| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
12. д̣̇уд̇ияабад̇иб̣б̣ад̇аавимаанаван̣н̣анаа
12. Dutiyapatibbatāvimānavaṇṇanā
взл̣урияат̇амбханд̇и д̣̇уд̇ияабад̇иб̣б̣ад̇аавимаанам̣. д̇асса гаа уббад̇д̇и? саавад̇т̇ияам̣ гира ан̃н̃ад̇араа убаасигаа бад̇иб̣б̣ад̇аа худ̇ваа сад̣̇д̇хаа басаннаа бан̃жа сийлаани сувисуд̣̇д̇хаани гад̇ваа рагки, яат̇аавибхаван̃жа д̣̇аанаани ад̣̇ааси, саа гаалам̣ гад̇ваа д̇аавад̇им̣сабхаванз уббаж̇ж̇и. сзсам̣ хздтаа вуд̇д̇анаяамзва.
Veḷuriyathambhanti dutiyapatibbatāvimānaṃ. Tassa kā uppatti? Sāvatthiyaṃ kira aññatarā upāsikā patibbatā hutvā saddhā pasannā pañca sīlāni suvisuddhāni katvā rakkhi, yathāvibhavañca dānāni adāsi, sā kālaṃ katvā tāvatiṃsabhavane uppajji. Sesaṃ heṭṭhā vuttanayameva.
101.
101.
‘‘взл̣урияат̇амбхам̣ ружирам̣ бабхассарам̣, вимаанамааруяха анзгажид̇д̇ам̣;
‘‘Veḷuriyathambhaṃ ruciraṃ pabhassaraṃ, vimānamāruyha anekacittaṃ;
д̇ад̇т̇ажчаси д̣̇зви махаанубхаавз, ужжааважаа ид̣̇д̇хи вигуб̣б̣амаанаа;
Tatthacchasi devi mahānubhāve, uccāvacā iddhi vikubbamānā;
имаа жа д̇з ажчарааяо саманд̇ад̇о, нажжанд̇и г̇ааяанд̇и бамод̣̇аяанд̇и жа.
Imā ca te accharāyo samantato, naccanti gāyanti pamodayanti ca.
102.
102.
‘‘д̣̇звид̣̇д̇хибад̇д̇ааси махаанубхаавз,
‘‘Deviddhipattāsi mahānubhāve,
мануссабхууд̇аа гимагааси бун̃н̃ам̣;
Manussabhūtā kimakāsi puññaṃ;
гзнааси звам̣ ж̇алид̇аанубхааваа,
Kenāsi evaṃ jalitānubhāvā,
ван̣н̣о жа д̇з саб̣б̣ад̣̇исаа бабхаасад̇ий’’д̇и. – бужчи;
Vaṇṇo ca te sabbadisā pabhāsatī’’ti. – pucchi;
103.
103.
‘‘саа д̣̇звад̇аа ад̇д̇аманаа, мог̇г̇аллаанзна бужчид̇аа;
‘‘Sā devatā attamanā, moggallānena pucchitā;
бан̃хам̣ будтаа вияаагааси, яасса гаммассид̣̇ам̣ палам̣’’.
Pañhaṃ puṭṭhā viyākāsi, yassa kammassidaṃ phalaṃ’’.
104.
104.
‘‘ахам̣ мануссзсу мануссабхууд̇аа, убаасигаа жагкумад̇о ахосим̣;
‘‘Ahaṃ manussesu manussabhūtā, upāsikā cakkhumato ahosiṃ;
баан̣аад̇ибаад̇аа вирад̇аа ахосим̣, логз ад̣̇иннам̣ бариваж̇ж̇аяиссам̣.
Pāṇātipātā viratā ahosiṃ, loke adinnaṃ parivajjayissaṃ.
105.
105.
‘‘амаж̇ж̇абаа но жа мусаа абхаан̣им̣, сагзна сааминаа ахосим̣ д̇удтаа;
‘‘Amajjapā no ca musā abhāṇiṃ, sakena sāminā ahosiṃ tuṭṭhā;
аннан̃жа баанан̃жа басаннажид̇д̇аа, саггажжа д̣̇аанам̣ вибулам̣ ад̣̇аасим̣.
Annañca pānañca pasannacittā, sakkacca dānaṃ vipulaṃ adāsiṃ.
