| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৪. দুতিযপটিপদাসুত্তং
4. Dutiyapaṭipadāsuttaṃ
২৪. সাৰত্থিনিদানং। ‘‘গিহিনো ৰাহং, ভিক্খৰে, পব্বজিতস্স ৰা মিচ্ছাপটিপদং ন ৰণ্ণেমি। গিহি ৰা, ভিক্খৰে, পব্বজিতো ৰা মিচ্ছাপটিপন্নো মিচ্ছাপটিপত্তাধিকরণহেতু নারাধকো হোতি ঞাযং ধম্মং কুসলং’’।
24. Sāvatthinidānaṃ. ‘‘Gihino vāhaṃ, bhikkhave, pabbajitassa vā micchāpaṭipadaṃ na vaṇṇemi. Gihi vā, bhikkhave, pabbajito vā micchāpaṭipanno micchāpaṭipattādhikaraṇahetu nārādhako hoti ñāyaṃ dhammaṃ kusalaṃ’’.
‘‘কতমা চ, ভিক্খৰে, মিচ্ছাপটিপদা? সেয্যথিদং – মিচ্ছাদিট্ঠি…পে॰… মিচ্ছাসমাধি। অযং ৰুচ্চতি, ভিক্খৰে, মিচ্ছাপটিপদা। গিহিনো ৰাহং, ভিক্খৰে, পব্বজিতস্স ৰা মিচ্ছাপটিপদং ন ৰণ্ণেমি। গিহি ৰা, ভিক্খৰে, পব্বজিতো ৰা মিচ্ছাপটিপন্নো মিচ্ছাপটিপত্তাধিকরণহেতু নারাধকো হোতি ঞাযং ধম্মং কুসলং।
‘‘Katamā ca, bhikkhave, micchāpaṭipadā? Seyyathidaṃ – micchādiṭṭhi…pe… micchāsamādhi. Ayaṃ vuccati, bhikkhave, micchāpaṭipadā. Gihino vāhaṃ, bhikkhave, pabbajitassa vā micchāpaṭipadaṃ na vaṇṇemi. Gihi vā, bhikkhave, pabbajito vā micchāpaṭipanno micchāpaṭipattādhikaraṇahetu nārādhako hoti ñāyaṃ dhammaṃ kusalaṃ.
‘‘গিহিনো ৰাহং, ভিক্খৰে, পব্বজিতস্স ৰা সম্মাপটিপদং ৰণ্ণেমি। গিহি ৰা, ভিক্খৰে, পব্বজিতো ৰা সম্মাপটিপন্নো সম্মাপটিপত্তাধিকরণহেতু আরাধকো হোতি ঞাযং ধম্মং কুসলং। কতমা চ, ভিক্খৰে, সম্মাপটিপদা? সেয্যথিদং – সম্মাদিট্ঠি…পে॰… সম্মাসমাধি। অযং ৰুচ্চতি, ভিক্খৰে, সম্মাপটিপদা। গিহিনো ৰাহং, ভিক্খৰে, পব্বজিতস্স ৰা সম্মাপটিপদং ৰণ্ণেমি। গিহি ৰা, ভিক্খৰে , পব্বজিতো ৰা সম্মাপটিপন্নো সম্মাপটিপত্তাধিকরণহেতু আরাধকো হোতি ঞাযং ধম্মং কুসল’’ন্তি। চতুত্থং।
‘‘Gihino vāhaṃ, bhikkhave, pabbajitassa vā sammāpaṭipadaṃ vaṇṇemi. Gihi vā, bhikkhave, pabbajito vā sammāpaṭipanno sammāpaṭipattādhikaraṇahetu ārādhako hoti ñāyaṃ dhammaṃ kusalaṃ. Katamā ca, bhikkhave, sammāpaṭipadā? Seyyathidaṃ – sammādiṭṭhi…pe… sammāsamādhi. Ayaṃ vuccati, bhikkhave, sammāpaṭipadā. Gihino vāhaṃ, bhikkhave, pabbajitassa vā sammāpaṭipadaṃ vaṇṇemi. Gihi vā, bhikkhave , pabbajito vā sammāpaṭipanno sammāpaṭipattādhikaraṇahetu ārādhako hoti ñāyaṃ dhammaṃ kusala’’nti. Catutthaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. মিচ্ছত্তৰগ্গৰণ্ণনা • 3. Micchattavaggavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. মিচ্ছত্তৰগ্গৰণ্ণনা • 3. Micchattavaggavaṇṇanā
