| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೨. ದುತಿಯಪುಞ್ಞಾಭಿಸನ್ದಸುತ್ತವಣ್ಣನಾ
2. Dutiyapuññābhisandasuttavaṇṇanā
೫೨. ದುತಿಯೇ ಅರಿಯಕನ್ತೇಹೀತಿ ಮಗ್ಗಫಲಸಮ್ಪಯುತ್ತೇಹಿ। ತಾನಿ ಹಿ ಅರಿಯಾನಂ ಕನ್ತಾನಿ ಹೋನ್ತಿ ಪಿಯಾನಿ ಮನಾಪಾನಿ। ಸೇಸಂ ಸುತ್ತನ್ತೇ ತಾವ ಯಂ ವತ್ತಬ್ಬಂ ಸಿಯಾ, ತಂ ವಿಸುದ್ಧಿಮಗ್ಗೇ (ವಿಸುದ್ಧಿ॰ ೧.೧೨೪ ಆದಯೋ) ವುತ್ತಮೇವ।
52. Dutiye ariyakantehīti maggaphalasampayuttehi. Tāni hi ariyānaṃ kantāni honti piyāni manāpāni. Sesaṃ suttante tāva yaṃ vattabbaṃ siyā, taṃ visuddhimagge (visuddhi. 1.124 ādayo) vuttameva.
ಗಾಥಾಸು ಪನ ಸದ್ಧಾತಿ ಸೋತಾಪನ್ನಸ್ಸ ಸದ್ಧಾ ಅಧಿಪ್ಪೇತಾ। ಸೀಲಮ್ಪಿ ಸೋತಾಪನ್ನಸ್ಸ ಸೀಲಮೇವ। ಉಜುಭೂತಞ್ಚ ದಸ್ಸನನ್ತಿ ಕಾಯವಙ್ಕಾದೀನಂ ಅಭಾವೇನ ಖೀಣಾಸವಸ್ಸ ದಸ್ಸನಂ ಉಜುಭೂತದಸ್ಸನಂ ನಾಮ। ಆಹೂತಿ ಕಥಯನ್ತಿ। ಪಸಾದನ್ತಿ ಬುದ್ಧಧಮ್ಮಸಙ್ಘೇಸು ಪಸಾದಂ। ಧಮ್ಮದಸ್ಸನನ್ತಿ ಚತುಸಚ್ಚಧಮ್ಮದಸ್ಸನಂ।
Gāthāsu pana saddhāti sotāpannassa saddhā adhippetā. Sīlampi sotāpannassa sīlameva. Ujubhūtañca dassananti kāyavaṅkādīnaṃ abhāvena khīṇāsavassa dassanaṃ ujubhūtadassanaṃ nāma. Āhūti kathayanti. Pasādanti buddhadhammasaṅghesu pasādaṃ. Dhammadassananti catusaccadhammadassanaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೨. ದುತಿಯಪುಞ್ಞಾಭಿಸನ್ದಸುತ್ತಂ • 2. Dutiyapuññābhisandasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೨. ದುತಿಯಪುಞ್ಞಾಭಿಸನ್ದಸುತ್ತವಣ್ಣನಾ • 2. Dutiyapuññābhisandasuttavaṇṇanā
