| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. து³தியப²லஸுத்தங்
6. Dutiyaphalasuttaṃ
536. ‘‘பஞ்சிமானி , பி⁴க்க²வே, இந்த்³ரியானி. கதமானி பஞ்ச? ஸத்³தி⁴ந்த்³ரியங்…பே॰… பஞ்ஞிந்த்³ரியங் – இமானி கோ², பி⁴க்க²வே, பஞ்சிந்த்³ரியானி. இமேஸங் கோ², பி⁴க்க²வே, பஞ்சன்னங் இந்த்³ரியானங் பா⁴விதத்தா ப³ஹுலீகதத்தா ஸத்த ப²லா ஸத்தானிஸங்ஸா பாடிகங்கா². கதமே ஸத்த ப²லா ஸத்தானிஸங்ஸா? தி³ட்டே²வ த⁴ம்மே படிகச்ச அஞ்ஞங் ஆராதே⁴தி, நோ சே தி³ட்டே²வ த⁴ம்மே படிகச்ச அஞ்ஞங் ஆராதே⁴தி, அத² மரணகாலே அஞ்ஞங் ஆராதே⁴தி. நோ சே தி³ட்டே²வ த⁴ம்மே அஞ்ஞங் ஆராதே⁴தி, நோ சே மரணகாலே அஞ்ஞங் ஆராதே⁴தி, அத² பஞ்சன்னங் ஓரம்பா⁴கி³யானங் ஸங்யோஜனானங் பரிக்க²யா அந்தராபரினிப்³பா³யீ ஹோதி, உபஹச்சபரினிப்³பா³யீ ஹோதி, அஸங்கா²ரபரினிப்³பா³யீ ஹோதி, ஸஸங்கா²ரபரினிப்³பா³யீ ஹோதி, உத்³த⁴ங்ஸோதோ ஹோதி அகனிட்ட²கா³மீ. இமேஸங் கோ², பி⁴க்க²வே, பஞ்சன்னங் இந்த்³ரியானங் பா⁴விதத்தா ப³ஹுலீகதத்தா இமே ஸத்த ப²லா ஸத்தானிஸங்ஸா பாடிகங்கா²’’தி. ச²ட்ட²ங்.
536. ‘‘Pañcimāni , bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ bhāvitattā bahulīkatattā satta phalā sattānisaṃsā pāṭikaṅkhā. Katame satta phalā sattānisaṃsā? Diṭṭheva dhamme paṭikacca aññaṃ ārādheti, no ce diṭṭheva dhamme paṭikacca aññaṃ ārādheti, atha maraṇakāle aññaṃ ārādheti. No ce diṭṭheva dhamme aññaṃ ārādheti, no ce maraṇakāle aññaṃ ārādheti, atha pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti, upahaccaparinibbāyī hoti, asaṅkhāraparinibbāyī hoti, sasaṅkhāraparinibbāyī hoti, uddhaṃsoto hoti akaniṭṭhagāmī. Imesaṃ kho, bhikkhave, pañcannaṃ indriyānaṃ bhāvitattā bahulīkatattā ime satta phalā sattānisaṃsā pāṭikaṅkhā’’ti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. போ³தி⁴பக்கி²யவக்³கோ³ • 7. Bodhipakkhiyavaggo
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. போ³தி⁴பக்கி²யவக்³க³வண்ணனா • 7. Bodhipakkhiyavaggavaṇṇanā
