| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੬. ਦੁਤਿਯਪવਾਰਣਸਿਕ੍ਖਾਪਦવਣ੍ਣਨਾ
6. Dutiyapavāraṇasikkhāpadavaṇṇanā
੨੪੨. ਛਟ੍ਠਸਿਕ੍ਖਾਪਦੇ – ਅਨਾਚਾਰਂ ਆਚਰਤੀਤਿ ਪਣ੍ਣਤ੍ਤਿવੀਤਿਕ੍ਕਮਂ ਕਰੋਤਿ। ਉਪਨਨ੍ਧੀਤਿ ਉਪਨਾਹਂ ਜਨੇਨ੍ਤੋ ਤਸ੍ਮਿਂ ਪੁਗ੍ਗਲੇ ਅਤ੍ਤਨੋ ਕੋਧਂ ਬਨ੍ਧਿ; ਪੁਨਪ੍ਪੁਨਂ ਆਘਾਤਂ ਜਨੇਸੀਤਿ ਅਤ੍ਥੋ। ਉਪਨਦ੍ਧੋ ਭਿਕ੍ਖੂਤਿ ਸੋ ਜਨਿਤਉਪਨਾਹੋ ਭਿਕ੍ਖੁ।
242. Chaṭṭhasikkhāpade – anācāraṃ ācaratīti paṇṇattivītikkamaṃ karoti. Upanandhīti upanāhaṃ janento tasmiṃ puggale attano kodhaṃ bandhi; punappunaṃ āghātaṃ janesīti attho. Upanaddho bhikkhūti so janitaupanāho bhikkhu.
੨੪੩. ਅਭਿਹਟ੍ਠੁਂ ਪવਾਰੇਯ੍ਯਾਤਿ ਅਭਿਹਰਿਤ੍વਾ ‘‘ਹਨ੍ਦ ਭਿਕ੍ਖੁ ਖਾਦ વਾ ਭੁਞ੍ਜ વਾ’’ਤਿ ਏવਂ ਪવਾਰੇਯ੍ਯ। ਪਦਭਾਜਨੇ ਪਨ ‘‘ਹਨ੍ਦ ਭਿਕ੍ਖੂ’’ਤਿਆਦਿਂ ਅਨੁਦ੍ਧਰਿਤ੍વਾ ਸਾਧਾਰਣਮੇવ ਅਭਿਹਟ੍ਠੁਂ ਪવਾਰਣਾਯ ਅਤ੍ਥਂ ਦਸ੍ਸੇਤੁਂ ‘‘ਯਾવਤਕਂ ਇਚ੍ਛਸਿ ਤਾવਤਕਂ ਗਣ੍ਹਾਹੀ’’ਤਿ વੁਤ੍ਤਂ। ਜਾਨਨ੍ਤਿ ਪવਾਰਿਤਭਾવਂ ਜਾਨਨ੍ਤੋ। ਤਂ ਪਨਸ੍ਸ ਜਾਨਨਂ ਯਸ੍ਮਾ ਤੀਹਾਕਾਰੇਹਿ ਹੋਤਿ, ਤਸ੍ਮਾ ‘‘ਜਾਨਾਤਿ ਨਾਮ ਸਾਮਂ વਾ ਜਾਨਾਤੀ’’ਤਿਆਦਿਨਾ ਨਯੇਨ ਪਦਭਾਜਨਂ વੁਤ੍ਤਂ। ਆਸਾਦਨਾਪੇਕ੍ਖੋਤਿ ਆਸਾਦਨਂ ਚੋਦਨਂ ਮਙ੍ਕੁਕਰਣਭਾવਂ ਅਪੇਕ੍ਖਮਾਨੋ।
243.Abhihaṭṭhuṃ pavāreyyāti abhiharitvā ‘‘handa bhikkhu khāda vā bhuñja vā’’ti evaṃ pavāreyya. Padabhājane pana ‘‘handa bhikkhū’’tiādiṃ anuddharitvā sādhāraṇameva abhihaṭṭhuṃ pavāraṇāya atthaṃ dassetuṃ ‘‘yāvatakaṃ icchasi tāvatakaṃ gaṇhāhī’’ti vuttaṃ. Jānanti pavāritabhāvaṃ jānanto. Taṃ panassa jānanaṃ yasmā tīhākārehi hoti, tasmā ‘‘jānāti nāma sāmaṃ vā jānātī’’tiādinā nayena padabhājanaṃ vuttaṃ. Āsādanāpekkhoti āsādanaṃ codanaṃ maṅkukaraṇabhāvaṃ apekkhamāno.
