| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༦. དུཏིཡཔུབྦཱརཱམསུཏྟཾ
6. Dutiyapubbārāmasuttaṃ
༥༡༦. ཏཾཡེཝ ནིདཱནཾ། ‘‘ཀཏིནཾ ནུ ཁོ, བྷིཀྑཝེ, ཨིནྡྲིཡཱནཾ བྷཱཝིཏཏྟཱ བཧུལཱིཀཏཏྟཱ ཁཱིཎཱསཝོ བྷིཀྑུ ཨཉྙཾ བྱཱཀརོཏི – ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱམཱི’’ཏི? བྷགཝཾམཱུལཀཱ ནོ, བྷནྟེ, དྷམྨཱ…པེ॰… ‘‘དྭིནྣཾ ཁོ, བྷིཀྑཝེ, ཨིནྡྲིཡཱནཾ བྷཱཝིཏཏྟཱ བཧུལཱིཀཏཏྟཱ ཁཱིཎཱསཝོ བྷིཀྑུ ཨཉྙཾ བྱཱཀརོཏི – ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱམཱིཏི། ཀཏམེསཾ དྭིནྣཾ? ཨརིཡཱཡ ཙ པཉྙཱཡ, ཨརིཡཱཡ ཙ ཝིམུཏྟིཡཱ། ཡཱ ཧིསྶ, བྷིཀྑཝེ, ཨརིཡཱ པཉྙཱ ཏདསྶ པཉྙིནྡྲིཡཾ། ཡཱ ཧིསྶ, བྷིཀྑཝེ, ཨརིཡཱ ཝིམུཏྟི ཏདསྶ སམཱདྷིནྡྲིཡཾ། ཨིམེསཾ ཁོ, བྷིཀྑཝེ, དྭིནྣཾ ཨིནྡྲིཡཱནཾ བྷཱཝིཏཏྟཱ བཧུལཱིཀཏཏྟཱ ཁཱིཎཱསཝོ བྷིཀྑུ ཨཉྙཾ བྱཱཀརོཏི – ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱམཱི’’ཏི། ཚཊྛཾ།
516. Taṃyeva nidānaṃ. ‘‘Katinaṃ nu kho, bhikkhave, indriyānaṃ bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti? Bhagavaṃmūlakā no, bhante, dhammā…pe… ‘‘dvinnaṃ kho, bhikkhave, indriyānaṃ bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmīti. Katamesaṃ dvinnaṃ? Ariyāya ca paññāya, ariyāya ca vimuttiyā. Yā hissa, bhikkhave, ariyā paññā tadassa paññindriyaṃ. Yā hissa, bhikkhave, ariyā vimutti tadassa samādhindriyaṃ. Imesaṃ kho, bhikkhave, dvinnaṃ indriyānaṃ bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti. Chaṭṭhaṃ.
