| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༦. དུཏིཡཔཐཝཱིསུཏྟཾ
6. Dutiyapathavīsuttaṃ
༧༩. སཱཝཏྠིཡཾ ཝིཧརཏི…པེ॰… ‘‘སེཡྻཐཱཔི, བྷིཀྑཝེ, མཧཱཔཐཝཱི པརིཀྑཡཾ པརིཡཱདཱནཾ གཙྪེཡྻ, ཋཔེཏྭཱ སཏྟ ཀོལཊྛིམཏྟིཡོ གུལི༹ཀཱ། ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཾ ཝཱ མཧཱཔཐཝིཡཱ པརིཀྑཱིཎཾ པརིཡཱདིཎྞཾ ཡཱ ཝཱ སཏྟ ཀོལཊྛིམཏྟིཡོ གུལི༹ཀཱ ཨཝསིཊྛཱ’’ཏི?
79. Sāvatthiyaṃ viharati…pe… ‘‘seyyathāpi, bhikkhave, mahāpathavī parikkhayaṃ pariyādānaṃ gaccheyya, ṭhapetvā satta kolaṭṭhimattiyo guḷikā. Taṃ kiṃ maññatha, bhikkhave, katamaṃ nu kho bahutaraṃ, yaṃ vā mahāpathaviyā parikkhīṇaṃ pariyādiṇṇaṃ yā vā satta kolaṭṭhimattiyo guḷikā avasiṭṭhā’’ti?
‘‘ཨེཏདེཝ བྷནྟེ, བཧུཏརཾ, མཧཱཔཐཝིཡཱ, ཡདིདཾ པརིཀྑཱིཎཾ པརིཡཱདིཎྞཾ; ཨཔྤམཏྟིཀཱ སཏྟ ཀོལཊྛིམཏྟིཡོ གུལི༹ཀཱ ཨཝསིཊྛཱ། ནེཝ སཏིམཾ ཀལཾ ཨུཔེནྟི ན སཧསྶིམཾ ཀལཾ ཨུཔེནྟི ན སཏསཧསྶིམཾ ཀལཾ ཨུཔེནྟི མཧཱཔཐཝིཡཱ པརིཀྑཱིཎཾ པརིཡཱདིཎྞཾ ཨུཔནིདྷཱཡ སཏྟ ཀོལཊྛིམཏྟིཡོ གུལི༹ཀཱ ཨཝསིཊྛཱ’’ཏི། ‘‘ཨེཝམེཝ ཁོ, བྷིཀྑཝེ…པེ॰… དྷམྨཙཀྑུཔཊིལཱབྷོ’’ཏི། ཚཊྛཾ།
‘‘Etadeva bhante, bahutaraṃ, mahāpathaviyā, yadidaṃ parikkhīṇaṃ pariyādiṇṇaṃ; appamattikā satta kolaṭṭhimattiyo guḷikā avasiṭṭhā. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāpathaviyā parikkhīṇaṃ pariyādiṇṇaṃ upanidhāya satta kolaṭṭhimattiyo guḷikā avasiṭṭhā’’ti. ‘‘Evameva kho, bhikkhave…pe… dhammacakkhupaṭilābho’’ti. Chaṭṭhaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. པཐཝཱིསུཏྟཱདིཝཎྞནཱ • 5. Pathavīsuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤. པཐཝཱིསུཏྟཱདིཝཎྞནཱ • 4. Pathavīsuttādivaṇṇanā
