| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
6. දුතියපවාරණසික්‌ඛාපදං
6. Dutiyapavāraṇasikkhāpadaṃ
242. ඡට්‌ඨෙ න ආචරිතබ්‌බොති අනාචාරොති වුත්‌තෙ පණ්‌ණත්‌තිවීතික්‌කමොති ආහ ‘‘පණ්‌ණත්‌තිවීතික්‌කම’’න්‌ති. ‘‘කරොතී’’තිඉමිනා ‘‘අත්‌තානමාචරතී’’තිආදීසු විය චරසද්‌දො කරසද්‌දත්‌ථොති දස්‌සෙති. උපනන්‌ධීති එත්‌ථ උපසද්‌දො උපනාහත්‌ථො, නහධාතු බන්‌ධනත්‌ථොති දස්‌සෙන්‌තො ආහ ‘‘උපනාහ’’න්‌තිආදි. ජනිතො උපනාහො යෙනාති ජනිතඋපනාහො. ඉමිනා ‘‘උපනන්‌ධො’’ති පදස්‌ස උපනහතීති උපනන්‌ධොති කත්‌ථුත්‌ථං දස්‌සෙති.
242. Chaṭṭhe na ācaritabboti anācāroti vutte paṇṇattivītikkamoti āha ‘‘paṇṇattivītikkama’’nti. ‘‘Karotī’’tiiminā ‘‘attānamācaratī’’tiādīsu viya carasaddo karasaddatthoti dasseti. Upanandhīti ettha upasaddo upanāhattho, nahadhātu bandhanatthoti dassento āha ‘‘upanāha’’ntiādi. Janito upanāho yenāti janitaupanāho. Iminā ‘‘upanandho’’ti padassa upanahatīti upanandhoti katthutthaṃ dasseti.
243. අභිහට්‌ඨුන්‌ති එත්‌ථ තුංපච්‌චයො ත්‌වාපච්‌චයත්‌ථොති ආහ ‘‘අභිහරිත්‌වා’’ති. පදභාජනෙ පන වුත්‌තන්‌ති සම්‌බන්‌ධො. සාධාරණමෙව අත්‌ථන්‌ති යොජනා. අස්‌සාති භික්‌ඛුස්‌ස. තීහාකාරෙහීති සාමං ජානනෙන ච අඤ්‌ඤෙසමාරොචනෙන ච තස්‌සාරොචනෙන චාති තීහි කාරණෙහි. ආසාදීයතෙ මඞ්‌කුං කරීයතෙ ආසාදනං, තං අපෙක්‌ඛො ආසාදනාපෙක්‌ඛොති දස්‌සෙන්‌තො ආහ ‘‘ආසාදන’’න්‌තිආදි.
243.Abhihaṭṭhunti ettha tuṃpaccayo tvāpaccayatthoti āha ‘‘abhiharitvā’’ti. Padabhājane pana vuttanti sambandho. Sādhāraṇameva atthanti yojanā. Assāti bhikkhussa. Tīhākārehīti sāmaṃ jānanena ca aññesamārocanena ca tassārocanena cāti tīhi kāraṇehi. Āsādīyate maṅkuṃ karīyate āsādanaṃ, taṃ apekkho āsādanāpekkhoti dassento āha ‘‘āsādana’’ntiādi.
යස්‌ස අත්‌ථාය අභිහටන්‌ති සම්‌බන්‌ධො. ඉතරස්‌සාති අභිහාරකතො අඤ්‌ඤස්‌ස භුත්‌තස්‌සාති. ඡට්‌ඨං.
Yassa atthāya abhihaṭanti sambandho. Itarassāti abhihārakato aññassa bhuttassāti. Chaṭṭhaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 4. භොජනවග්‌ගො • 4. Bhojanavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 6. දුතියපවාරණසික්‌ඛාපදවණ්‌ණනා • 6. Dutiyapavāraṇasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 6. දුතියපවාරණාසික්‌ඛාපදවණ්‌ණනා • 6. Dutiyapavāraṇāsikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 6. දුතියපවාරණසික්‌ඛාපදවණ්‌ණනා • 6. Dutiyapavāraṇasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 6. දුතියපවාරණාසික්‌ඛාපදවණ්‌ණනා • 6. Dutiyapavāraṇāsikkhāpadavaṇṇanā
