| Library / Tipiṭaka / तिपिटक • Tipiṭaka / वजिरबुद्धि-टीका • Vajirabuddhi-ṭīkā |
२. दुतियपाटिदेसनीयसिक्खापदवण्णना
2. Dutiyapāṭidesanīyasikkhāpadavaṇṇanā
५५९. ‘‘निमन्तिता भुञ्जन्तीति पञ्चन्नं भोजनानं अञ्ञतरेन भोजनेन निमन्तिता भुञ्जन्ती’’ति किञ्चापि वुत्तं, अथ खो अकप्पियनिमन्तनेन निमन्तितता एत्थ न अङ्गं, मातिकाट्ठकथायं वा इध वा अनापत्तिवारे लेसाभावतो, तस्मा ‘‘निमन्तिता’’ति पदस्स अत्थो पुब्बे आचिण्णवसेनेव वुत्तो। अपरेपि तयो तिकच्छेदा योजेत्वा दस्सेतब्बा पदभाजने वुत्तत्ताति वेदितब्बं। यथा तथा हि भुञ्जन्तानं तादिसं भिक्खुनिं अवारेन्तानं पाटिदेसनीयमेव। ‘‘एसा वोसासति नाम, वोसासन्ती’’ति च दुविधो पाठो। ‘‘अज्झोहारे अज्झोहारे’’ति वचनेन पुन ‘‘गारय्हं आवुसो धम्म’’न्ति एकवचनं विरुद्धन्ति। पठमं अज्झोहारेयेव आपन्नं सन्धाय वुत्तं, तथा अञ्ञत्रापि आगच्छति ‘‘आपज्जिम्हा’’ति वचनतो। एकेन बहूनम्पि वट्टतीति केचि, तं न सुन्दरं। ‘‘तेहि भिक्खूही’’तिआदिना पाठे वुत्तत्ताति मम तक्को। एकेन सहेव ‘‘अहं आपज्जि’’न्तिपि वत्तब्बन्ति एकेन द्वीहि तीहि देसेतब्बतो, सब्बेहि एवं वत्तुं वट्टति। ‘‘आपज्जिम्हाति सहेवा’’ति वदन्ति। एकेन चे अवारितो, ‘‘अहं, आवुसो, गारय्हं धम्मं आपज्जि’’न्तिपि वत्तब्बं।
559. ‘‘Nimantitā bhuñjantīti pañcannaṃ bhojanānaṃ aññatarena bhojanena nimantitā bhuñjantī’’ti kiñcāpi vuttaṃ, atha kho akappiyanimantanena nimantitatā ettha na aṅgaṃ, mātikāṭṭhakathāyaṃ vā idha vā anāpattivāre lesābhāvato, tasmā ‘‘nimantitā’’ti padassa attho pubbe āciṇṇavaseneva vutto. Aparepi tayo tikacchedā yojetvā dassetabbā padabhājane vuttattāti veditabbaṃ. Yathā tathā hi bhuñjantānaṃ tādisaṃ bhikkhuniṃ avārentānaṃ pāṭidesanīyameva. ‘‘Esā vosāsati nāma, vosāsantī’’ti ca duvidho pāṭho. ‘‘Ajjhohāre ajjhohāre’’ti vacanena puna ‘‘gārayhaṃ āvuso dhamma’’nti ekavacanaṃ viruddhanti. Paṭhamaṃ ajjhohāreyeva āpannaṃ sandhāya vuttaṃ, tathā aññatrāpi āgacchati ‘‘āpajjimhā’’ti vacanato. Ekena bahūnampi vaṭṭatīti keci, taṃ na sundaraṃ. ‘‘Tehi bhikkhūhī’’tiādinā pāṭhe vuttattāti mama takko. Ekena saheva ‘‘ahaṃ āpajji’’ntipi vattabbanti ekena dvīhi tīhi desetabbato, sabbehi evaṃ vattuṃ vaṭṭati. ‘‘Āpajjimhāti sahevā’’ti vadanti. Ekena ce avārito, ‘‘ahaṃ, āvuso, gārayhaṃ dhammaṃ āpajji’’ntipi vattabbaṃ.
दुतियपाटिदेसनीयसिक्खापदवण्णना निट्ठिता।
Dutiyapāṭidesanīyasikkhāpadavaṇṇanā niṭṭhitā.
५६२-५७०. ततियचतुत्थसिक्खापदानि उत्तानत्थानियेव।
562-570. Tatiyacatutthasikkhāpadāni uttānatthāniyeva.
पाटिदेसनीयकण्डवण्णना निट्ठिता।
Pāṭidesanīyakaṇḍavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga
२. दुतियपाटिदेसनीयसिक्खापदं • 2. Dutiyapāṭidesanīyasikkhāpadaṃ
३. ततियपाटिदेसनीयसिक्खापदं • 3. Tatiyapāṭidesanīyasikkhāpadaṃ
४. चतुत्थपाटिदेसनीयसिक्खापदं • 4. Catutthapāṭidesanīyasikkhāpadaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā
३. ततियपाटिदेसनीयसिक्खापदवण्णना • 3. Tatiyapāṭidesanīyasikkhāpadavaṇṇanā
४. चतुत्थपाटिदेसनीयसिक्खापदवण्णना • 4. Catutthapāṭidesanīyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / पाटिदेसनीयसिक्खापदवण्णना • Pāṭidesanīyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / १. पठमपाटिदेसनीयसिक्खापदवण्णना • 1. Paṭhamapāṭidesanīyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi
३. ततियपाटिदेसनीयसिक्खापदं • 3. Tatiyapāṭidesanīyasikkhāpadaṃ
४. चतुत्थपाटिदेसनीयसिक्खापदं • 4. Catutthapāṭidesanīyasikkhāpadaṃ
