro nāma manussānaṃ kaṭṭhatiṇapupphaphalādiatthikānaṃ vanacarakānaṃ valañjanaṭṭhānaṃ. Imassa gāmasīmūpacārabhāvo udositasikkhāpade, ‘‘agāmake araññe samantā sattabbhantarā’’ti (pārā. 494) āgataṭṭhāne khandhake (mahāva. 147) ca veditabbo. Ettha hi bhagavā gāmantavāsīnaṃ bhikkhūnaṃ sīmaṃ dassento ‘‘yaṃ gāmaṃ vā nigamaṃ vā upanissāya viharatī’’ti (mahāva. 147) vatvā dasseti. Tadanantarameva ‘‘agāmake’’tiādinā sattabbhantarasīmaṃ dasseti. Tasmā yo bhikkhu gāmaṃ vā nigamaṃ vā upanissāya na viharati, kevalaṃ nāvāyaṃ vā thalamaggena vā addhānamaggappaṭipanno hoti, tassa tattha tattha sattabbhantarasīmā labbhatīti veditabbo. Vuttañhi ‘‘ekakulassa sattho hoti , satthe cīvaraṃ nikkhipitvā purato vā pacchato vā sattabbhantarā na vijahitabba’’ntiādi (pārā. 489). Idameva araññaṃ sandhāya ‘‘āraññakasīmāya ekaṃ agāmakaṃ arañña’’nti vuttaṃ.
яам̣ санд̇хааяа ‘‘аг̇аамагз аран̃н̃з ад̣̇д̇хаяож̇анз ад̣̇д̇хаяож̇анз аабад̇д̇и баажид̇д̇ияассаа’’д̇и (баажи. 414) баал̣ияам̣ вуд̇д̇ам̣. ид̣̇ам̣ сам̣вид̇хаанасигкаабад̣̇аанам̣ згам̣ аг̇аамагам̣ аран̃н̃ам̣ наама.
Yaṃ sandhāya ‘‘agāmake araññe addhayojane addhayojane āpatti pācittiyassā’’ti (pāci. 414) pāḷiyaṃ vuttaṃ. Idaṃ saṃvidhānasikkhāpadānaṃ ekaṃ agāmakaṃ araññaṃ nāma.
буримзна бана сагхарам̣ сан̇г̇ахид̇ам̣, иминаа д̇амасан̇г̇ахид̇анд̇и. яам̣ санд̇хааяа г̇ан̣амхаа охийяанаад̇хигаарз адтагат̇ааяам̣ (баажи. адта. 692) ‘‘аг̇аамагз аран̃н̃зд̇и зд̇т̇а ‘нигкамид̇ваа б̣ахи инд̣̇акийлаа саб̣б̣амзд̇ам̣ аран̃н̃а’нд̇и звам̣ вуд̇д̇ам̣ лагкан̣ам̣ аран̃н̃ам̣. д̇ам̣ банзд̇а гзвалам̣ г̇аамаабхаавзна ‘аг̇аамага’нд̇и вуд̇д̇ам̣, на вин̃жхаадависад̣̇исад̇ааяаа’’д̇и вуд̇д̇ам̣. яам̣ санд̇хааяа ‘‘ааран̃н̃агам̣ наама сзнаасанам̣ бан̃жад̇ханусад̇игам̣ бажчима’’нд̇и (баараа. 654; баажи. 573) вуд̇д̇ам̣. ид̣̇ам̣ ааран̃н̃агасзнаасанам̣ наама баригкид̇д̇асса баригкзбад̇о б̣ахи, абаригкид̇д̇асса бана баригкзбогаасад̇о б̣ахи саругкам̣ ваа аругкам̣ ваа вихаарз гуннад̣̇исамаагин̣н̣амби аран̃н̃ам̣ наама. д̇ат̇аа ‘‘г̇ан̣амхаа охийяанагасса зга’’нд̇и вуд̇д̇ам̣. ид̣̇ам̣ аран̃н̃ам̣ва. ид̣̇ам̣ бана буб̣б̣з аг̇аамагабхаавзна ааг̇ад̇адтаанз вуд̇д̇алагкан̣амзва худ̇ваа нигкамид̇ваа б̣ахи инд̣̇акийлаа д̣̇ассануубажааравиж̇аханз згамзва аабад̇д̇им̣ гарод̇и, д̇ад̇о уд̣̇д̇хам̣ анаабад̇д̇и. ‘‘сам̣вид̇хаанасигкаабад̣̇аанам̣ зга’’нд̇и вуд̇д̇ам̣ бана ад̣̇д̇хаяож̇анз ад̣̇д̇хаяож̇анз згзгам̣ аабад̇д̇им̣ гарод̇и, на д̇ад̇о орам̣. ид̇араани д̇ийн̣и яат̇аавуд̇д̇абарижчзд̣̇ад̇о орамзва д̇ад̇т̇а вуд̇д̇авид̇хим̣ на самбаад̣̇знд̇и, барам̣ самбаад̣̇знд̇и. звамзд̇зсам̣ ан̃н̃аман̃н̃анаанад̇д̇ам̣ взд̣̇ид̇аб̣б̣ам̣.
Purimena pana sagharaṃ saṅgahitaṃ, iminā tamasaṅgahitanti. Yaṃ sandhāya gaṇamhā ohīyanādhikāre aṭṭhakathāyaṃ (pāci. aṭṭha. 692) ‘‘agāmake araññeti ettha ‘nikkhamitvā bahi indakhīlā sabbametaṃ arañña’nti evaṃ vuttaṃ lakkhaṇaṃ araññaṃ. Taṃ paneta kevalaṃ gāmābhāvena ‘agāmaka’nti vuttaṃ, na viñjhāṭavisadisatāyā’’ti vuttaṃ. Yaṃ sandhāya ‘‘āraññakaṃ nāma senāsanaṃ pañcadhanusatikaṃ pacchima’’nti (pārā. 654; pāci. 573) vuttaṃ. Idaṃ āraññakasenāsanaṃ nāma parikkhittassa parikkhepato bahi, aparikkhittassa pana parikkhepokāsato bahi sarukkhaṃ vā arukkhaṃ vā vihāre kunnadisamākiṇṇampi araññaṃ nāma. Tathā ‘‘gaṇamhā ohīyanakassa eka’’nti vuttaṃ. Idaṃ araññaṃva. Idaṃ pana pubbe agāmakabhāvena āgataṭṭhāne vuttalakkhaṇameva hutvā nikkhamitvā bahi indakhīlā dassanūpacāravijahane ekameva āpattiṃ karoti, tato uddhaṃ anāpatti. ‘‘Saṃvidhānasikkhāpadānaṃ eka’’nti vuttaṃ pana addhayojane addhayojane ekekaṃ āpattiṃ karoti, na tato oraṃ. Itarāni tīṇi yathāvuttaparicchedato orameva tattha vuttavidhiṃ na sampādenti, paraṃ sampādenti. Evametesaṃ aññamaññanānattaṃ veditabbaṃ.
