| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๒. ทุติยปุญฺญาภิสนฺทสุตฺตวณฺณนา
2. Dutiyapuññābhisandasuttavaṇṇanā
๕๒. ทุติเย อริยกเนฺตหีติ มคฺคผลสมฺปยุเตฺตหิฯ ตานิ หิ อริยานํ กนฺตานิ โหนฺติ ปิยานิ มนาปานิฯ เสสํ สุตฺตเนฺต ตาว ยํ วตฺตพฺพํ สิยา, ตํ วิสุทฺธิมเคฺค (วิสุทฺธิ. ๑.๑๒๔ อาทโย) วุตฺตเมวฯ
52. Dutiye ariyakantehīti maggaphalasampayuttehi. Tāni hi ariyānaṃ kantāni honti piyāni manāpāni. Sesaṃ suttante tāva yaṃ vattabbaṃ siyā, taṃ visuddhimagge (visuddhi. 1.124 ādayo) vuttameva.
คาถาสุ ปน สทฺธาติ โสตาปนฺนสฺส สทฺธา อธิเปฺปตาฯ สีลมฺปิ โสตาปนฺนสฺส สีลเมวฯ อุชุภูตญฺจ ทสฺสนนฺติ กายวงฺกาทีนํ อภาเวน ขีณาสวสฺส ทสฺสนํ อุชุภูตทสฺสนํ นามฯ อาหูติ กถยนฺติฯ ปสาทนฺติ พุทฺธธมฺมสเงฺฆสุ ปสาทํฯ ธมฺมทสฺสนนฺติ จตุสจฺจธมฺมทสฺสนํฯ
Gāthāsu pana saddhāti sotāpannassa saddhā adhippetā. Sīlampi sotāpannassa sīlameva. Ujubhūtañca dassananti kāyavaṅkādīnaṃ abhāvena khīṇāsavassa dassanaṃ ujubhūtadassanaṃ nāma. Āhūti kathayanti. Pasādanti buddhadhammasaṅghesu pasādaṃ. Dhammadassananti catusaccadhammadassanaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๒. ทุติยปุญฺญาภิสนฺทสุตฺตํ • 2. Dutiyapuññābhisandasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๒. ทุติยปุญฺญาภิสนฺทสุตฺตวณฺณนา • 2. Dutiyapuññābhisandasuttavaṇṇanā
