| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
2. д̣̇уд̇ияабаадид̣̇зсанийяасигкаабад̣̇ам̣
2. Dutiyapāṭidesanīyasikkhāpadaṃ
557. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна бхигкуу гулзсу ниманд̇ид̇аа бхун̃ж̇анд̇и. чаб̣б̣аг̇г̇ияаа бхигкунияо чаб̣б̣аг̇г̇ияаанам̣ бхигкуунам̣ восаасанд̇ияо тид̇аа хонд̇и – ‘‘ид̇ха суубам̣ д̣̇зт̇а, ид̇ха од̣̇анам̣ д̣̇зт̇аа’’д̇и. чаб̣б̣аг̇г̇ияаа бхигкуу яаавад̣̇ад̇т̇ам̣ бхун̃ж̇анд̇и. ан̃н̃з бхигкуу на жид̇д̇аруубам̣ бхун̃ж̇анд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу бхигкунияо восаасанд̇ияо на ниваарзссанд̇ий’’д̇и…бз… сажжам̣ гира д̇умхз, бхигкавз, бхигкунияо восаасанд̇ияо на ниваарзт̇аад̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа …бз… гат̇ан̃хи наама д̇умхз, могхабурисаа, бхигкунияо восаасанд̇ияо на ниваарзссат̇а ! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
557. Tena samayena buddho bhagavā rājagahe viharati veḷuvane kalandakanivāpe. Tena kho pana samayena bhikkhū kulesu nimantitā bhuñjanti. Chabbaggiyā bhikkhuniyo chabbaggiyānaṃ bhikkhūnaṃ vosāsantiyo ṭhitā honti – ‘‘idha sūpaṃ detha, idha odanaṃ dethā’’ti. Chabbaggiyā bhikkhū yāvadatthaṃ bhuñjanti. Aññe bhikkhū na cittarūpaṃ bhuñjanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhuniyo vosāsantiyo na nivāressantī’’ti…pe… saccaṃ kira tumhe, bhikkhave, bhikkhuniyo vosāsantiyo na nivārethāti? ‘‘Saccaṃ, bhagavā’’ti. Vigarahi buddho bhagavā …pe… kathañhi nāma tumhe, moghapurisā, bhikkhuniyo vosāsantiyo na nivāressatha ! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
558. ‘‘бхигкуу банзва гулзсу ниманд̇ид̇аа бхун̃ж̇анд̇и, д̇ад̇ра жз саа 1 бхигкуний восаасамаанаруубаа тид̇аа ход̇и – ‘ид̇ха суубам̣ д̣̇зт̇а, ид̇ха од̣̇анам̣ д̣̇зт̇аа’д̇и, д̇зхи бхигкуухи саа бхигкуний абасаад̣̇зд̇аб̣б̣аа – ‘абасагга д̇аава, бхаг̇ини, яаава бхигкуу бхун̃ж̇анд̇ий’д̇и. згасса жзби 2 бхигкуно на бадибхаасзяяа д̇ам̣ бхигкуним̣ абасаад̣̇зд̇ум̣ – ‘абасагга д̇аава, бхаг̇ини, яаава бхигкуу бхун̃ж̇анд̇ий’д̇и бадид̣̇зсзд̇аб̣б̣ам̣ д̇зхи бхигкуухи – ‘г̇аараяхам̣, аавусо, д̇хаммам̣ аабаж̇ж̇имхаа асаббааяам̣ баадид̣̇зсанийяам̣, д̇ам̣ бадид̣̇зсзмаа’’’д̇и.
558.‘‘Bhikkhūpaneva kulesu nimantitā bhuñjanti, tatra ce sā 3 bhikkhunī vosāsamānarūpā ṭhitā hoti – ‘idha sūpaṃ detha, idha odanaṃ dethā’ti, tehi bhikkhūhi sā bhikkhunī apasādetabbā – ‘apasakka tāva, bhagini, yāva bhikkhū bhuñjantī’ti. Ekassa cepi 4 bhikkhuno na paṭibhāseyya taṃ bhikkhuniṃ apasādetuṃ – ‘apasakka tāva, bhagini, yāva bhikkhū bhuñjantī’ti paṭidesetabbaṃ tehi bhikkhūhi – ‘gārayhaṃ, āvuso, dhammaṃ āpajjimhā asappāyaṃ pāṭidesanīyaṃ, taṃ paṭidesemā’’’ti.
559. бхигкуу банзва гулзсу ниманд̇ид̇аа бхун̃ж̇анд̇ийд̇и гулам̣ наама жад̇д̇аари гулаани – кад̇д̇ияагулам̣, б̣раахман̣агулам̣, взссагулам̣, суд̣̇д̣̇агулам̣.
559.Bhikkhū paneva kulesu nimantitā bhuñjantīti kulaṃ nāma cattāri kulāni – khattiyakulaṃ, brāhmaṇakulaṃ, vessakulaṃ, suddakulaṃ.
ниманд̇ид̇аа бхун̃ж̇анд̇ийд̇и бан̃жаннам̣ бхож̇анаанам̣ ан̃н̃ад̇арзна бхож̇анзна ниманд̇ид̇аа бхун̃ж̇анд̇и.