д̇ад̇т̇а бан̃жавид̇хз г̇аамз яо ‘‘баригкид̇д̇асса г̇аамасса инд̣̇акийлз тид̇асса лзд̣д̣убаад̇о’’д̇и (баараа. 92) вуд̇д̇о, со на гад̇т̇ажи винаяабидагз убаяог̇ам̣ г̇ад̇о, гзвалам̣ абаригкид̇д̇асса баригкзбогаасад̇о абаро зго лзд̣д̣убаад̇о г̇аамуубажааро наамаад̇и д̣̇ийбанад̇т̇ам̣ вуд̇д̇о. баригкид̇д̇ассаби жз г̇аамасса зго лзд̣д̣убаад̇о габбияабхуумисамаано убажаарод̇и вуд̇д̇о, баг̇зва абаригкид̇д̇асса баригкзбогаасад̇о зго. со бана баагадад̇д̇аа жа аж̇жхогаасад̇д̇аа жа оггаманд̇асса аабад̇д̇им̣ гарод̇и табзд̇ваа бхигкунияаа г̇ааманд̇араабад̇д̇им̣. бхигкунияо хи д̇асмим̣ д̣̇уд̇ияалзд̣д̣убаад̇асан̇каад̇з г̇аамуубажаарз васанд̇ий аабад̇д̇ин̃жа аабаж̇ж̇анд̇и, г̇аамам̣ бависанд̇ий г̇ааманд̇араабад̇д̇ин̃жа. д̇аасан̃хи тид̇адтаанам̣ аран̃н̃асан̇кяам̣ г̇ажчад̇и ‘‘д̇аавад̣̇зва чааяаа мзд̇аб̣б̣аа…бз… д̇ассаа д̇аяо жа ниссаяз, адта жа агаран̣ийяаани аажигкзяяаат̇аа’’д̇и (жуул̣ава. 430) важанад̇о. аран̃н̃аббадисам̣яуд̇д̇аанам̣ сигкаабад̣̇аанам̣, вигаалзг̇аамаббавзсанасигкаабад̣̇асса (баажи. 508) жа бхигкунийнам̣ асаад̇хааран̣ад̇д̇аа жа анд̇араараамабхигкунубассаяаббадиггаманаад̣̇ийнам̣ габбияабхуумибхаававажанад̇о жа ‘‘згаа г̇ан̣амхаа охийязяяаад̇и аг̇аамагз аран̃н̃з д̣̇уд̇ияигааяа бхигкунияаа д̣̇ассануубажаарам̣ ваа савануубажаарам̣ ваа виж̇аханд̇ияаа аабад̇д̇и т̇уллажжаяассаа’’д̇иаад̣̇исигкаабад̣̇абан̃н̃ад̇д̇ид̇о (баажи. 692) жа бхигкунигканд̇хаганаяазна ваа яасмаа баригкид̇д̇асса г̇аамасса инд̣̇акийлад̇о бадтааяа абаригкид̇д̇асса убажаарад̇о бадтааяа нийяад̇и, д̇ад̇т̇а анд̇арагхарз нигкид̇д̇ажийварз сад̇и жад̇уран̇г̇асамод̇хаанзна бхигкуу васанд̇и, д̇асмаа саг̇аамагам̣ наама ход̇и.
Tattha pañcavidhe gāme yo ‘‘parikkhittassa gāmassa indakhīle ṭhitassa leḍḍupāto’’ti (pārā. 92) vutto, so na katthaci vinayapiṭake upayogaṃ gato, kevalaṃ aparikkhittassa parikkhepokāsato aparo eko leḍḍupāto gāmūpacāro nāmāti dīpanatthaṃ vutto. Parikkhittassapi ce gāmassa eko leḍḍupāto kappiyabhūmisamāno upacāroti vutto, pageva aparikkhittassa parikkhepokāsato eko. So pana pākaṭattā ca ajjhokāsattā ca okkamantassa āpattiṃ karoti ṭhapetvā bhikkhuniyā gāmantarāpattiṃ. Bhikkhuniyo hi tasmiṃ dutiyaleḍḍupātasaṅkhāte gāmūpacāre vasantī āpattiñca āpajjanti, gāmaṃ pavisantī gāmantarāpattiñca. Tāsañhi ṭhitaṭṭhānaṃ araññasaṅkhyaṃ gacchati ‘‘tāvadeva chāyā metabbā…pe… tassā tayo ca nissaye, aṭṭha ca akaraṇīyāni ācikkheyyāthā’’ti (cūḷava. 430) vacanato. Araññappaṭisaṃyuttānaṃ sikkhāpadānaṃ, vikālegāmappavesanasikkhāpadassa (pāci. 508) ca bhikkhunīnaṃ asādhāraṇattā ca antarārāmabhikkhunupassayappaṭikkamanādīnaṃ kappiyabhūmibhāvavacanato ca ‘‘ekā gaṇamhā ohīyeyyāti agāmake araññe dutiyikāya bhikkhuniyā dassanūpacāraṃ vā savanūpacāraṃ vā vijahantiyā āpatti thullaccayassā’’tiādisikkhāpadapaññattito (pāci. 692) ca bhikkhunikkhandhakanayaena vā yasmā parikkhittassa gāmassa indakhīlato paṭṭhāya aparikkhittassa upacārato paṭṭhāya nīyati, tattha antaraghare nikkhittacīvare sati caturaṅgasamodhānena bhikkhū vasanti, tasmā sagāmakaṃ nāma hoti.
авиббаваасасиймааяа згам̣ наама ‘‘на, бхигкавз, бхигкунияаа аран̃н̃з вад̇т̇аб̣б̣ам̣, яаа васзяяа, аабад̇д̇и д̣̇уггадассаа’’д̇и (жуул̣ава. 431) важанад̇о бхигкунийнам̣ аран̃н̃аваасо наама над̇т̇ийд̇и сид̣̇д̇хам̣. д̇ааяа хи аран̃н̃з бхигкунубассаяз сад̇и анд̇оааваасзби д̣̇уд̇ияигааяа д̣̇ассанасавануубажаарам̣ виж̇аханд̇ияаа аабад̇д̇и. д̇асмаа авиббаваасасиймаад̇хигаарз ‘‘табзд̇ваа г̇ааман̃жа г̇аамуубажааран̃жаа’’д̇и (махаава. 144) зд̇т̇а яам̣ таанам̣ табид̇ам̣, д̇ад̇т̇зва бхигкунубассаяоби габбад̇и, на д̇ад̇о барам̣.
Avippavāsasīmāya ekaṃ nāma ‘‘na, bhikkhave, bhikkhuniyā araññe vatthabbaṃ, yā vaseyya, āpatti dukkaṭassā’’ti (cūḷava. 431) vacanato bhikkhunīnaṃ araññavāso nāma natthīti siddhaṃ. Tāya hi araññe bhikkhunupassaye sati antoāvāsepi dutiyikāya dassanasavanūpacāraṃ vijahantiyā āpatti. Tasmā avippavāsasīmādhikāre ‘‘ṭhapetvā gāmañca gāmūpacārañcā’’ti (mahāva. 144) ettha yaṃ ṭhānaṃ ṭhapitaṃ, tattheva bhikkhunupassayopi kappati, na tato paraṃ.
д̇аасан̃жа авиббаваасасиймаагаммаваажааяам̣ ‘‘табзд̇ваа г̇ааман̃жа г̇аамуубажааран̃жаа’’д̇и важанам̣ над̇т̇ийд̇и гад̇ваа д̇зсвзва г̇аамаг̇аамуубажаарзсу парад̇и. д̇ад̇о барам̣ д̣̇уд̇иязсу лзд̣д̣убаад̇аад̣̇ийсу д̇аасам̣ агаббияабхуумигад̇д̇аа на самаанасам̣ваасагасиймаа аран̃н̃з парад̇и бхигкуунам̣ г̇аамаг̇аамуубажаарам̣ вияа. д̇асмаа вуд̇д̇ам̣ ‘‘бхигкунияаа табзд̇ваа г̇ааманд̇араабад̇д̇и’’нд̇и.
Tāsañca avippavāsasīmākammavācāyaṃ ‘‘ṭhapetvā gāmañca gāmūpacārañcā’’ti vacanaṃ natthīti katvā tesveva gāmagāmūpacāresu pharati. Tato paraṃ dutiyesu leḍḍupātādīsu tāsaṃ akappiyabhūmikattā na samānasaṃvāsakasīmā araññe pharati bhikkhūnaṃ gāmagāmūpacāraṃ viya. Tasmā vuttaṃ ‘‘bhikkhuniyā ṭhapetvā gāmantarāpatti’’nti.
