| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
4. දුතියපටිපදාසුත්‌තං
4. Dutiyapaṭipadāsuttaṃ
24. සාවත්‌ථිනිදානං. ‘‘ගිහිනො වාහං, භික්‌ඛවෙ, පබ්‌බජිතස්‌ස වා මිච්‌ඡාපටිපදං න වණ්‌ණෙමි. ගිහි වා, භික්‌ඛවෙ, පබ්‌බජිතො වා මිච්‌ඡාපටිපන්‌නො මිච්‌ඡාපටිපත්‌තාධිකරණහෙතු නාරාධකො හොති ඤායං ධම්‌මං කුසලං’’.
24. Sāvatthinidānaṃ. ‘‘Gihino vāhaṃ, bhikkhave, pabbajitassa vā micchāpaṭipadaṃ na vaṇṇemi. Gihi vā, bhikkhave, pabbajito vā micchāpaṭipanno micchāpaṭipattādhikaraṇahetu nārādhako hoti ñāyaṃ dhammaṃ kusalaṃ’’.
‘‘කතමා ච, භික්‌ඛවෙ, මිච්‌ඡාපටිපදා? සෙය්‍යථිදං – මිච්‌ඡාදිට්‌ඨි…පෙ.… මිච්‌ඡාසමාධි. අයං වුච්‌චති, භික්‌ඛවෙ, මිච්‌ඡාපටිපදා. ගිහිනො වාහං, භික්‌ඛවෙ, පබ්‌බජිතස්‌ස වා මිච්‌ඡාපටිපදං න වණ්‌ණෙමි. ගිහි වා, භික්‌ඛවෙ, පබ්‌බජිතො වා මිච්‌ඡාපටිපන්‌නො මිච්‌ඡාපටිපත්‌තාධිකරණහෙතු නාරාධකො හොති ඤායං ධම්‌මං කුසලං.
‘‘Katamā ca, bhikkhave, micchāpaṭipadā? Seyyathidaṃ – micchādiṭṭhi…pe… micchāsamādhi. Ayaṃ vuccati, bhikkhave, micchāpaṭipadā. Gihino vāhaṃ, bhikkhave, pabbajitassa vā micchāpaṭipadaṃ na vaṇṇemi. Gihi vā, bhikkhave, pabbajito vā micchāpaṭipanno micchāpaṭipattādhikaraṇahetu nārādhako hoti ñāyaṃ dhammaṃ kusalaṃ.
‘‘ගිහිනො වාහං, භික්‌ඛවෙ, පබ්‌බජිතස්‌ස වා සම්‌මාපටිපදං වණ්‌ණෙමි. ගිහි වා, භික්‌ඛවෙ, පබ්‌බජිතො වා සම්‌මාපටිපන්‌නො සම්‌මාපටිපත්‌තාධිකරණහෙතු ආරාධකො හොති ඤායං ධම්‌මං කුසලං. කතමා ච, භික්‌ඛවෙ, සම්‌මාපටිපදා? සෙය්‍යථිදං – සම්‌මාදිට්‌ඨි…පෙ.… සම්‌මාසමාධි. අයං වුච්‌චති, භික්‌ඛවෙ, සම්‌මාපටිපදා. ගිහිනො වාහං, භික්‌ඛවෙ, පබ්‌බජිතස්‌ස වා සම්‌මාපටිපදං වණ්‌ණෙමි. ගිහි වා, භික්‌ඛවෙ , පබ්‌බජිතො වා සම්‌මාපටිපන්‌නො සම්‌මාපටිපත්‌තාධිකරණහෙතු ආරාධකො හොති ඤායං ධම්‌මං කුසල’’න්‌ති. චතුත්‌ථං.
‘‘Gihino vāhaṃ, bhikkhave, pabbajitassa vā sammāpaṭipadaṃ vaṇṇemi. Gihi vā, bhikkhave, pabbajito vā sammāpaṭipanno sammāpaṭipattādhikaraṇahetu ārādhako hoti ñāyaṃ dhammaṃ kusalaṃ. Katamā ca, bhikkhave, sammāpaṭipadā? Seyyathidaṃ – sammādiṭṭhi…pe… sammāsamādhi. Ayaṃ vuccati, bhikkhave, sammāpaṭipadā. Gihino vāhaṃ, bhikkhave, pabbajitassa vā sammāpaṭipadaṃ vaṇṇemi. Gihi vā, bhikkhave , pabbajito vā sammāpaṭipanno sammāpaṭipattādhikaraṇahetu ārādhako hoti ñāyaṃ dhammaṃ kusala’’nti. Catutthaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3. මිච්‌ඡත්‌තවග්‌ගවණ්‌ණනා • 3. Micchattavaggavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3. මිච්‌ඡත්‌තවග්‌ගවණ්‌ණනා • 3. Micchattavaggavaṇṇanā
