| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੨. ਦੁਤਿਯਪਰਿਮਣ੍ਡਲਸਿਕ੍ਖਾਪਦવਣ੍ਣਨਾ
2. Dutiyaparimaṇḍalasikkhāpadavaṇṇanā
ਪਟਿਕ੍ਖਿਤ੍ਤਂ ਗਿਹਿਪਾਰੁਤਨ੍ਤਿ ਖੁਦ੍ਦਕવਤ੍ਥੁਖਨ੍ਧਕੇ ਪਟਿਕ੍ਖਿਤ੍ਤਂ ਗਿਹਿਪਾਰੁਤਂ। ਇਦਾਨਿ ‘‘ਨ, ਭਿਕ੍ਖવੇ’’ਤਿਆਦਿਨਾ (ਚੂਲ਼વ॰ ੨੮੦-੨੮੧) ਸਙ੍ਖੇਪੇਨ વੁਤ੍ਤਮਤ੍ਥਮੇવ વਿਤ੍ਥਾਰੇਤ੍વਾ ਦਸ੍ਸੇਤੁਂ ‘‘ਤਤ੍ਥਾ’’ਤਿਆਦਿਮਾਹ। ਯਂ ਕਿਞ੍ਚਿ ਅਞ੍ਞਥਾ ਪਾਰੁਤਨ੍ਤਿ ਸਮ੍ਬਨ੍ਧੋ। ਤਸ੍ਮਾਤਿ ਯਸ੍ਮਾ ਸੇਤਪਟਪਾਰੁਤਾਦਿ ਗਿਹਿਪਾਰੁਤਂ ਨਾਮ, ਤਸ੍ਮਾ। ਸੇਤਪਟਾਤਿ ਏਤਸ੍ਸੇવ વਿવਰਣਂ। ਅਡ੍ਢਪਾਲਕਨਿਗਣ੍ਠਾਤਿ ਅਡ੍ਢਂ ਪਾਲੇਨ੍ਤੀਤਿ ਅਡ੍ਢਪਾਲਕਾ, ਅਡ੍ਢਪਾਲਕਾ ਚ ਤੇ ਨਿਗਣ੍ਠਾ ਚਾਤਿ ਅਡ੍ਢਪਾਲਕਨਿਗਣ੍ਠਾ। ਤੇ ਹਿ ਉਪਰਿ ਏਕਮੇવ ਸੇਤવਤ੍ਥਂ ਉਪਕਚ੍ਛਕੇ ਪવੇਸੇਤ੍વਾ ਪਰਿਦਹਨ੍ਤਿ, ਹੇਟ੍ਠਾ ਨਗ੍ਗਾਪਿ ਅਡ੍ਢਮੇવ ਪਾਲੇਨ੍ਤਿ। ਪਰਿਬ੍ਬਾਜਕਾਤਿ ਗਿਹਿਬਨ੍ਧਨਂ ਪਹਾਯ ਪਬ੍ਬਜ੍ਜੂਪਗਤਾ। ਉਰਂ વਿવਰਿਤ੍વਾਤਿ ਹਦਯਮਜ੍ਝਂ વਿવਰਿਤ੍વਾ। ਅਕ੍ਖਿਤਾਰਕਾਮਤ੍ਤਨ੍ਤਿ ਅਕ੍ਖਿਮਤ੍ਤਂ। ਆਰਾਮੇ વਾਤਿ ਬੁਦ੍ਧੂਪਟ੍ਠਾਨਾਦਿਕਾਲਂ ਸਨ੍ਧਾਯ વੁਤ੍ਤਂ। ਅਨ੍ਤਰਘਰੇ વਾਤਿ ਅਨ੍ਤਰੇ ਘਰਾਨਿ ਏਤ੍ਥ, ਏਤਸ੍ਸਾਤਿ વਾ ‘‘ਅਨ੍ਤਰਘਰ’’ਨ੍ਤਿ ਲਦ੍ਧਨਾਮੇ ਗਾਮੇ।
Paṭikkhittaṃgihipārutanti khuddakavatthukhandhake paṭikkhittaṃ gihipārutaṃ. Idāni ‘‘na, bhikkhave’’tiādinā (cūḷava. 280-281) saṅkhepena vuttamatthameva vitthāretvā dassetuṃ ‘‘tatthā’’tiādimāha. Yaṃ kiñci aññathā pārutanti sambandho. Tasmāti yasmā setapaṭapārutādi gihipārutaṃ nāma, tasmā. Setapaṭāti etasseva vivaraṇaṃ. Aḍḍhapālakanigaṇṭhāti aḍḍhaṃ pālentīti aḍḍhapālakā, aḍḍhapālakā ca te nigaṇṭhā cāti aḍḍhapālakanigaṇṭhā. Te hi upari ekameva setavatthaṃ upakacchake pavesetvā paridahanti, heṭṭhā naggāpi aḍḍhameva pālenti. Paribbājakāti gihibandhanaṃ pahāya pabbajjūpagatā. Uraṃ vivaritvāti hadayamajjhaṃ vivaritvā. Akkhitārakāmattanti akkhimattaṃ. Ārāme vāti buddhūpaṭṭhānādikālaṃ sandhāya vuttaṃ. Antaraghare vāti antare gharāni ettha, etassāti vā ‘‘antaraghara’’nti laddhanāme gāme.
ਦੁਤਿਯਪਰਿਮਣ੍ਡਲਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dutiyaparimaṇḍalasikkhāpadavaṇṇanā niṭṭhitā.
