| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၂. ဒုတိယပဋိပတ္တိသုတ္တံ
2. Dutiyapaṭipattisuttaṃ
၃၂. သာဝတ္ထိနိဒာနံ။ ‘‘မိစ္ဆာပဋိပန္နဉ္စ ဝော, ဘိက္ခဝေ, ဒေသေသ္သာမိ, သမ္မာပဋိပန္နဉ္စ။ တံ သုဏာထ။ ကတမော စ, ဘိက္ခဝေ, မိစ္ဆာပဋိပန္နော? ဣဓ, ဘိက္ခဝေ, ဧကစ္စော မိစ္ဆာဒိဋ္ဌိကော ဟောတိ။ပေ.။ မိစ္ဆာသမာဓိ – အယံ ဝုစ္စတိ, ဘိက္ခဝေ , မိစ္ဆာပဋိပန္နော။ ကတမော စ, ဘိက္ခဝေ, သမ္မာပဋိပန္နော? ဣဓ, ဘိက္ခဝေ, ဧကစ္စော သမ္မာဒိဋ္ဌိကော ဟောတိ။ပေ.။ သမ္မာသမာဓိ – အယံ ဝုစ္စတိ, ဘိက္ခဝေ, သမ္မာပဋိပန္နော’’တိ။ ဒုတိယံ။
32. Sāvatthinidānaṃ. ‘‘Micchāpaṭipannañca vo, bhikkhave, desessāmi, sammāpaṭipannañca. Taṃ suṇātha. Katamo ca, bhikkhave, micchāpaṭipanno? Idha, bhikkhave, ekacco micchādiṭṭhiko hoti…pe… micchāsamādhi – ayaṃ vuccati, bhikkhave , micchāpaṭipanno. Katamo ca, bhikkhave, sammāpaṭipanno? Idha, bhikkhave, ekacco sammādiṭṭhiko hoti…pe… sammāsamādhi – ayaṃ vuccati, bhikkhave, sammāpaṭipanno’’ti. Dutiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ပဋိပတ္တိဝဂ္ဂဝဏ္ဏနာ • 4. Paṭipattivaggavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄. ပဋိပတ္တိဝဂ္ဂဝဏ္ဏနာ • 4. Paṭipattivaggavaṇṇanā
