| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
២. ទុតិយបរិមណ្ឌលសិក្ខាបទវណ្ណនា
2. Dutiyaparimaṇḍalasikkhāpadavaṇṇanā
បដិក្ខិត្តំ គិហិបារុតន្តិ ខុទ្ទកវត្ថុខន្ធកេ បដិក្ខិត្តំ គិហិបារុតំ។ ឥទានិ ‘‘ន, ភិក្ខវេ’’តិអាទិនា (ចូឡវ. ២៨០-២៨១) សង្ខេបេន វុត្តមត្ថមេវ វិត្ថារេត្វា ទស្សេតុំ ‘‘តត្ថា’’តិអាទិមាហ។ យំ កិញ្ចិ អញ្ញថា បារុតន្តិ សម្ពន្ធោ។ តស្មាតិ យស្មា សេតបដបារុតាទិ គិហិបារុតំ នាម, តស្មា។ សេតបដាតិ ឯតស្សេវ វិវរណំ។ អឌ្ឍបាលកនិគណ្ឋាតិ អឌ្ឍំ បាលេន្តីតិ អឌ្ឍបាលកា, អឌ្ឍបាលកា ច តេ និគណ្ឋា ចាតិ អឌ្ឍបាលកនិគណ្ឋា។ តេ ហិ ឧបរិ ឯកមេវ សេតវត្ថំ ឧបកច្ឆកេ បវេសេត្វា បរិទហន្តិ, ហេដ្ឋា នគ្គាបិ អឌ្ឍមេវ បាលេន្តិ។ បរិព្ពាជកាតិ គិហិពន្ធនំ បហាយ បព្ពជ្ជូបគតា។ ឧរំ វិវរិត្វាតិ ហទយមជ្ឈំ វិវរិត្វា។ អក្ខិតារកាមត្តន្តិ អក្ខិមត្តំ។ អារាមេ វាតិ ពុទ្ធូបដ្ឋានាទិកាលំ សន្ធាយ វុត្តំ។ អន្តរឃរេ វាតិ អន្តរេ ឃរានិ ឯត្ថ, ឯតស្សាតិ វា ‘‘អន្តរឃរ’’ន្តិ លទ្ធនាមេ គាមេ។
Paṭikkhittaṃgihipārutanti khuddakavatthukhandhake paṭikkhittaṃ gihipārutaṃ. Idāni ‘‘na, bhikkhave’’tiādinā (cūḷava. 280-281) saṅkhepena vuttamatthameva vitthāretvā dassetuṃ ‘‘tatthā’’tiādimāha. Yaṃ kiñci aññathā pārutanti sambandho. Tasmāti yasmā setapaṭapārutādi gihipārutaṃ nāma, tasmā. Setapaṭāti etasseva vivaraṇaṃ. Aḍḍhapālakanigaṇṭhāti aḍḍhaṃ pālentīti aḍḍhapālakā, aḍḍhapālakā ca te nigaṇṭhā cāti aḍḍhapālakanigaṇṭhā. Te hi upari ekameva setavatthaṃ upakacchake pavesetvā paridahanti, heṭṭhā naggāpi aḍḍhameva pālenti. Paribbājakāti gihibandhanaṃ pahāya pabbajjūpagatā. Uraṃ vivaritvāti hadayamajjhaṃ vivaritvā. Akkhitārakāmattanti akkhimattaṃ. Ārāme vāti buddhūpaṭṭhānādikālaṃ sandhāya vuttaṃ. Antaraghare vāti antare gharāni ettha, etassāti vā ‘‘antaraghara’’nti laddhanāme gāme.
ទុតិយបរិមណ្ឌលសិក្ខាបទវណ្ណនា និដ្ឋិតា។
Dutiyaparimaṇḍalasikkhāpadavaṇṇanā niṭṭhitā.
