| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. д̣̇уд̇ияабуб̣б̣аараамасуд̇д̇ам̣
6. Dutiyapubbārāmasuttaṃ
516. д̇ам̣язва нид̣̇аанам̣. ‘‘гад̇инам̣ ну ко, бхигкавз, инд̣̇рияаанам̣ бхаавид̇ад̇д̇аа б̣ахулийгад̇ад̇д̇аа кийн̣аасаво бхигку ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамий’’д̇и? бхаг̇авам̣муулагаа но, бханд̇з, д̇хаммаа…бз… ‘‘д̣̇виннам̣ ко, бхигкавз, инд̣̇рияаанам̣ бхаавид̇ад̇д̇аа б̣ахулийгад̇ад̇д̇аа кийн̣аасаво бхигку ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамийд̇и. гад̇амзсам̣ д̣̇виннам̣? арияааяа жа бан̃н̃ааяа, арияааяа жа вимуд̇д̇ияаа. яаа хисса, бхигкавз, арияаа бан̃н̃аа д̇ад̣̇асса бан̃н̃инд̣̇рияам̣. яаа хисса, бхигкавз, арияаа вимуд̇д̇и д̇ад̣̇асса самаад̇хинд̣̇рияам̣. имзсам̣ ко, бхигкавз, д̣̇виннам̣ инд̣̇рияаанам̣ бхаавид̇ад̇д̇аа б̣ахулийгад̇ад̇д̇аа кийн̣аасаво бхигку ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамий’’д̇и. чадтам̣.
516. Taṃyeva nidānaṃ. ‘‘Katinaṃ nu kho, bhikkhave, indriyānaṃ bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti? Bhagavaṃmūlakā no, bhante, dhammā…pe… ‘‘dvinnaṃ kho, bhikkhave, indriyānaṃ bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmīti. Katamesaṃ dvinnaṃ? Ariyāya ca paññāya, ariyāya ca vimuttiyā. Yā hissa, bhikkhave, ariyā paññā tadassa paññindriyaṃ. Yā hissa, bhikkhave, ariyā vimutti tadassa samādhindriyaṃ. Imesaṃ kho, bhikkhave, dvinnaṃ indriyānaṃ bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti. Chaṭṭhaṃ.
