| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
2. д̣̇уд̇ияабариман̣д̣аласигкаабад̣̇аван̣н̣анаа
2. Dutiyaparimaṇḍalasikkhāpadavaṇṇanā
бадигкид̇д̇ам̣ г̇ихибааруд̇анд̇и куд̣̇д̣̇агавад̇т̇уканд̇хагз бадигкид̇д̇ам̣ г̇ихибааруд̇ам̣. ид̣̇аани ‘‘на, бхигкавз’’д̇иаад̣̇инаа (жуул̣ава. 280-281) сан̇кзбзна вуд̇д̇амад̇т̇амзва вид̇т̇аарзд̇ваа д̣̇ассзд̇ум̣ ‘‘д̇ад̇т̇аа’’д̇иаад̣̇имааха. яам̣ гин̃жи ан̃н̃ат̇аа бааруд̇анд̇и самб̣анд̇хо. д̇асмаад̇и яасмаа сзд̇абадабааруд̇аад̣̇и г̇ихибааруд̇ам̣ наама, д̇асмаа. сзд̇абадаад̇и зд̇ассзва виваран̣ам̣. ад̣дхабаалаганиг̇ан̣таад̇и ад̣дхам̣ баалзнд̇ийд̇и ад̣дхабаалагаа, ад̣дхабаалагаа жа д̇з ниг̇ан̣таа жаад̇и ад̣дхабаалаганиг̇ан̣таа. д̇з хи убари згамзва сзд̇авад̇т̇ам̣ убагажчагз бавзсзд̇ваа барид̣̇аханд̇и, хздтаа наг̇г̇ааби ад̣дхамзва баалзнд̇и. бариб̣б̣ааж̇агаад̇и г̇ихиб̣анд̇ханам̣ бахааяа баб̣б̣аж̇ж̇уубаг̇ад̇аа. урам̣ виварид̇ваад̇и хад̣̇аяамаж̇жхам̣ виварид̇ваа. агкид̇аарагаамад̇д̇анд̇и агкимад̇д̇ам̣. аараамз ваад̇и б̣уд̣̇д̇хуубадтаанаад̣̇игаалам̣ санд̇хааяа вуд̇д̇ам̣. анд̇арагхарз ваад̇и анд̇арз гхараани зд̇т̇а, зд̇ассаад̇и ваа ‘‘анд̇арагхара’’нд̇и лад̣̇д̇ханаамз г̇аамз.
Paṭikkhittaṃgihipārutanti khuddakavatthukhandhake paṭikkhittaṃ gihipārutaṃ. Idāni ‘‘na, bhikkhave’’tiādinā (cūḷava. 280-281) saṅkhepena vuttamatthameva vitthāretvā dassetuṃ ‘‘tatthā’’tiādimāha. Yaṃ kiñci aññathā pārutanti sambandho. Tasmāti yasmā setapaṭapārutādi gihipārutaṃ nāma, tasmā. Setapaṭāti etasseva vivaraṇaṃ. Aḍḍhapālakanigaṇṭhāti aḍḍhaṃ pālentīti aḍḍhapālakā, aḍḍhapālakā ca te nigaṇṭhā cāti aḍḍhapālakanigaṇṭhā. Te hi upari ekameva setavatthaṃ upakacchake pavesetvā paridahanti, heṭṭhā naggāpi aḍḍhameva pālenti. Paribbājakāti gihibandhanaṃ pahāya pabbajjūpagatā. Uraṃ vivaritvāti hadayamajjhaṃ vivaritvā. Akkhitārakāmattanti akkhimattaṃ. Ārāme vāti buddhūpaṭṭhānādikālaṃ sandhāya vuttaṃ. Antaraghare vāti antare gharāni ettha, etassāti vā ‘‘antaraghara’’nti laddhanāme gāme.
д̣̇уд̇ияабариман̣д̣аласигкаабад̣̇аван̣н̣анаа нидтид̇аа.
Dutiyaparimaṇḍalasikkhāpadavaṇṇanā niṭṭhitā.
