| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
2. д̣̇уд̇ияабийтавимаанаван̣н̣анаа
2. Dutiyapīṭhavimānavaṇṇanā
бийтам̣ д̇з взл̣урияамаяанд̇и д̣̇уд̇ияабийтавимаанам̣. д̇асса адтуббад̇д̇и жа ад̇т̇аван̣н̣анаа жа батамз вуд̇д̇анаязнзва взд̣̇ид̇аб̣б̣аа. аяам̣ бана висзсо – саавад̇т̇иваасиний гира згаа ид̇т̇ий ад̇д̇ано г̇зхам̣ бин̣д̣ааяа бавидтам̣ згам̣ т̇зрам̣ бассид̇ваа басаннажид̇д̇аа д̇асса аасанам̣ д̣̇знд̇ий ад̇д̇ано бийтам̣ убари нийлавад̇т̇зна ад̇т̇арид̇ваа ад̣̇ааси. д̇зна д̇ассаа д̣̇звалогз ниб̣б̣ад̇д̇ааяа взл̣урияамаяам̣ баллан̇гавимаанам̣ ниб̣б̣ад̇д̇ам̣. д̇зна вуд̇д̇ам̣ –
Pīṭhaṃte veḷuriyamayanti dutiyapīṭhavimānaṃ. Tassa aṭṭhuppatti ca atthavaṇṇanā ca paṭhame vuttanayeneva veditabbā. Ayaṃ pana viseso – sāvatthivāsinī kira ekā itthī attano gehaṃ piṇḍāya paviṭṭhaṃ ekaṃ theraṃ passitvā pasannacittā tassa āsanaṃ dentī attano pīṭhaṃ upari nīlavatthena attharitvā adāsi. Tena tassā devaloke nibbattāya veḷuriyamayaṃ pallaṅkavimānaṃ nibbattaṃ. Tena vuttaṃ –
8.
8.
‘‘бийтам̣ д̇з взл̣урияамаяам̣ ул̣аарам̣, манож̇авам̣ г̇ажчад̇и язнагаамам̣;
‘‘Pīṭhaṃ te veḷuriyamayaṃ uḷāraṃ, manojavaṃ gacchati yenakāmaṃ;
алан̇гад̇з маляад̇харз сувад̇т̇з, обхаасаси виж̇ж̇уриваб̣бха гуудам̣.
Alaṅkate malyadhare suvatthe, obhāsasi vijjurivabbha kūṭaṃ.
9.
9.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
10.
10.
‘‘бужчаами д̇ам̣ д̣̇зви махаанубхаавз, мануссабхууд̇аа гимагааси бун̃н̃ам̣;
‘‘Pucchāmi taṃ devi mahānubhāve, manussabhūtā kimakāsi puññaṃ;
гзнааси звам̣ ж̇алид̇аанубхааваа, ван̣н̣о жа д̇з саб̣б̣ад̣̇исаа бабхаасад̇ий’’д̇и.
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
11.
11.
‘‘саа д̣̇звад̇аа ад̇д̇аманаа, мог̇г̇аллаанзна бужчид̇аа;
‘‘Sā devatā attamanā, moggallānena pucchitā;
бан̃хам̣ будтаа вияаагааси, яасса гаммассид̣̇ам̣ палам̣’’.
Pañhaṃ puṭṭhā viyākāsi, yassa kammassidaṃ phalaṃ’’.
12.
12.
‘‘ахам̣ мануссзсу мануссабхууд̇аа, аб̣бхааг̇ад̇аанаасанагам̣ ад̣̇аасим̣;
‘‘Ahaṃ manussesu manussabhūtā, abbhāgatānāsanakaṃ adāsiṃ;
абхиваад̣̇аяим̣ ан̃ж̇алигам̣ агаасим̣, яат̇аанубхааван̃жа ад̣̇ааси д̣̇аанам̣.
Abhivādayiṃ añjalikaṃ akāsiṃ, yathānubhāvañca adāsi dānaṃ.
13.
13.
‘‘д̇зна мзд̇аад̣̇исо ван̣н̣о, д̇зна мз ид̇ха миж̇жхад̇и;
‘‘Tena metādiso vaṇṇo, tena me idha mijjhati;
уббаж̇ж̇анд̇и жа мз бхог̇аа, яз гзжи манасо бияаа.
Uppajjanti ca me bhogā, ye keci manaso piyā.
14.
14.
‘‘агкаами д̇з бхигку махаанубхаава, мануссабхууд̇аа яамагааси бун̃н̃ам̣;
‘‘Akkhāmi te bhikkhu mahānubhāva, manussabhūtā yamakāsi puññaṃ;
д̇знамхи звам̣ ж̇алид̇аанубхааваа, ван̣н̣о жа мз саб̣б̣ад̣̇исаа бабхаасад̇ий’’д̇и.
Tenamhi evaṃ jalitānubhāvā, vaṇṇo ca me sabbadisā pabhāsatī’’ti.
8. д̇ад̇т̇а взл̣урияамаяанд̇и взл̣урияаман̣имаяам̣. взл̣урияаман̣и наама вил̣уурабаб̣б̣ад̇асса вил̣уураг̇аамасса жа авид̣̇уурз уббаж̇ж̇анагаман̣и. д̇асса гира вил̣уураг̇аамадтаанз аагаро, вил̣уурасса бана авид̣̇уурз бхавад̇д̇аа взл̣урияанд̇зва бан̃н̃ааяид̇т̇а. д̇ам̣сад̣̇исаван̣н̣анибхад̇ааяа д̣̇звалогзбисса д̇ат̇зва наамам̣ ж̇аад̇ам̣ яат̇аа д̇ам̣ мануссалогз лад̣̇д̇ханаамавасзнзва д̣̇звалогз д̣̇звабуд̇д̇аанам̣. д̇ам̣ бана маяуураг̇ийваван̣н̣ам̣ ваа ход̇и, вааяасабад̇д̇аван̣н̣ам̣ ваа, синид̣̇д̇хавзн̣убад̇д̇аван̣н̣ам̣ ваа. ид̇ха бана маяуураг̇ийваван̣н̣ам̣ взд̣̇ид̇аб̣б̣ам̣. сзсам̣ саб̣б̣ам̣ батамабийтавимаанз вуд̇д̇асад̣̇исамзваад̇и.
8. Tattha veḷuriyamayanti veḷuriyamaṇimayaṃ. Veḷuriyamaṇi nāma viḷūrapabbatassa viḷūragāmassa ca avidūre uppajjanakamaṇi. Tassa kira viḷūragāmaṭṭhāne ākaro, viḷūrassa pana avidūre bhavattā veḷuriyanteva paññāyittha. Taṃsadisavaṇṇanibhatāya devalokepissa tatheva nāmaṃ jātaṃ yathā taṃ manussaloke laddhanāmavaseneva devaloke devaputtānaṃ. Taṃ pana mayūragīvavaṇṇaṃ vā hoti, vāyasapattavaṇṇaṃ vā, siniddhaveṇupattavaṇṇaṃ vā. Idha pana mayūragīvavaṇṇaṃ veditabbaṃ. Sesaṃ sabbaṃ paṭhamapīṭhavimāne vuttasadisamevāti.
д̣̇уд̇ияабийтавимаанаван̣н̣анаа нидтид̇аа.
Dutiyapīṭhavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 2. д̣̇уд̇ияабийтавимаанавад̇т̇у • 2. Dutiyapīṭhavimānavatthu
