| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
9. දුතියපරිහානිසුත්‌තවණ්‌ණනා
9. Dutiyaparihānisuttavaṇṇanā
29. නවමෙ භික්‌ඛුදස්‌සනං හාපෙතීති භික්‌ඛුසඞ්‌ඝස්‌ස දස්‌සනත්‌ථාය ගමනං හාපෙති. අධිසීලෙති පඤ්‌චසීලදසසීලසඞ්‌ඛාතෙ උත්‌තමසීලෙ. ඉතො බහිද්‌ධාති ඉමම්‌හා සාසනා බහිද්‌ධා. දක්‌ඛිණෙය්‍යං ගවෙසතීති දෙය්‍යධම්‌මපටිග්‌ගාහකෙ පරියෙසති. තත්‌ථ ච පුබ්‌බකාරං කරොතීති තෙසං බාහිරානං තිත්‌ථියානං දත්‌වා පච්‌ඡා භික්‌ඛූනං දෙති. සෙසං සබ්‌බත්‌ථ උත්‌තානමෙවාති.
29. Navame bhikkhudassanaṃ hāpetīti bhikkhusaṅghassa dassanatthāya gamanaṃ hāpeti. Adhisīleti pañcasīladasasīlasaṅkhāte uttamasīle. Ito bahiddhāti imamhā sāsanā bahiddhā. Dakkhiṇeyyaṃ gavesatīti deyyadhammapaṭiggāhake pariyesati. Tattha ca pubbakāraṃ karotīti tesaṃ bāhirānaṃ titthiyānaṃ datvā pacchā bhikkhūnaṃ deti. Sesaṃ sabbattha uttānamevāti.
වජ්‌ජිසත්‌තකවග්‌ගො තතියො.
Vajjisattakavaggo tatiyo.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 9. දුතියපරිහානිසුත්‌තං • 9. Dutiyaparihānisuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7-11. සඤ්‌ඤාසුත්‌තාදිවණ්‌ණනා • 7-11. Saññāsuttādivaṇṇanā
