| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
10. д̣̇уд̇ияарааг̇асуд̇д̇аван̣н̣анаа
10. Dutiyarāgasuttavaṇṇanā
69. д̣̇асамз ад̇арийд̇и д̇ин̣н̣о, на д̇ин̣н̣о ад̇ин̣н̣о. самуд̣̇д̣̇анд̇и сам̣саарасамуд̣̇д̣̇ам̣, жагкааяад̇анаад̣̇исамуд̣̇д̣̇ам̣ ваа. д̇ад̣̇убхаяамби д̣̇уббууран̣адтзна самуд̣̇д̣̇о вияаад̇и самуд̣̇д̣̇ам̣. ат̇а ваа самуд̣̇д̣̇анадтзна самуд̣̇д̣̇ам̣, гилзсавассанзна сад̇д̇асанд̇аанасса гилзсасад̣̇анад̇од̇и ад̇т̇о. савийжинд̇и год̇хуубааяаасавийжийхи савийжим̣. вуд̇д̇ан̃хзд̇ам̣ ‘‘вийжибхаяанд̇и ко, бхигку, год̇хуубааяаасассзд̇ам̣ ад̇хиважана’’нд̇и (ид̇иву. 109; ма. ни. 2.162). саавадданд̇и бан̃жагаамаг̇ун̣ааваддзхи саха ааваддам̣. вуд̇д̇амби жзд̇ам̣ ‘‘ааваддабхаяанд̇и ко, бхигку, бан̃жаннзд̇ам̣ гаамаг̇ун̣аанам̣ ад̇хиважана’’нд̇и (ид̇иву. 109; ма. ни. 2.164; а. ни. 4.122). саг̇ахам̣ сарагкасанд̇и ад̇д̇ано г̇ожараг̇ад̇аанам̣ анад̇т̇аж̇ананад̇о жан̣д̣амагарамажчагажчабарагкасасад̣̇исзхи висабхааг̇абуг̇г̇алзхи сахид̇ам̣. д̇ат̇аа жааха ‘‘саг̇ахам̣ сарагкасанд̇и ко, бхигку, маад̇уг̇аамассзд̇ам̣ ад̇хиважана’’нд̇и (ид̇иву. 109). ад̇арийд̇и маг̇г̇абан̃н̃аанаавааяа яат̇аавуд̇д̇ам̣ самуд̣̇д̣̇ам̣ уд̇д̇ари. д̇ин̣н̣од̇и нид̇д̇ин̣н̣о. бааран̇г̇ад̇од̇и д̇асса самуд̣̇д̣̇асса баарам̣ барад̇ийрам̣ нирод̇хам̣ убаг̇ад̇о. т̇алз д̇идтад̇ийд̇и д̇ад̇о зва сам̣саарамахогхам̣ гаамаад̣̇имахогхан̃жа ад̇иггамид̇ваа т̇алз барад̇ийрз ниб̣б̣аанз б̣аахид̇абаабаб̣раахман̣о д̇идтад̇ийд̇и вужжад̇и.
69. Dasame atarīti tiṇṇo, na tiṇṇo atiṇṇo. Samuddanti saṃsārasamuddaṃ, cakkhāyatanādisamuddaṃ vā. Tadubhayampi duppūraṇaṭṭhena samuddo viyāti samuddaṃ. Atha vā samuddanaṭṭhena samuddaṃ, kilesavassanena sattasantānassa kilesasadanatoti attho. Savīcinti kodhūpāyāsavīcīhi savīciṃ. Vuttañhetaṃ ‘‘vīcibhayanti kho, bhikkhu, kodhūpāyāsassetaṃ adhivacana’’nti (itivu. 109; ma. ni. 2.162). Sāvaṭṭanti pañcakāmaguṇāvaṭṭehi saha āvaṭṭaṃ. Vuttampi cetaṃ ‘‘āvaṭṭabhayanti kho, bhikkhu, pañcannetaṃ kāmaguṇānaṃ adhivacana’’nti (itivu. 109; ma. ni. 2.164; a. ni. 4.122). Sagahaṃ sarakkhasanti attano gocaragatānaṃ anatthajananato caṇḍamakaramacchakacchaparakkhasasadisehi visabhāgapuggalehi sahitaṃ. Tathā cāha ‘‘sagahaṃ sarakkhasanti kho, bhikkhu, mātugāmassetaṃ adhivacana’’nti (itivu. 109). Atarīti maggapaññānāvāya yathāvuttaṃ samuddaṃ uttari. Tiṇṇoti nittiṇṇo. Pāraṅgatoti tassa samuddassa pāraṃ paratīraṃ nirodhaṃ upagato. Thale tiṭṭhatīti tato eva saṃsāramahoghaṃ kāmādimahoghañca atikkamitvā thale paratīre nibbāne bāhitapāpabrāhmaṇo tiṭṭhatīti vuccati.
