| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
2. д̣̇уд̇ияабаадид̣̇зсанийяасигкаабад̣̇аван̣н̣анаа
2. Dutiyapāṭidesanīyasikkhāpadavaṇṇanā
559. ‘‘ниманд̇ид̇аа бхун̃ж̇анд̇ийд̇и бан̃жаннам̣ бхож̇анаанам̣ ан̃н̃ад̇арзна бхож̇анзна ниманд̇ид̇аа бхун̃ж̇анд̇ий’’д̇и гин̃жааби вуд̇д̇ам̣, ат̇а ко агаббияаниманд̇анзна ниманд̇ид̇ад̇аа зд̇т̇а на ан̇г̇ам̣, маад̇игаадтагат̇ааяам̣ ваа ид̇ха ваа анаабад̇д̇иваарз лзсаабхаавад̇о, д̇асмаа ‘‘ниманд̇ид̇аа’’д̇и бад̣̇асса ад̇т̇о буб̣б̣з аажин̣н̣авасзнзва вуд̇д̇о. абарзби д̇аяо д̇игажчзд̣̇аа яож̇зд̇ваа д̣̇ассзд̇аб̣б̣аа бад̣̇абхааж̇анз вуд̇д̇ад̇д̇аад̇и взд̣̇ид̇аб̣б̣ам̣. яат̇аа д̇ат̇аа хи бхун̃ж̇анд̇аанам̣ д̇аад̣̇исам̣ бхигкуним̣ аваарзнд̇аанам̣ баадид̣̇зсанийяамзва. ‘‘зсаа восаасад̇и наама, восаасанд̇ий’’д̇и жа д̣̇увид̇хо баато. ‘‘аж̇жхохаарз аж̇жхохаарз’’д̇и важанзна буна ‘‘г̇аараяхам̣ аавусо д̇хамма’’нд̇и згаважанам̣ вируд̣̇д̇ханд̇и. батамам̣ аж̇жхохаарзязва аабаннам̣ санд̇хааяа вуд̇д̇ам̣, д̇ат̇аа ан̃н̃ад̇рааби ааг̇ажчад̇и ‘‘аабаж̇ж̇имхаа’’д̇и важанад̇о. згзна б̣ахуунамби ваддад̇ийд̇и гзжи, д̇ам̣ на сунд̣̇арам̣. ‘‘д̇зхи бхигкуухий’’д̇иаад̣̇инаа баатз вуд̇д̇ад̇д̇аад̇и мама д̇агго. згзна сахзва ‘‘ахам̣ аабаж̇ж̇и’’нд̇иби вад̇д̇аб̣б̣анд̇и згзна д̣̇вийхи д̇ийхи д̣̇зсзд̇аб̣б̣ад̇о, саб̣б̣зхи звам̣ вад̇д̇ум̣ ваддад̇и. ‘‘аабаж̇ж̇имхаад̇и сахзваа’’д̇и вад̣̇анд̇и. згзна жз аваарид̇о, ‘‘ахам̣, аавусо, г̇аараяхам̣ д̇хаммам̣ аабаж̇ж̇и’’нд̇иби вад̇д̇аб̣б̣ам̣.
559. ‘‘Nimantitā bhuñjantīti pañcannaṃ bhojanānaṃ aññatarena bhojanena nimantitā bhuñjantī’’ti kiñcāpi vuttaṃ, atha kho akappiyanimantanena nimantitatā ettha na aṅgaṃ, mātikāṭṭhakathāyaṃ vā idha vā anāpattivāre lesābhāvato, tasmā ‘‘nimantitā’’ti padassa attho pubbe āciṇṇavaseneva vutto. Aparepi tayo tikacchedā yojetvā dassetabbā padabhājane vuttattāti veditabbaṃ. Yathā tathā hi bhuñjantānaṃ tādisaṃ bhikkhuniṃ avārentānaṃ pāṭidesanīyameva. ‘‘Esā vosāsati nāma, vosāsantī’’ti ca duvidho pāṭho. ‘‘Ajjhohāre ajjhohāre’’ti vacanena puna ‘‘gārayhaṃ āvuso dhamma’’nti ekavacanaṃ viruddhanti. Paṭhamaṃ ajjhohāreyeva āpannaṃ sandhāya vuttaṃ, tathā aññatrāpi āgacchati ‘‘āpajjimhā’’ti vacanato. Ekena bahūnampi vaṭṭatīti keci, taṃ na sundaraṃ. ‘‘Tehi bhikkhūhī’’tiādinā pāṭhe vuttattāti mama takko. Ekena saheva ‘‘ahaṃ āpajji’’ntipi vattabbanti ekena dvīhi tīhi desetabbato, sabbehi evaṃ vattuṃ vaṭṭati. ‘‘Āpajjimhāti sahevā’’ti vadanti. Ekena ce avārito, ‘‘ahaṃ, āvuso, gārayhaṃ dhammaṃ āpajji’’ntipi vattabbaṃ.
д̣̇уд̇ияабаадид̣̇зсанийяасигкаабад̣̇аван̣н̣анаа нидтид̇аа.
Dutiyapāṭidesanīyasikkhāpadavaṇṇanā niṭṭhitā.
562-570. д̇ад̇ияажад̇уд̇т̇асигкаабад̣̇аани уд̇д̇аанад̇т̇ааниязва.
562-570. Tatiyacatutthasikkhāpadāni uttānatthāniyeva.
баадид̣̇зсанийяаган̣д̣аван̣н̣анаа нидтид̇аа.
Pāṭidesanīyakaṇḍavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga
2. д̣̇уд̇ияабаадид̣̇зсанийяасигкаабад̣̇ам̣ • 2. Dutiyapāṭidesanīyasikkhāpadaṃ
3. д̇ад̇ияабаадид̣̇зсанийяасигкаабад̣̇ам̣ • 3. Tatiyapāṭidesanīyasikkhāpadaṃ
4. жад̇уд̇т̇абаадид̣̇зсанийяасигкаабад̣̇ам̣ • 4. Catutthapāṭidesanīyasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā
3. д̇ад̇ияабаадид̣̇зсанийяасигкаабад̣̇аван̣н̣анаа • 3. Tatiyapāṭidesanīyasikkhāpadavaṇṇanā
4. жад̇уд̇т̇абаадид̣̇зсанийяасигкаабад̣̇аван̣н̣анаа • 4. Catutthapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баадид̣̇зсанийяасигкаабад̣̇аван̣н̣анаа • Pāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамабаадид̣̇зсанийяасигкаабад̣̇аван̣н̣анаа • 1. Paṭhamapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
3. д̇ад̇ияабаадид̣̇зсанийяасигкаабад̣̇ам̣ • 3. Tatiyapāṭidesanīyasikkhāpadaṃ
4. жад̇уд̇т̇абаадид̣̇зсанийяасигкаабад̣̇ам̣ • 4. Catutthapāṭidesanīyasikkhāpadaṃ
