| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൧൦. ദുതിയപുഗ്ഗലസുത്തം
10. Dutiyapuggalasuttaṃ
൬൦. ‘‘അട്ഠിമേ, ഭിക്ഖവേ, പുഗ്ഗലാ ആഹുനേയ്യാ…പേ॰… അനുത്തരം പുഞ്ഞക്ഖേത്തം ലോകസ്സ. കതമേ അട്ഠ? സോതാപന്നോ , സോതാപത്തിഫലസച്ഛികിരിയായ പടിപന്നോ…പേ॰… അരഹാ, അരഹത്തായ പടിപന്നോ. ഇമേ ഖോ, ഭിക്ഖവേ, അട്ഠ പുഗ്ഗലാ ആഹുനേയ്യാ…പേ॰… അനുത്തരം പുഞ്ഞക്ഖേത്തം ലോകസ്സാ’’തി.
60. ‘‘Aṭṭhime, bhikkhave, puggalā āhuneyyā…pe… anuttaraṃ puññakkhettaṃ lokassa. Katame aṭṭha? Sotāpanno , sotāpattiphalasacchikiriyāya paṭipanno…pe… arahā, arahattāya paṭipanno. Ime kho, bhikkhave, aṭṭha puggalā āhuneyyā…pe… anuttaraṃ puññakkhettaṃ lokassā’’ti.
‘‘ചത്താരോ ച പടിപന്നാ, ചത്താരോ ച ഫലേ ഠിതാ;
‘‘Cattāro ca paṭipannā, cattāro ca phale ṭhitā;
ഏസ സങ്ഘോ സമുക്കട്ഠോ, സത്താനം അട്ഠ പുഗ്ഗലാ.
Esa saṅgho samukkaṭṭho, sattānaṃ aṭṭha puggalā.
‘‘യജമാനാനം മനുസ്സാനം, പുഞ്ഞപേക്ഖാന പാണിനം;
‘‘Yajamānānaṃ manussānaṃ, puññapekkhāna pāṇinaṃ;
കരോതം ഓപധികം പുഞ്ഞം, ഏത്ഥ ദിന്നം മഹപ്ഫല’’ന്തി. ദസമം;
Karotaṃ opadhikaṃ puññaṃ, ettha dinnaṃ mahapphala’’nti. dasamaṃ;
ഗോതമീവഗ്ഗോ പഠമോ.
Gotamīvaggo paṭhamo.
തസ്സുദ്ദാനം –
Tassuddānaṃ –
ഗോതമീ ഓവാദം സംഖിത്തം, ദീഘജാണു ച ഉജ്ജയോ;
Gotamī ovādaṃ saṃkhittaṃ, dīghajāṇu ca ujjayo;
ഭയാ ദ്വേ ആഹുനേയ്യാ ച, ദ്വേ ച അട്ഠ പുഗ്ഗലാതി.
Bhayā dve āhuneyyā ca, dve ca aṭṭha puggalāti.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൯-൧൦. പുഗ്ഗലസുത്തദ്വയവണ്ണനാ • 9-10. Puggalasuttadvayavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൬-൧൦. പുഗ്ഗലസുത്താദിവണ്ണനാ • 6-10. Puggalasuttādivaṇṇanā