звам̣ д̇аава бан̃жавид̇хам̣ г̇аамабхзд̣̇ам̣, аран̃н̃абхзд̣̇ан̃жа н̃ад̇ваа ид̣̇аани ‘‘ад̇т̇и г̇аамо на г̇аамабарихаарам̣ гад̇т̇ажи лабхад̇ий’’д̇иаад̣̇ибхзд̣̇о взд̣̇ид̇аб̣б̣о. д̇ад̇т̇а яо адтагат̇ааяам̣ ‘‘амануссо наама яо саб̣б̣асо ваа мануссаанам̣ абхаавзна яагкабариг̇г̇ахабхууд̇о’’д̇и вуд̇д̇о, со г̇аамо на г̇аамабарихаарам̣ гад̇т̇ажи сигкаабад̣̇з лабхад̇и. яан̃хи санд̇хааяа адтагат̇ааяам̣ ‘‘д̇ам̣ банзд̇ам̣ б̣уд̣̇д̇хагаалз, жаггавад̇д̇игаалз жа наг̇арам̣ ход̇и, сзсагаалз сун̃н̃ам̣ ход̇и яагкабариг̇г̇ахид̇а’’нд̇и (баараа. адта. 1.84; д̣̇ий. ни. адта. 1.150) вуд̇д̇ам̣. яо бана бадирааж̇ажораад̣̇ийхи вилуд̇д̇ад̇д̇аа, гзвалам̣ бхаязна ваа чад̣д̣ид̇о сагхарова анд̇арахид̇аг̇аамабхууд̇о, со ‘‘г̇ааманд̇арз г̇ааманд̇арз аабад̇д̇и баажид̇д̇ияассаа’’д̇и (баажи. 183) вуд̇д̇абаажид̇д̇ияам̣ ж̇анзд̇и, вигаалз г̇аамаббавзсанам̣, сзкияз жад̇д̇аари ж̇анзд̇ийд̇и взд̣̇ид̇аб̣б̣аа. яо бана г̇аамо яад̇о ваа мануссаа гзнажид̣̇зва гаран̣ийязна бунаби ааг̇анд̇угаамаа зва абагганд̇аад̇и вуд̇д̇о, амануссо со багад̇иг̇аамасад̣̇исова.
Evaṃ tāva pañcavidhaṃ gāmabhedaṃ, araññabhedañca ñatvā idāni ‘‘atthi gāmo na gāmaparihāraṃ katthaci labhatī’’tiādibhedo veditabbo. Tattha yo aṭṭhakathāyaṃ ‘‘amanusso nāma yo sabbaso vā manussānaṃ abhāvena yakkhapariggahabhūto’’ti vutto, so gāmo na gāmaparihāraṃ katthaci sikkhāpade labhati. Yañhi sandhāya aṭṭhakathāyaṃ ‘‘taṃ panetaṃ buddhakāle, cakkavattikāle ca nagaraṃ hoti, sesakāle suññaṃ hoti yakkhapariggahita’’nti (pārā. aṭṭha. 1.84; dī. ni. aṭṭha. 1.150) vuttaṃ. Yo pana paṭirājacorādīhi viluttattā, kevalaṃ bhayena vā chaḍḍito sagharova antarahitagāmabhūto, so ‘‘gāmantare gāmantare āpatti pācittiyassā’’ti (pāci. 183) vuttapācittiyaṃ janeti, vikāle gāmappavesanaṃ, sekhiye cattāri janetīti veditabbā. Yo pana gāmo yato vā manussā kenacideva karaṇīyena punapi āgantukāmā eva apakkantāti vutto, amanusso so pakatigāmasadisova.
ад̇т̇и аран̃н̃ам̣ на аран̃н̃абарихаарам̣ гад̇т̇ажи лабхад̇ийд̇и зд̇т̇а ‘‘аж̇жхогаасо згуубажааро наама аг̇аамагз аран̃н̃з саманд̇аа сад̇д̇аб̣бханд̇араа згуубажааро, д̇ад̇о барам̣ наануубажааро’’д̇и (баараа. 494) зд̇т̇а явааяам̣ наануубажаарод̇и вуд̇д̇о, д̇ам̣ взд̣̇ид̇аб̣б̣ам̣. яо бана баригкид̇д̇асса згалзд̣д̣убаад̇асан̇каад̇о г̇аамуубажааранаамаго г̇аамо, яо ваа сад̇т̇о наад̇ирзгажаад̇умаасанивидто, со ад̇т̇и г̇аамо на г̇аамагижжам̣ гарод̇и. на хи д̇ам̣ таанам̣ оггаманд̇о г̇аамаббавзсанаабад̇д̇им̣ аабаж̇ж̇ад̇и. яам̣ бана г̇аамасиймааяа барияаабаннам̣ мануссаанам̣ валан̃ж̇анадтаанабхууд̇ам̣ аран̃н̃ам̣, д̇ам̣ ад̇т̇и аран̃н̃ам̣ на аран̃н̃агижжам̣ гарод̇и наама. на хи д̇ад̇т̇а ааран̃н̃агасиймаа лаб̣бхад̇ийд̇и. зд̇д̇аавад̇аа ‘‘г̇аамаа ваа аран̃н̃аа ваа’’д̇и имиссаа анубан̃н̃ад̇д̇ияаа лагкан̣аанубан̃н̃ад̇д̇ибхааво д̣̇ассид̇о ход̇и.
Atthi araññaṃ na araññaparihāraṃ katthaci labhatīti ettha ‘‘ajjhokāso ekūpacāro nāma agāmake araññe samantā sattabbhantarā ekūpacāro, tato paraṃ nānūpacāro’’ti (pārā. 494) ettha yvāyaṃ nānūpacāroti vutto, taṃ veditabbaṃ. Yo pana parikkhittassa ekaleḍḍupātasaṅkhāto gāmūpacāranāmako gāmo, yo vā sattho nātirekacātumāsaniviṭṭho, so atthi gāmo na gāmakiccaṃ karoti. Na hi taṃ ṭhānaṃ okkamanto gāmappavesanāpattiṃ āpajjati. Yaṃ pana gāmasīmāya pariyāpannaṃ manussānaṃ valañjanaṭṭhānabhūtaṃ araññaṃ, taṃ atthi araññaṃ na araññakiccaṃ karoti nāma. Na hi tattha āraññakasīmā labbhatīti. Ettāvatā ‘‘gāmā vā araññā vā’’ti imissā anupaññattiyā lakkhaṇānupaññattibhāvo dassito hoti.
‘‘г̇онисаад̣̇инивидтоби г̇аамо’’д̇и зд̇т̇а сажз д̇асса г̇аамасса г̇аамакзд̇д̇абарижчзд̣̇о ад̇т̇и, саб̣б̣оби зго г̇аамо. но жз, убажаарзна ваа баригкзбзна ваа барижчинд̣̇ид̇аб̣б̣о. сажз г̇аамакзд̇д̇з сад̇и гаанижи д̇аани гхараани ан̃н̃аман̃н̃аубажаараббахонагам̣ таанам̣ ад̇иггамид̇ваа д̣̇уурз д̣̇уурз гад̇аани хонд̇и, вигаалз г̇аамаббавзсз убажаарова бамаан̣ам̣. анд̇арагхараббадисам̣яуд̇д̇зсу сзкиязсу, бхигкунияаа г̇ааманд̇араабад̇д̇ийсу жа гхараанам̣ баригкзбаарахадтаанам̣ бамаан̣ам̣, убосат̇аад̣̇игаммаанам̣ г̇аамакзд̇д̇ам̣ бамаан̣ам̣, ааран̃н̃агасзнаасанасса аасаннагхарасса д̣̇уд̇ияалзд̣д̣убаад̇ад̇о бадтааяа бан̃жад̇ханусад̇анд̇арад̇аа бамаан̣анд̇и звам̣ но бадибхаананд̇и аажарияаа.
‘‘Gonisādiniviṭṭhopi gāmo’’ti ettha sace tassa gāmassa gāmakhettaparicchedo atthi, sabbopi eko gāmo. No ce, upacārena vā parikkhepena vā paricchinditabbo. Sace gāmakhette sati kānici tāni gharāni aññamaññaupacārappahonakaṃ ṭhānaṃ atikkamitvā dūre dūre katāni honti, vikāle gāmappavese upacārova pamāṇaṃ. Antaragharappaṭisaṃyuttesu sekhiyesu, bhikkhuniyā gāmantarāpattīsu ca gharānaṃ parikkhepārahaṭṭhānaṃ pamāṇaṃ, uposathādikammānaṃ gāmakhettaṃ pamāṇaṃ, āraññakasenāsanassa āsannagharassa dutiyaleḍḍupātato paṭṭhāya pañcadhanusatantaratā pamāṇanti evaṃ no paṭibhānanti ācariyā.