ਪਟਿਗ੍ਗਣ੍ਹਾਤਿ ਆਪਤ੍ਤਿ ਦੁਕ੍ਕਟਸ੍ਸਾਤਿ ਯਸ੍ਸ ਅਭਿਹਟਂ ਤਸ੍ਮਿਂ ਪਟਿਗ੍ਗਣ੍ਹਨ੍ਤੇ ਅਭਿਹਾਰਕਸ੍ਸ ਭਿਕ੍ਖੁਨੋ ਦੁਕ੍ਕਟਂ। ਇਤਰਸ੍ਸ ਪਨ ਸਬ੍ਬੋ ਆਪਤ੍ਤਿਭੇਦੋ ਪਠਮਸਿਕ੍ਖਾਪਦੇ વੁਤ੍ਤੋ, ਇਮਸ੍ਮਿਂ ਪਨ ਸਿਕ੍ਖਾਪਦੇ ਸਬ੍ਬਾ ਆਪਤ੍ਤਿਯੋ ਅਭਿਹਾਰਕਸ੍ਸੇવ વੇਦਿਤਬ੍ਬਾ। ਸੇਸਂ ਪਠਮਸਿਕ੍ਖਾਪਦੇ વੁਤ੍ਤਨਯਤ੍ਤਾ ਪਾਕਟਮੇવ।
Paṭiggaṇhātiāpatti dukkaṭassāti yassa abhihaṭaṃ tasmiṃ paṭiggaṇhante abhihārakassa bhikkhuno dukkaṭaṃ. Itarassa pana sabbo āpattibhedo paṭhamasikkhāpade vutto, imasmiṃ pana sikkhāpade sabbā āpattiyo abhihārakasseva veditabbā. Sesaṃ paṭhamasikkhāpade vuttanayattā pākaṭameva.
ਤਿਸਮੁਟ੍ਠਾਨਂ – ਕਾਯਚਿਤ੍ਤਤੋ વਾਚਾਚਿਤ੍ਤਤੋ ਕਾਯવਾਚਾਚਿਤ੍ਤਤੋ ਚ ਸਮੁਟ੍ਠਾਤਿ, ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖવੇਦਨਨ੍ਤਿ।
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ਦੁਤਿਯਪવਾਰਣਸਿਕ੍ਖਾਪਦਂ ਛਟ੍ਠਂ।
Dutiyapavāraṇasikkhāpadaṃ chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਭੋਜਨવਗ੍ਗੋ • 4. Bhojanavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੬. ਦੁਤਿਯਪવਾਰਣਾਸਿਕ੍ਖਾਪਦવਣ੍ਣਨਾ • 6. Dutiyapavāraṇāsikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੬. ਦੁਤਿਯਪવਾਰਣਸਿਕ੍ਖਾਪਦવਣ੍ਣਨਾ • 6. Dutiyapavāraṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਦੁਤਿਯਪવਾਰਣਾਸਿਕ੍ਖਾਪਦવਣ੍ਣਨਾ • 6. Dutiyapavāraṇāsikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੬. ਦੁਤਿਯਪવਾਰਣਸਿਕ੍ਖਾਪਦਂ • 6. Dutiyapavāraṇasikkhāpadaṃ
