| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
១០. ទុតិយបុគ្គលសុត្តំ
10. Dutiyapuggalasuttaṃ
៦០. ‘‘អដ្ឋិមេ, ភិក្ខវេ, បុគ្គលា អាហុនេយ្យា…បេ.… អនុត្តរំ បុញ្ញក្ខេត្តំ លោកស្ស។ កតមេ អដ្ឋ? សោតាបន្នោ , សោតាបត្តិផលសច្ឆិកិរិយាយ បដិបន្នោ…បេ.… អរហា, អរហត្តាយ បដិបន្នោ។ ឥមេ ខោ, ភិក្ខវេ, អដ្ឋ បុគ្គលា អាហុនេយ្យា…បេ.… អនុត្តរំ បុញ្ញក្ខេត្តំ លោកស្សា’’តិ។
60. ‘‘Aṭṭhime, bhikkhave, puggalā āhuneyyā…pe… anuttaraṃ puññakkhettaṃ lokassa. Katame aṭṭha? Sotāpanno , sotāpattiphalasacchikiriyāya paṭipanno…pe… arahā, arahattāya paṭipanno. Ime kho, bhikkhave, aṭṭha puggalā āhuneyyā…pe… anuttaraṃ puññakkhettaṃ lokassā’’ti.
‘‘ចត្តារោ ច បដិបន្នា, ចត្តារោ ច ផលេ ឋិតា;
‘‘Cattāro ca paṭipannā, cattāro ca phale ṭhitā;
ឯស សង្ឃោ សមុក្កដ្ឋោ, សត្តានំ អដ្ឋ បុគ្គលា។
Esa saṅgho samukkaṭṭho, sattānaṃ aṭṭha puggalā.
‘‘យជមានានំ មនុស្សានំ, បុញ្ញបេក្ខាន បាណិនំ;
‘‘Yajamānānaṃ manussānaṃ, puññapekkhāna pāṇinaṃ;
ករោតំ ឱបធិកំ បុញ្ញំ, ឯត្ថ ទិន្នំ មហប្ផល’’ន្តិ។ ទសមំ;
Karotaṃ opadhikaṃ puññaṃ, ettha dinnaṃ mahapphala’’nti. dasamaṃ;
គោតមីវគ្គោ បឋមោ។
Gotamīvaggo paṭhamo.
តស្សុទ្ទានំ –
Tassuddānaṃ –
គោតមី ឱវាទំ សំខិត្តំ, ទីឃជាណុ ច ឧជ្ជយោ;
Gotamī ovādaṃ saṃkhittaṃ, dīghajāṇu ca ujjayo;
ភយា ទ្វេ អាហុនេយ្យា ច, ទ្វេ ច អដ្ឋ បុគ្គលាតិ។
Bhayā dve āhuneyyā ca, dve ca aṭṭha puggalāti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៩-១០. បុគ្គលសុត្តទ្វយវណ្ណនា • 9-10. Puggalasuttadvayavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៦-១០. បុគ្គលសុត្តាទិវណ្ណនា • 6-10. Puggalasuttādivaṇṇanā