‘‘яамби згасмим̣язва г̇аамакзд̇д̇з згам̣ бад̣̇зсам̣ ‘аяамби висум̣г̇аамо ход̇уу’д̇и барижчинд̣̇ид̇ваа рааж̇аа гассажи д̣̇зд̇и, соби висум̣г̇аамасиймаа ход̇иязваа’’д̇и (махаава. адта. 147) адтагат̇ааважанад̇о д̇ам̣ бависанд̇ияаа бхигкунияаа г̇ааманд̇араабад̇д̇и ход̇и зва. сажз д̇ад̇т̇а вихааро ваа д̣̇звагулам̣ ваа сабхаа ваа г̇зхам̣ ваа над̇т̇и, гзвалам̣ вад̇т̇умад̇д̇агамзва ход̇и, г̇аамод̇и винаяагаммам̣ саб̣б̣ам̣ д̇ад̇т̇а габбад̇и. ‘‘амануссо г̇аамо’’д̇и хи вуд̇д̇ам̣. д̇ан̃жа таанам̣ ид̇арасса г̇аамасса баригкзбаб̣бханд̇арз ваа убажаараб̣бханд̇арз ваа ход̇и, вигаалз г̇аамаббавзсанам̣ аабужчид̇ваава г̇анд̇аб̣б̣ам̣. но жз, аран̃н̃ам̣ вияа яат̇аасукам̣ г̇анд̇аб̣б̣ам̣. д̇ад̇т̇а жз аараамо ваа д̇ид̇т̇ияасзяяаад̣̇ийсу ан̃н̃ад̇ароваа ход̇и, лад̣̇д̇хагаббамзва. бхигкунубассаяо жз ход̇и, г̇аамам̣ бин̣д̣ааяа бависанд̇ияаа бхигкунияаа г̇ааманд̇араабад̇д̇и барихарид̇аб̣б̣аа. ‘‘аран̃н̃ам̣ наама табзд̇ваа г̇ааман̃жа г̇аамуубажааран̃жа авасзсам̣ аран̃н̃ам̣ наамаа’’д̇и (баараа. 92) зд̇т̇а баригкзбз сад̇и яат̇аавуд̇д̇абарижчзд̣̇ам̣ г̇аамамзва табзд̇ваа авасзсам̣ д̇асса убажаарам̣, д̇ад̇о баран̃жа аран̃н̃ам̣ наама, баригкзбз асад̇и яат̇аавуд̇д̇абарижчзд̣̇ам̣ г̇аамуубажаарамзва табзд̇ваа д̇ад̇о барам̣ авасзсам̣ аран̃н̃ам̣ наамаад̇и ад̇хиббааяо. звам̣ сад̇и ‘‘нигкамид̇ваа б̣ахи инд̣̇акийлаа саб̣б̣амзд̇ам̣ аран̃н̃а’’нд̇и (вибха. 529) вуд̇д̇алагкан̣з аг̇аамагз аран̃н̃з г̇ан̣амхааохийяанаабад̇д̇и, д̇ад̇т̇а авиббаваасасиймааяа паран̣ам̣ вигаалз г̇аамаббавзсанаабад̇д̇ияаа анаабад̇д̇ийд̇и звамаад̣̇ивинаяавид̇хи самзд̇и, ан̃н̃ат̇аа на самзд̇и.
‘‘Yampi ekasmiṃyeva gāmakhette ekaṃ padesaṃ ‘ayampi visuṃgāmo hotū’ti paricchinditvā rājā kassaci deti, sopi visuṃgāmasīmā hotiyevā’’ti (mahāva. aṭṭha. 147) aṭṭhakathāvacanato taṃ pavisantiyā bhikkhuniyā gāmantarāpatti hoti eva. Sace tattha vihāro vā devakulaṃ vā sabhā vā gehaṃ vā natthi, kevalaṃ vatthumattakameva hoti, gāmoti vinayakammaṃ sabbaṃ tattha kappati. ‘‘Amanusso gāmo’’ti hi vuttaṃ. Tañca ṭhānaṃ itarassa gāmassa parikkhepabbhantare vā upacārabbhantare vā hoti, vikāle gāmappavesanaṃ āpucchitvāva gantabbaṃ. No ce, araññaṃ viya yathāsukhaṃ gantabbaṃ. Tattha ce ārāmo vā titthiyaseyyādīsu aññatarovā hoti, laddhakappameva. Bhikkhunupassayo ce hoti, gāmaṃ piṇḍāya pavisantiyā bhikkhuniyā gāmantarāpatti pariharitabbā. ‘‘Araññaṃ nāma ṭhapetvā gāmañca gāmūpacārañca avasesaṃ araññaṃ nāmā’’ti (pārā. 92) ettha parikkhepe sati yathāvuttaparicchedaṃ gāmameva ṭhapetvā avasesaṃ tassa upacāraṃ, tato parañca araññaṃ nāma, parikkhepe asati yathāvuttaparicchedaṃ gāmūpacārameva ṭhapetvā tato paraṃ avasesaṃ araññaṃ nāmāti adhippāyo. Evaṃ sati ‘‘nikkhamitvā bahi indakhīlā sabbametaṃ arañña’’nti (vibha. 529) vuttalakkhaṇe agāmake araññe gaṇamhāohīyanāpatti, tattha avippavāsasīmāya pharaṇaṃ vikāle gāmappavesanāpattiyā anāpattīti evamādivinayavidhi sameti, aññathā na sameti.
‘‘табзд̇ваа г̇аамуубажаарам̣ авасзсам̣ аран̃н̃ам̣ наамаа’’д̇и (махаава. 144) вуд̇д̇з г̇аамуубажаарад̇о баро аран̃н̃анд̇и сид̣̇д̇хз ‘‘табзд̇ваа г̇аама’’нд̇и висзсад̇т̇о на д̣̇иссад̇и, г̇аамасса бана аран̃н̃абхааваббасан̇г̇абхаяаа вуд̇д̇анд̇и жз? на, г̇аамуубажаарасса абхааваббасан̇г̇ад̇о. сад̇и хи г̇аамз г̇аамуубажааро ход̇и, со жа д̇ава мад̇зна аран̃н̃абхууд̇о. гуд̇о д̣̇аани г̇аамуубажааро. г̇аамуубажаароби жз аран̃н̃асан̇кяам̣ г̇ажчад̇и, барова г̇аамод̇и гад̇ваа на яуд̇д̇ам̣ г̇аамасса аран̃н̃абхааваббасан̇г̇ад̇о жа. д̇асмаа ‘‘г̇аамаа ваа аран̃н̃аа ваа’’д̇и зд̇т̇а г̇аамуубажаароби ‘‘г̇аамо’’ д̇взва сан̇г̇ахид̇о. д̇асмаа г̇аамасса аран̃н̃абхааваббасан̇г̇о на яуж̇ж̇ад̇и. яад̣̇и звам̣ ‘‘табзд̇ваа г̇аамам̣ авасзсам̣ аран̃н̃ам̣ наамаа’’д̇и зд̇д̇агам̣ вад̇д̇аб̣б̣анд̇и жз? на, аран̃н̃асса барижчзд̣̇аж̇аананаббасан̇г̇ад̇о. д̇ат̇аа хи вуд̇д̇о ‘‘аран̃н̃абарижчзд̣̇о на бан̃н̃ааяад̇ий’’д̇и но лад̣̇д̇хи. г̇аамуубажаарабарияанд̇о хи ид̇ха г̇аамо наама. яад̣̇и звам̣ ‘‘г̇аамасса жа аран̃н̃асса жа барижчзд̣̇ад̣̇ассанад̇т̇ам̣ вуд̇д̇а’’нд̇и адтагат̇ааяам̣ вад̇д̇аб̣б̣ам̣, ‘‘аран̃н̃асса барижчзд̣̇ад̣̇ассанад̇т̇ам̣ вуд̇д̇а’’нд̇и гимад̇т̇ам̣ вуд̇д̇анд̇и жз? вужжад̇з – адтагат̇аажариязна батамаг̇аамуубажаарам̣язва санд̇хааяа вуд̇д̇ам̣ ‘‘аран̃н̃абарижчзд̣̇ад̣̇ассанад̇т̇а’’нд̇и саб̣б̣асигкаабад̣̇з хи б̣аахираинд̣̇акийлад̇о бадтааяа г̇аамуубажаарам̣ аран̃н̃ам̣ наама. г̇аамабарижчзд̣̇аважанз баяож̇анам̣ банзд̇т̇а над̇т̇и баригкзбзнзва баагадабхууд̇ад̇д̇аа. д̣̇уд̇ияаг̇аамуубажаарова г̇аамасса барижчзд̣̇ад̣̇ассанад̇т̇ам̣ вуд̇д̇о баригкзбабхаавзна абаагадад̇д̇аа. д̇ад̇т̇а батамаг̇аамуубажааро жз аран̃н̃абарижчзд̣̇ад̣̇ассанад̇т̇ам̣ вуд̇д̇о, д̇ад̇т̇а на вад̇д̇аб̣б̣о. ‘‘нигкамид̇ваа инд̣̇акийлаа саб̣б̣амзд̇ам̣ аран̃н̃а’’нд̇и вад̇д̇аб̣б̣ам̣. звам̣ санд̇з суб̣яад̇д̇ад̇арам̣ аран̃н̃абарижчзд̣̇о д̣̇ассид̇о ход̇и, мижчааг̇аахо жа на ход̇и.
