| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. दुतियरंसिसञ्ञकत्थेरअपदानं
6. Dutiyaraṃsisaññakattheraapadānaṃ
३५.
35.
‘‘पब्बते हिमवन्तम्हि, वाकचीरधरो अहं।
‘‘Pabbate himavantamhi, vākacīradharo ahaṃ;
चङ्कमञ्च समारूळ्हो, निसीदिं पाचिनामुखो॥
Caṅkamañca samārūḷho, nisīdiṃ pācināmukho.
३६.
36.
‘‘पब्बते सुगतं दिस्वा, फुस्सं झानरतं तदा।
‘‘Pabbate sugataṃ disvā, phussaṃ jhānarataṃ tadā;
अञ्जलिं पग्गहेत्वान, रंस्या चित्तं पसादयिं॥
Añjaliṃ paggahetvāna, raṃsyā cittaṃ pasādayiṃ.
३७.
37.
‘‘द्वेनवुते इतो कप्पे, यं सञ्ञमलभिं तदा।
‘‘Dvenavute ito kappe, yaṃ saññamalabhiṃ tadā;
दुग्गतिं नाभिजानामि, रंसिसञ्ञायिदं फलं॥
Duggatiṃ nābhijānāmi, raṃsisaññāyidaṃ phalaṃ.
३८.
38.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा रंसिसञ्ञको थेरो इमा गाथायो अभासित्थाति।
Itthaṃ sudaṃ āyasmā raṃsisaññako thero imā gāthāyo abhāsitthāti.
दुतियरंसिसञ्ञकत्थेरस्सापदानं छट्ठं।
Dutiyaraṃsisaññakattherassāpadānaṃ chaṭṭhaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ६. दुतियरंसिसञ्ञकत्थेरअपदानवण्णना • 6. Dutiyaraṃsisaññakattheraapadānavaṇṇanā
