| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
2. දුතියපාටිදෙසනීයසික්‌ඛාපදවණ්‌ණනා
2. Dutiyapāṭidesanīyasikkhāpadavaṇṇanā
559. ‘‘නිමන්‌තිතා භුඤ්‌ජන්‌තීති පඤ්‌චන්‌නං භොජනානං අඤ්‌ඤතරෙන භොජනෙන නිමන්‌තිතා භුඤ්‌ජන්‌තී’’ති කිඤ්‌චාපි වුත්‌තං, අථ ඛො අකප්‌පියනිමන්‌තනෙන නිමන්‌තිතතා එත්‌ථ න අඞ්‌ගං, මාතිකාට්‌ඨකථායං වා ඉධ වා අනාපත්‌තිවාරෙ ලෙසාභාවතො, තස්‌මා ‘‘නිමන්‌තිතා’’ති පදස්‌ස අත්‌ථො පුබ්‌බෙ ආචිණ්‌ණවසෙනෙව වුත්‌තො. අපරෙපි තයො තිකච්‌ඡෙදා යොජෙත්‌වා දස්‌සෙතබ්‌බා පදභාජනෙ වුත්‌තත්‌තාති වෙදිතබ්‌බං. යථා තථා හි භුඤ්‌ජන්‌තානං තාදිසං භික්‌ඛුනිං අවාරෙන්‌තානං පාටිදෙසනීයමෙව. ‘‘එසා වොසාසති නාම, වොසාසන්‌තී’’ති ච දුවිධො පාඨො. ‘‘අජ්‌ඣොහාරෙ අජ්‌ඣොහාරෙ’’ති වචනෙන පුන ‘‘ගාරය්‌හං ආවුසො ධම්‌ම’’න්‌ති එකවචනං විරුද්‌ධන්‌ති. පඨමං අජ්‌ඣොහාරෙයෙව ආපන්‌නං සන්‌ධාය වුත්‌තං, තථා අඤ්‌ඤත්‍රාපි ආගච්‌ඡති ‘‘ආපජ්‌ජිම්‌හා’’ති වචනතො. එකෙන බහූනම්‌පි වට්‌ටතීති කෙචි, තං න සුන්‌දරං. ‘‘තෙහි භික්‌ඛූහී’’තිආදිනා පාඨෙ වුත්‌තත්‌තාති මම තක්‌කො. එකෙන සහෙව ‘‘අහං ආපජ්‌ජි’’න්‌තිපි වත්‌තබ්‌බන්‌ති එකෙන ද්‌වීහි තීහි දෙසෙතබ්‌බතො, සබ්‌බෙහි එවං වත්‌තුං වට්‌ටති. ‘‘ආපජ්‌ජිම්‌හාති සහෙවා’’ති වදන්‌ති. එකෙන චෙ අවාරිතො, ‘‘අහං, ආවුසො, ගාරය්‌හං ධම්‌මං ආපජ්‌ජි’’න්‌තිපි වත්‌තබ්‌බං.
559. ‘‘Nimantitā bhuñjantīti pañcannaṃ bhojanānaṃ aññatarena bhojanena nimantitā bhuñjantī’’ti kiñcāpi vuttaṃ, atha kho akappiyanimantanena nimantitatā ettha na aṅgaṃ, mātikāṭṭhakathāyaṃ vā idha vā anāpattivāre lesābhāvato, tasmā ‘‘nimantitā’’ti padassa attho pubbe āciṇṇavaseneva vutto. Aparepi tayo tikacchedā yojetvā dassetabbā padabhājane vuttattāti veditabbaṃ. Yathā tathā hi bhuñjantānaṃ tādisaṃ bhikkhuniṃ avārentānaṃ pāṭidesanīyameva. ‘‘Esā vosāsati nāma, vosāsantī’’ti ca duvidho pāṭho. ‘‘Ajjhohāre ajjhohāre’’ti vacanena puna ‘‘gārayhaṃ āvuso dhamma’’nti ekavacanaṃ viruddhanti. Paṭhamaṃ ajjhohāreyeva āpannaṃ sandhāya vuttaṃ, tathā aññatrāpi āgacchati ‘‘āpajjimhā’’ti vacanato. Ekena bahūnampi vaṭṭatīti keci, taṃ na sundaraṃ. ‘‘Tehi bhikkhūhī’’tiādinā pāṭhe vuttattāti mama takko. Ekena saheva ‘‘ahaṃ āpajji’’ntipi vattabbanti ekena dvīhi tīhi desetabbato, sabbehi evaṃ vattuṃ vaṭṭati. ‘‘Āpajjimhāti sahevā’’ti vadanti. Ekena ce avārito, ‘‘ahaṃ, āvuso, gārayhaṃ dhammaṃ āpajji’’ntipi vattabbaṃ.
දුතියපාටිදෙසනීයසික්‌ඛාපදවණ්‌ණනා නිට්‌ඨිතා.
Dutiyapāṭidesanīyasikkhāpadavaṇṇanā niṭṭhitā.
562-570. තතියචතුත්‌ථසික්‌ඛාපදානි උත්‌තානත්‌ථානියෙව.
562-570. Tatiyacatutthasikkhāpadāni uttānatthāniyeva.
පාටිදෙසනීයකණ්‌ඩවණ්‌ණනා නිට්‌ඨිතා.
Pāṭidesanīyakaṇḍavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga
2. දුතියපාටිදෙසනීයසික්‌ඛාපදං • 2. Dutiyapāṭidesanīyasikkhāpadaṃ
3. තතියපාටිදෙසනීයසික්‌ඛාපදං • 3. Tatiyapāṭidesanīyasikkhāpadaṃ
4. චතුත්‌ථපාටිදෙසනීයසික්‌ඛාපදං • 4. Catutthapāṭidesanīyasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā
3. තතියපාටිදෙසනීයසික්‌ඛාපදවණ්‌ණනා • 3. Tatiyapāṭidesanīyasikkhāpadavaṇṇanā
4. චතුත්‌ථපාටිදෙසනීයසික්‌ඛාපදවණ්‌ණනා • 4. Catutthapāṭidesanīyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පාටිදෙසනීයසික්‌ඛාපදවණ්‌ණනා • Pāṭidesanīyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 1. පඨමපාටිදෙසනීයසික්‌ඛාපදවණ්‌ණනා • 1. Paṭhamapāṭidesanīyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi
3. තතියපාටිදෙසනීයසික්‌ඛාපදං • 3. Tatiyapāṭidesanīyasikkhāpadaṃ
4. චතුත්‌ථපාටිදෙසනීයසික්‌ඛාපදං • 4. Catutthapāṭidesanīyasikkhāpadaṃ