‘‘Ṭhapetvā gāmūpacāraṃ avasesaṃ araññaṃ nāmā’’ti (mahāva. 144) vutte gāmūpacārato paro araññanti siddhe ‘‘ṭhapetvā gāma’’nti visesattho na dissati, gāmassa pana araññabhāvappasaṅgabhayā vuttanti ce? Na, gāmūpacārassa abhāvappasaṅgato. Sati hi gāme gāmūpacāro hoti, so ca tava matena araññabhūto. Kuto dāni gāmūpacāro. Gāmūpacāropi ce araññasaṅkhyaṃ gacchati, parova gāmoti katvā na yuttaṃ gāmassa araññabhāvappasaṅgato ca. Tasmā ‘‘gāmā vā araññā vā’’ti ettha gāmūpacāropi ‘‘gāmo’’ tveva saṅgahito. Tasmā gāmassa araññabhāvappasaṅgo na yujjati. Yadi evaṃ ‘‘ṭhapetvā gāmaṃ avasesaṃ araññaṃ nāmā’’ti ettakaṃ vattabbanti ce? Na, araññassa paricchedajānanappasaṅgato. Tathā hi vutto ‘‘araññaparicchedo na paññāyatī’’ti no laddhi. Gāmūpacārapariyanto hi idha gāmo nāma. Yadi evaṃ ‘‘gāmassa ca araññassa ca paricchedadassanatthaṃ vutta’’nti aṭṭhakathāyaṃ vattabbaṃ, ‘‘araññassa paricchedadassanatthaṃ vutta’’nti kimatthaṃ vuttanti ce? Vuccate – aṭṭhakathācariyena paṭhamagāmūpacāraṃyeva sandhāya vuttaṃ ‘‘araññaparicchedadassanattha’’nti sabbasikkhāpade hi bāhiraindakhīlato paṭṭhāya gāmūpacāraṃ araññaṃ nāma. Gāmaparicchedavacane payojanaṃ panettha natthi parikkhepeneva pākaṭabhūtattā. Dutiyagāmūpacārova gāmassa paricchedadassanatthaṃ vutto parikkhepabhāvena apākaṭattā. Tattha paṭhamagāmūpacāro ce araññaparicchedadassanatthaṃ vutto, tattha na vattabbo. ‘‘Nikkhamitvā indakhīlā sabbametaṃ arañña’’nti vattabbaṃ. Evaṃ sante subyattataraṃ araññaparicchedo dassito hoti, micchāgāho ca na hoti.
‘‘маж̇жхимасса бурисасса лзд̣д̣убаад̇о’’д̇и хи вуд̇д̇з аяам̣ г̇аамуубажаарова аран̃н̃ам̣ г̇аамуубажаарасса вибхан̇г̇ад̇д̇аа. яад̣̇и аран̃н̃абарижчзд̣̇ад̣̇ассанад̇т̇ам̣ вуд̇д̇ам̣, авуд̇д̇агамзва, аран̃н̃ад̇о баранд̇и жа мижчааг̇аахо ход̇ийд̇и жз, нану вуд̇д̇ам̣ ‘‘батамамзва ид̣̇ам̣ баригкид̇д̇асса г̇аамасса убажааранияаманад̇т̇ам̣ вуд̇д̇а’’нд̇и? аран̃н̃абарижчзд̣̇ад̣̇ассанад̇т̇ам̣ гин̃жааби ‘‘г̇аамуубажааро’’д̇иаад̣̇и аарад̣̇д̇хам̣, инд̣̇акийлз тид̇асса маж̇жхимасса бурисасса лзд̣д̣убаад̇од̇и бана звам̣ важанаббаяож̇анам̣. абаригкид̇д̇асса жа г̇аамасса явааяам̣ лзд̣д̣убаад̇о убажааро’’д̇и махааадтагат̇ааяам̣ вуд̇д̇о, д̇асса нияамананд̇и вуд̇д̇ам̣ ход̇и. гат̇ам̣ бан̃н̃ааяад̇ийд̇и жз? ‘‘аран̃н̃ам̣ наамаа’’д̇и бад̣̇ам̣ ануд̣̇д̇харид̇ваа ‘‘г̇аамуубажааро наамаа’’д̇и уд̣̇д̇харан̣асса гад̇ад̇д̇аа. д̇ад̇т̇а ‘‘г̇аамуубажааро наамаа’’д̇и маад̇игааяам̣ авиж̇ж̇амаанам̣ бад̣̇ам̣ уд̣̇д̇харанд̇о д̇аяо ад̇т̇авасз д̣̇ассзд̇и. сзяяат̇ид̣̇ам̣ – аран̃н̃абарижчзд̣̇ад̣̇ассанамзго ад̇т̇о, абаригкид̇д̇асса г̇аамасса убажаарзна сад̣̇д̇хим̣ барижчзд̣̇ад̣̇ассанамзго, на гзвалам̣ абаригкид̇д̇ассаязва убажааро винаяаад̇хигаарз саббаяож̇ано д̣̇ассид̇аб̣б̣о, ниббаяож̇аноби баригкид̇д̇асса убажааро иминаа барияааязна лаб̣бхад̇ийд̇и анусан̇г̇аббаяож̇анамзго ад̇т̇оби взд̣̇ид̇аб̣б̣о.
‘‘Majjhimassa purisassa leḍḍupāto’’ti hi vutte ayaṃ gāmūpacārova araññaṃ gāmūpacārassa vibhaṅgattā. Yadi araññaparicchedadassanatthaṃ vuttaṃ, avuttakameva, araññato paranti ca micchāgāho hotīti ce, nanu vuttaṃ ‘‘paṭhamameva idaṃ parikkhittassa gāmassa upacāraniyamanatthaṃ vutta’’nti? Araññaparicchedadassanatthaṃ kiñcāpi ‘‘gāmūpacāro’’tiādi āraddhaṃ, indakhīle ṭhitassa majjhimassa purisassa leḍḍupātoti pana evaṃ vacanappayojanaṃ. Aparikkhittassa ca gāmassa yvāyaṃ leḍḍupāto upacāro’’ti mahāaṭṭhakathāyaṃ vutto, tassa niyamananti vuttaṃ hoti. Kathaṃ paññāyatīti ce? ‘‘Araññaṃ nāmā’’ti padaṃ anuddharitvā ‘‘gāmūpacāro nāmā’’ti uddharaṇassa katattā. Tattha ‘‘gāmūpacāro nāmā’’ti mātikāyaṃ avijjamānaṃ padaṃ uddharanto tayo atthavase dasseti. Seyyathidaṃ – araññaparicchedadassanameko attho, aparikkhittassa gāmassa upacārena saddhiṃ paricchedadassanameko, na kevalaṃ aparikkhittassayeva upacāro vinayādhikāre sappayojano dassitabbo, nippayojanopi parikkhittassa upacāro iminā pariyāyena labbhatīti anusaṅgappayojanameko atthopi veditabbo.
