| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
2. து³தியபரிமண்ட³லஸிக்கா²பத³வண்ணனா
2. Dutiyaparimaṇḍalasikkhāpadavaṇṇanā
படிக்கி²த்தங் கி³ஹிபாருதந்தி கு²த்³த³கவத்து²க²ந்த⁴கே படிக்கி²த்தங் கி³ஹிபாருதங். இதா³னி ‘‘ந, பி⁴க்க²வே’’திஆதி³னா (சூளவ॰ 280-281) ஸங்கே²பேன வுத்தமத்த²மேவ வித்தா²ரெத்வா த³ஸ்ஸேதுங் ‘‘தத்தா²’’திஆதி³மாஹ. யங் கிஞ்சி அஞ்ஞதா² பாருதந்தி ஸம்ப³ந்தோ⁴. தஸ்மாதி யஸ்மா ஸேதபடபாருதாதி³ கி³ஹிபாருதங் நாம, தஸ்மா. ஸேதபடாதி ஏதஸ்ஸேவ விவரணங். அட்³ட⁴பாலகனிக³ண்டா²தி அட்³ட⁴ங் பாலெந்தீதி அட்³ட⁴பாலகா, அட்³ட⁴பாலகா ச தே நிக³ண்டா² சாதி அட்³ட⁴பாலகனிக³ண்டா². தே ஹி உபரி ஏகமேவ ஸேதவத்த²ங் உபகச்ச²கே பவேஸெத்வா பரித³ஹந்தி, ஹெட்டா² நக்³கா³பி அட்³ட⁴மேவ பாலெந்தி. பரிப்³பா³ஜகாதி கி³ஹிப³ந்த⁴னங் பஹாய பப்³ப³ஜ்ஜூபக³தா. உரங் விவரித்வாதி ஹத³யமஜ்ஜ²ங் விவரித்வா. அக்கி²தாரகாமத்தந்தி அக்கி²மத்தங். ஆராமே வாதி பு³த்³தூ⁴பட்டா²னாதி³காலங் ஸந்தா⁴ய வுத்தங். அந்தரக⁴ரே வாதி அந்தரே க⁴ரானி எத்த², ஏதஸ்ஸாதி வா ‘‘அந்தரக⁴ர’’ந்தி லத்³த⁴னாமே கா³மே.
Paṭikkhittaṃgihipārutanti khuddakavatthukhandhake paṭikkhittaṃ gihipārutaṃ. Idāni ‘‘na, bhikkhave’’tiādinā (cūḷava. 280-281) saṅkhepena vuttamatthameva vitthāretvā dassetuṃ ‘‘tatthā’’tiādimāha. Yaṃ kiñci aññathā pārutanti sambandho. Tasmāti yasmā setapaṭapārutādi gihipārutaṃ nāma, tasmā. Setapaṭāti etasseva vivaraṇaṃ. Aḍḍhapālakanigaṇṭhāti aḍḍhaṃ pālentīti aḍḍhapālakā, aḍḍhapālakā ca te nigaṇṭhā cāti aḍḍhapālakanigaṇṭhā. Te hi upari ekameva setavatthaṃ upakacchake pavesetvā paridahanti, heṭṭhā naggāpi aḍḍhameva pālenti. Paribbājakāti gihibandhanaṃ pahāya pabbajjūpagatā. Uraṃ vivaritvāti hadayamajjhaṃ vivaritvā. Akkhitārakāmattanti akkhimattaṃ. Ārāme vāti buddhūpaṭṭhānādikālaṃ sandhāya vuttaṃ. Antaraghare vāti antare gharāni ettha, etassāti vā ‘‘antaraghara’’nti laddhanāme gāme.
து³தியபரிமண்ட³லஸிக்கா²பத³வண்ணனா நிட்டி²தா.
Dutiyaparimaṇḍalasikkhāpadavaṇṇanā niṭṭhitā.
