| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. д̣̇уд̇ияабад̇т̇анаасуд̇д̇ам̣
6. Dutiyapatthanāsuttaṃ
136. ‘‘бан̃жахи, бхигкавз, ан̇г̇зхи саманнааг̇ад̇о ран̃н̃о кад̇д̇ияасса муд̣̇д̇хаавасид̇д̇асса ж̇здто буд̇д̇о обараж̇ж̇ам̣ 1 бад̇т̇зд̇и. гад̇амзхи бан̃жахи? ид̇ха, бхигкавз, ран̃н̃о кад̇д̇ияасса муд̣̇д̇хаавасид̇д̇асса ж̇здто буд̇д̇о убхад̇о суж̇аад̇о ход̇и маад̇ид̇о жа бид̇ид̇о жа, сам̣суд̣̇д̇хаг̇ахан̣иго, яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна; абхируубо ход̇и д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о; маад̇аабид̇уунам̣ бияо ход̇и манаабо, б̣алагааяасса бияо ход̇и манаабо; бан̣д̣ид̇о ход̇и вияад̇д̇о мзд̇хаавий бадиб̣ало ад̇ийд̇аанааг̇ад̇абажжуббаннз ад̇т̇з жинд̇зд̇ум̣.
136. ‘‘Pañcahi, bhikkhave, aṅgehi samannāgato rañño khattiyassa muddhāvasittassa jeṭṭho putto oparajjaṃ 2 pattheti. Katamehi pañcahi? Idha, bhikkhave, rañño khattiyassa muddhāvasittassa jeṭṭho putto ubhato sujāto hoti mātito ca pitito ca, saṃsuddhagahaṇiko, yāva sattamā pitāmahayugā akkhitto anupakkuṭṭho jātivādena; abhirūpo hoti dassanīyo pāsādiko paramāya vaṇṇapokkharatāya samannāgato; mātāpitūnaṃ piyo hoti manāpo, balakāyassa piyo hoti manāpo; paṇḍito hoti viyatto medhāvī paṭibalo atītānāgatapaccuppanne atthe cintetuṃ.
‘‘д̇асса звам̣ ход̇и – ‘ахам̣ комхи убхад̇о суж̇аад̇о маад̇ид̇о жа бид̇ид̇о жа, сам̣суд̣̇д̇хаг̇ахан̣иго, яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна. гасмаахам̣ обараж̇ж̇ам̣ на бад̇т̇зяяам̣! ахам̣ комхи абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о. гасмаахам̣ обараж̇ж̇ам̣ на бад̇т̇зяяам̣! ахам̣ комхи маад̇аабид̇уунам̣ бияо манаабо. гасмаахам̣ обараж̇ж̇ам̣ на бад̇т̇зяяам̣! ахам̣ комхи б̣алагааяасса бияо манаабо. гасмаахам̣ обараж̇ж̇ам̣ на бад̇т̇зяяам̣! ахам̣ комхи бан̣д̣ид̇о вияад̇д̇о мзд̇хаавий бадиб̣ало ад̇ийд̇аанааг̇ад̇абажжуббаннз ад̇т̇з жинд̇зд̇ум̣. гасмаахам̣ обараж̇ж̇ам̣ на бад̇т̇зяяа’нд̇и! имзхи ко, бхигкавз, бан̃жахи ан̇г̇зхи саманнааг̇ад̇о ран̃н̃о кад̇д̇ияасса муд̣̇д̇хаавасид̇д̇асса ж̇здто буд̇д̇о обараж̇ж̇ам̣ бад̇т̇зд̇и.
‘‘Tassa evaṃ hoti – ‘ahaṃ khomhi ubhato sujāto mātito ca pitito ca, saṃsuddhagahaṇiko, yāva sattamā pitāmahayugā akkhitto anupakkuṭṭho jātivādena. Kasmāhaṃ oparajjaṃ na pattheyyaṃ! Ahaṃ khomhi abhirūpo dassanīyo pāsādiko paramāya vaṇṇapokkharatāya samannāgato. Kasmāhaṃ oparajjaṃ na pattheyyaṃ! Ahaṃ khomhi mātāpitūnaṃ piyo manāpo. Kasmāhaṃ oparajjaṃ na pattheyyaṃ! Ahaṃ khomhi balakāyassa piyo manāpo. Kasmāhaṃ oparajjaṃ na pattheyyaṃ! Ahaṃ khomhi paṇḍito viyatto medhāvī paṭibalo atītānāgatapaccuppanne atthe cintetuṃ. Kasmāhaṃ oparajjaṃ na pattheyya’nti! Imehi kho, bhikkhave, pañcahi aṅgehi samannāgato rañño khattiyassa muddhāvasittassa jeṭṭho putto oparajjaṃ pattheti.