‘‘абаригкид̇д̇асса г̇аамасса гхаруубажаарз тид̇асса маж̇жхимасса бурисасса лзд̣д̣убаад̇о’’д̇и ид̣̇ам̣ бхаг̇аваа д̇аяо ад̇т̇авасз бадижжа абхааси. сзяяат̇ид̣̇ам̣ – абаригкид̇д̇асса г̇аамасса барижчзд̣̇ад̣̇ассанамзго, авиббаваасасиймаад̇хигаарз аяамзва г̇аамуубажаарод̇и д̣̇ассанамзго, д̇ад̇т̇а тид̇асса д̣̇уд̇ияо лзд̣д̣убаад̇о саб̣б̣ад̇т̇а г̇аамаббадисам̣яуд̇д̇зсу сигкаабад̣̇зсу сагижжаго убажаарод̇и д̣̇ассанамзгод̇и звам̣ бхаг̇аваа ад̇д̇ано д̣̇зсанаавилаасаббад̇д̇ияаа згзгабад̣̇уд̣̇д̇хааран̣зна д̇аяо ад̇т̇авасз д̣̇ассзд̇ийд̇и взд̣̇ид̇аб̣б̣ам̣.
‘‘Aparikkhittassa gāmassa gharūpacāre ṭhitassa majjhimassa purisassa leḍḍupāto’’ti idaṃ bhagavā tayo atthavase paṭicca abhāsi. Seyyathidaṃ – aparikkhittassa gāmassa paricchedadassanameko, avippavāsasīmādhikāre ayameva gāmūpacāroti dassanameko, tattha ṭhitassa dutiyo leḍḍupāto sabbattha gāmappaṭisaṃyuttesu sikkhāpadesu sakiccako upacāroti dassanamekoti evaṃ bhagavā attano desanāvilāsappattiyā ekekapaduddhāraṇena tayo atthavase dassetīti veditabbaṃ.
д̇ат̇аа авиббаваасасиймаагаммаваажааяа ‘‘табзд̇ваа г̇ааман̃жа г̇аамуубажааран̃жаа’’д̇и (махаава. 144) зд̇т̇ааби баригкзбз сад̇и г̇аамам̣ табзд̇ваа, асад̇и г̇аамуубажаарам̣ табзд̇ваад̇и ад̇т̇о. баригкид̇д̇асса, абаригкид̇д̇асса жа маж̇жхз аараамз авиббаваасасиймаасамманнанагаалз аяам̣ наяо ад̇ивияа яуж̇ж̇ад̇и. убхаяабариваж̇ж̇анад̇о буб̣б̣з вуд̇д̇анаязна ваа убхаяад̇т̇а убхаяам̣ лаб̣бхад̇зва. ‘‘анд̇араараамзсу бана аажин̣н̣агаббаа бхигкуу авиббаваасасиймам̣ самманнанд̇ий’’д̇и г̇ан̣тибад̣̇з вуд̇д̇ам̣. ‘‘анд̇арагхараббадисам̣яуд̇д̇аанам̣ сзкияаанам̣ анд̇араараамзсу асамбхавад̇о анд̇араараамо на г̇аамасан̇кам̣ г̇ажчад̇и, д̇асмаа д̇ад̇т̇аби авиббаваасасиймаа рухад̇зваа’’д̇и згз. д̇з бхигкуу д̣̇уд̇ияасса г̇аамуубажаарасса г̇аамасан̇каасабхаавад̇о д̇аасам̣ имааяа д̣̇уд̇ияааяа авиббаваасагаммаваажааяа абхаавам̣ д̣̇ассзд̇ваа бадигкибид̇аб̣б̣аа. аж̇жхаараамо бана г̇аамоби самаано д̇ид̇т̇ияасзяяаад̣̇и вияа габбияабхуумийд̇и взд̣̇ид̇аб̣б̣о.
Tathā avippavāsasīmākammavācāya ‘‘ṭhapetvā gāmañca gāmūpacārañcā’’ti (mahāva. 144) etthāpi parikkhepe sati gāmaṃ ṭhapetvā, asati gāmūpacāraṃ ṭhapetvāti attho. Parikkhittassa, aparikkhittassa ca majjhe ārāme avippavāsasīmāsammannanakāle ayaṃ nayo ativiya yujjati. Ubhayaparivajjanato pubbe vuttanayena vā ubhayattha ubhayaṃ labbhateva. ‘‘Antarārāmesu pana āciṇṇakappā bhikkhū avippavāsasīmaṃ sammannantī’’ti gaṇṭhipade vuttaṃ. ‘‘Antaragharappaṭisaṃyuttānaṃ sekhiyānaṃ antarārāmesu asambhavato antarārāmo na gāmasaṅkhaṃ gacchati, tasmā tatthapi avippavāsasīmā ruhatevā’’ti eke. Te bhikkhū dutiyassa gāmūpacārassa gāmasaṅkhāsabhāvato tāsaṃ imāya dutiyāya avippavāsakammavācāya abhāvaṃ dassetvā paṭikkhipitabbā. Ajjhārāmo pana gāmopi samāno titthiyaseyyādi viya kappiyabhūmīti veditabbo.
аабад̇д̇ияаа барижчзд̣̇ам̣, д̇ат̇аанаабад̇д̇ияааби жа;
Āpattiyā paricchedaṃ, tathānāpattiyāpi ca;
д̣̇ассзд̇ум̣ г̇аамасамб̣анд̇ха-сигкаабад̣̇авибхааванз.
Dassetuṃ gāmasambandha-sikkhāpadavibhāvane.
г̇аамаг̇аамуубажаараа д̣̇вз, д̣̇ассид̇аа ид̇ха д̇аад̣̇инаа;
Gāmagāmūpacārā dve, dassitā idha tādinā;
сиймаа сиймуубажаараа д̇у, анзганд̇аад̇и нуд̣̇д̇хадаа.
Sīmā sīmūpacārā tu, anekantāti nuddhaṭā.
убажаараа жа д̣̇вз хонд̇и, б̣аахираб̣бханд̇араб̣б̣асаа;
Upacārā ca dve honti, bāhirabbhantarabbasā;
баригкид̇д̇аабаригкид̇д̇а-бхзд̣̇аа жз жад̇уро сияум̣.
Parikkhittāparikkhitta-bhedā ce caturo siyuṃ.
