| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৬. দুতিযপৰারণসিক্খাপদং
6. Dutiyapavāraṇasikkhāpadaṃ
২৪২. ছট্ঠে ন আচরিতব্বোতি অনাচারোতি ৰুত্তে পণ্ণত্তিৰীতিক্কমোতি আহ ‘‘পণ্ণত্তিৰীতিক্কম’’ন্তি। ‘‘করোতী’’তিইমিনা ‘‘অত্তানমাচরতী’’তিআদীসু ৰিয চরসদ্দো করসদ্দত্থোতি দস্সেতি। উপনন্ধীতি এত্থ উপসদ্দো উপনাহত্থো, নহধাতু বন্ধনত্থোতি দস্সেন্তো আহ ‘‘উপনাহ’’ন্তিআদি। জনিতো উপনাহো যেনাতি জনিতউপনাহো। ইমিনা ‘‘উপনন্ধো’’তি পদস্স উপনহতীতি উপনন্ধোতি কত্থুত্থং দস্সেতি।
242. Chaṭṭhe na ācaritabboti anācāroti vutte paṇṇattivītikkamoti āha ‘‘paṇṇattivītikkama’’nti. ‘‘Karotī’’tiiminā ‘‘attānamācaratī’’tiādīsu viya carasaddo karasaddatthoti dasseti. Upanandhīti ettha upasaddo upanāhattho, nahadhātu bandhanatthoti dassento āha ‘‘upanāha’’ntiādi. Janito upanāho yenāti janitaupanāho. Iminā ‘‘upanandho’’ti padassa upanahatīti upanandhoti katthutthaṃ dasseti.
২৪৩. অভিহট্ঠুন্তি এত্থ তুংপচ্চযো ত্ৰাপচ্চযত্থোতি আহ ‘‘অভিহরিত্ৰা’’তি। পদভাজনে পন ৰুত্তন্তি সম্বন্ধো। সাধারণমেৰ অত্থন্তি যোজনা। অস্সাতি ভিক্খুস্স। তীহাকারেহীতি সামং জাননেন চ অঞ্ঞেসমারোচনেন চ তস্সারোচনেন চাতি তীহি কারণেহি। আসাদীযতে মঙ্কুং করীযতে আসাদনং, তং অপেক্খো আসাদনাপেক্খোতি দস্সেন্তো আহ ‘‘আসাদন’’ন্তিআদি।
243.Abhihaṭṭhunti ettha tuṃpaccayo tvāpaccayatthoti āha ‘‘abhiharitvā’’ti. Padabhājane pana vuttanti sambandho. Sādhāraṇameva atthanti yojanā. Assāti bhikkhussa. Tīhākārehīti sāmaṃ jānanena ca aññesamārocanena ca tassārocanena cāti tīhi kāraṇehi. Āsādīyate maṅkuṃ karīyate āsādanaṃ, taṃ apekkho āsādanāpekkhoti dassento āha ‘‘āsādana’’ntiādi.
যস্স অত্থায অভিহটন্তি সম্বন্ধো। ইতরস্সাতি অভিহারকতো অঞ্ঞস্স ভুত্তস্সাতি। ছট্ঠং।
Yassa atthāya abhihaṭanti sambandho. Itarassāti abhihārakato aññassa bhuttassāti. Chaṭṭhaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৪. ভোজনৰগ্গো • 4. Bhojanavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৬. দুতিযপৰারণসিক্খাপদৰণ্ণনা • 6. Dutiyapavāraṇasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৬. দুতিযপৰারণাসিক্খাপদৰণ্ণনা • 6. Dutiyapavāraṇāsikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৬. দুতিযপৰারণসিক্খাপদৰণ্ণনা • 6. Dutiyapavāraṇasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৬. দুতিযপৰারণাসিক্খাপদৰণ্ণনা • 6. Dutiyapavāraṇāsikkhāpadavaṇṇanā
