| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. দুতিযপুগ্গলসুত্তং
10. Dutiyapuggalasuttaṃ
৬০. ‘‘অট্ঠিমে, ভিক্খৰে, পুগ্গলা আহুনেয্যা…পে॰… অনুত্তরং পুঞ্ঞক্খেত্তং লোকস্স। কতমে অট্ঠ? সোতাপন্নো , সোতাপত্তিফলসচ্ছিকিরিযায পটিপন্নো…পে॰… অরহা, অরহত্তায পটিপন্নো। ইমে খো, ভিক্খৰে, অট্ঠ পুগ্গলা আহুনেয্যা…পে॰… অনুত্তরং পুঞ্ঞক্খেত্তং লোকস্সা’’তি।
60. ‘‘Aṭṭhime, bhikkhave, puggalā āhuneyyā…pe… anuttaraṃ puññakkhettaṃ lokassa. Katame aṭṭha? Sotāpanno , sotāpattiphalasacchikiriyāya paṭipanno…pe… arahā, arahattāya paṭipanno. Ime kho, bhikkhave, aṭṭha puggalā āhuneyyā…pe… anuttaraṃ puññakkhettaṃ lokassā’’ti.
‘‘চত্তারো চ পটিপন্না, চত্তারো চ ফলে ঠিতা।
‘‘Cattāro ca paṭipannā, cattāro ca phale ṭhitā;
এস সঙ্ঘো সমুক্কট্ঠো, সত্তানং অট্ঠ পুগ্গলা॥
Esa saṅgho samukkaṭṭho, sattānaṃ aṭṭha puggalā.
‘‘যজমানানং মনুস্সানং, পুঞ্ঞপেক্খান পাণিনং।
‘‘Yajamānānaṃ manussānaṃ, puññapekkhāna pāṇinaṃ;
করোতং ওপধিকং পুঞ্ঞং, এত্থ দিন্নং মহপ্ফল’’ন্তি॥ দসমং।
Karotaṃ opadhikaṃ puññaṃ, ettha dinnaṃ mahapphala’’nti. dasamaṃ;
গোতমীৰগ্গো পঠমো।
Gotamīvaggo paṭhamo.
তস্সুদ্দানং –
Tassuddānaṃ –
গোতমী ওৰাদং সংখিত্তং, দীঘজাণু চ উজ্জযো।
Gotamī ovādaṃ saṃkhittaṃ, dīghajāṇu ca ujjayo;
ভযা দ্ৰে আহুনেয্যা চ, দ্ৰে চ অট্ঠ পুগ্গলাতি॥
Bhayā dve āhuneyyā ca, dve ca aṭṭha puggalāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৯-১০. পুগ্গলসুত্তদ্ৰযৰণ্ণনা • 9-10. Puggalasuttadvayavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৬-১০. পুগ্গলসুত্তাদিৰণ্ণনা • 6-10. Puggalasuttādivaṇṇanā
