| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. දුතියඵලසුත්‌තං
6. Dutiyaphalasuttaṃ
838. ‘‘චත්‌තාරොමෙ , භික්‌ඛවෙ, ඉද්‌ධිපාදා. කතමෙ චත්‌තාරො? ඉධ, භික්‌ඛවෙ, භික්‌ඛු ඡන්‌දසමාධිප්‌පධානසඞ්‌ඛාරසමන්‌නාගතං ඉද්‌ධිපාදං භාවෙති, වීරියසමාධි…පෙ.… චිත්‌තසමාධි …පෙ.… වීමංසාසමාධිප්‌පධානසඞ්‌ඛාරසමන්‌නාගතං ඉද්‌ධිපාදං භාවෙති – ඉමෙ ඛො, භික්‌ඛවෙ, චත්‌තාරො ඉද්‌ධිපාදා. ඉමෙසං ඛො, භික්‌ඛවෙ, චතුන්‌නං ඉද්‌ධිපාදානං භාවිතත්‌තා බහුලීකතත්‌තා සත්‌ත ඵලා සත්‌තානිසංසා පාටිකඞ්‌ඛා.
838. ‘‘Cattārome , bhikkhave, iddhipādā. Katame cattāro? Idha, bhikkhave, bhikkhu chandasamādhippadhānasaṅkhārasamannāgataṃ iddhipādaṃ bhāveti, vīriyasamādhi…pe… cittasamādhi …pe… vīmaṃsāsamādhippadhānasaṅkhārasamannāgataṃ iddhipādaṃ bhāveti – ime kho, bhikkhave, cattāro iddhipādā. Imesaṃ kho, bhikkhave, catunnaṃ iddhipādānaṃ bhāvitattā bahulīkatattā satta phalā sattānisaṃsā pāṭikaṅkhā.
‘‘කතමෙ සත්‌ත ඵලා සත්‌තානිසංසා? දිට්‌ඨෙව ධම්‌මෙ පටිකච්‌ච 1 අඤ්‌ඤං ආරාධෙති නො චෙ දිට්‌ඨෙව ධම්‌මෙ පටිකච්‌ච අඤ්‌ඤං ආරාධෙති; අථ මරණකාලෙ අඤ්‌ඤං ආරාධෙති, නො චෙ දිට්‌ඨෙව ධම්‌මෙ පටිකච්‌ච අඤ්‌ඤං ආරාධෙති, නො චෙ මරණකාලෙ අඤ්‌ඤං ආරාධෙති; අථ පඤ්‌චන්‌නං ඔරම්‌භාගියානං සංයොජනානං පරික්‌ඛයා අන්‌තරාපරිනිබ්‌බායී හොති, උපහච්‌චපරිනිබ්‌බායී හොති, අසඞ්‌ඛාරපරිනිබ්‌බායී හොති, සසඞ්‌ඛාරපරිනිබ්‌බායී හොති, උද්‌ධංසොතො හොති අකනිට්‌ඨගාමී. ඉමෙසං ඛො, භික්‌ඛවෙ, චතුන්‌නං ඉද්‌ධිපාදානං භාවිතත්‌තා බහුලීකතත්‌තා ඉමෙ සත්‌ත ඵලා සත්‌තානිසංසා පාටිකඞ්‌ඛා’’ති. ඡට්‌ඨං.
‘‘Katame satta phalā sattānisaṃsā? Diṭṭheva dhamme paṭikacca 2 aññaṃ ārādheti no ce diṭṭheva dhamme paṭikacca aññaṃ ārādheti; atha maraṇakāle aññaṃ ārādheti, no ce diṭṭheva dhamme paṭikacca aññaṃ ārādheti, no ce maraṇakāle aññaṃ ārādheti; atha pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti, upahaccaparinibbāyī hoti, asaṅkhāraparinibbāyī hoti, sasaṅkhāraparinibbāyī hoti, uddhaṃsoto hoti akaniṭṭhagāmī. Imesaṃ kho, bhikkhave, catunnaṃ iddhipādānaṃ bhāvitattā bahulīkatattā ime satta phalā sattānisaṃsā pāṭikaṅkhā’’ti. Chaṭṭhaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3-10. භික්‌ඛුසුත්‌තාදිවණ්‌ණනා • 3-10. Bhikkhusuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3-10. භික්‌ඛුසුත්‌තාදිවණ්‌ණනා • 3-10. Bhikkhusuttādivaṇṇanā