аяан̃хи убажаарасад̣̇д̣̇о винаяабидагз ‘‘ануж̇аанаами, бхигкавз, аг̇илаанзнаби аараамз аараамуубажаарз чад̇д̇ам̣ д̇хаарзд̇у’’нд̇и (жуул̣ава. 270) звамаад̣̇ийсу б̣аахирз убажаарз д̣̇иссад̇и. б̣аахиро убажааро наама баригкзбад̇о, баригкзбаарахадтаанад̇о ваа зго лзд̣д̣убаад̇о. ‘‘аж̇жхаараамо наама баригкид̇д̇асса аараамасса анд̇оаараамо, абаригкид̇д̇асса убажааро. аж̇жхаавасат̇о наама баригкид̇д̇асса аавасат̇асса анд̇оаавасат̇о, абаригкид̇д̇асса убажааро’’д̇иаад̣̇ийсу (баажи. 506) бана убажаарасад̣̇д̣̇о аб̣бханд̇арз убажаарз д̣̇иссад̇и. аб̣бханд̇аро убажааро жа наама баригкзбо, баригкзбаарахадтаанан̃жа ход̇и. ид̇ха бана баригкзбо ‘‘аж̇жхаараамо, аж̇жхаавасат̇о’’д̇и ваа на вужжад̇и, анд̇о зва аараамо, аавасат̇од̇и ваа. д̇зсу б̣аахираб̣бханд̇арабхзд̣̇абхиннзсу д̣̇вийсу убажаарзсу авиббаваасасиймаад̇хигаарз ‘‘табзд̇ваа г̇ааман̃жа г̇аамуубажааран̃жаа’’д̇и (махаава. 144) зд̇т̇а г̇аамуубажааро наама аб̣бханд̇аруубажааро ад̇хиббзд̇о, на б̣аахиро. бхигкунияаа аран̃н̃асан̃н̃ид̇ад̇ааяа д̇асса б̣аахирасса, д̇ассаа г̇ааманд̇араабад̇д̇ияаа таанабхууд̇ад̇д̇аа жа аб̣бханд̇араубажаарассаад̇и ид̣̇амзд̇т̇а гааран̣ад̣̇ваяам̣ взд̣̇ид̇аб̣б̣ам̣. д̇ад̇т̇а ид̇ха ад̣̇иннаад̣̇аанабаарааж̇игавибхан̇г̇зязва батамо г̇аамуубажааро д̣̇ассид̇о, со б̣аахиро, д̣̇уд̇ияо аб̣бханд̇арод̇и взд̣̇ид̇аб̣б̣о. батамзна жа абаригкид̇д̇асса г̇аамасса д̣̇уд̇ияалзд̣д̣убаад̇асан̇каад̇о б̣аахиро убажааро, д̣̇уд̇иязна жа баригкид̇д̇асса г̇аамасса баригкзбад̇о б̣аахирасан̇каад̇о аб̣бханд̇аро убажааро лзсзна д̣̇ассид̇од̇и взд̣̇ид̇аб̣б̣о. звам̣ жад̇д̇аароби убажаараа ид̇ха бхаг̇авад̇аа д̣̇зсанаавилаасаббад̇д̇зна д̣̇зсанаалийлааяа д̣̇ассид̇аа хонд̇ийд̇и аяам̣ наяо судту лагкзд̇ваа аажариязхи самманд̇аяид̇ваа яат̇аануруубам̣ д̇ад̇т̇а яож̇зд̇аб̣б̣о. ид̇арат̇аа –
Ayañhi upacārasaddo vinayapiṭake ‘‘anujānāmi, bhikkhave, agilānenapi ārāme ārāmūpacāre chattaṃ dhāretu’’nti (cūḷava. 270) evamādīsu bāhire upacāre dissati. Bāhiro upacāro nāma parikkhepato, parikkhepārahaṭṭhānato vā eko leḍḍupāto. ‘‘Ajjhārāmo nāma parikkhittassa ārāmassa antoārāmo, aparikkhittassa upacāro. Ajjhāvasatho nāma parikkhittassa āvasathassa antoāvasatho, aparikkhittassa upacāro’’tiādīsu (pāci. 506) pana upacārasaddo abbhantare upacāre dissati. Abbhantaro upacāro ca nāma parikkhepo, parikkhepārahaṭṭhānañca hoti. Idha pana parikkhepo ‘‘ajjhārāmo, ajjhāvasatho’’ti vā na vuccati, anto eva ārāmo, āvasathoti vā. Tesu bāhirabbhantarabhedabhinnesu dvīsu upacāresu avippavāsasīmādhikāre ‘‘ṭhapetvā gāmañca gāmūpacārañcā’’ti (mahāva. 144) ettha gāmūpacāro nāma abbhantarūpacāro adhippeto, na bāhiro. Bhikkhuniyā araññasaññitatāya tassa bāhirassa, tassā gāmantarāpattiyā ṭhānabhūtattā ca abbhantaraupacārassāti idamettha kāraṇadvayaṃ veditabbaṃ. Tattha idha adinnādānapārājikavibhaṅgeyeva paṭhamo gāmūpacāro dassito, so bāhiro, dutiyo abbhantaroti veditabbo. Paṭhamena ca aparikkhittassa gāmassa dutiyaleḍḍupātasaṅkhāto bāhiro upacāro, dutiyena ca parikkhittassa gāmassa parikkhepato bāhirasaṅkhāto abbhantaro upacāro lesena dassitoti veditabbo. Evaṃ cattāropi upacārā idha bhagavatā desanāvilāsappattena desanālīlāya dassitā hontīti ayaṃ nayo suṭṭhu lakkhetvā ācariyehi sammantayitvā yathānurūpaṃ tattha yojetabbo. Itarathā –
асамб̣уд̇хам̣ б̣уд̣̇д̇хамахаанубхаавам̣;
Asambudhaṃ buddhamahānubhāvaṃ;
д̇хаммасса г̇амбхийранаяад̇д̇ад̇ан̃жа;
Dhammassa gambhīranayattatañca;
яо ван̣н̣аяз нам̣ винаяам̣ авин̃н̃уу;
Yo vaṇṇaye naṃ vinayaṃ aviññū;
со д̣̇уд̣̇д̣̇асо саасананаасахзд̇у.
So duddaso sāsananāsahetu.
баал̣им̣ д̇ад̣̇ад̇т̇ан̃жа асамб̣уд̇хан̃хи;
Pāḷiṃ tadatthañca asambudhañhi;
наасзд̇и яо адтагат̇аанаяан̃жа;
Nāseti yo aṭṭhakathānayañca;
анижчаяам̣ нижчаяад̇о барзхи;
Anicchayaṃ nicchayato parehi;
г̇аамод̇и д̇зязва бурагкад̇о со.
Gāmoti teyeva purakkhato so.
ануггамзнзва махааж̇анзна;
Anukkameneva mahājanena;
бурагкад̇о бан̣д̣ид̇амаани бхигку;
Purakkhato paṇḍitamāni bhikkhu;
абан̣д̣ид̇аанам̣ вимад̇им̣ агад̇ваа;
Apaṇḍitānaṃ vimatiṃ akatvā;
аажарияалийлам̣ бурад̇о гарод̇и.
Ācariyalīlaṃ purato karoti.
д̇ад̇т̇а хи баал̣ияам̣ ‘‘г̇аамасса убажааро г̇аамуубажааро, г̇аамасан̇каад̇о убажааро г̇аамуубажааро наамаа’’д̇и уд̣̇д̇харид̇ваа г̇аамасса убажаарам̣ д̣̇ассзнд̇о ‘‘инд̣̇акийлз тид̇асса маж̇жхимасса бурисасса лзд̣д̣убаад̇о’’д̇и (баараа. 92) вад̇ваа буна г̇аамасан̇каад̇ам̣ убажаарам̣ д̣̇ассзнд̇о ‘‘гхаруубажаарз тид̇асса маж̇жхимасса бурисасса лзд̣д̣убаад̇о’’д̇и вуд̇д̇ам̣. имамад̇т̇ам̣ санд̇хааяа вигаалз г̇аамаббавзсанаг̇ааманд̇араааббаваасасаммуд̇иаад̣̇ийсу баригкзбаарахадтаанамзва г̇аамуубажааранд̇и вуд̇д̇анд̇и ликид̇ам̣.
Tattha hi pāḷiyaṃ ‘‘gāmassa upacāro gāmūpacāro, gāmasaṅkhāto upacāro gāmūpacāro nāmā’’ti uddharitvā gāmassa upacāraṃ dassento ‘‘indakhīle ṭhitassa majjhimassa purisassa leḍḍupāto’’ti (pārā. 92) vatvā puna gāmasaṅkhātaṃ upacāraṃ dassento ‘‘gharūpacāre ṭhitassa majjhimassa purisassa leḍḍupāto’’ti vuttaṃ. Imamatthaṃ sandhāya vikāle gāmappavesanagāmantaraaappavāsasammutiādīsu parikkhepārahaṭṭhānameva gāmūpacāranti vuttanti likhitaṃ.
ад̇т̇ад̇о зганд̇и зд̇т̇а сан̇каасад̣̇д̣̇ам̣ сан̇каад̇асад̣̇д̣̇зна самаанаяад̇и. ‘‘аад̣̇иязяяаа’’д̇и ид̣̇ам̣ бан̃жавийсад̇ияаа авахаараанам̣ саад̇хааран̣абад̣̇ам̣. таанаажааванавасзна жа кийлаад̣̇ийни сан̇гаамзд̇ваа кзд̇д̇аад̣̇иг̇г̇ахан̣авасзна жаад̇и ад̇т̇о. таанаажааванз яат̇аа саамигасса д̇хуранигкзбаад̣̇им̣ анологзд̇ваава аабад̇д̇и, д̇ат̇аа ихаабийд̇и г̇ахзд̇аб̣б̣аа.