‘‘звамзвам̣ ко, бхигкавз, бан̃жахи д̇хаммзхи саманнааг̇ад̇о бхигку аасаваанам̣ каяам̣ бад̇т̇зд̇и. гад̇амзхи бан̃жахи? ид̇ха, бхигкавз, бхигку сийлаваа ход̇и…бз… самаад̣̇ааяа сигкад̇и сигкаабад̣̇зсу; б̣ахуссуд̇о ход̇и…бз… д̣̇идтияаа суббадивид̣̇д̇хаа; жад̇уусу сад̇ибадтаанзсу суббад̇идтид̇ажид̇д̇о 3 ход̇и; аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу; бан̃н̃аваа ход̇и, уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа.
‘‘Evamevaṃ kho, bhikkhave, pañcahi dhammehi samannāgato bhikkhu āsavānaṃ khayaṃ pattheti. Katamehi pañcahi? Idha, bhikkhave, bhikkhu sīlavā hoti…pe… samādāya sikkhati sikkhāpadesu; bahussuto hoti…pe… diṭṭhiyā suppaṭividdhā; catūsu satipaṭṭhānesu suppatiṭṭhitacitto 4 hoti; āraddhavīriyo viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu; paññavā hoti, udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.
‘‘д̇асса звам̣ ход̇и – ‘ахам̣ комхи сийлаваа, баад̇имогкасам̣варасам̣вуд̇о вихараами аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкаами сигкаабад̣̇зсу. гасмаахам̣ аасаваанам̣ каяам̣ на бад̇т̇зяяам̣! ахам̣ комхи б̣ахуссуд̇о суд̇ад̇харо суд̇асаннижаяо, яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇ам̣ саб̣яан̃ж̇анам̣ 5 гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и, д̇ат̇ааруубаа мз д̇хаммаа б̣ахуссуд̇аа хонд̇и д̇хаад̇аа важасаа барижид̇аа манасаанубзгкид̇аа д̣̇идтияаа суббадивид̣̇д̇хаа. гасмаахам̣ аасаваанам̣ каяам̣ на бад̇т̇зяяам̣! ахам̣ комхи жад̇уусу сад̇ибадтаанзсу суббад̇идтид̇ажид̇д̇о. гасмаахам̣ аасаваанам̣ каяам̣ на бад̇т̇зяяам̣! ахам̣ комхи аарад̣̇д̇хавийрияо вихараами агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. гасмаахам̣ аасаваанам̣ каяам̣ на бад̇т̇зяяам̣! ахам̣ комхи бан̃н̃аваа уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа. гасмаахам̣ аасаваанам̣ каяам̣ на бад̇т̇зяяа’нд̇и! имзхи ко, бхигкавз, бан̃жахи д̇хаммзхи саманнааг̇ад̇о бхигку аасаваанам̣ каяам̣ бад̇т̇зд̇ий’’д̇и. чадтам̣.
‘‘Tassa evaṃ hoti – ‘ahaṃ khomhi sīlavā, pātimokkhasaṃvarasaṃvuto viharāmi ācāragocarasampanno aṇumattesu vajjesu bhayadassāvī, samādāya sikkhāmi sikkhāpadesu. Kasmāhaṃ āsavānaṃ khayaṃ na pattheyyaṃ! Ahaṃ khomhi bahussuto sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ 6 kevalaparipuṇṇaṃ parisuddhaṃ brahmacariyaṃ abhivadanti, tathārūpā me dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā. Kasmāhaṃ āsavānaṃ khayaṃ na pattheyyaṃ! Ahaṃ khomhi catūsu satipaṭṭhānesu suppatiṭṭhitacitto. Kasmāhaṃ āsavānaṃ khayaṃ na pattheyyaṃ! Ahaṃ khomhi āraddhavīriyo viharāmi akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu. Kasmāhaṃ āsavānaṃ khayaṃ na pattheyyaṃ! Ahaṃ khomhi paññavā udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Kasmāhaṃ āsavānaṃ khayaṃ na pattheyya’nti! Imehi kho, bhikkhave, pañcahi dhammehi samannāgato bhikkhu āsavānaṃ khayaṃ patthetī’’ti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5-6. бад̇т̇анаасуд̇д̇ад̣̇ваяаван̣н̣анаа • 5-6. Patthanāsuttadvayavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-9. бад̇т̇анаасуд̇д̇аад̣̇иван̣н̣анаа • 5-9. Patthanāsuttādivaṇṇanā
