| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. д̣̇уд̇ияапаласуд̇д̇ам̣
5. Dutiyaphalasuttaṃ
981. ‘‘аанаабаанассад̇и, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа. гат̇ам̣ бхаавид̇аа жа, бхигкавз, аанаабаанассад̇и гат̇ам̣ б̣ахулийгад̇аа махабпалаа ход̇и махаанисам̣саа? ид̇ха, бхигкавз, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. со сад̇ова ассасад̇и, сад̇ова бассасад̇и…бз… ‘бадиниссаг̇г̇аанубассий ассасиссаамий’д̇и сигкад̇и, ‘бадиниссаг̇г̇аанубассий бассасиссаамий’д̇и сигкад̇и. звам̣ бхаавид̇аа ко, бхигкавз, аанаабаанассад̇и звам̣ б̣ахулийгад̇аа махабпалаа ход̇и махаанисам̣саа.
981. ‘‘Ānāpānassati, bhikkhave, bhāvitā bahulīkatā mahapphalā hoti mahānisaṃsā. Kathaṃ bhāvitā ca, bhikkhave, ānāpānassati kathaṃ bahulīkatā mahapphalā hoti mahānisaṃsā? Idha, bhikkhave, bhikkhu araññagato vā rukkhamūlagato vā suññāgāragato vā nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. So satova assasati, satova passasati…pe… ‘paṭinissaggānupassī assasissāmī’ti sikkhati, ‘paṭinissaggānupassī passasissāmī’ti sikkhati. Evaṃ bhāvitā kho, bhikkhave, ānāpānassati evaṃ bahulīkatā mahapphalā hoti mahānisaṃsā.
‘‘звам̣ бхаавид̇ааяа ко, бхигкавз, аанаабаанассад̇ияаа звам̣ б̣ахулийгад̇ааяа сад̇д̇а палаа сад̇д̇аанисам̣саа баадиган̇каа. гад̇амз сад̇д̇а палаа сад̇д̇аанисам̣саа? д̣̇идтзва д̇хаммз бадигажжа ан̃н̃ам̣ аараад̇хзд̇и; но жз д̣̇идтзва д̇хаммз бадигажжа ан̃н̃ам̣ аараад̇хзд̇и. ат̇а маран̣агаалз ан̃н̃ам̣ аараад̇хзд̇и; но жз д̣̇идтзва д̇хаммз бадигажжа ан̃н̃ам̣ аараад̇хзд̇и , но жз маран̣агаалз ан̃н̃ам̣ аараад̇хзд̇и. ат̇а бан̃жаннам̣ орамбхааг̇ияаанам̣ сам̣яож̇анаанам̣ баригкаяаа анд̇араабариниб̣б̣ааяий ход̇и… убахажжабариниб̣б̣ааяий ход̇и… асан̇каарабариниб̣б̣ааяий ход̇и… сасан̇каарабариниб̣б̣ааяий ход̇и… уд̣̇д̇хам̣сод̇о ход̇и аганидтаг̇аамий – звам̣ бхаавид̇ааяа ко, бхигкавз, аанаабаанассад̇ияаа звам̣ б̣ахулийгад̇ааяа имз сад̇д̇а палаа сад̇д̇аанисам̣саа баадиган̇каа’’д̇и. бан̃жамам̣.
‘‘Evaṃ bhāvitāya kho, bhikkhave, ānāpānassatiyā evaṃ bahulīkatāya satta phalā sattānisaṃsā pāṭikaṅkhā. Katame satta phalā sattānisaṃsā? Diṭṭheva dhamme paṭikacca aññaṃ ārādheti; no ce diṭṭheva dhamme paṭikacca aññaṃ ārādheti. Atha maraṇakāle aññaṃ ārādheti; no ce diṭṭheva dhamme paṭikacca aññaṃ ārādheti , no ce maraṇakāle aññaṃ ārādheti. Atha pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti… upahaccaparinibbāyī hoti… asaṅkhāraparinibbāyī hoti… sasaṅkhāraparinibbāyī hoti… uddhaṃsoto hoti akaniṭṭhagāmī – evaṃ bhāvitāya kho, bhikkhave, ānāpānassatiyā evaṃ bahulīkatāya ime satta phalā sattānisaṃsā pāṭikaṅkhā’’ti. Pañcamaṃ.