Atthatoekanti ettha saṅkhāsaddaṃ saṅkhātasaddena samānayati. ‘‘Ādiyeyyā’’ti idaṃ pañcavīsatiyā avahārānaṃ sādhāraṇapadaṃ. Ṭhānācāvanavasena ca khīlādīni saṅkāmetvā khettādiggahaṇavasena cāti attho. Ṭhānācāvane yathā sāmikassa dhuranikkhepādiṃ anoloketvāva āpatti, tathā ihāpīti gahetabbā.
‘‘асугам̣ наама бхан̣д̣ам̣ авахариссаамий’’д̇и саб̣б̣зсам̣ згаасаяад̇д̇аа ‘‘згзнаабий’’д̇и вуд̇д̇ам̣. яад̣̇и аан̣ад̇д̇и ижчид̇аб̣б̣аа, сам̣вид̇хаавахааро наама зго авахааро барихааяид̇аб̣б̣о.
‘‘Asukaṃ nāma bhaṇḍaṃ avaharissāmī’’ti sabbesaṃ ekāsayattā ‘‘ekenāpī’’ti vuttaṃ. Yadi āṇatti icchitabbā, saṃvidhāvahāro nāma eko avahāro parihāyitabbo.
огаасабаригаббз таанаажааванааяа г̇ахид̇амби огаасабаригаббид̇ад̇д̇аа рагкад̇и. огаасаад̇иггамова бамаан̣ам̣ буб̣б̣з асуд̣̇д̇хажид̇д̇зна г̇ахид̇ад̇д̇аа. ид̣̇аани суд̣̇д̇хажид̇д̇зна г̇ахид̇зби ход̇и зваад̇и вад̣̇анд̇и, д̇ам̣ на сунд̣̇арам̣. зд̇т̇а бана винижчаяо саманд̇абаасаад̣̇игам̣ ологзд̇ваа г̇ахзд̇аб̣б̣о.
Okāsaparikappe ṭhānācāvanāya gahitampi okāsaparikappitattā rakkhati. Okāsātikkamova pamāṇaṃ pubbe asuddhacittena gahitattā. Idāni suddhacittena gahitepi hoti evāti vadanti, taṃ na sundaraṃ. Ettha pana vinicchayo samantapāsādikaṃ oloketvā gahetabbo.
уд̣̇д̇хааро над̇т̇ийд̇и таанаажааванам̣ над̇т̇ийд̇и ад̇т̇о.
Uddhāro natthīti ṭhānācāvanaṃ natthīti attho.
уд̣̇д̇хад̇амад̇д̇з авахааро сагаласса баяог̇асса нидтаабид̇ад̇д̇аа, на ад̇т̇асаад̇хагавасзна. уд̣̇д̇хаарзязва рагкад̇ийд̇и зд̇т̇а зва-сад̣̇д̣̇зна баад̇анз на рагкад̇ийд̇и ад̇т̇з сид̣̇д̇хзби ад̇т̇асаад̇хагавасзна ад̇т̇ам̣ д̣̇ассзд̇ум̣ ‘‘д̇ам̣ уд̣̇д̇харид̇ваа’’д̇иаад̣̇и вуд̇д̇ам̣.
Uddhatamatte avahāro sakalassa payogassa niṭṭhāpitattā, na atthasādhakavasena. Uddhāreyeva rakkhatīti ettha eva-saddena pātane na rakkhatīti atthe siddhepi atthasādhakavasena atthaṃ dassetuṃ ‘‘taṃ uddharitvā’’tiādi vuttaṃ.
‘‘бат̇аб̣яаарааж̇абад̣̇зсарааж̇аад̣̇аяо б̣ахуу, д̇зсам̣ сан̇г̇ан̣ханад̇т̇ам̣ ‘рааж̇аано’д̇и б̣ахуважанам̣ вуд̇д̇а’’нд̇и ликид̇ам̣. гин̃жааби б̣ахуважанам̣ гад̇ам̣, ид̣̇ам̣ бана згам̣ б̣имб̣исаарамзваад̇и д̣̇адтаб̣б̣ам̣. рааж̇аанод̇и гин̃жи анид̣̇д̣̇исид̇ваа саад̇хааран̣авасзна гин̃жааби вуд̇д̇ам̣, ид̣̇ам̣ бана б̣имб̣исаарамзваад̇и.
‘‘Pathabyārājapadesarājādayo bahū, tesaṃ saṅgaṇhanatthaṃ ‘rājāno’ti bahuvacanaṃ vutta’’nti likhitaṃ. Kiñcāpi bahuvacanaṃ kataṃ, idaṃ pana ekaṃ bimbisāramevāti daṭṭhabbaṃ. Rājānoti kiñci aniddisitvā sādhāraṇavasena kiñcāpi vuttaṃ, idaṃ pana bimbisāramevāti.
буб̣б̣аббаяог̇зд̇и зд̇т̇а г̇аманагаалз маг̇г̇асод̇ханаад̇хигаран̣з абаажид̇д̇ияакзд̇д̇з д̣̇уггадам̣, лад̇аажчзд̣̇анаад̣̇ийсу баажид̇д̇ияамзва. г̇анд̇ваа бана гумбхимад̇т̇агз ж̇аад̇алад̇аад̣̇ижчзд̣̇анз сахабаяог̇ад̇д̇аа д̣̇уггадам̣. ‘‘згабхан̣д̣з звам̣ бхаарияамид̣̇ам̣, ‘д̇вамби згабассам̣ г̇ан̣ха, ахамби згабассам̣ г̇ан̣хаамий’д̇и сам̣вид̣̇ахид̇ваа убхаязсам̣ баяог̇зна таанаажааванз гад̇з гааяаваажаажид̇д̇зхи самудтаад̇и. ан̃н̃ат̇аа саахад̇т̇игам̣ ваа аан̣ад̇д̇игасса ан̇г̇ам̣ на ход̇и , аан̣ад̇д̇игам̣ ваа саахад̇т̇игассаад̇и вуд̇д̇алагкан̣зна вируж̇жхад̇ий’’д̇и винаяаг̇ан̣тибад̣̇з ликид̇ам̣. би-сад̣̇д̣̇о банзд̇т̇а д̇ад̇т̇зва ликид̇о.
Pubbappayogeti ettha gamanakāle maggasodhanādhikaraṇe apācittiyakhette dukkaṭaṃ, latācchedanādīsu pācittiyameva. Gantvā pana kumbhimatthake jātalatādicchedane sahapayogattā dukkaṭaṃ. ‘‘Ekabhaṇḍe evaṃ bhāriyamidaṃ, ‘tvampi ekapassaṃ gaṇha, ahampi ekapassaṃ gaṇhāmī’ti saṃvidahitvā ubhayesaṃ payogena ṭhānācāvane kate kāyavācācittehi samuṭṭhāti. Aññathā sāhatthikaṃ vā āṇattikassa aṅgaṃ na hoti , āṇattikaṃ vā sāhatthikassāti vuttalakkhaṇena virujjhatī’’ti vinayagaṇṭhipade likhitaṃ. Pi-saddo panettha tattheva likhito.
гааяаваажаасамудтаанам̣, яассаа аабад̇д̇ияаа сияаа;
Kāyavācāsamuṭṭhānaṃ, yassā āpattiyā siyā;
д̇ад̇ра ваажан̇г̇ам̣ жид̇д̇ам̣ва, гаммам̣ нассаа вид̇хийяад̇и.
Tatra vācaṅgaṃ cittaṃva, kammaṃ nassā vidhīyati.
гирияаагирияаад̣̇игам̣ яан̃жз, яамби гаммад̇д̇аяам̣ бхавз;
Kiriyākiriyādikaṃ yañce, yampi kammattayaṃ bhave;
на яуд̇д̇ам̣ д̇ам̣ вируд̣̇д̇хад̇д̇аа, гаммамзгам̣ва яуж̇ж̇ад̇ийд̇и. (важ̇ира. дий. баарааж̇ига 131 багин̣н̣агагат̇ааван̣н̣анаа);
Na yuttaṃ taṃ viruddhattā, kammamekaṃva yujjatīti. (vajira. ṭī. pārājika 131 pakiṇṇakakathāvaṇṇanā);
д̣̇уд̇ияабаарааж̇игаван̣н̣анаа нидтид̇аа.
Dutiyapārājikavaṇṇanā niṭṭhitā.