ид̇хааби г̇аат̇аа суггабагкавасзнзва ааг̇ад̇аа. д̇ад̇т̇а уумибхаяанд̇и яат̇аавуд̇д̇ауумибхаяам̣, бхааяид̇аб̣б̣ам̣ зд̇асмаад̇и д̇ам̣ ууми бхаяам̣. д̣̇уд̇д̇аранд̇и д̣̇урад̇иггамам̣. ажжад̇аарийд̇и ад̇иггами.
Idhāpi gāthā sukkapakkhavaseneva āgatā. Tattha ūmibhayanti yathāvuttaūmibhayaṃ, bhāyitabbaṃ etasmāti taṃ ūmi bhayaṃ. Duttaranti duratikkamaṃ. Accatārīti atikkami.
сан̇г̇аад̇иг̇од̇и рааг̇аад̣̇ийнам̣ бан̃жаннам̣ сан̇г̇аанам̣ ад̇игганд̇ад̇д̇аа бахийнад̇д̇аа сан̇г̇аад̇иг̇о. ад̇т̇ан̇г̇ад̇о со на бамаан̣амзд̇ийд̇и со звам̣бхууд̇о арахаа рааг̇аад̣̇ийнам̣ бамаан̣агарад̇хаммаанам̣ ажжанд̇амзва ад̇т̇ам̣ г̇ад̇ад̇д̇аа ад̇т̇ан̇г̇ад̇о, д̇ад̇о зва сийлаад̣̇ид̇хаммагканд̇хабаарибуурияаа жа ‘‘зд̣̇исо сийлзна самаад̇хинаа бан̃н̃ааяаа’’д̇и гзнажи бамин̣ид̇ум̣ асаггун̣зяяо бамаан̣ам̣ на зд̇и, ат̇а ваа анубаад̣̇исзсаниб̣б̣аанасан̇каад̇ам̣ ад̇т̇ам̣ г̇ад̇о со арахаа ‘‘имааяа наама г̇ад̇ияаа тид̇о, зд̣̇исо жа наамаг̇од̇д̇знаа’’д̇и бамин̣ид̇ум̣ асаггун̣зяяад̇ааяа бамаан̣ам̣ на зд̇и на убаг̇ажчад̇и. д̇ад̇о зва амохаяи мажжурааж̇ам̣, д̇зна ануб̣анд̇хид̇ум̣ асаггун̣зяяод̇и вад̣̇аамийд̇и анубаад̣̇исзсаниб̣б̣аанад̇хаад̇уяаава д̣̇зсанам̣ нидтаабзси. ид̇и имасмим̣ ваг̇г̇з батамабан̃жамачадтзсу ваддам̣ гат̇ид̇ам̣, д̣̇уд̇ияасад̇д̇амаадтамзсу виваддам̣, сзсзсу ваддавиваддам̣ гат̇ид̇анд̇и взд̣̇ид̇аб̣б̣ам̣.
Saṅgātigoti rāgādīnaṃ pañcannaṃ saṅgānaṃ atikkantattā pahīnattā saṅgātigo. Atthaṅgato so na pamāṇametīti so evaṃbhūto arahā rāgādīnaṃ pamāṇakaradhammānaṃ accantameva atthaṃ gatattā atthaṅgato, tato eva sīlādidhammakkhandhapāripūriyā ca ‘‘ediso sīlena samādhinā paññāyā’’ti kenaci pamiṇituṃ asakkuṇeyyo pamāṇaṃ na eti, atha vā anupādisesanibbānasaṅkhātaṃ atthaṃ gato so arahā ‘‘imāya nāma gatiyā ṭhito, ediso ca nāmagottenā’’ti pamiṇituṃ asakkuṇeyyatāya pamāṇaṃ na eti na upagacchati. Tato eva amohayi maccurājaṃ, tena anubandhituṃ asakkuṇeyyoti vadāmīti anupādisesanibbānadhātuyāva desanaṃ niṭṭhāpesi. Iti imasmiṃ vagge paṭhamapañcamachaṭṭhesu vaṭṭaṃ kathitaṃ, dutiyasattamaaṭṭhamesu vivaṭṭaṃ, sesesu vaṭṭavivaṭṭaṃ kathitanti veditabbaṃ.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
д̣̇уд̇ияаваг̇г̇аван̣н̣анаа нидтид̇аа.
Dutiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 10. д̣̇уд̇ияарааг̇асуд̇д̇ам̣ • 10. Dutiyarāgasuttaṃ
