| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၆. ဒုတိယပဝာရဏသိက္ခာပဒံ
6. Dutiyapavāraṇasikkhāpadaṃ
၂၄၂. ဆဋ္ဌေ န အာစရိတဗ္ဗောတိ အနာစာရောတိ ဝုတ္တေ ပဏ္ဏတ္တိဝီတိက္ကမောတိ အာဟ ‘‘ပဏ္ဏတ္တိဝီတိက္ကမ’’န္တိ။ ‘‘ကရောတီ’’တိဣမိနာ ‘‘အတ္တာနမာစရတီ’’တိအာဒီသု ဝိယ စရသဒ္ဒော ကရသဒ္ဒတ္ထောတိ ဒသ္သေတိ။ ဥပနန္ဓီတိ ဧတ္ထ ဥပသဒ္ဒော ဥပနာဟတ္ထော, နဟဓာတု ဗန္ဓနတ္ထောတိ ဒသ္သေန္တော အာဟ ‘‘ဥပနာဟ’’န္တိအာဒိ။ ဇနိတော ဥပနာဟော ယေနာတိ ဇနိတဥပနာဟော။ ဣမိနာ ‘‘ဥပနန္ဓော’’တိ ပဒသ္သ ဥပနဟတီတိ ဥပနန္ဓောတိ ကတ္ထုတ္ထံ ဒသ္သေတိ။
242. Chaṭṭhe na ācaritabboti anācāroti vutte paṇṇattivītikkamoti āha ‘‘paṇṇattivītikkama’’nti. ‘‘Karotī’’tiiminā ‘‘attānamācaratī’’tiādīsu viya carasaddo karasaddatthoti dasseti. Upanandhīti ettha upasaddo upanāhattho, nahadhātu bandhanatthoti dassento āha ‘‘upanāha’’ntiādi. Janito upanāho yenāti janitaupanāho. Iminā ‘‘upanandho’’ti padassa upanahatīti upanandhoti katthutthaṃ dasseti.
၂၄၃. အဘိဟဋ္ဌုန္တိ ဧတ္ထ တုံပစ္စယော တ္ဝာပစ္စယတ္ထောတိ အာဟ ‘‘အဘိဟရိတ္ဝာ’’တိ။ ပဒဘာဇနေ ပန ဝုတ္တန္တိ သမ္ဗန္ဓော။ သာဓာရဏမေဝ အတ္ထန္တိ ယောဇနာ။ အသ္သာတိ ဘိက္ခုသ္သ။ တီဟာကာရေဟီတိ သာမံ ဇာနနေန စ အညေသမာရောစနေန စ တသ္သာရောစနေန စာတိ တီဟိ ကာရဏေဟိ။ အာသာဒီယတေ မင္ကုံ ကရီယတေ အာသာဒနံ, တံ အပေက္ခော အာသာဒနာပေက္ခောတိ ဒသ္သေန္တော အာဟ ‘‘အာသာဒန’’န္တိအာဒိ။
243.Abhihaṭṭhunti ettha tuṃpaccayo tvāpaccayatthoti āha ‘‘abhiharitvā’’ti. Padabhājane pana vuttanti sambandho. Sādhāraṇameva atthanti yojanā. Assāti bhikkhussa. Tīhākārehīti sāmaṃ jānanena ca aññesamārocanena ca tassārocanena cāti tīhi kāraṇehi. Āsādīyate maṅkuṃ karīyate āsādanaṃ, taṃ apekkho āsādanāpekkhoti dassento āha ‘‘āsādana’’ntiādi.
ယသ္သ အတ္ထာယ အဘိဟဋန္တိ သမ္ဗန္ဓော။ ဣတရသ္သာတိ အဘိဟာရကတော အညသ္သ ဘုတ္တသ္သာတိ။ ဆဋ္ဌံ။
Yassa atthāya abhihaṭanti sambandho. Itarassāti abhihārakato aññassa bhuttassāti. Chaṭṭhaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၄. ဘောဇနဝဂ္ဂော • 4. Bhojanavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၆. ဒုတိယပဝာရဏသိက္ခာပဒဝဏ္ဏနာ • 6. Dutiyapavāraṇasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၆. ဒုတိယပဝာရဏာသိက္ခာပဒဝဏ္ဏနာ • 6. Dutiyapavāraṇāsikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၆. ဒုတိယပဝာရဏသိက္ခာပဒဝဏ္ဏနာ • 6. Dutiyapavāraṇasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၆. ဒုတိယပဝာရဏာသိက္ခာပဒဝဏ္ဏနာ • 6. Dutiyapavāraṇāsikkhāpadavaṇṇanā