106.
106.
‘‘д̇зна мзд̇аад̣̇исо ван̣н̣о, д̇зна мз ид̇ха миж̇жхад̇и;
‘‘Tena metādiso vaṇṇo, tena me idha mijjhati;
уббаж̇ж̇анд̇и жа мз бхог̇аа, яз гзжи манасо бияаа.
Uppajjanti ca me bhogā, ye keci manaso piyā.
107.
107.
‘‘агкаами д̇з бхигку махаанубхаава,
‘‘Akkhāmi te bhikkhu mahānubhāva,
мануссабхууд̇аа яамагааси бун̃н̃ам̣;
Manussabhūtā yamakāsi puññaṃ;
д̇знамхи звам̣ ж̇алид̇аанубхааваа,
Tenamhi evaṃ jalitānubhāvā,
ван̣н̣о жа мз саб̣б̣ад̣̇исаа бабхаасад̇ий’’д̇и. – виссаж̇ж̇зси;
Vaṇṇo ca me sabbadisā pabhāsatī’’ti. – vissajjesi;
101. д̇ад̇т̇а взл̣урияат̇амбханд̇и взл̣урияаман̣имаяат̇амбхам̣. ружиранд̇и раман̣ийяам̣. бабхассаранд̇и ад̇ивияа бхаасурам̣. ужжааважаад̇и ужжаа жа аважаа жа, вивид̇хаад̇и ад̇т̇о.
101. Tattha veḷuriyathambhanti veḷuriyamaṇimayathambhaṃ. Ruciranti ramaṇīyaṃ. Pabhassaranti ativiya bhāsuraṃ. Uccāvacāti uccā ca avacā ca, vividhāti attho.
104-5. убаасигаад̇и саран̣аг̇аманзна убаасигаалагкан̣з тид̇аа. вуд̇д̇ан̃хи –
104-5.Upāsikāti saraṇagamanena upāsikālakkhaṇe ṭhitā. Vuttañhi –
‘‘яад̇о ко, махаанаама, арияасааваго б̣уд̣̇д̇хам̣ саран̣ам̣ г̇ад̇о ход̇и, д̇хаммам̣ саран̣ам̣ г̇ад̇о ход̇и, сан̇гхам̣ саран̣ам̣ г̇ад̇о ход̇и, зд̇д̇аавад̇аа ко, махаанаама, арияасааваго убаасаго ход̇ий’’д̇и (сам̣. ни. 5.1033).
‘‘Yato kho, mahānāma, ariyasāvako buddhaṃ saraṇaṃ gato hoti, dhammaṃ saraṇaṃ gato hoti, saṅghaṃ saraṇaṃ gato hoti, ettāvatā kho, mahānāma, ariyasāvako upāsako hotī’’ti (saṃ. ni. 5.1033).
жагкумад̇од̇и бан̃жахи жагкуухи жагкумад̇о б̣уд̣̇д̇хасса бхаг̇авад̇о. звам̣ убаасигаабхаавагид̇д̇анзна аасаяасуд̣̇д̇хим̣ д̣̇ассзд̇ваа баяог̇асуд̣̇д̇хим̣ д̣̇ассзд̇ум̣ ‘‘баан̣аад̇ибаад̇аа вирад̇аа’’д̇иаад̣̇и вуд̇д̇ам̣. д̇ад̇т̇а сагзна сааминаа ахосим̣ д̇удтаад̇и мижчаажаараавзраман̣имааха. сзсам̣ хздтаа вуд̇д̇асад̣̇исамзва.
Cakkhumatoti pañcahi cakkhūhi cakkhumato buddhassa bhagavato. Evaṃ upāsikābhāvakittanena āsayasuddhiṃ dassetvā payogasuddhiṃ dassetuṃ ‘‘pāṇātipātā viratā’’tiādi vuttaṃ. Tattha sakena sāminā ahosiṃ tuṭṭhāti micchācārāveramaṇimāha. Sesaṃ heṭṭhā vuttasadisameva.
д̣̇уд̇ияабад̇иб̣б̣ад̇аавимаанаван̣н̣анаа нидтид̇аа.
Dutiyapatibbatāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 12. д̣̇уд̇ияабад̇иб̣б̣ад̇аавимаанавад̇т̇у • 12. Dutiyapatibbatāvimānavatthu
