| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
2. து³தியபாடிதே³ஸனீயஸிக்கா²பத³வண்ணனா
2. Dutiyapāṭidesanīyasikkhāpadavaṇṇanā
559. ‘‘நிமந்திதா பு⁴ஞ்ஜந்தீதி பஞ்சன்னங் போ⁴ஜனானங் அஞ்ஞதரேன போ⁴ஜனேன நிமந்திதா பு⁴ஞ்ஜந்தீ’’தி கிஞ்சாபி வுத்தங், அத² கோ² அகப்பியனிமந்தனேன நிமந்திததா எத்த² ந அங்க³ங், மாதிகாட்ட²கதா²யங் வா இத⁴ வா அனாபத்திவாரே லேஸாபா⁴வதோ, தஸ்மா ‘‘நிமந்திதா’’தி பத³ஸ்ஸ அத்தோ² புப்³பே³ ஆசிண்ணவஸேனேவ வுத்தோ. அபரேபி தயோ திகச்சே²தா³ யோஜெத்வா த³ஸ்ஸேதப்³பா³ பத³பா⁴ஜனே வுத்தத்தாதி வேதி³தப்³ப³ங். யதா² ததா² ஹி பு⁴ஞ்ஜந்தானங் தாதி³ஸங் பி⁴க்கு²னிங் அவாரெந்தானங் பாடிதே³ஸனீயமேவ. ‘‘ஏஸா வோஸாஸதி நாம, வோஸாஸந்தீ’’தி ச து³விதோ⁴ பாடோ². ‘‘அஜ்ஜோ²ஹாரே அஜ்ஜோ²ஹாரே’’தி வசனேன புன ‘‘கா³ரய்ஹங் ஆவுஸோ த⁴ம்ம’’ந்தி ஏகவசனங் விருத்³த⁴ந்தி. பட²மங் அஜ்ஜோ²ஹாரேயேவ ஆபன்னங் ஸந்தா⁴ய வுத்தங், ததா² அஞ்ஞத்ராபி ஆக³ச்ச²தி ‘‘ஆபஜ்ஜிம்ஹா’’தி வசனதோ. ஏகேன ப³ஹூனம்பி வட்டதீதி கேசி, தங் ந ஸுந்த³ரங். ‘‘தேஹி பி⁴க்கூ²ஹீ’’திஆதி³னா பாடே² வுத்தத்தாதி மம தக்கோ. ஏகேன ஸஹேவ ‘‘அஹங் ஆபஜ்ஜி’’ந்திபி வத்தப்³ப³ந்தி ஏகேன த்³வீஹி தீஹி தே³ஸேதப்³ப³தோ, ஸப்³பே³ஹி ஏவங் வத்துங் வட்டதி. ‘‘ஆபஜ்ஜிம்ஹாதி ஸஹேவா’’தி வத³ந்தி. ஏகேன சே அவாரிதோ, ‘‘அஹங், ஆவுஸோ, கா³ரய்ஹங் த⁴ம்மங் ஆபஜ்ஜி’’ந்திபி வத்தப்³ப³ங்.
559. ‘‘Nimantitā bhuñjantīti pañcannaṃ bhojanānaṃ aññatarena bhojanena nimantitā bhuñjantī’’ti kiñcāpi vuttaṃ, atha kho akappiyanimantanena nimantitatā ettha na aṅgaṃ, mātikāṭṭhakathāyaṃ vā idha vā anāpattivāre lesābhāvato, tasmā ‘‘nimantitā’’ti padassa attho pubbe āciṇṇavaseneva vutto. Aparepi tayo tikacchedā yojetvā dassetabbā padabhājane vuttattāti veditabbaṃ. Yathā tathā hi bhuñjantānaṃ tādisaṃ bhikkhuniṃ avārentānaṃ pāṭidesanīyameva. ‘‘Esā vosāsati nāma, vosāsantī’’ti ca duvidho pāṭho. ‘‘Ajjhohāre ajjhohāre’’ti vacanena puna ‘‘gārayhaṃ āvuso dhamma’’nti ekavacanaṃ viruddhanti. Paṭhamaṃ ajjhohāreyeva āpannaṃ sandhāya vuttaṃ, tathā aññatrāpi āgacchati ‘‘āpajjimhā’’ti vacanato. Ekena bahūnampi vaṭṭatīti keci, taṃ na sundaraṃ. ‘‘Tehi bhikkhūhī’’tiādinā pāṭhe vuttattāti mama takko. Ekena saheva ‘‘ahaṃ āpajji’’ntipi vattabbanti ekena dvīhi tīhi desetabbato, sabbehi evaṃ vattuṃ vaṭṭati. ‘‘Āpajjimhāti sahevā’’ti vadanti. Ekena ce avārito, ‘‘ahaṃ, āvuso, gārayhaṃ dhammaṃ āpajji’’ntipi vattabbaṃ.
து³தியபாடிதே³ஸனீயஸிக்கா²பத³வண்ணனா நிட்டி²தா.
Dutiyapāṭidesanīyasikkhāpadavaṇṇanā niṭṭhitā.
562-570. ததியசதுத்த²ஸிக்கா²பதா³னி உத்தானத்தா²னியேவ.
562-570. Tatiyacatutthasikkhāpadāni uttānatthāniyeva.
பாடிதே³ஸனீயகண்ட³வண்ணனா நிட்டி²தா.
Pāṭidesanīyakaṇḍavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga
2. து³தியபாடிதே³ஸனீயஸிக்கா²பத³ங் • 2. Dutiyapāṭidesanīyasikkhāpadaṃ
3. ததியபாடிதே³ஸனீயஸிக்கா²பத³ங் • 3. Tatiyapāṭidesanīyasikkhāpadaṃ
4. சதுத்த²பாடிதே³ஸனீயஸிக்கா²பத³ங் • 4. Catutthapāṭidesanīyasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā
3. ததியபாடிதே³ஸனீயஸிக்கா²பத³வண்ணனா • 3. Tatiyapāṭidesanīyasikkhāpadavaṇṇanā
4. சதுத்த²பாடிதே³ஸனீயஸிக்கா²பத³வண்ணனா • 4. Catutthapāṭidesanīyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பாடிதே³ஸனீயஸிக்கா²பத³வண்ணனா • Pāṭidesanīyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மபாடிதே³ஸனீயஸிக்கா²பத³வண்ணனா • 1. Paṭhamapāṭidesanīyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi
3. ததியபாடிதே³ஸனீயஸிக்கா²பத³ங் • 3. Tatiyapāṭidesanīyasikkhāpadaṃ
4. சதுத்த²பாடிதே³ஸனீயஸிக்கா²பத³ங் • 4. Catutthapāṭidesanīyasikkhāpadaṃ