Nimantitā bhuñjantīti pañcannaṃ bhojanānaṃ aññatarena bhojanena nimantitā bhuñjanti.
бхигкуний наама убхад̇осан̇гхз убасамбаннаа.
Bhikkhunī nāma ubhatosaṅghe upasampannā.
восаасанд̇ий наама яат̇аамид̇д̇ад̇аа яат̇аасанд̣̇идтад̇аа яат̇аасамбхад̇д̇ад̇аа яат̇аасамаанубаж̇жхааяагад̇аа яат̇аасамаанаажарияагад̇аа – ‘‘ид̇ха суубам̣ д̣̇зт̇а, ид̇ха од̣̇анам̣ д̣̇зт̇аа’’д̇и. зсаа восаасанд̇ий наама.
Vosāsantī nāma yathāmittatā yathāsandiṭṭhatā yathāsambhattatā yathāsamānupajjhāyakatā yathāsamānācariyakatā – ‘‘idha sūpaṃ detha, idha odanaṃ dethā’’ti. Esā vosāsantī nāma.
д̇зхи бхигкуухийд̇и бхун̃ж̇амаанзхи бхигкуухи.
Tehi bhikkhūhīti bhuñjamānehi bhikkhūhi.
саа бхигкунийд̇и яаа саа восаасанд̇ий бхигкуний.
Sā bhikkhunīti yā sā vosāsantī bhikkhunī.
560. убасамбаннааяа убасамбаннасан̃н̃ий восаасанд̇ияаа на ниваарзд̇и, аабад̇д̇и баадид̣̇зсанийяасса . убасамбаннааяа взмад̇иго восаасанд̇ияаа на ниваарзд̇и, аабад̇д̇и баадид̣̇зсанийяасса. убасамбаннааяа анубасамбаннасан̃н̃ий восаасанд̇ияаа на ниваарзд̇и, аабад̇д̇и баадид̣̇зсанийяасса.
560. Upasampannāya upasampannasaññī vosāsantiyā na nivāreti, āpatti pāṭidesanīyassa . Upasampannāya vematiko vosāsantiyā na nivāreti, āpatti pāṭidesanīyassa. Upasampannāya anupasampannasaññī vosāsantiyā na nivāreti, āpatti pāṭidesanīyassa.
згад̇оубасамбаннааяа восаасанд̇ияаа на ниваарзд̇и, аабад̇д̇и д̣̇уггадасса. анубасамбаннааяа убасамбаннасан̃н̃ий, аабад̇д̇и д̣̇уггадасса. анубасамбаннааяа взмад̇иго, аабад̇д̇и д̣̇уггадасса. анубасамбаннааяа анубасамбаннасан̃н̃ий, анаабад̇д̇и.
Ekatoupasampannāya vosāsantiyā na nivāreti, āpatti dukkaṭassa. Anupasampannāya upasampannasaññī, āpatti dukkaṭassa. Anupasampannāya vematiko, āpatti dukkaṭassa. Anupasampannāya anupasampannasaññī, anāpatti.
561. анаабад̇д̇и ад̇д̇ано бхад̇д̇ам̣ д̣̇аабзд̇и на д̣̇зд̇и, ан̃н̃зсам̣ бхад̇д̇ам̣ д̣̇зд̇и на д̣̇аабзд̇и, яам̣ на д̣̇иннам̣ д̇ам̣ д̣̇аабзд̇и, яад̇т̇а на д̣̇иннам̣ д̇ад̇т̇а д̣̇аабзд̇и, саб̣б̣зсам̣ самагам̣ д̣̇аабзд̇и, сигкамаанаа восаасад̇и, сааман̣зрий восаасад̇и, бан̃жа бхож̇анаани табзд̇ваа саб̣б̣ад̇т̇а, анаабад̇д̇и, уммад̇д̇агасса, аад̣̇игаммигассаад̇и.
561. Anāpatti attano bhattaṃ dāpeti na deti, aññesaṃ bhattaṃ deti na dāpeti, yaṃ na dinnaṃ taṃ dāpeti, yattha na dinnaṃ tattha dāpeti, sabbesaṃ samakaṃ dāpeti, sikkhamānā vosāsati, sāmaṇerī vosāsati, pañca bhojanāni ṭhapetvā sabbattha, anāpatti, ummattakassa, ādikammikassāti.
д̣̇уд̇ияабаадид̣̇зсанийяасигкаабад̣̇ам̣ нидтид̇ам̣.
Dutiyapāṭidesanīyasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаадид̣̇зсанийяасигкаабад̣̇аван̣н̣анаа • 2. Dutiyapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баадид̣̇зсанийяасигкаабад̣̇аван̣н̣анаа • Pāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияабаадид̣̇зсанийяасигкаабад̣̇аван̣н̣анаа • 2. Dutiyapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамабаадид̣̇зсанийяасигкаабад̣̇аван̣н̣анаа • 1. Paṭhamapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. д̣̇уд̇ияабаадид̣̇зсанийяасигкаабад̣̇ам̣ • 2. Dutiyapāṭidesanīyasikkhāpadaṃ
